ريهان الريح الشاذلي

Quote: انتي يا ريهان عاملة زي نواميس الكون ثابتة ومستمرة في حياتي مع كل التغيرات الحصلت والعمر المشى و الحتفال بيوم المراة العالمي ما هو الا احتفال بي صحبة, بي اخت ما ولدتة امك, بي شابة عندها كمية من المشاكل والمضايقات في مجتمع زي مجتمعنا لاكن لسة عندها نفس وروح تسمعك ولو ما قدرت تنصحك تكون موجودة حولك. في نظري ده هو العيد البستحق انو البنات يحتفلو بيه اكتر من فالنتين واعياد الميلاد, عيد المراءة يا ريهان كان احتفال بي سنوات صداقتنا,احتفال بي الظروف السمحة العرفتني بيك.

المقطع دة يا رجاء ما ناقصاهو غير خلفية موسيقى كمنجة
ربنا يديم صداقتكم الحقيقية

Quote: انا وريهان صحبات من بدري وخلال كل سنوات الصحبة البيناتنا ذكرياتي عنها كلها جميلة حتى الما جميل. اتخيلو زول بدون كلل ولا ملل يحبك ويهتمه بيك اذا كنتة سمح ولا شين, واعي ولا بتتبالد, مبتئس, مكتئب, موجود, بعيد.

صداقة لي الله..بدون مصلحة أو غرض..
محبتي
لنا

Quote: الجماعة البقروا في البوست ما حيرضو يغيروا كلمات اللغة عشان رفضنا طلباتم بس ما تشتغلي بيهم حتكون كلمت ريهان دي كود بيني وبينك زي كل الكودات المرت علينا وقوت صداقتنا

Quote: وختاما فقد تقرر تغير قواعد واصول اللغة بحيث انو كل الكلمات الجميلة تبقي انتي مدللولة. يعني لمن نشوف بت سمحة نقول "عاينو البت الريهاتية دي " ولمن نشوف زول فاهم وواعي واخلقو عالية نقول ايوا ده زول ريهاني ..... يعني يا ريهان من الخر كدة انتي ريهانية خااااااالص

Quote: انا وريهان صحبات من بدري وخلال كل سنوات الصحبة البيناتنا ذكرياتي عنها كلها جميلة حتى الما جميل. اتخيلو زول بدون كلل ولا ملل يحبك ويهتمه بيك اذا كنتة سمح ولا شين, واعي ولا بتتبالد, مبتئس, مكتئب, موجود, بعيد. انتي يا ريهان عاملة زي نواميس الكون ثابتة ومستمرة في حياتي مع كل التغيرات الحصلت والعمر المشى و الحتفال بيوم المراة العالمي ما هو الا احتفال بي صحبة, بي اخت ما ولدتة امك, بي شابة عندها كمية من المشاكل والمضايقات في مجتمع زي مجتمعنا لاكن لسة عندها نفس وروح تسمعك ولو ما قدرت تنصحك تكون موجودة حولك. في نظري ده هو العيد البستحق انو البنات يحتفلو بيه اكتر من فالنتين واعياد الميلاد, عيد المراءة يا ريهان كان احتفال بي سنوات صداقتنا,احتفال بي الظروف السمحة العرفتني بيك.

Quote: واما بقية الشباب والشابات الى ليقو ليهم فرقة كدة بالجنبة وقاعدييييييين ( الكلام دة ليك يا ناديا السر ويا حد الزين ويا .......الخ) انا قاعدة احفر ليكم وناويا ليكم نية ماااااااا ياها

حقيقى سعيييييييدة و فخورة لاقتران اسمى بصداقة سرمدية ريهانية تجمعنا انا و انت و بت الشاذلى!


و تانى صباحاتنا فل و *ريهان !



*طبعا قصدى ريحان

Quote: يعني بي صراحة كدة وبي منتهى الشفعنة والعوارة الزولة دي صحبتي وممنوع الاقتراب والتصوير

Quote: اااه يا كيبورد في ناس كده في الدنيا لمن تجي تقول فيهم كلام تحتاج الي روح قدس ومقدرة عالية علي امتصاص التداعيات التي يرسلها وهجهم العالي.... ريهان الريح زولة من رحيق ونبض بلادي وقلبها الطيب مساحاته قادرة علي التمدد في كل مساحات المليون ميل مربع... لريهان التحايا والتقدير وسعيدين كوننا عشنا عصر صداقتنا لريهان الريح الشاذلي وبرضو نقول (سمح) ياريهان.!!! وشكرا يا رجاء علي هذا الوفاء النبيل لصديقتك الرائعة ريهان