|
|
 حتى فى التصنيف حقكم الوهمى دا ياهلالاب قربنا نحصلكم !!
|
اقترب المريخ من نادي الـ100 في التصنيف الذي يعده الاتحاد الدولي لتاريخ واحصاء كرة القدم وقفز الي المركز 107 علي مستوي العالم والسادس علي مستوي افريقيا والخامس عربيا بعد ان كان في المركز 120 الشهر الماضي . بينما تراجع الهلال الي المركز 95في تصنيف شهر مارس بعد ان كان في المركز 89 الشهر الماضي لكنه حافظ علي ترتيبه العربي في المركز الثالث والافريقي في المركز الرابع وجاء ترتيب افضل اندية علي مستوي افريقيا علي النحو التالي :
- 1-النجم الساحلي التونسي
2- الاهلي المصري
3- القطن الكاميروني
4- الهلال السوداني
5- الاتحاد الليبي
6- المريخ السوداني
7- اسيك ابيدجان العاجي
8- الزمالك المصري
9- صن داونز الجنوب افريقي
10- الاسماعيلي المصري
11- الصفاقسي التونسي
12- استر دوالا الكاميروني
13- الجيش المغربي
|
|
 
|
|
|
|
|
|
|
|
Re: حتى فى التصنيف حقكم الوهمى دا ياهلالاب قربنا نحصلكم !! (Re: على محمد على بشير)
|
يا ابو علوة :
ياخ مسعول من الخير عايز اسألك سوعال كده ممكن ؟؟
كدي من بداية 2008 دي لحدي أسة وريني الفرق شنو بين الهلال والمريخ في نتائج المباريات ؟؟؟
لعبنا في الدوري الممتاز سيم سيم صديق (حي الله عندنا مباراة مؤجلة) وبعد كده اهدافنا قريبة ليكم والعلينا كمان زيكم ..
لعبنا في بطولة الأندية الأبطال بينما تلعبون في بطولة الوصيفاب وبالرغم من كده الفريقين فازوا ..
يعني برضو سيم سيم صديق ..
صعود المريخ مراكز وهبوط الهلال مراكز ممكن يكون سببو إنو فرق تانية لعبت كتير فتقدمت مراكز (كانت تنافس الهلال)
بينما الفرق التي كانت تنافس المريخ فهبط مستواها ونتائجها فتقدم المريخ ..
عليه اتوقع أن تقدم المريخ بسبب ضعف الفرق القريبة منه بينما تراجع الهلال بسبب إرتفاع مستوى ونتائج الفرق القريبة منه ..
لأنو بي صراحة وبي المنطق والنتائج سبب واحد يخلّي المريخ يتقدم مراكز والهلال يتراجع مراكز وهو لاعبين نفس عدد المباريات داخلياً وخارجياً وبيحقووا نفس النتائج مع العلم إنو الهلال يلعب في بطولة تصنيفها الأقوى خارجياً ..
| |
|
|
|
|
|
|
|
|
|
Re: حتى فى التصنيف حقكم الوهمى دا ياهلالاب قربنا نحصلكم !! (Re: عمر الفاروق)
|
Quote: يا ابو علوة :
ياخ مسعول من الخير عايز اسألك سوعال كده ممكن ؟؟
كدي من بداية 2008 دي لحدي أسة وريني الفرق شنو بين الهلال والمريخ في نتائج المباريات ؟؟؟
لعبنا في الدوري الممتاز سيم سيم صديق (حي الله عندنا مباراة مؤجلة) وبعد كده اهدافنا قريبة ليكم والعلينا كمان زيكم ..
لعبنا في بطولة الأندية الأبطال بينما تلعبون في بطولة الوصيفاب وبالرغم من كده الفريقين فازوا ..
يعني برضو سيم سيم صديق ..
صعود المريخ مراكز وهبوط الهلال مراكز ممكن يكون سببو إنو فرق تانية لعبت كتير فتقدمت مراكز (كانت تنافس الهلال)
بينما الفرق التي كانت تنافس المريخ فهبط مستواها ونتائجها فتقدم المريخ ..
عليه اتوقع أن تقدم المريخ بسبب ضعف الفرق القريبة منه بينما تراجع الهلال بسبب إرتفاع مستوى ونتائج الفرق القريبة منه ..
لأنو بي صراحة وبي المنطق والنتائج سبب واحد يخلّي المريخ يتقدم مراكز والهلال يتراجع مراكز وهو لاعبين نفس عدد المباريات داخلياً وخارجياً وبيحقووا نفس النتائج مع العلم إنو الهلال يلعب في بطولة تصنيفها الأقوى خارجياً .. |
مانحنا قلنا ليكم كدا ياعمر
قلتوا لينا اطلعوا من البلد
قلنا ليكم من الاول التصنيف دا ضارب وبيخر المويه
قلتوا لا
دا هو الانجاز حقنا وما تضايقونا فيهو
اسع اول ما جينا نطرشقه ليكم فى راسكم
بقى فى تراجع وفرق قويه وفرق ضعيفه وشنو كدا ما عارف
ياخ والله حيرتونا عديل كدا
ياخ جيبوا ليكم كاس خارجى وريحونا
وريحوا نفسكم .. سمح 
| |
|
|
|
|
|
|
|
|
|
Re: حتى فى التصنيف حقكم الوهمى دا ياهلالاب قربنا نحصلكم !! (Re: على محمد على بشير)
|
Quote: مانحنا قلنا ليكم كدا ياعمر
قلتوا لينا اطلعوا من البلد
قلنا ليكم من الاول التصنيف دا ضارب وبيخر المويه
قلتوا لا
دا هو الانجاز حقنا وما تضايقونا فيهو
اسع اول ما جينا نطرشقه ليكم فى راسكم
بقى فى تراجع وفرق قويه وفرق ضعيفه وشنو كدا ما عارف
ياخ والله حيرتونا عديل كدا |
كلام زي الورد يا أبو علوة والله .. زمان قلنا دا
تصنيف فشنك البجيب ناس الهند قدام ناس السند ..
بس عايز أضيف ليك حاجة :
الهلالاب نسوا ضبحة ايداهور الودتهم الخور ..
شفت ضبحة ايداهور دي قطع شك دخلت في التصنيف
الغريب والعجيب وخلت الجماعة يمشوا الخور ..
وقبلها طانت ضبحة الشرميطي ..
Quote: ياخ جيبوا ليكم كاس خارجى وريحونا
وريحوا نفسكم .. سمح |
دي بالغت فيها عدييل .. دا المستحيل يا صاحبي ..
يجيبوا الكأس كيف ومدربهم مساعدمدرب وكابتنهم مدرب ؟؟
هم لمن لاعبوا بالرياضيات وجعلوا 2= 12 ما جابوه
يجيبوه هسع ؟؟
ما سمح ...
| |
|
|
|
|
|
|
|
|
|
Re: حتى فى التصنيف حقكم الوهمى دا ياهلالاب قربنا نحصلكم !! (Re: على محمد على بشير)
|
Quote: قلنا ليكم من الاول التصنيف دا ضارب وبيخر المويه
قلتوا لا |
يا أبو علوة ياخ حرام عليك ..
ما تقولني كلام انا ما قلتو..
انا ما قلت ليك التصنيف فطيس ولا قلت ليك ضارب انا كل القلتو ليك إنو السبب في تراجع الهلال ليس نتائجه بل بسبب نتائج فرق اخرى كانت قريبة منه ..
وسبب تقدم المريخ ليس نتائجه بل بسبب تقهقر نتائج الفرق القريبة منه في التصنيف ..
والسبب لأنو انا إستشعرت من كلامك إنو سبب قرب المريخ من الهلال وكأنه المريخ حالياً يقدم نتائج أفضل من الهلال ..
بالمناسبة التصنيف ده إنتو ما قلتو ضارب وفرحانين بيهو أكتر مننا وساكّين بيهو العجب هداف عاملي وووو
| |
|
|
|
|
|
|
|
|
|
Re: حتى فى التصنيف حقكم الوهمى دا ياهلالاب قربنا نحصلكم !! (Re: عمر الفاروق)
|
| Quote: وسبب تقدم المريخ ليس نتائجه بل بسبب تقهقر نتائج الفرق القريبة منه في التصنيف .. |
بذت المنطق التعبان :
سبب تقدم الهلال سابقا قهقهر نتائج الفرق الأخرى ..
وتقهقر اليوم عندما قدمت الفرق الأفضل ..
والتقهقر والتقدم نتاج طبيعي لنتائج الفرق الأخرى ..
| Quote: والسبب لأنو انا إستشعرت من كلامك إنو سبب قرب المريخ من الهلال وكأنه المريخ حالياً يقدم نتائج أفضل من الهلال .. |
الهلال طار من دوري الأربعة والمريخ وصل النهائي ..
وفي ديسمبر انهزم الهلال وانتصر المريخ ..
آخر هزيمة للمريخ رسميةا كانت مع الصفاقص شهر 11 تقريبا ..
الهلال اتهزم في ديسمبر من المريخ ..
كيف ما يكون نتائج المريخ أفضل ؟؟
| Quote: بالمناسبة التصنيف ده إنتو ما قلتو ضارب وفرحانين بيهو أكتر مننا وساكّين بيهو العجب هداف عاملي وووو |
لأن هنا المقياس بسيط جدا وغير معقد ، عدد أهداف يحرزها لاعب
في بطولات قارية وعالية .. دي أنا بحسبها لو فضيت ليها ..
لكن المشكلة في التصنيف الغريب البجيب شلسي قدام كل أندية
العالم وهو في انجلترا ما الأول وأوربيا معاهو 8 فرق !!!
| |
|
|
|
|
|
|
|
|
|
Re: حتى فى التصنيف حقكم الوهمى دا ياهلالاب قربنا نحصلكم !! (Re: DKEEN)
|
كدي حصولنا اول حاجة حتي تجو تتفاصحو في بوستاتكم دي
اقول ليكم حاجة كدي العبو في بطولة الأبطال بس.
مرة وااااحدة بس النشوف عجبكم دا بتفسح في منو.
غايتو السنة دي الله جاب ليكم ناس النجم والترجي تحت وكت غلبكم تطلعو ليهم.
أركزو وورونا نحن قاعدييييين النشوف آخرتا.
وكان غلبتكم بنشارطكم علي الممتاز قصرنا معكم؟
الفُورة مليون.
| |
|
|
|
|
|
|
| |
على محمد على بشير
طلحة عبدالله
عمر الفاروق
حسين يوسف احمد
Elsamani A.Malik
فيس بوك
تويتر
انستقرام
يوتيوب
بنتيريست