|
|
 آآآآآآآآآآه..يا بت والله حكاية..
|
كان الليل نعسان للغاية
قام اتوضا..واستنيناك..
ما صلينا الفرض كفاية
جفّ..وضونا..
حنينا اتململ
وقام اتنفل
شوق..جوايا
ثم احترت !!!!
ايه البربط بيني وبينك ؟؟
وطهر السجدة..؟؟
آه يا بت والله حكاية
* * * *
يا جايبه معاك دموع المطره
وحزن الغيم البحي الثمرة
وفرح العيد والخير والوفرة
شدي عليك... احلامي وخطوك
وامشي علي اضعاف..اضعاف
بي سرعة نبضك
قبل شروق السكة الخطره
* * * *
وآه يا بت... والله حكاية
وآه يا جاية..
من طيات الوعد الطول
هاكي الماضي..
هاكي الحاضر..
والمستــقبل
وكل الجاي من عمر بعيشو..
عشانك اول
ولو ما كافي !!
هاتي العندك..
كل العندي مداد وقوافي
ولو ما كافي !!
كيف ارضيك ؟؟
من وين يا بنية
الم اشتات الحلم المافي
* * * *
بس بعفيك بي قلب جريح
وحس مكسور في جوه الخاطر
وحزن فســــيح
جايبو القدر الما بستأذن
لا بحتاج في يوم تصريح
دحين يا بنية..
تعالي اوادعك..
وببقى رماد تزريهو الريح.
|
|
 
|
|
|
|
|
|
|
 Re: آآآآآآآآآآه..يا بت والله حكاية.. (Re: mohmed khalail)
|
كان الليل نعسان للغاية
قام اتوضا..واستنيناك..
ما صلينا الفرض كفاية
جفّ..وضونا..
حنينا اتململ
وقام اتنفل
شوق..جوايا
ثم احترت !!!!
ايه البربط بيني وبينك ؟؟
وطهر السجدة..؟؟
آه يا بت والله حكاية
* * * *
يا جايبه معاك دموع المطره
وحزن الغيم البحي الثمرة
وفرح العيد والخير والوفرة
شدي عليك... احلامي وخطوك
وامشي علي اضعاف..اضعاف
بي سرعة نبضك
قبل شروق السكة الخطره
* * * *
وآه يا بت... والله حكاية
وآه يا جاية..
من طيات الوعد الطول
هاكي الماضي..
هاكي الحاضر..
والمستــقبل
وكل الجاي من عمر بعيشو..
عشانك اول
ولو ما كافي !!
هاتي العندك..
كل العندي مداد وقوافي
ولو ما كافي !!
كيف ارضيك ؟؟
من وين يا بنية
الم اشتات الحلم المافي
* * * *
بس بعفيك بي قلب جريح
وحس مكسور في جوه الخاطر
وحزن فســــيح
جايبو القدر الما بستأذن
لا بحتاج في يوم تصريح
دحين يا بنية..
تعالي اوادعك..
وببقى رماد تزريهو الريح.
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: أبوذر بابكر)
|
اييييييييه والله زمان..يا اباذر
كيفنك ..ياخ
ما عارف ودرتك ولا انا الرايح لي زمن..لكن..
تبقى انت ياكا انت ونضميك السمح بزداد سماح
Quote: نضمى معطر بالضوء ومجرتق بى دهب الشعر الزاهى
|
بس سطر زي ده بساوي اطنان من القصيدة البوصفها..
شكرا يا صاحب الحرف الزاهي
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
أصلو الليل ماشافلو منام
من يوم أحلامك مرقت ماشية
لاصلينا اللُّقيا معاك
لاصلواتك قدلت جايّة
مااتوضينا يقينك فيك
اتيممت الشك..جوايا
ماتحتار في البِربط بينا
شيل الشوق والفكرة معايا
أبدا الريد من زولاً رادك
غير مايشوف لي دربو نهاية
واصل فيك..ومشى احساسك
عاشك شهقة في كل رواية
فصولك..شوق وسؤال ممدود
جوابك شلتو معايَّ حكاية
مامليت أحكيك للقمرة
وانت تزيد في البعد أذايا
أنا بيساسق ليلي..نهاري
وانت الليل لبستو عباية
شلت احلامي الفاتت بدري
شلت شروق أحلامي الجاية.
قلبي مسامحك وراضي الفُرقة
لو يرضيك ..زيدو..شقايا.
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: تماضر الخنساء حمزه)
|
Quote: أصلو الليل ماشافلو منام
من يوم أحلامك مرقت ماشية
لاصلينا اللُّقيا معاك
لاصلواتك قدلت جايّة
مااتوضينا يقينك فيك
اتيممت الشك..جوايا
ماتحتار في البِربط بينا
شيل الشوق والفكرة معايا
أبدا الريد من زولاً رادك
غير مايشوف لي دربو نهاية
واصل فيك..ومشى احساسك
عاشك شهقة في كل رواية
فصولك..شوق وسؤال ممدود
جوابك شلتو معايَّ حكاية
مامليت أحكيك للقمرة
وانت تزيد في البعد أذايا
أنا بيساسق ليلي..نهاري
وانت الليل لبستو عباية
شلت احلامي الفاتت بدري
شلت شروق أحلامي الجاية.
قلبي مسامحك وراضي الفُرقة
لو يرضيك ..زيدو..شقايا. |
الزولة المرهفة/تماضر..
اجمل ما رأيته هذا الصباح هذا الرد القوي والجميل..
بميزتك دايما عن الاخرين سرعة البديهة..والمجادعة الجزلة..
وحأستمر معاك في الحوار...
جاييك يا رائعة..
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: Kabar)
|
Quote: احساس..و الحس قليل.. يا محمد خليل..
اها دي .. اسمها شفاية الكلام بنبض الرملة..و خرز الحنين المارق من جوه الداخل..
ايوه الشفاية الواحدة دي (اوعك تمشى تسأل منها حمدان ولا بريمة)..
|
ولد ابا كبر..
ماك طيب !!!
شفاية (ام جبدي) لبرش مبدي ما متموم..
تعرف يا كبر ..الوالدة الله يديها العافية ورغم هجرتها للخرطوم المبكرة لا زالت تحتفظ بالبخسة..
وتشفي البروش..وتوزعها هدايا للاصدقاء والاقارب..
(بنسأل حمدان وبريمه) في الغريق.
عجبني جدا مزجك الفريد للدارجة الموغلة في الدارجية والفصحى..
شكرا ولد ابا..
نورت الضرا..
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: Muna Khugali)
|
Quote: أكيد طهر القلب وطهر السجدة..
قلت امكن مقلب زي بوست ابريل..
دخلت هناك واتغظت وقلت والله ما أكتب |
الغالية/
مني خوجلي
ما هو لو ما الغيظة دي بتطلع كذبة ابريل فشنك
بعدين حقيقة لو دخلتي شوية جوه البوست حتلاقي معلومات قيمة عن كذبة ابريل كيف ووين ومتين بدت
وكده..
ما اطهر قلبك وما اصفى نفسك..
تسلمي
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
قالت تماضر:
Quote: أصلو الليل ماشافلو منام
من يوم أحلامك مرقت ماشية
لاصلينا اللُّقيا معاك
لاصلواتك قدلت جايّة
مااتوضينا يقينك فيك
اتيممت الشك..جوايا
ماتحتار في البِربط بينا
شيل الشوق والفكرة معايا
أبدا الريد من زولاً رادك
غير مايشوف لي دربو نهاية
واصل فيك..ومشى احساسك
عاشك شهقة في كل رواية
فصولك..شوق وسؤال ممدود
جوابك شلتو معايَّ حكاية
مامليت أحكيك للقمرة
وانت تزيد في البعد أذايا
أنا بيساسق ليلي..نهاري
وانت الليل لبستو عباية
شلت احلامي الفاتت بدري
شلت شروق أحلامي الجاية.
قلبي مسامحك وراضي الفُرقة
لو يرضيك ..زيدو..شقايا. |
وبقول ليها:
لو بالجد بتحاكي القمره
عن البعد الفيهو ازايا
او ساساق شايلاهو نهارك
زي ما قلتي وليلي عباية
ما بتسامحي عشان احلامك
لا بتزايدي على الجوايا
لا بتتأخري في خطواتك
لا بتتقدّري في دنيايا
بس يا ريت لو ساهل عندك
زي الكلمة..تكوني معايا
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
ــــــــــــ
الليل شاري عيون السُقُد
بعقد مُوَثق رباطو
الشوق جواي مافِتِر نقاطو
القمر تيراب نرمي لي حباتو
السماء إتلاقط سوادُو حدادو
فرش علي الواطه لحفاتو
شِن بندور في الدنيا غير رِضاهو
نهج ونحج لي بيتو
ونرمي لي جمراتو
نعرج لي قبرالرسول وحاتو
اه اه اه
هَبْاًهبايب طرني العزلو وفاتو
جفل الفكر وإتبعجن نوباتو
والخاطر ضمر ضِرعاتو
وإتشرشرن حجباتو
ريدي للبنيه جوه من تولاتو
زااد علي القليب وجعاتو
قبل الفجر يعلِب نيرانو
ويعجن طحين لقيماتو
بختُر بي مراحي لي دارو
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: emad altaib)
|
Quote: الليل شاري عيون السُقُد
بعقد مُوَثق رباطو
الشوق جواي مافِتِر نقاطو
القمر تيراب نرمي لي حباتو
السماء إتلاقط سوادُو حدادو
فرش علي الواطه لحفاتو
شِن بندور في الدنيا غير رِضاهو
نهج ونحج لي بيتو
ونرمي لي جمراتو
نعرج لي قبرالرسول وحاتو
اه اه اه
هَبْاًهبايب طرني العزلو وفاتو
جفل الفكر وإتبعجن نوباتو
والخاطر ضمر ضِرعاتو
وإتشرشرن حجباتو
ريدي للبنيه جوه من تولاتو
زااد علي القليب وجعاتو
قبل الفجر يعلِب نيرانو
ويعجن طحين لقيماتو
بختُر بي مراحي لي دارو
|
جميلة النمة يا عمدة..
كتر وزيد..
وهات من فيض الحكي الغريد
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
Quote: لو بالجد بتحاكي القمره
عن البعد الفيهو ازايا
او ساساق شايلاهو نهارك
زي ما قلتي وليلي عباية
ما بتسامحي عشان احلامك
لا بتزايدي على الجوايا
لا بتتأخري في خطواتك
لا بتتقدّري في دنيايا
بس يا ريت لو ساهل عندك
زي الكلمة..تكوني معايا |
وهل محتاج أديك يقيني؟
وانت الشك أهديتو هوايا
ممكن تسأل برضو..القمرة
عن أحلامك انت معايا
بدري سؤالك منّي ..بيفرِق
أسي سؤالك..سببو..أذايا
ماأديتك ليل الغربة..
أناأديتك وريد جوّايا
ماسكنتك بلد الهم
أنا سكنتك جوّة رِضايا
قلبي مسامحك وأنت بتعرف..
قلبي موالف في دنيايا
كل مايوم أكلّم طِيبتو..
ليه بتزيدي..عليّ..شقايا
أريت القسوة تزورك مرّة
تقسى على الأحلام الجاية.
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: تماضر الخنساء حمزه)
|
Quote: وهل محتاج أديك يقيني؟
وانت الشك أهديتو هوايا
ممكن تسأل برضو..القمرة
عن أحلامك انت معايا
بدري سؤالك منّي ..بيفرِق
أسي سؤالك..سببو..أذايا
ماأديتك ليل الغربة..
أناأديتك وريد جوّايا
ماسكنتك بلد الهم
أنا سكنتك جوّة رِضايا
قلبي مسامحك وأنت بتعرف..
قلبي موالف في دنيايا
كل مايوم أكلّم طِيبتو..
ليه بتزيدي..عليّ..شقايا
أريت القسوة تزورك مرّة
تقسى على الأحلام الجاية. |
تماضر انت رائعة...
جاييك راجع..
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
| Quote: آآآآآآآآآآه..يا بت والله حكاية.. |
محمد خليل
أنا كنت قايل
الرؤية بالأذن
والنطق بالعين
وحكايات تقاطع الحواس دي
كلام بلاغة ساكت
لحدي ما سمعت ( وليس قرأت ) عنوانك دا
العنوان ناطق يا محمد خليل
وكأنه يهمس ليك في أذنك ويحدثك وحدك فى لحظة تجلي
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
دحين يا بنية..
تعالي اوادعك..
وببقى رماد تزريهو الريح.
كان العشم انه القصة تدوم وتدوم
ما للريح فيها مكانة
او تبريح او تجريح
ليه دايما احزانا كتيرة ؟
وليه الريد بشيلو الريح ؟
ياود يا زاد اليوم الجاى
معاك فى الغيم معاك فى الريح
وباكر احلى
باكر اجمل
باكر نمشى نهد الريح
ونمشى الجاى بخطوة قلب
بانى الامل الجاى بدون تصريح
اصلو الريد اللمة اتنين
ما بتقبل قول المافى
ولا بطويهو جناح الريح
دى نجرتها هسى لانك زعلتنى بالقفلة بتاعة القصيدة السمحة
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
Quote: وهل محتاج أديك يقيني؟
وانت الشك أهديتو هوايا
ممكن تسأل برضو..القمرة
عن أحلامك انت معايا
بدري سؤالك منّي ..بيفرِق
أسي سؤالك..سببو..أذايا
ماأديتك ليل الغربة..
أناأديتك وريد جوّايا
ماسكنتك بلد الهم
أنا سكنتك جوّة رِضايا
قلبي مسامحك وأنت بتعرف..
قلبي موالف في دنيايا
كل مايوم أكلّم طِيبتو..
ليه بتزيدي..عليّ..شقايا
أريت القسوة تزورك مرّة
تقسى على الأحلام الجاية. |
ما بحتاج تديني يقينك
انا محتاج يا بنية حنينك
لا بستفسر عنك قمره
لا الاحلام البيني وبينك
وايه راح يفرق لو بتعاتب
زهرة..فراشة..وحياة دينك
| |
|
|
|
|
|
|
|
|
 Re: آآآآآآآآآآه..يا بت والله حكاية.. (Re: mohmed khalail)
|
Quote: وما تتخيل اسم القصيدة دي بالذات اخد مني كم يوم عشان ارسى عليه..
والحمد الله طمأنتني على حسن اختيار الاسم وخاصة والشهادة ممن يُعتد برأيه.. |
شكراً مرتين
الأولي إنو رأي فى العنوان كان صاح وإنو مميز جداً
والتانية علي كلامك الأخير
القصيدة من عنوانها باينة جميلة جدا وأكدت إنت علي جمالها
بإنو العنوان طالع منها ومن وحيها وإنو كان آخر حاجة
أنا كان قايلك مرهف كدا ما كان عصرت عليك زمااان
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: emad altaib)
|
Quote: غربية إنك ..تشكي عاجبني سنك ..
اقطع دابر شك ريدي ليك ..
باليقين عين الشمس ..امشي وأجيك ..
والقمره ضوها حُلمي ..فايض عليك ..
قلبي يهفهف .. يراري في وجنتيك ..
كل يومِ بعدي ..مكحل من بريق عينك ..
لونك اختياري التُراب مجرتق خضار..
من تالاي انا ضميري معذّب ما محتار..
خدودك نُضار بس ياخساره السؤال من..
راسي شرّق وطار..
لكن ممكن استفسار..!!
يلا نسافر بالفرح الجوه الغار..
نقطع بحر الريد بجناح طيار..
لدنياجديده لا عوارض ولا منشار..
:
:
نجر اليوم |
ده ما نجر يا عمده..
ده نقش فنان مرهف الاحساس
جاييك راجع
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
| Quote: أنا كان قايلك مرهف كدا ما كان عصرت عليك زمااان |
ويييين نحن ورهافة الحس..فارقناها فراق الطريفي لي جملو..
من يوم خروجنا من السودان..
لكن ..بنبحت..ونشوت يمين شمال..في مرمى القصيد..مرات بتصدق ومرات تمشي المدرجات
ينطيك العافية..
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
ـــــــــ
:
يالمحكره.. جُواي .. نَص
أفتِش ليك العُنْكُلِيب فص فص..
افتش عنك .. في ذاتيِ ..دنّك ..
كونيِ أحبك ..إنك جِنِي جِنِك ..
أي ريِحٍ تفصلني وتسنيني مِنْك ..
الغربه اهٍ اهٍ بُعُد المسافه عنك ..
ارضعيني من طيف حنانكِ ..
خليكي واقفه في مكانكِ ..
جاايِكِ طاير.. جاي ليكِ ..
ضلوعي شاتله حنة ايِدِكِ ..
بالفرحة ذااتها مُشتهيِكِ..
عطرالاماني الفااايحة بيكِ..
اعاين فيكِ ومن جديد ابتديكِ ..
روحي هدية طايعة بين ايديك ..
انتي ليه وانا ليكِِ..
بعتزّ بيك وبحتويكِ..
في الختام سلامي ليكِ ..
يلامس قليبك ويسكن فيكِ..
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: emad altaib)
|
Quote: يالمحكره.. جُواي .. نَص
أفتِش ليك العُنْكُلِيب فص فص..
افتش عنك .. في ذاتيِ ..دنّك ..
كونيِ أحبك ..إنك جِنِي جِنِك ..
أي ريِحٍ تفصلني وتسنيني مِنْك ..
الغربه اهٍ اهٍ بُعُد المسافه عنك ..
ارضعيني من طيف حنانكِ ..
خليكي واقفه في مكانكِ ..
جاايِكِ طاير.. جاي ليكِ ..
ضلوعي شاتله حنة ايِدِكِ ..
بالفرحة ذااتها مُشتهيِكِ..
عطرالاماني الفااايحة بيكِ..
اعاين فيكِ ومن جديد ابتديكِ ..
روحي هدية طايعة بين ايديك ..
انتي ليه وانا ليكِِ..
بعتزّ بيك وبحتويكِ..
في الختام سلامي ليكِ ..
يلامس قليبك ويسكن فيكِ.. |
عمدة ..
صباحاتك كما مساءاتك..
فرايحية..
كيف الحال حضورك دوما يسعدي
شكرا يا رائع
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: emad altaib)
|
Quote: احساسك.جميل
حُبك....نبيل
قلبك...أصيل
لجنتي...دخل
عرشي...ظليل
وخدي...أسيل
وخدي...أسيل
وخدي...أسيل
|
إليك اميل
صباحي مسائي
ليبقى الدليل
بأني مشيتك
درباً طويل
وأني عشقتك
عشقا نبيل
وأني اتخذتك لي ملجأً
وظلاً ظليل
نجرة مرتدة يا عمدة
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
اخي محمد خليل
قولك جميل واصيل ، وردة وسط الأشواك تميل ، يجيها في الصباح نسائم الجو العليل ، محتاجين مرة مرة كلماتك واشعارك أنت والعقد الفريد الذين تجاوبوا معك شعرا ، وكلمات منتقاة ، ترتاح فيه القلوب من عناء الشد والجذب
بارك الله فيكم جميعا
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
وبرضو صبرت وقلت اكونك
ولما الزمن البينا اتمدد
بين اشواقي وصمت عيونك
بدت اللهفة تذوب في سكونك
شلت خطاي واحلامي الجاتك
وعدت وحيد يا غالية بدونك
كيف فاتنى الاشراق ده كله !!!
صباحك نور شاعرنا محمد وروعة حرفك والله حكاية
شكرا للصباح الجميل وتسلم مشاعرك
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: هند محمد)
|
Quote: وبرضو صبرت وقلت اكونك
ولما الزمن البينا اتمدد
بين اشواقي وصمت عيونك
بدت اللهفة تذوب في سكونك
شلت خطاي واحلامي الجاتك
وعدت وحيد يا غالية بدونك
كيف فاتنى الاشراق ده كله !!!
صباحك نور شاعرنا محمد وروعة حرفك والله حكاية
شكرا للصباح الجميل وتسلم مشاعرك |
فراشة المنبر ودرته
هندويه
سلامات يا غالية
يبهجني حضورك كيفما يبهجني شعرك الجميل
شكرا على كليهما
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
قال صديقي الدكتور مجاهد علي
لعله يخاطب بنته الحكاية:
نداك..صباك يا نرجسة
غطاك جمال..بهر العيون
ميلي ..بنميل
مياسة يا روح الغصون
سحرك فنون..
لطفك ثمر..
خيرك بيارق مدرسة
لكن يمين خاطري انكسر
بعدت خطاك يا نرجسة
وبقيتي ابعد من زحل
ساب العيون همسك رحل
شداني طيفك وانعسه
وسألت في الليل يانجوم..
يا نجوم بتزول غيوم
والفرقة تهوي متارسه؟
قالت لي اشتل يا حزين
الصبر بذره واغرسه
وفضلت رجّاي يا سنين
لو فرحت تنبت في جواي
لا قادر انساك يا مناي..
وبفضل غناي
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: emad altaib)
|
اخي الحبيب عماد
يا سلام عليك يا زول يا رائع..
Quote: الكل يأخذ حقو لا ضغائين لاعنصرية
دولةقانون وخدمةمدنية ووحدة طوعية |
من اجمل ما قريت اليومين ديل ..
خصوصا والبورد الفترة الاخيرة حالته صعبه..
شكرا يا راقي على الورد الجميل من الانسان الاجمل
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
Quote: يا بت آهـٍ حكاية العرضة والنقزة
مسافة السكة السهله طلوع النخلة
القُبلةعلي الشامةالزهرة في التربة
نيلٌ رحط السمحة شبال علي القمحة
القدلة والضحكة عِزّ تطلوع القمرة
نلف الفرحة فِركةوصباحناهوالفكرة
شمسنا ما شحيحة تغني مع القمرية
الحب عمق النية والزخم إستمرارية
درس عصر يا بنية شتله وسمسمية
يلا يلا يلا نرددالمواني والمراكبية
الحلم والامنية بطانية وحجربطارية
نومةهنيئة وجلسةسعيدة روحهاأسرية
لآلامناواحزانا وهمومنانفتح صيدلية
الكل يأخذ حقو لا ضغائين لاعنصرية
دولةقانون وخدمةمدنية ووحدة طوعية
|
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: mohmed khalail)
|
كغيمة تشق مسام الضهب
لتورق برقا ووعد....
أحرفك...
أكف عشق ترفع عقائر البشارات
على أهداب الحلم فيضج النتح
على رمل العروق....
ياله من ( سفر)
( خلانى أشتاق للسفر)!!!...
لو ما بشوفك في المنام
ما نمت مدة ما حييت
ولو ما عشم لقياك صباح
من نومي ابداً ما صحيت .....
| |
|
|
|
|
|
|
|
|
|
Re: آآآآآآآآآآه..يا بت والله حكاية.. (Re: فى حافة الغياب)
|
Quote:
كغيمة تشق مسام الضهب
لتورق برقا ووعد....
أحرفك...
أكف عشق ترفع عقائر البشارات
على أهداب الحلم فيضج النتح
على رمل العروق....
ياله من ( سفر)
( خلانى أشتاق للسفر)!!!...
لو ما بشوفك في المنام
ما نمت مدة ما حييت
ولو ما عشم لقياك صباح
من نومي ابداً ما صحيت .....
|
في حافة الغياب....
يا له من أسم ..ويا لها من كتابة
من انت أيها الجميل؟؟؟
بل فقط !!!أين انت من الكتابة على المنبر؟؟؟
ولماذا كل هذا الشح في الحضور وانت تملك كل هذا المداد السلس..
فأرجو الا تغيب مرة اخرى حتى لا يغطي غيابك حضور الاخرين..
لا ادري ولكن أحساسي يقول
بأننا على معرفة وثيقة جدا
وحدثي لا يكذب ابدا..
لك كل ما تتمنى
| |
|
|
|
|
|
|
| |
mohmed khalail
هاشم أحمد خلف الله
نها محسن أبورأس
أبوذر بابكر
Kabar
Muna Khugali
emad altaib
Fadl Karrar
سلمى الشيخ سلامة
Saifeldin Gibreel
salma subhi
منزول محمد توفيق
noon
هند محمد
فيس بوك
تويتر
انستقرام
يوتيوب
بنتيريست