|
|
 الستاذ / السنى دفع الله ر ائد المسرح الأول هل أصلح أن أكون كاتب مسرحى !!
|
المشهد :
شجرة كبيرة وظليلة تتكئ على جزعها عصاتين غليظتين مجموعة من الرجال
على الجانب اليمين من الظل متلمين يلعبون ( ضالة ) أصواتهم عالية أحدهم:أطعنه هنى
موشرا لموقع الطعن التانى : ( رج ) ويرمى الحجر جانبا.. على مسافة منهم حلوم ست الشاي
بالهبابة ترهب النار ..أبناؤها محمد جالس يعمل جاهدا فى لعبة سيارة سلوك وسيدة تملأ جردل
بالماء من الصفيحة التى بقربها.. والسير الجارف من السيارات على جانبى الطريق لا ينقطع أبدا
فى هذه الأثناء مجموعة من الباعة المتجولين حاملين أشيائهم مهرولين في ذات الاتجاه وهناك
عربية بلدية تلملم كل وضعت يدها عليه وأيضا المتبفى من الأشياء على قارعة الطريق وهنا .. يتبع
....................................
رايك ياود دفع الله بالنسبة لي مهم جدا يا إمة استمريت أو اشوف لي شغلانة تانية !!
|
|
 
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
شوف يا صديقي هلباوي
السناريو المحكم
هو البخليك تتابع اول 10 صفحات فيهو
يعني قراية بدون توقف
اما اذا بديت تقرا ورميت الأوراق على جنب من الصفحةالتانية
فشوف ليك درب تاني
هسي انت كملنا اول عشرة صفحات
وبعد داك نشوف
اها قصرت معاك
الموضوع
الحبكة
تطور الأزمة
العقدة
خت ديل في بالك
واهم حاجة المتعة
يعني ديل كلهم مع متعة وتشويق لي الطيش
قصرت معاك .؟؟
بعد داك نتكلم
ومبروك للكرة السودانية
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: الصادق خليفة)
|
اخى العزيز السرحى المقتدر / السنى ود دفع الله .. تحياتى وفائق إحترامي
| Quote: شوف يا صديقي هلباوي |
من ناحية مسرحية هنا واقعة زى ( فتح عينك تاكل ملبن ) شوف دى هنا منها خوف !!
أنت ملك عام قابل للنقد والاشادة وتتجلى فيك روح القومية بدليل هذا الاطار هيثم والعجب
السودان العظيم بكل ناسه أشكرك وألف الف مبروك للوطن ومزيدا من التقدم والازدهار للكرة
السودانية .. عشان كده يا حبيبنا كان العشم وما خصما على حقوق المفتدرين وقالوا الحي بفرفر
بس مش فرفرة مذبوح إذا اعتبارنا اننى تجاوزت العشرة صفحات الأولى والله بالنسبة لمبتدئ ممتاز
ولو كان صبرت معاى شوية بعد وهنا التى تبعتها يتبع عنصر المفاجأة فالاثارة ثم التشويق
السؤال مرده لتجاربك القيمة الناجحة التى عشناها لك التجلة وفائف الاحترام وخليك متابع
مع وصيتى ليك خايك على السجية ووجهنا بما تعرف فى هذا المجال ودع عنك هؤلاء المهبطين !!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
Quote: يا هلباوي كيف يا انسان .
بالله عليك ثم بالله عليك ثم رجاءاً شوف ليك شغلة ثانية ، كمل ما جستير المحاسبة و خلي الخبز لخبازينو.
قال جردل موية من الصفيحة و ضالة و عربية سلك قال.
المخضرم السني دفع الله القطيناوي كيف يا زول يا سمح ، الزول ده فرملو من اسى و الله تقول ليه انت كويس يقوم يطلع في الكفر.
كثير الود |
اخى الكريم / ود الخليفة .. تحياتى وفائق إحترامى
اشكرك في يا إنسان دي تصدق حسستنى بوجدى أنا إنسان إذن أنا موجود !!
ثانيا رجاءا شوف ليك شغلة ثانية ، يا أخى ما تكون مهبط قالوا إسحق نيوتن شاف التفاحة قام
طلع لينا بالجاذبية وغيفان بانفلوف شاف العرق ينزل من نخرة الكلب قام سواها لينا كلها
انفعالات تجى تقول لي الزول ده فرملو من أسى والله تقول ليه إنت كويس يقوم يطلع فى الكفر.
يا دكتور والله ما كان العشم !! بعدين تعال هنا مالها عربية السلوك والضالة وجردل الموية
والصفيحة برضك معليش .. لأنك مع الآيس كريم والجاتوه والكوكتيل والببسى وطيرى يا طيارة !!
يا اخى أنا بحس انو عندى الملكة وحزم من تجارب كامنة اريد اهديها للشعب السودانى في شكل
جرعات وبعد تفكير عميق إقتنعت بالمقولة ( أعطينى مسرحا اعطيك أمة طيبة الأعراق ) شايف كيف
أما موضوع الماجستير حسبك يا رجل لن نتهاون والطموح اكبر من ذلك لك حبى وفائق الاحترام .
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: Al-Shaygi)
|
Quote: الهلباوي أخوي ما ممكن من SASOS للمسرح؟؟؟؟؟
ومن الخطابة للكتابة؟؟ |
حبيبنا وصديقنا وزميلنا العزيز / ود الشايقى .. تحياتى وفائق الاحترام
وينك يا اخى مشتاقون مشتاقون مشتاقون ومتشوقون ودائما فى سيرتك متشدقون
وآ شررى نا !! حليل ايام زمان !!
الأولى مش تأكلوا ملوخية لو يأكل كمونية ما حيعرفها هى شنو أصلا وجبة وله وثبة !!
أما التانية تقصد شنو بالضبط الخطابة بت مسيمس وله تفصد لأحزمنكم حزم السلمة ولأضربنكم
ضرب غرائب الابل .. إذا التانية مقبولة أم غذا كانت الولى عفو أنا أخوكي يا ميمونة !!
بعدين زي ما قلت مخضرم زى كده ممكن يقدم ما عنده في كل المجالات وبعدة فنون الزمان بشهد
يا زمان بالله اشهد .. هييييي يازمآآآآآن بالله تشهد .. والمتطور كل يوم فى خطى يتجدد !!
تتصور انا من شفت نار الدوكى قلت خلاص حيعوسناالفطير على فى حكاية ( مهبط ومحبط ) !!
على اليمين ياود الشايقى خلى أخونا الممثل المسرحى المخضرم يدينى بس الخط الأخضر حامتعك !!
قال إيه قال : Novels were written by Dickens
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
يا ود الشايقى أذكرك طبعا بتعرف زميلنا الحلفاوى تاج السر قائمقام أهلو بدلعوا بيقولوا ليه
( سرى ) طبعا إنت عارف نحن اقصد انا وهو فقط متزاملين والوحيدين وسط الآخرين من الجنسيات
الأخرى يعنى فى الغربة بقى لي أكثر من أخ فقط السودانيين الوحيدين في القسم الأنت عارفو
عارف واحد من أولاد أهله كان يزوره على طول والغايظنى من الراجل ده لما يجي اصلا ما قاعد يسلم
لي مش كده وبس وله الرطانة الما بتديك درب .. صابر عليه الوقت ده كله إلى أن أتى يوم جاء
فيه اخونا يبحث عن أخونا ( سرى ) سبحان الله اليوم داك كان سرى مريض وكان اليوم ثلاثاء قال
المدير روح ر يح بالك وغدا أيضا ما تجى .. أخونا ده طبعا جاء يوم الأربعاء يبدو عليه الانزعاج
لف ودار وما وجد ( سرى ) جانى قال لي اسمع يا إخينا وين سرى قلت ليه مريض قال : دى مصيبة
شنو دى يا جماعة آآه طبعا أخوك بحنية أولاد ( الغرب ) قلت ليه مالك يا اخوى إن شاء الله خير
قال لى أنت عارف أنا شغال مع الجماعة ديل وكل يوم انا فى بلد والولية حامل وفى أيامها
الأخيرة والهاتف مقطوع مع المشغوليات نسينا نسدد الفاتورة وخليها على ربك بس قلت ليه يا اخى
ما تشيل هم إن شاء الله حتتحل وكلمت مديرناالسعودى وعرفته أنه إبن عمي وأنا بالنسبة للفاتورة
حأضمنه وظروف الراجل قاهرة تفهم المدير الوضع واخذه إلى الداخل وأمر بارجاع الخط وقتها طبعا
رجعت أنا لعملى ومكتبى بالقرب من الباب أخوك طبعا حلت مشكلته فى الداخل وجاْء طالع فرحان
وطيران إلى الباب لا شكرا ولا كلمة مجاملة ر مقته بنظرة حادة وصل الباب وارتد إلى ر اجعا
أووب سورى ياخى شكرا جزيلا قال لى الأخ إسمك الكريم قلت ليه آآدم قال لى إنت من وين يا آدم
قلت ليه تفتكر إسم زي ( البنية ) كده زى ده حيكون من وين ؟ تصدق يا ود الشايقى بدون تردد
قال من الغرب قلت ليه طيب مع السلامة !! عارف لما جاء ( سرى ) يوم السبت قال لي تعال يا آدم
إنت الحلفاوى الجاك اليوم داك قلت ليه شنو والله قال أعوذ بالله والله ناس الغرب ديل كلامهم حديد
حديد .. يعنى الراجل لف ليك الناصرية ذاعنى ليك فى كل الجمعيات .. ناس الغرب أعوذ بالله !!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمد سنى دفع الله)
|
شايف كيف يا د. / الصادق الخليفة تحياتى
أهو الموضوع بدأ يسير فى الاتجاه الصحيح بعد ما مهندس المسرح أخونا السنى وضع كل الفي إيدو
وتهبأ لنا إنت عارف يقولون المدرب الحريف من اللمسة الأولى يقول ليك ده لاعب فنان !!
عشان كده يا دكتور نحن الآن مع ناس أمريكا خليك إنت فى الفششوية بتاعتك دي !!
راجع لك يا سعادة المسرحى الكبير المبدع الفنان / ود دفع الله وأشكرك لانتباهكم لنا ومن لا
يشكر الناس لا يشكر الله .. أنا جاييك يا الزول السمح ..
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
Quote: أووب سورى ياخى شكرا جزيلا قال لى الأخ إسمك الكريم قلت ليه آآدم قال لى إنت من وين يا آدم
قلت ليه تفتكر إسم زي ( البنية ) كده زى ده حيكون من وين ؟ تصدق يا ود الشايقى بدون تردد
قال من الغرب قلت ليه طيب مع السلامة !! عارف لما جاء ( سرى ) يوم السبت قال لي تعال يا آدم
إنت الحلفاوى الجاك اليوم داك قلت ليه شنو والله قال أعوذ بالله والله ناس الغرب ديل كلامهم حديد
حديد .. يعنى الراجل لف ليك الناصرية ذاعنى ليك فى كل الجمعيات .. ناس الغرب أعوذ بالله !! |
هلباوي العزيز
واصل كفاحك ..
نحنا منتظرين ...
المرحلة الجاية يا هلباوي ... تكون فوق خشبة المسرح ..
لان السرد الشفوي بتاعك اخطر من النضم المكتوب ...!!
الحلفاوي قال ليك شنو ... انت من وين يا ادم ...!!؟؟
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمود بكر)
|
شيخنا الجليل / محمود .. تحياتى وإحترامى
يا اخوى السويناه ليك شين شنو عشان نعتذر ليك إذا غلطنا عليك ؟!
إنسان حاسي إنو عند موهوبة مدفونة وداير ينعشها وبيسال جهة الأختصاص !!
المزعج فى كده شنو يا مولانا ؟! معذرة لكن يبدو لى إنت عندك شيئ دفين أفصح !!
ونحن نقول مع الحوار تزال كل الغشاوة .. بعدين حكاية ود الطالب صاحبك
دى شنو بصراحة أنا أعتقد إنه محاور جيد لبق وشفيف وإذا إنت شايف غير كده
أنت حر وأنا ما ليش دخل .. كل العايز منك رايك شنو عايز أدخل عالم المسرح !!
أهو جيتك من الآخر الجماعة بيقولوا ( فاوضنى بلا زعل ) ولو غلطت عليك فى شئ يا سيدى معليش !!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
معذرة يا استاذنا الكبير المسرحى القدير / السنى ود دفع الله .. تحياتى
معليش اعذرنى الواحد عشان يستكين ويتوهض ويفكر بهدوء لابد من إخراس بعض
الحساد والحاقدين والمحبطين !!
وهنا فى خجلة حاولت حلوم لملمة اشياؤها مستغيثة بأبنائها يا محمد يا سيدة لموا لي الكبابى
من الرجال ولكن يبدو ان السانحة لم تسعفها ، وإذا بقرشوم عامل البلدية يضع يديه على بعض من
أشيائها وممسكا ب( عضان المنقد ) قائلا يا ولية إنتى البتعملى فيه ده ما عارفاه غلط ترد حلوم
فى مسكنة والله ده كلو عشان دايره نعيش وليداتى ديل ، يا اخوى الله يرضى عليك خلى لى حاجاتى ديل
والله دى بس عدتنا فى الحياة الصعبة دى !! كل هذا الحوار هى ممسكة بطرف من أشيائها وهو ممسك
بالطرف الثانى وهم على هذا المنوال وصل عمك شيخ الدين قائلا لعامل البلدية ياإبنى هدى شوية
واسمع منى يا غبنى الولية دى ما عندها الا الله وحاجاتها الأنت ماسكهم ديل يا إبنى زوجها مات
مقتول وخل ليها ديل عشان تربيهم قرشوم سائلا قتلو وين ؟ يرد عمك شيخ الدين وين ما فى الجنوب
يرد قرشوم فى الجنوب وله فى لندن شوف يا عمك انا عندى تعليمات وبنفذ فيها يرد عمك شيخ الدين
ساخرا قال تعليمات قال يا إبنى البشير ما صدر ليه قر ارت كتيرة بالله الا تنفذ منها شنو عليك
الله خلينا بس وخلى الولية فى حالها يلتفت قرشوم إلى زميله شايف عمك ده بقول شنو خلى بالك هو
داير الليلة ينوم فى مكان تانى يرد زميله هو قايلنا أنحن ماشين كده امفكو وله شنو وما عارف
إنو معانا ( إيريرات ) فى الحملة وله شنو ، فى هذه الأثناء يأتى الملاحظ مدير الحملة دحين
ياولية انا مو قايل لك كم مرة البتعملى فيه ده غلط وقتين الكلام يبقى جد تكترى فى الولوة نان
أعمل لك شنووو! يدخل قرشوم مقاطعا يا سعادتك إنت فى الولية وله عمك الوهم ده ! بالهداوة يا
قرشوم قال لكن شنو؟ مرددا قرشوم هو القالو إنت قايلوا هين ! الملاحظ موجها سؤ اله لعك شيخ
الدين مالك يا حاج إنت معترض على الاجراءات دى وله عندك راي تانى ما تنضم يبدا عمك شيخ الدين
عليك أمان الله الولية دى أرملة ومو من الحريم الهايفات مؤدبة ومحترمة دايره تعيش وليداتها
بالله وين تروح فى الدنيا دى يعلم الله غير المنقد الشايفو ده معلمة الله ، مقاطعا الملاحظ يا أخوى
إنت من وينك فى الأهل عمك شيخ الدين من الحصاحيصا مقاطعا الملاحظ بالله إنت من الحصاحيصا بتعرف
حيسونة ود سعيد والناير وداعة الله مرددا عمك شيخ الدين يا زول ديل أهلى لزم ملتفتا الملاحظ
إلى قرشوم قائلا كدى خلى الحاجات دى وامشوا شوفوا لي ديك الهناك تحت الشدرة ديك .. إستراحة
يرفع الستار ونتابع \\\\\\\\\\\\\\\\\\\\\\\\\\\\\\
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
بعدين يا سعادتك يقولون دائما البداية صعبة والمبدئ مكمل بس كيف تبدأ تلك هي المشكلة !!
فإذا كانت البداية عشرة صفحات من الضحك المتواصل اقصد من القراءة المتواصلة وبحمد الله
وبشهادتك كخبير تجاوزناها نعتبره 50% من مشوار التقييم ، عشان كدى باقى لي 50% يعنى لحدى
الآن أنا فى الباس ,, وحنواصل معك المشوار وأتمنى إنك تتبنانى فنيا وأنا بشنباتى ديل كما
اتمنى أن تتبنى هذه المسرحية عشان نقدر نقول من إخراج المسرحى الكبير السنى ود دفع
بالمناسبة ر غم انو لا يخلو كلامى من ملاطفة إلا إننى جاد جدا واتقبل أي تصحيح منك واي عتاب
فى سبيل تجويد هذا العمل شاكرا ومقدرا مع فائق إحترامى ...
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
المشهد 1
خارجي
ـــــــــــــــ
نهار
شجرة حليمة
في الســـوق
الرجال حول الشجرة بلعبوا في لعبة((ضاله))
أصواتهم نسمعها فيما حلوم جالسة في مكانها المعهود خلف كانون الشاي ..
أحد الرجال : أطعنه هنا
رجل أخر : ررج يرمي الحجر
حليمة: الله يستر من ناس البلدية
قطع
لقطة لعربة البلدية داخلة السوق البياعة يهرولوا بسرعة
قطع
حليمة:محمد ولدي سيب عربية السلك البتعمل فيها دي
وحصل لم الحاجات الكشة ياولد
محمد : أممك الكشة ( يلم الحاجات الخفيفة ويجري )
حليمة : ( تحاول الحركة
لكن عمال الكشه يقفزوا من السياره ويرفعوا عدتها بوحشية
حليمة : حرام ياناس العدة ، اولاد الكلب
عامل : قلت شنو ياحاجة
حليمة : تحج بيرجل واحدة قلت ليك عدتي
( تنظر باسى وعربة البلدية تبتعد)
قطع
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمد سنى دفع الله)
|
احى أنا من الفهم والأدراك والقومية التى نبحث عنها لينا سنين !
لقيتها مرة عند بكرى ابو بكر سيد الحوش وهالمرة من الكاتب والأديب والسنارويست ود دفع الله
قلنا ليكم الرجل شخصية عامة ووطنى كبير وقومى للطيش لكن ما سمعتو الكلام !!
يا ناس يا شر كفاية آر خلونا نساهم حتى ولو بالقليل .. أنا إنسان إذن أنا موجود !
بس أعطنى مجالا أعطيك إبداعا .. تقول لى قال الما بركب البنطون ما بحصل الخرطوم !
يا سعادتك بالمناسبة أنا إنسان وديع لكن مع هؤلاء المحبطين لا بد من الحسم !!
دع عنك من طاروا ومن عاموا وخليك معاى أنا البتاتى ده حنعبر إنشاء الله
يالله لخص المشهد الثاني عشان نجيب ليك المشهد الثالث هالمره له المرة وليم شكسبير
يؤكد مولد نجم !!!
| |
|
|
|
|
|
|
|
|
 Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
الأستاذ/ السني دفع الله فنان وناقد لا تملكـ إلا الإنصات لقوة درامته..
المنصة جاهزة في إنتظاركـ..
عزيزي الهلباوي..
والصحفي الكبير الأستاذ/ محمود بكر..
معزتي وتقديري لكم يا غاليين ولكل المارين من هنا..
Quote: | Quote: اهسه يجيك صاحبك ودالطالب بالراي النجيض |
Quote: | Quote: اشوف لي شغلانة تانية !! |
شوف يا صديقي هلباوي |
|
ابن مدينتنا نيالا العمرانة الهلباوي:... أيام زمان [توجد صورة].. ..
عرفته كعاشق لكرة القدم وعرفته جماهير فريق التاج باسم ( فانتوماس ) مهاجم لا يشق له غبار..
وزاده شرف الأمانة شهادة الحلفاوي welyab حين أضاع محفظته هنا: Re: الهلباوي:... أيام زمان [توجد صورة]..
Quote: المهم بعدها وبكل ظرافة ولطافة يناولني حاجة فيها اكتر من عشرين الف ريال ..
طبعا بعد كده كان لازم يكون ليهو معزة خاصة.. لان الحكاية فيها فلوس .. وريالات .. |
ومدرسة الغربة يبدو أنو علمته دروب الكتابة وحاجات لا تعد ولا تحصى..
ومؤخراً يبدو عليه إنو إكتشف ملكات أخرى وعايز يختبر إمكانياته، عسى ولعل يلقى فجة في محل [قوة الكلمة في الدراما]دي دي..
والتجربة هي خير برهان للفشل أو النجاح..
والدليل هو أن معظم المظلات صنعت في مناطق باردة ولكن لها رواج في المناطق الحارة وفي محالات تانية الناس قاشرة بيها ساكت..
ما يعجبني في صديق غربتي ويستحق عليه الإطراء فعلاً أنه يتحمل الإنتقادات بلقب مبتسم..
رغم المقولة الشائعة والشهيرة بتاعت فنان الحي لا يطرب..
حتى إذا كان في قامة ود اللمين..
دعنا ندعه يجرب طالما كان أمر الحكم عند نقاد أفذاذ في قامة الأستاذ/ السني دفع الله الذين عركتهم الدراما وعركوها بالعلم والممارسة داخلياً وخارجياً حول مسارح العالم حتى ظننتهم مؤخراً في الفضائيات العالمية إنهم يابانيين..
إلى صديقي الهلباوي..
تعلم فالمرء لا يولد عالم ** وليس أخو علمٌ كمن هو جاهل..
وخلي كلام السني دفع الله حلمة في عضانكـ..
الدرجات المجتازة لا تعني بالضرورة إنكـ وصلت للهدف..
فأنت في بداية الطريق..
"عشرة صنايع والبخت ضائع"
تقديري ومعزتي لكم أجمعين؛..
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: A.Razek Althalib)
|
الأستاذ الكبير المطلع والناقد الفذ / ود الطالب ... تحياتى وفائق إحترامى
| Quote: دعنا ندعه يجرب طالما كان أمر الحكم عند نقاد أفذاذ في قامة الأستاذ/ السني دفع الله الذين عركتهم الدراما وعركوها بالعلم والممارسة داخلياً وخارجياً حول مسارح العالم حتى ظننتهم مؤخراً في الفضائيات العالمية إنهم يابانيين.. |
عزيزى القارئ المتمكن والمحاور الصنديد المقنع والله بحق وحقيقة أعطيت الرجل حقه تماما يحفظه
الله ويرعاه .. تصدق يا ود الطالب بعد القلته عن سعادة الأخ المسرحى المخضرم ده ما مهم أنا
أنجح أو أفشل .. لأننى أقدر الرجال التى تعرف مقادير الرجال اشكرك لك فائق إحترامي ...
والله صدقت يا شيخنا الجليل / محمود ... أهو فعلا جاك بالنجيضة !!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمود بكر)
|
شيخنا الجليل / محمود بكر .. تحية وإحترام
Quote: اهسه في كلمة زعل هنا
بعدين الموضوع مزاح ليس الا
يعني ممكن تبقى كاتب مسرحي مش في السودان اي زول ممكن يبقى فنان |
كده طمأنتنى الله يطمئنك .. سبحان الله بعد الدخلة الخشنة دى قلنا ولا سمح الله
ربما فى لقاءاتنا الكثيرة دى مرقت منا كلمة كدة وله كده زعلتك او يمكن تصرفنا
تصرف غير لائق مع شخصكم السامى وصابكم منا رشاش لكن الآن الحمدلله رب العالمين .
...................................................
بالله إيه رأيك فى الوصف الدقيق من المحاور اللبق عبد الرازق الطالب عن أستاذنا
المخضرم المحترم والمسرحى العالمى الكبير / السنى ود دفع الله ؟
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
استاذنا الغالى الفنان المسرحى الكبير / ود دفع الله
والله مع الفطير السيتو زلابية ده صدق من قال ( خلى الخبز لخبازه )
والله رائع ومبدع وخلاق أسال الله لك الصحة والعافية ومزيد من التقدم الازدهار
بس يا استاذنا محور النقد والتعارض والسبهللية بجى فى المشهد الثانى :
كيف ملاحظ الصحة عرف عمك شيخ الدين إنو من الحصاحيصا وسألوا من جماعة بعدين
الونسة بطول هنا والعيكورة وكيف المعزة الليلة ود التوم نطحت ود رحيمة الله بايع
الغريبة سنت النيل كسر وتلف المحصول .. السيرة التى على ضوئها حصلت حلوم ست
الشاى على القرين كارت لممارسة مهنتها مماجعل عمال البلدية يتاجوزها فى كل حملة ..
حيث عنصر المفاجئة يكمن فى إنو مافى حاجة إسمها تعليمات تنفذ كا يجب لكن فى حاجة اسمها
(المعرفة والمحسوبية) !!!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
الأخ آدم الهلباوى
يأخوى رأى أنا إنك تصلح أن تكون مصور
قلت شنو ؟
طبعاً راى دا مبنى على إنى صديق لمسرحى قياساً على الونسة دى:
واحد راعى من عربنا كان خاطبين ليه بت عمه ، وسافر مشى ليبيا
بعد كم سنة رجع وبقى على الزواج
الناس قالوا ليه دا الكلام وبت عمك جاهزة راجاك
قال ليه يا جماعة أنا ما بعرسى البنية دى ، أنا داير لى بت متعلمة
المهم بعد كم يوم صاحبنا إتزوج
قابلوهوه أصحابو يازول مبروك وبيت مال وعيال ، اها إنشاء الله عرست ليك واحدة متعلمة؟
قال ليهم والله تعليمها ما بعرفو لكن أختها مدرسة.
دحين يآدم ما قبلت رأى؟
لك وللأستاذ السنى ولكل ضيوفك الكرام كل تحية وتقدير
وربنا يوفقك.
شيخ العرب
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: عادل سهل)
|
Quote: يا ود الشايقى أذكرك طبعا بتعرف زميلنا الحلفاوى تاج السرقائمقام أهلو بدلعوا بيقولوا ليه
( سرى ) طبعا إنت عارف نحن اقصد انا وهو فقط متزاملين والوحيدين وسط الآخرين من الجنسيات |
الاستاذ السني دفع الله
انا اعتقد بان اخونا هلباوي يمتلك قدرة توظيف الاشياء ... وعاوز يقول حاجة ... انا فاهمك يا هلباوي !!
كمان تعال انت قلت في اشارة (لاسم آدم) بان اسمك ( بنية) يعني ما وقفت عد اسم ( قائمقام)...!
المهم اوشي باللغة النوبية ليس كما تظن ( فهي تعني المأمور ) والمأمور دائما هو ذاك الشخص الذي يقوم بتنفيذ الاوامر.
و الى فترة قريبة كان يطلق وبالعامية السودانية على اعلى رتبة في الشرطة ... سعادة المأمور .. بعني باللغة النوبية (سعادة الآوشي )
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمد سنى دفع الله)
|
أخى الكريم / عادل سهل .. تحياتى وإحترامى والله يسهلها علينا وعليك !!
أشكرك على المداخلة الطيبة والطلة المباركة ...
Quote: الأخ آدم الهلباوى
يأخوى رأى أنا إنك تصلح أن تكون مصور
قلت شنو ؟ |
أنا أحترم وجهة نظرك وطبعا ما حاقدر اجاوبك لأنناالآن تحت إشراف المسرحى الكبير وهو الحكم وهو
الفيصل بحكم الخبرة والدراية فى هذا الشأن إذن دعنا ننتظر وشوف النتيجة ومين يدرى ربما
يوافقك الرأى وقتها قالوا : لو إتنين قالوا ليك راسك ما فوقك أحسن تهبش .. ولا زالت الكرة في
ملعب العلامة المسرحى الكبير / ود دفع الله من دون مجاملة والكبير كبير ...
........
عارف يا عادل أنا إطلعت على كتب كثيرة توضح تاريخ المسرح منذالعصر اليونانى القديم والعهد
الاغريقى وأمثله كشواهد لتلك الحقبة من الزمان لكتاب كبار مثال هرتدس وهرموس وقصة الأليازة
والأودسا ليس ذلك وحسب بل قرات كتب كثيرة اذكر منها البؤساء لفكتور هجو والجذور لإلكس هيلى
وابكيك ياوطنى العزيز لجون كومالو وقصة مدينتين لبرناتشو وأكتشافات كونتكى لثور هيردال
وتوقعات عظيمة لشارلز دكينز والأجنة المتكسرة لجبران خليل جبران و تاجر البندقية ووداعا يا
جانين ومرتفعات وزرى وكتب كثيرة لنجيب محفوظ ونوال السعدنى واحسان عبدالقدوس أنف وثلا ت عيون
أفوه وارانب الوسادة الخالية فى بيتنا رجل ليلة القبض على فاطمة ووووووووووووووووووووووو
عارف طلعت بشنو .. طلعت بحاجة واحدة بس : إنو الراوى غير مسؤلا عن ما يقوم به أبطال الرواية
ولا حتى البيئة إتخذها الراوى ليعكس رؤيته .. وهذا فى حد ذاته ذوق وفهم راقى لا يتأتى إلا
للذين لهم جانب إيجابى كبير ومعرفة تامة بفن سر الوجود !! مما يؤكد أن هنالك فرق كبير بين
العالم والمثقف ، بحيث أن العالم يعلم كل شئ عن الشئ أما المثقف يعلم شيئا من كل شئ !!
أنا تفهمت وجهة نظرك وأتمنى أنك تفهم وجة نظرى بقدر تفهمى لوجهة نظرك !! مع تحياتى
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
حبيبنا وشيخنا الجليل العزيز / ولياب .. تحياتى وفائق إحترامى
مشتاقين والله وينك يا راجل بحفظك الله ويرعاك ..أشكرك على المشاركة والطلة البهيية...
Quote: الاستاذ السني دفع الله
انا اعتقد بان اخونا هلباوي يمتلك قدرة توظيف الاشياء ... وعاوز يقول حاجة ... انا فاهمك يا هلباوي !!
كمان تعال انت قلت في اشارة (لاسم آدم) بان اسمك ( بنية) يعني ما وقفت عد اسم ( قائمقام)...! |
لا لا ياحبيبنا ما تمشى لبعيد والله كل الذى أقصده وجهة نظر وإشتارة مختص وذلك لاختبار قدراتى
الضعيفة ولن يتأتى ذلك بالمفاكرة والارشاد من علامة خبير ومتمكن بحجم قامة المسرحى الكبير ..
لذلك أرجوك لومنى فيما أملك ولا تلومنى فيما لا املك وشرحك وافى وكافى بعدين ماتنسى إنو أخى
وصديقى العزيز / محمد يسبن بدر بلدياتكم ومن عندكم !!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
سعادة إستاذنا الكبير والفنان المسرحى القدير / ود دفع الله ... إحتراماتى
عارف يا سعادتك عندما هيأت نفسى لهذا الامتحان والتقييم عارف الطريق ده صعب وشاق
ومطباته كثيرة لكن أخوك جلد تخين ويعرف مقدرته فى تحمل المشاق أصلا أنا بدوى وإبن
بيئتها اقصد البداوة نعبر الصحراء العفراء فنصل ونعبر العتمور عن طريق الربعين لنصل
مصر وبرغم الاحراش والفيافى واثعابين والعقارب العزيمة ،الصبر والجلد هو ديدنناوكل
ذلك معتمدين على الله ثم انفسنا وقتين الناس تنوم نحن نستهدى بالنجوم إلى أن نبلغ مقصدنا
عشان كده من امس عيت تغيب الشمس وعيى يطلع علينا نهار والليل ابو الأسرار وأنا معاك سارح من
أمبارح !!! يالله يا الحبيب ود دفع الله راجينك تدفق الشغلانة ونحن منتظرين على أحر من الجمر
بهداوة ورواقة وما تقول اليوم خميس .... مع فائق إحترامى ..
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
الأخ الهلباوى
لك التحية والإحترام مقاماً ولزاماً.
Quote: عارف يا عادل أنا إطلعت على كتب كثيرة توضح تاريخ المسرح منذالعصر اليونانى القديم والعهد
الاغريقى وأمثله كشواهد لتلك الحقبة من الزمان لكتاب كبار مثال هرتدس وهرموس وقصة الأليازة
والأودسا ليس ذلك وحسب بل قرات كتب كثيرة اذكر منها البؤساء لفكتور هجو والجذور لإلكس هيلى
وابكيك ياوطنى العزيز لجون كومالو وقصة مدينتين لبرناتشو وأكتشافات كونتكى لثور هيردال
وتوقعات عظيمة لشارلز دكينز والأجنة المتكسرة لجبران خليل جبران و تاجر البندقية ووداعا يا
جانين ومرتفعات وزرى وكتب كثيرة لنجيب محفوظ ونوال السعدنى واحسان عبدالقدوس أنف وثلا ت عيون
أفوه وارانب الوسادة الخالية فى بيتنا رجل ليلة القبض على فاطمة ووووووووووووووووووووووو
عارف طلعت بشنو .. طلعت بحاجة واحدة بس : إنو الراوى غير مسؤلا عن ما يقوم به أبطال الرواية
ولا حتى البيئة إتخذها الراوى ليعكس رؤيته .. وهذا فى حد ذاته ذوق وفهم راقى لا يتأتى إلا
للذين لهم جانب إيجابى كبير ومعرفة تامة بفن سر الوجود !! مما يؤكد أن هنالك فرق كبير بين
العالم والمثقف ، بحيث أن العالم يعلم كل شئ عن الشئ أما المثقف يعلم شيئا من كل شئ !!
أنا تفهمت وجهة نظرك وأتمنى أنك تفهم وجة نظرى بقدر تفهمى لوجهة نظرك !! مع تحياتى |
يأخى أنا والله مريت على البوست للتحية والمجاملة وإضفاء روح الدعابة.
فأنا يا صديقى أبعد ما يكون عن المسرح وعن الفهم الناقد لدهاليزه.
لكنى عندما علقت فقد جئت بعلاقة العلاقة بالمسرح قلت أرسل التحايا للأخ العزيز السنى الذى تربطه صداقة وإهتمام مشترك بأخى البشير سهل فى أمور المسرح والمسرحيين.
أما عن شخصى فكالأطرش فى الزفة لا أفهم فى هذه الأمور الكثير.
وحسناً فعلت بهذه الشتارة إذ أنى دخلت المكان المناسب لأستفيد فى حضرتك وحضرة الأستاذ السنى والإخوة المختصين فى هذا المجال ، وستكون المتابعة ممتعة بالنسبة لى بكل تأكيد.
فإعتبر رأى مسحوب فى هذا الأمر ، لأنه لم يكن جاداً فى المقام الأول علاوة على أنه فى حضرة المختصين لا رأى لأمثالى.
أشكر لك إهتمامك وردك الوافى.
شيخ العرب
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: عادل سهل)
|
حبيبنا الغالى المسرحى الفذ / ود دفع الله .. تحياتى
أرجو المعذرة حيث نسيت إنو كان فى طرف ضل الشجرة يوجد شماسة يشفطون فى ( سلسيون )
هذا ما لزم توضيحه كما أستأذنكم فى أننى تخيرت إسم لهذه المسرحية ( شجرة حلوم )
الشجرة : السودان العظيم بكلياته
الظل : الحياة
الجماعة تحت الشجرة : الشعب السودانى بكل نشاطاته الجاد منهم والكسول السلطة والمتسلط
عليهم
حلوم وأولادها : مآسيى السودان العظيم تدفع فاتورتها الأم السودانية بمناسبة يوم المراة
العالمى .......................
منتظرنك ياسعادتك عشان نواصل ونقدم المشهد الثالث مع فائق إحترامى .......
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
سبحان الله موضوعي الهوين ده إكتشفت إنو هنالك قامات سامقة متابعاهو !!
قامات لها دراية كبيرة بالعمل المسرحى عبر الايميل والاتصال حكمة والله حكاية !!
منتظرين العلامة للمتابعة والارشاد والتعليق !!
تصورا واحد قال لي البوست مات من زمان بعد الاشارات والمسنجر والاتصالات الجانبية
وإنت ما جايب خبر أصلو فى ناس في البورد ده لا بيعجبهم العجب ويهتمون بالفارغة
قال لى انا حافتح بوست إسمه ( العلاقة الجنسية عند القصر ) شوفو حيمشى كيف كده !!
يا عمى هي أصلا شلليات تدعم بعضها بعضا وأنا فى حيرة لماذا محاولة قتل الشخصية ؟!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: A.Razek Althalib)
|
أخى العزيز الريس / أبو جهينة .. تحياتى وإحترامى
أنا أعرف مدى مقدراتك الفنية اقلها ( اماندا والأبنوس )
ولك مقدرات وملكات فنية أشكرك سوف نواصل بس لازم نعرف
سعادة الفنان الكبير مالو وفى حضرة مقامه يطيب الجلوس !!
خليهو يظهر ونطمئن عليه وبعدين حنواصل أنا عارف وقته ثمين
وغالى وانا احترم التفاتته الرائعة والاستجابة لى ولفته الرائعة
التى عكست لنا قدرته ومقدرته من ان يجعل من الفسيخ شربات ..
Where ever you go Iam waiting for youuuuuuuuuuuuuuuuuuuu[/B
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: A.Razek Althalib)
|
المشهد 1
خارجي
ـــــــــــــــ
نهار
شجرة حليمة
في الســـوق
الرجال حول الشجرة بلعبوا في لعبة((ضاله))
أصواتهم نسمعها فيما حلوم جالسة في مكانها المعهود خلف كانون الشاي ..
أحد الرجال : أطعنه هنا
رجل أخر : ررج يرمي الحجر
حليمة: الله يستر من ناس البلدية
قطع
لقطة لعربة البلدية داخلة السوق البياعة يهرولوا بسرعة
قطع
حليمة:محمد ولدي سيب عربية السلك البتعمل فيها دي
وحصل لم الحاجات الكشة ياولد
محمد : أممك الكشة ( يلم الحاجات الخفيفة ويجري )
حليمة : ( تحاول الحركة
لكن عمال الكشه يقفزوا من السياره ويرفعوا عدتها بوحشية
حليمة : حرام ياناس العدة ، اولاد الكلب
عامل : قلت شنو ياحاجة
حليمة : تحج بيرجل واحدة قلت ليك عدتي
( تنظر باسى وعربة البلدية تبتعد)
قطع
0 عمال البلدية في العربة يرصو في البضائع بي اهمال
وتشفي وحقد ارموا العده بي طريقة عنيفة
قطع
حلو: بالله شوفو الناس الما بتتخشي ولا بترحم بعملوا شنو في عدتتنا
قرشوم : يا ولية ما كلنا ليك الف مرة الشغلة دي غلط
حلوم ك الغلط اني اشتغل شغل شريف
قرشوم ك شريف اعمل ليهو رخصة البلدية عميانه منها
حلوم : ما عملناها الرخصةارخصوكم للضبح
قرشوم : لسانك الطويل وقلة ادبك دي المغتسه حجرك
حلوم :شلتو العدة اشيلوا عنقريبك .ز اولادي ديل اربيهم بي شنو
قرشوم :اشتغلي سكرتيرة
حلوم :اخر زمن عرفت ياقرشوم الكلام وشغل السكرتيرات انا لو كملت الثانوي كنت
اشتغلت في البلدية موظفة وكتبت ليك رفديتك ارفدوك من البلدية باكر يا قرشوم
قرشوم : الحمد لله الما توظفت ورزقنا كان تحت يدك
حلوم : بالله في زول اسمو قرشوم انت بني ادم ولا ضبعة ..قرشوم تحاكيه بسخرية..
ٌ(( قطع ))
عربة البلدية تعود راجعة للخلف تدهس عربة السلك التي يعمل فيها محمد
محمد يبكي بحرقة ))
حلوم ادهسك الهينو ياقرشوم
قرشوم ك الولية لسانها متبري منها وهوشنو الحصل دهسنا الهمر ما عربية سلك !
يرفع شيخ الدين عربة السلك ويصلحها
شيخ الدين: عربية السلك دي همر وفولفو ودنيتو لكن انت بتشوف يا قرشوم
قرشوم يا استاذ شيخ الدين ياخ المرة دي غلباوية
شيخ : غلباوية هي ولا انتو الكل مرة ممغسينها في شغلة قلت ليك الف مرة دي مرة غلبانة
قرشوم :غلبانه؟
شيخ :ايوة غلبانه وراجل ميت مات في الجنوب
قرشوم : شهيد ؟؟
شيخ الدين : لاجياشي ..الديش العديل،، ا لوقت داك مافي شهدا،جيش ومتمردين
قرشوم : وهوكان مع منو ؟؟
شيخ : قرشوم انت بي صحك ؟ اقول ليك جياشي ! اكون مع منو
(( قطع ))
مجموعة من النساء يتحلقن حول دفار البلدية
يحاولن ارضاء العمال بأخذ العدة
قطع
محمد يبكي وهو يصلح عربة السلك
قطع
قرشوم : هو الحرب دي بتشاكلوا فيها ليه
شيخ : الأتنين بفتكروا انهم بدافعو عن نفس البلد
قطع
:
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمد سنى دفع الله)
|
قر قر قر قر قر قر .... أنا أضحك إذن مبسوط ومرتاح كمان
يا ريس الله يريحك دنيا وأخرى أن شاء الله الله يعطيك العافية
صدق يا أستاذ أو لا تصدق هذا البوست مخصوص للتعلم من مواهبك
وإبداعاتك ورقيك وفنك السامى منذ أن زرتنا فى الرياض لا زالت
بعض الوساط تتساءل ليه بالله رجل بمقدراته دى كلها يكون خارج
الوطن وكانت الاجابة من الرجل الفنان المبدع عبدالرازق الطالب
قايلنو زيكم كده تجمعوا لي فى الريالات وقاعدين للقطيعة الرجل
الآن وسط الكتب وداخل الكواليس يجرى بحوثة ويبحث عن نفسه لتقديم
رسالة راقية ليكم إنتو ونحن بدورنا ندعو لك بالصحة والعافية سائلين
القوى العزيز أن يرد غربتك غانم سالم لأهلك السودانيين جميعا وما تقول
اليومين ديل الحمامة فرت جناحيها للسلام ولقدام وإن شاء الله حنواصل ....
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: محمد سنى دفع الله)
|
أستاذى الجليل الفنان الكبير / ود وقيع الله حللت أهلا ونزلت سهلا يحفظك الله
اتمنى كل العاوى هنا تككون فى ساعة إجابة آمين يا ربنا ورب الناس أجمعين
يا سلاآآآآآآآآم يا ناس حب الناس من حب الله والله يحببنا فى بعض بختك يا ود الطالب ....
حنواصل بنفس ورضا عارف يا سعادتك أهلنا عندهم مثل بيقول ( عشان الشامتين نموت واقفين )
حنواصل يا ريس ابو جهينة وشهادتك أنا أعتز بها إذن خليك معانا خليك هناآآآآآآآآآآآآآآآ
| |
|
|
|
|
|
|
|
|
 Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
الأستاذ الفنان/ السني دفع الله..
تحية طيبة..
مهما نحاول إلباس كلماتنا ثوب وقارها نراها لا تفي حق مقامكـ العالي عندنا..
ولكن دعنا نقول هذا الوفاء لأهل العطاء اللا محدود من أمثالكم..
أنت نجم في سمانا لا نملك لك إلا حق التقدير والتبجيل..
ولصديقي الهلباوي حكمة بالغة في إختياركـ إنت تحديداً بحكم التخصص..
وهدره لسويعات من زمنكم المزحوم بالمشاغل يا الغالي..
ولكنه يستاهل هذه الشهادة منكـ..
Quote: اليام دي بجمع فعلا في مادة عن التجارب الجديدة في المسرح السوداني
من تجربة بابكر بدي في خيمة المولد حتى تجارب الشباب الجديدة
دعواتكم |
الله يعينكـ لحسن مقصدكـ..
الإنسان ابن بيئته..
بالتوفيق يا غالي..
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: A.Razek Althalib)
|
طبعا أنا قلت الشغلانة كلها مرتبطة بثلاث اشياء (القصة والمسرحية والرواية) وطلبت وجهة نظر
الكاتب الكبير وتوجيهاته فى هذا المعنى ولم يعلق وحتى يكون التعليق متكاملا دعونا نمشى
للتانية ( المسرحية ) وهى من الأدب الانجليزى : Antonio borrow money from Shylock
تاجر البندقية The Merchant of Venice للكاتب المشهور William Shakespeare
تتلخص فى أربعة شخصيات المستلف وهو ANTONIO والمدين اليهودى Shylock والمحامى الفذ
Portia وقاضى المحكمة تتلخص فى ان المدعو انتونيو استلف مبلغ من المال من المدعو شيلوك
وكان بينهم تنافس شديد ولا يحبون بعضهم بعضاوعندما حان أجل سداد المبلغ لم يتوفر لدى انتونيو
ليسدد ما عليه من دين وهنا ظهر سوء شيلوك ووجد فرصته التى كان ينشدها للقضاء على أنتونيو
فطلب إما أنطونيو يدفع المبلغ فى حينه أو يقتطع رطل لحم من صدر انتونيو والقصة وصلت المحكمة
ولكن قدرة السماء بعتت المحامى النجيب اللبق لكى يخرج أنتونيو من مخالب شيلوك بان يسمح له
بأخذ رطل لحم من صدر انتونيو بشرط لا تتقطر نقطة دم وهنا بهت مغتصب فلسطين فتراجع عن طلبه
وكل ذلك بفطنة المحامى الذكى بورتيا .. كتبها الكاتب المسرحى المشهور وليم شكسبير فى القرن
السادس عشر الميلادى وتعتبر فاتحة المسرح الانجليزى ..... نعود لاحقا لنرى كيف تكون الرواية
ومن بعد ذلك نرجع إلى موضوعنا الأساسى ( شجرة حلوم ) مع أمنياتى الطيبة لكم جميعا.....
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
Quote:
الله اديك العافية
فلت لي آوشي
سعادة المأمور؟؟؟
والله ضحكت لامن وقعت
عاقويلي
يا ولياب
اديك الضحكة الممتدة والفرحة السعيدة
مودتي |
لك الشكر والتقدير .. بصراحة غبت كتير عن بوست (المواهب) والظاهر اخونا هلباوي عاوز ياخد دروس على الهواء .... اقصد على النت مجانا .
نرجع لسعادة المامور ..
وذي ما قالو اخوانا المصريين
لو حرام اهو نحن بنحرقوا
لو حلال احنا بنشربوا ...
أوشي كده ماشي
وبرضو كده ماشي .
ما فرقت كتير
بس عشان حبايبنا العساكر ما يزعلو... نقول على اكبر راس فيهم سعادة الاوشي...
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: sumah)
|
الشيخ الوقور والآخ الجليل / ولياب .. تحياتى وأحترامى
انا عارفك رجل حكمة وبتخطو بعقلانية يحفظك الله ويرعاك
هى بس دروس بالمجان لى أنا فقط دى لكل البعرف أسرار الوجود
ويتذوق كنه الحياة اشكرك على الطلة وخليك معانا لم ننال درجة
النجاح او نهاية التقيم وما بتخسر حاجة كلو بالمجان أنا متاكد
حتستفيد لأنى عارفك رجل موسوعة مطلع ومتمكن ويمكن نحتاج ليك فى
راى أشكرك ولا عدمناك .. بعدين حكاية ( المامور ) دى شرحها صار معلوم
لدينا ولا تثريب عليك عارفك مهذب وحساس وما بتحب للناس إلا الطيب يا طيب ...
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
يا الله .. وينك يااخى أيها المخرج المبدع الفنان الأستاذ / إسماعيل محمد الحسن
تحياتى وفائق إحترامى يا رائع يا خلاق
من عبق الفرحة عطرت البورد يا فرح دفاق يزيد الناس بهجة ومسرة مرحب والف مرحب
ايها الفنان المطلع المبدع انا عارف الفن والابداع والمسرح من اهم هواياتك ورواياتك
والله بحق بالنسبة لى إضافة حقيقية يا سمعة يله نسمع رايك ولك باع طويل فى هذه المسائل
أنافى أعلاه قلت البوست ده متابعاه قامات سامقة لها تجارب كبيرة وافكار كثيرة عن فن الأبداع
وسرالوجود .. وما بعيد يا سمعة هسع يدخل علينا زميلك محمد نعيم سعد واخونا الكان معانا فى
نيالا مصطفى احمد الخليفة هؤلاء المبدعين الراقين المجددين واظنهم بالنسبة لفنانا ود دفع الله
له معهم زكريات وزكريات .. شا يف كيف يا سعادة المبدع المجدد المسرحى المخضرم/ وددفع الله
الله يعطيكم العافية ولا عدمناكم .... يا سمعة وجودك هنامهم ومطلوب بإلحاح خليك متابع ...
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
أما المسرحية Novel مثل Great Expectations للكاتب المشهور Charles Dickens
والتى كتبها فى القرن التاسع عشر شخصيانها السجين وبطل القص بيب اليتيم وأخته وزوجها جو
حيث كان يعيش بيب اليتيم مع أخته وزوجهاالذى كان يحب بيب بجنون كأنه إبنه وصارت بينهم صداقة
بعكس اخته الكانت مع أخيهافظة وقاسية مع أخيها وبينما كان بيب يلعب فى فناء الحديقة خرج له
من بين الشجار سجين هارب مكبل بالحديد لم يخف منه بيب بل كان عطوفا معه أحضر له الطعام الود
الذى حفظة السجين طيلة حياته خلاصته أنه ساهم مساهمة فاعلة فى تعليم بيب فى لندن ردا للجميل
حيث يعتبر الكاتبين من ارقى الكتاب فى الأدب الانجليزى وأثروا الحياة الانجليزية المسرحية ليس
ذلك وحسب بل ساهموا فى نهضة أمم أخرى فنيا .....
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
طبعا بعد ما ملاحظ الصحة عرف عمك شيخ الدين وواصلوا في الحديث وحكاوي أيام زمان وبعد أن قال الملاحظ لناس قرشوم أن يذهبوا لمتابعة الآخرين ألتفت إلى حلوم وقال لها تانى إن شاء الله ما حيتعرضك أحد بعد أن تدخل عمك شيخ الدين في المسالة وعشان عين تكرم ألف عين .. كدي الحين سوينا كباية شاي مظبوطة والله من الصباح جارى وري الحوش ديل بصمة خشمى ديى .. وبعد ما تناول الملاحظ وعمك شيخ الدين الشاي جاء قرشوم قائلا يا سعادتك في واحد عمل لينا شمطة وعنكبه هناك .. وهنا يقوم الملاحظ متحركا إلى محل الشمطة وهنا يلتفت قرشوم إلى حلوم قائلا بختك تانى ما في زولا حيسالك وهنا عينه تقع على الموزتين التي محضراهم حلوم لأبنائها فيأخذ واحدة ليلتهما على نهج طائر اللقلق في بلع فريسته وهى ترمقه بعين مقهورة !!
| |
|
|
|
|
|
|
|
|
|
Re: الستاذ / السنى دفع الله ر ائد المسرح الأول هل أصلح أن أكون كاتب مسرحى !! (Re: ادم الهلباوى)
|
فاصل ونواصل ..
( شجرة حلوم ) لأول مره على خشبة المسرح القومى السودان
( شجرة حلوم ) قمة من الإبداع ونوع جديد من الإثارة والمتعة
( شجرة حلوم ) أخراج الفنان المسرحى المبدع السنى دفع الله
( شجرة حلوم ) بطولة :.............. و................
( شجر حلوم ) تمثيل وحش الشاشة ......................
( شجرة حلوم ) ضيوف الشرف ........... و................
( شجرة حلوم ) عزيزى المشاهد لا تدع الفرصة تفوتك سارع وأحجذ تذكرتك
( شجرة حلوم ) تباع التذاكر بأم درمان ...... والبخرطوم ...... وبالخرطوم بحرى .....
( شجرة حلوم ) ... ( شجرة حلوم ) /////////////////////////////////////////////////
| |
|
|
|
|
|
|
| |
ادم الهلباوى
محمد سنى دفع الله
الصادق خليفة
Al-Shaygi
محمد يسن علي بدر
A.Razek Althalib
عادل سهل
welyab
ابو جهينة
sumah
فيس بوك
تويتر
انستقرام
يوتيوب
بنتيريست