يــــا زول يـــا حبيب ... !!!

Quote: ويَا زُول يَا حَبيب لَمْلِمْ حَبَايبك وأَبْقَى ليهُم وَنِّسُم بالإلْفَة والحُب الكَبير بَاكِر بيتْوَلِد الحَنين وتَغَنِّي لِيك كُل البِنَيَّات بالسَمِحْ والَّلمَة فِي نُصْ الفَريق لا عَبْرَة بِتْسِد الحَلِق ولا حَرِيق قَدَال علي قَلْب الطَريق ولا السَفِير بِجْرَح خَوَاطر وَرْدَتَك

(عدل بواسطة عبدالله وداعه الامين on 06-13-2008, 05:48 PM)
(عدل بواسطة عبدالله وداعه الامين on 06-15-2008, 01:28 AM)

(عدل بواسطة مهند الجيلي بادي on 06-16-2008, 07:24 PM)

Quote: شلتي من الأرض ريحتا والحنين وشلتي خضرتا والصبر وتاني إلفتا والجبر وشلتي من عالي السماوات كوم نجوم دعوات ملك تسبيح شموس وإنتي بيناتم فجُر تاوق علي ليلاً تعيس وفضل يحنس شفتين الإبتسام للضحكة شان تجفي الحزن ..

Quote: يا غايبة ومادَّة عيون اللقيا تشوف طفَّرنا من الحدقات نتقاسم لحظة شوفك وضليل الشجرة الفيها كتبنا وكيف سطرنا الإلفة حروف رابض في أطراف العقل وقاعد علي هبشة ذكرى بطفِّر ..

Quote: تاويقة سايّ : تاوقت شان ألمح وشيك مديت عوينات البصيرة تفتشك حسيت حنينك وكنت شامم ريحة التراب وشفت عينيك صادفوني آآآآي صادفوني في شفع الحلة الملتقة بالصبر جرياتم وفي حفاهم كنت بشعر بي رجولك قادلة جواي تتحسسي الخطوات بشيش ما توخذك أشواك أساي ما تصحي كل النام زمان حتى ف مشيك بتحاذري ما تتاوري الجروح

ماساي.

جيتك قاصد وماني بدس الشوق الشايلو وجايّ.
لاني بخبّي الريد العشت حنينو ..معاي.
وماشفت عيونك أنا بالصدفة ..
كنت بباري خُطاهم وماشي
وهم خُطاهم ..قبل خُطاي ..ساقوا..ضِياي.

Quote: شفت عينيك ممدود براحا بلا حساب مكسية بي خضرة خريف معشوقتو شتلة مرسالو ليها مع التساب يا شتلة منتظرة المراسيل من زمن

هذا البراح شايلو بس شوقك براك.
الشتلة ماعِشقت خريف ...إلا شان حاضِن ..سماك.
لو كل المراسيل كان تجينا كما التساب
كان هواي شال الأرض
حضنو اتنينم .. سحاب.

Quote: كيف إنتي قيلتي كيف بعد الهجير طفا فينا كل الاشتهاء وبقيتي جواي وحَّدِك

زيّك تمام.

أظِن مرايتك وماك داري
شوق انعكاساتك هناك.

Quote: تعرفي يا تماضر

Quote: مين علَّمك

(عدل بواسطة ابوبكر يوسف إبراهيم on 06-26-2008, 06:27 AM)