|
نجونا ليلة أمس من الصاعقة و هلكت الأجهزة
|
أمس المغرب كان عندنا مطره شديدة وقد ضربت أحدي الصواعق عمارتنا ولكننا لم نصب بسوء سوى حالة من الفزع وصراخ أل 4 سيدات وانجالهن ,غير كل الأجهزة الالكترونية قد توقفت عن العمل(أظن تلفت)
يعني لا تلفزيون لا انترنت لا بلي ستيشن كلها الآن لم تعد تعمل وكذلك كل الجيران.
حسع الواحد ماعارف بعدين المساء يقبل على وين الا نمشي علي قهوة.
وزاد الطين بله انو الموية اصبحت قاطعة أذ احترق موتور الطلمبة.
امس نامت العمارة الساعة 10 بالليل و الليلة يكون الساعة 9
غايتو اول مرة الواحد يحس بالهدوء و السكينة وربما ( الوسخ) ورب ضارة نافعة.
|
|
|
|
|
|
|
|
Re: نجونا ليلة أمس من الصاعقة و هلكت الأجهزة (Re: MOHAMMED ELSHEIKH)
|
ألأخ/محمد الشيخ...
Quote: غايتو اول مرة الواحد يحس بالهدوء و السكينة وربما ( الوسخ) ورب ضارة نافعة.
|
الحمد لله على السلامة.............والخيرة فيما إختارها الله......بس أهم شىء ألأرواح ما فيها خسائر كل شى ربنا بعوضو.....
سلمتم من كل اذى يارب
إسماعيل محمد احمد عباس.....
| |
|
|
|
|
|
|
Re: نجونا ليلة أمس من الصاعقة و هلكت الأجهزة (Re: hamid abdalah)
|
التقدير الشديدي ليكم يا هاني وحاجة دومة,الطاهر, تبلدينا و حامد. يا تبلدينا اظنك انت الأخدت في خاطرك و بالمناسبة امس عادل امام نفى خبر موته الذي ذكرت الأنباء انه راج رواجا شديدا يعني ما ود الشيخ براهو. يا دومة كيف حالك انتي وتبلدينا من زمن البورد الزمان داك بتاع ناس حلفاوي وشيخ يوسف وود البلد و يازول يازول ما شفناك الا هنا .تحياتي. يا الطاهر انت ساكن في خميس حسب ظني و ما أظن تجيكم حاجة ما عنكم جبال زي حقتنا دي. أما الأخ حامد بالمناسبة الوالد عندو 50 فدان في جليلمةتحت اشراف اسرة المرحوم الشيخ عليى دقنة. أسال لي من خبرها(عايزين نقلب الدفاتر). اما الباشمهندس هاني اطلب منه طريقة رفع الصور في البوستات .زمان انا وحلفاوي كنا فيها بروفشنال لكن والله محيناها. و اليكم هذه الحكاية لواحد بلدياتنا اسمه عبادي النقي رحمه الله كان شخصا ظريف العبارة وهو اساسا يعمل راعي أغنام , لديه مراح من الضان أصابتو صاعقة في السبعينات ولم ينجو منو شيء. المهم الناس مشت تكفر ليه وطبعاالراجل كان مأمل تجيه حاجة كدى فيها فائدة . الناس كان يقولو ليه: " يا عبادي ربنا يعوض عليك" وكان رده على أحد المكفرين: " اي نعم ربنا بيعوض لكن مسعلتو(مسألتو)بتطول شوية."
| |
|
|
|
|
|
|
Re: نجونا ليلة أمس من الصاعقة و هلكت الأجهزة (Re: MOHAMMED ELSHEIKH)
|
Quote: أما الأخ حامد بالمناسبة الوالد عندو 50 فدان في جليلمةتحت اشراف اسرة المرحوم الشيخ عليى دقنة. أسال لي من خبرها(عايزين نقلب الدفاتر). |
اخوي محمد الشيخ
احيك مرة اخري تحية خاصة معبقة باريج دلتا طوكر الخضراء .. وفرصة سعيدة ان نتعرف علي بعضنا البعض بصورة اكبر , حتي يتم التواصل معا , وبالذات انه انت جئتنا من قريب جدا , طالما عندك علاقة ب ( طوكر والدهب المسوكر ), فانت قريبنا وعزيز وغالي علينا . . والي ذلك الحين تقبل تحاينا واشواقنا.. واتركك في حفظ الله ورعايته
| |
|
|
|
|
|
|
Re: نجونا ليلة أمس من الصاعقة و هلكت الأجهزة (Re: مهيرة)
|
طارق , هند تحياتي لكما و شكرا للشعور الظريف. مهيرة: "الف الف حمدا لله على سلامتكم .وان شاء الله ربنا يعوضكم ما فقدتم"
" ربنا بعوض ان شاء الله لكن مسعلتو بتطول"
تحياتي ليك يا مهيرة و ربنا ما يوريك شر اما حامد فلي معكم لقاء قريبا انشاء الله و تحياتي لكل اهل طوكر الخضراء " امبارح ضبحنا خروف الكرامة في "السودة"(احدى منتجعات عسير) تتصوروا برضو الرعود و البروق ضايقتنا وكادت تحرق الPOWER SUPPLY بتاع الخروف ذاتو لكن ربك ستر.
| |
|
|
|
|
|
|
|