|
Re: نادى العزابة الاسفيرى ....... (Re: عمر سعد)
|
Quote: طيب العندو جكساية موقف منظمتكم منو شنو او العندها جكسى برضو ؟ |
عمر سعد... زعيم العزابة ..
شايفاك فى بوست عادل التجانى .. كابى الجرسة والاحتجاج زي فى مسالة التفرقة دى..
مسالة الجكسى والجكسوية غير معترف بيها فى الدولةولا فى منظمات المجتمع المدنى حتى ..
بالنسبة لنادينا دا بكونو عزابة بس برتبة شاويش..
سؤال انت معانا ولا مع التانيين؟
| |
|
|
|
|
|
|
Re: نادى العزابة الاسفيرى ....... (Re: أبو الحسين)
|
نسجل حضور ودعم ومعا لرفاهية العزابة وحمايتهم من المتورطين في الحياة الزوجيةارفض أغنية العزابة الكلها عدس لانها من زمن قديم...لان كل مرحلة ليها توجهاتها وبنيتها الاساسية وملامحها الحنتفق عليهادلوكتي (عادل امام)...
ممكن افوض نفسي للعمل كناطق رسمي
| |
|
|
|
|
|
|
Re: نادى العزابة الاسفيرى ....... (Re: أبو الحسين)
|
بعدين يا اميره زي اخونا عمر سعد نديهو عضوية مراقب لحدى ما يفك (الجكسويه) بتاعتو دى بعداك نعيد النظر فى منحه عضويه كامله يعنى زى وضعو حيكون زى وضع السودان فى (الاوبك)
فى موضوع مهم فى الشروط (المطلقين) ما معانا....
| |
|
|
|
|
|
|
Re: نادى العزابة الاسفيرى ....... (Re: أحمد الشايقي)
|
Quote: من ناحية تانية يلزمكم علاقة قوية مع احمد العربي المِأذون
|
احمد الشايقى...
الف مرحب بيك وسعيدة انك هنا..
تابعت بوست المأذون بتاع احمد وانت كنت نجمومية البوست بمتابعتك ومداخلاتك المتميزة
بس على فكرة احمد العربى ما حكيون فاضى لينا اليومين ديل لانو على مايبدو
طلق العزوبية ..
سؤالك حول موقف منظمتنا من الجكسس انو نحن نادى ما منظمة وبرضو الجكس فى عداد
العزابة ولا رايك شنو..؟؟؟؟
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: حقو الواحد ينفس ليك البوست دا هسي ويقوم يعرس في باقي الليل دا أنا غايتو عندي لسته طويله عريضة ..
|
معتصم دفع الله.
ساعدو فى قبر ابوه دسة المحافير..
بس دى بقت عليك انت...
الحالة البوست دا تضامنا معاك انت وصاحبك التانى داك..لانو قبل فترة وهنا
فى البورد دا ادقت ليكم صيوانات ..واتزرزرتو زرزرة خلت اى زول يحن فى شانكم
وكان مغالطنى اسى برجع الارشيف واجيب ليك بوست التوب المشجر..وبوست حنة تمبس وايييييييك...
يازعيم العصابة اصلح معانا وادينا اللستة العندكم..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
محافير شنو يا أميرة .. هسي عليك الله الحفرة الحفرتيها دي صغيرة
بعدين الزرزره زاته خشم بيوت .. زرزه تحنن .. وزرزرن تجنن ..
Quote: يازعيم العصابة اصلح معانا وادينا اللستة العندكم.. |
زعيم العصابة قولي واحد .. وواحد كده مفتوق اليومين ديل .. وواحد داش وواحد مشتت طاش ..
لغاية كده كفاك بجيك تاني ..
| |
|
|
|
|
|
|
Re: نادى العزابة الاسفيرى ....... (Re: انعام حيمورة)
|
Quote: ويعين معتز القريش كبير المستشارين . |
اعتذر عن التكليف لارتباطي بثلاثةر من الزوجات وكمية من الأبناء والبنيات الزي العسل . . . كما ارفض الترشيح مجددا أو الضغوط أيا كان شكلها لكراهيتي للعزابة والعزوبية وبيوت العزابة وحتى بوستات العزابة ... . . خليكم قاعدين سجمانين ورمدانين كدا أنا عندي مشوار مع المدام لي عند الشيراتون أصلو الليلة عيد زواجنا وواحد صاحبنا حجز لينا تلاتة يوم مجاااااااااااااني . . قاتلكم الله ايها العزابة المعذبيييين
| |
|
|
|
|
|
|
Re: نادى العزابة الاسفيرى ....... (Re: معتز القريش)
|
Quote: اعتذر عن التكليف لارتباطي بثلاثةر من الزوجات وكمية من الأبناء والبنيات الزي العسل .
|
ود القريش..
ازيك...
عافين ليك لله والرسول..
بس انت خليك لحدى ما الندوة بتاعة د. ناهد تنتهى بجى برد ليك هنا دا
| |
|
|
|
|
|
|
Re: نادى العزابة الاسفيرى ....... (Re: مجاهد عبد الرحمن)
|
Quote: اعتذر عن التكليف لارتباطي بثلاثةر من الزوجات وكمية من الأبناء والبنيات الزي العسل |
أميرة أرى قبول إعتذار معتز نظرا للظروف الآنف ذكرها وأيضا
هناك ملاحظة مهمة برأيي أن إستشارات ود القريش كانت حتودي
الإخوة العزابة في ستين داهية وتلحق جمعيتنا أمات طه قبل ما
أولاد عمها إسمعو بيها وعسى أن تكرهوا شيئا وهو خير لكم .
Quote: خليكم قاعدين سجمانين ورمدانين كدا أنا عندي مشوار مع المدام لي عند الشيراتون أصلو الليلة عيد زواجنا وواحد صاحبنا حجز لينا تلاتة يوم مجاااااااااااااني |
يعني حسع يا أبو البنيات بتمشي الشيراتون كم مرة في السنة
بسم الله ما شاء الله وتبارك الله
صلاح واسبه
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
اميرة صباح الخير...
Quote: ... مبروك عليك المنصب... |
كدة بدون مخصصات؟؟؟؟
معتز القريش...تحياتي
Quote: كما ارفض الترشيح مجددا أو الضغوط أيا كان شكلها لكراهيتي للعزابة والعزوبية وبيوت العزابة وحتى بوستات العزابة ...
|
يازول بنسحب الترشيح لكن انت ليه كارهم كدة ليه ...انت جيت دي الدنيا متزوج...ادي الناس فرصة.
احمد الشايقي...كيفنك
Quote: Quote: طيب العندو جكساية موقف منظمتكم منو شنو او العندها جكسى برضو ؟
سؤال وجيه مكرر
من ناحية
من ناحية تانية يلزمكم علاقة قوية مع احمد العربي المِأذون
قكرة موفقة
|
بالنسبة للعندو جكسوية لو اعلن تسقط العضوية ولو بالغمتي ما بنبهشه...لنا بالظاهر بالنسبة للمأذون عندنا مأذون ببنطلون جينز متخصص في E-commerce يعني عندنا اربعة انواع من العقودات بزنس وكستمر B2B B2C C2B C2C ويديك العافيي
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: جينز متخصص في E-commerce يعني عندنا اربعة انواع من العقودات بزنس وكستمر B2B B2C C2B C2C ويديك العافيي |
قمربوبا..
صباح الخير ..
وينك ؟؟ وانت مسئول مباشر من البوست دا؟؟
بعدين سا عدونا بالالفاظ ياخ (الشرح)
اتنطر كان فهمت الكيمياء دى..
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
أميرة الشيخ إزيك ياأميرة ياخ
ثم كتر خيرك وإنتي بتسندي قفانا المعووج دة ياخ ... كل الناس هنا إتنين إتنين (إلا العزابيين والعزابيات ) نفر نفر وكل زول بي جمرو ... نسوي شنو ياخ نحنا . تنقش تنقش تنقش أحببتها والبلاد تملصني كخروج الشعرة من العجين ... أحببتها وكسرت ركبة في سمرتها البرونزية ... بت زي موية التلج تنزل عليك برداً وسلاماً برداً وسلاماً في صيف البلاد الحار . ياخ البنات عجيبات يا أميرة والعزوبية دي للأسف محل قبلنا قبالنا (وراي وراي زي ضلي) وهذا البوست أثار ما أثار من الشجن . موش غريبة يا أميرة إنو الواحد يحتفي بي (روحو كعزابي يقد عين الشمش) والله الدنيا دي عجيبة وبايخة ... تحب وتلقي روحك برضو عزابي ... تخطب وبرضو تلقي روحك عزابي والأفظع تتزوج وتلقي روحك عزابي .... والله ما فضل لنا غير أن نتبع خطي أبوزر رضي الله عنه (براهو براهو براهو) كان ذاك الصحابي الجميل . ونحن علي الدرب لسائرون .
كما أهدي الأغنية لقمر بوبا وأشهد الله أنه يستحق عنوةً كدة وإقتدار وظيفة الأمين العام لنقابة العزابة ... لتمترسه وصموده في وجه الــ...... (هسي ياموسي أقول وش منو ولا منو) نهايتو في وجه الوجوه .
الأغنية يا أميرة ... براي براي في الدرب الطويل تاررراررم ويمكن إستبداله بالأغنية أدناه برايا برايا بشيل الشيلة
أميرة ياخ والله أنا معاكم وين ماقبلتو .
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: معتصم كنت خايف يكون من بوستات اليومين ديل المفخخة لكن لمن لقيتك متحكر إتأكدت وإطمأنيت إنه الموضوع جد يلا النقول ليكم |
سلام يا واسبه .. هسي عليك الله البوست دا ما كلو بارود .. العزابة ديل قاعدين على الهبشة مفخخين عديل كده ..
تحياتي ..
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: كما أهدي الأغنية لقمر بوبا وأشهد الله أنه يستحق عنوةً كدة وإقتدار وظيفة الأمين العام لنقابة العزابة ... لتمترسه وصموده في وجه الــ...... (هسي ياموسي أقول وش منو ولا منو) نهايتو في وجه الوجوه .
|
خضر حسين الله يعلك...انت معانا بجاي برضو؟ ثم ثانيا غنية شنو التهديها لي بتاعة براي دي...براي دي تسمعها انت في غربتك...انا معاي البلد كلها وماني خايف...ولما اكون عايزها اسمعها انا اسمعها من التومات ما منك ...ومشتاقين يا وغد
| |
|
|
|
|
|
|
Re: نادى العزابة الاسفيرى ....... (Re: عثمان دغيس)
|
Quote: هنالك ذوي الإحتياجات الخاصة .. |
عثمان دغيس..
والله العظيم كتلتنى بالضحك ..
قلت ذوى الاحتياجات الخاصة...؟؟
نحن بنتكلم عن عزابى كامل الاهلية وما بنقبل بانصاف العزابة..
بس ينظر ويفاد بعد وضع الدستور..
| |
|
|
|
|
|
|
Re: نادى العزابة الاسفيرى ....... (Re: البشير دفع الله)
|
Quote: جابني الدرب بس مافي طريقة للتسجيل كأصدقاء للجمعية ؟ لتقديم الدعم الفني والاستشاري .
|
البشير دفع الله سلاااااااام
جابك الدرب ولا الحنين للعزوبية ... قول لينا بصراحة وبعدين الدعم الفنى
والاستشارى للعزوبية ولا وللزواج؟؟؟ لانها بتفرق هنا
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote:
البشير دفع الله سلاااااااام
جابك الدرب ولا الحنين للعزوبية ... قول لينا بصراحة وبعدين الدعم الفنى
والاستشارى للعزوبية ولا وللزواج؟؟؟ لانها بتفرق هنا |
ما يسمعك الباشكاتب يا بت الشيخ عزوبية شنو ؟ قال حنين للعزوبية قال الدعم الفني والاستشاري للزواج , هي العزوبية شقية الحال دي بتدورلها استشارات كمان ما زي ما تجي تجي
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
Quote: ما تقعدى تتضحكى لى .. وبما انك من اهل الشأن ومعنية بالامر..افتينا
وحسب علمى بورداب الخرطوم كلهم عزابة (وش خايف).. |
أميرة وشك خايف مالو؟
عايني لو واحد فيهم فتح فيك بلاغ
ما بقدروا يجيبوك الا بالإنتربول
قولي ساااااااكت مافي أي إنتربول بجيبك
هو الإنتربول دا لو بجيب كان جاب هارون وكوشيب
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
عميد النادى انا ده يامعاويه ,,,
اكبر عزابى فى الوحه اسوى شنو ياأميره وعندى رغبه شديده احضر ندوة بكره دى ؟؟
والمصيبه يامحمد حسن انا الصديق العازم ود القريش تلاته ايام فى الشيرتون ,
شفت الفلهمه دى يعنى عريان وكايس ليهو سديرى ,,
| |
|
|
|
|
|
|
Re: نادى العزابة الاسفيرى ....... (Re: kamal ali)
|
Quote: اكبر عزابى فى الوحه اسوى شنو ياأميره وعندى رغبه شديده احضر ندوة بكره دى ؟؟
|
كمال على وفى رواية اخرى كمال سالم...
ياتو فيكم العزابى انت ولا كمال التانى?
والندوة دى كلنا كنا جاينها بس الدوام بتاع الشغل بقى مشكلة...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
بت الشيخ .....
دي تفرقة يجب محاربتها ...
طيب ممكن تقبلوا عضويتنا أنا ومرتي؟ يعني بصفتي عزابي وهي كمان عزابية.
طبعاً المتزوج ممكن يثبت زواجه بالقسيمة وكدة .... لكن الما متزوج يثبت الحالة دي بشنو؟
عزبتونا ياخ!!
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
السلالالالام عليكم ابها العزاااابة ، اهو انا جيت اقدم لعضوية النادي و اظنني استحقها بلا جدال يا الاميرة بت الشيخ ، من غير انعقاد لجنة تنفيذية و لا غيرو و كمان عايزة لي منصب في ادارة النادي ، و عندي رأي في الناس المتزوجين ديل و عايزين يدخلوا النادي كمستشارين و غيره ، نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا ، احسن حاجة نتبادل نصائحنا برانا و كل زول فينا يحكي تجربته للباقين و نتناقش فيها بروح العزابة الواحدة ، رأيكم شنو يا شباب ، عفوا اعتقد برضو يوجد عزابة كهول و عجائز لذا اصبح السؤال رأيكم شنو يا عزابة في الكلام دا ?
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: كل زول فينا يحكي تجربته للباقين |
بت الماحي ضحكتيني من الصباح هي هي وينا التجربة البحكوها دي يخربكم/ن
بت الشيخ وعضوية النادي الكرام سلام عليكم جميعا جاري البحث عن أغنية مغس يا العزابة تنفع شعار للنادي وكدا
| |
|
|
|
|
|
|
Re: نادى العزابة الاسفيرى ....... (Re: محمد البشرى الخضر)
|
سلام يا ود البشري و بركة البقينا ليك سبب تضحك بيه من الصباح ، علي كدا يومك كلو حيكون ورد ! لكن يا اخوي كان سألت من التجارب وحاتك انت يالغالي جنس تجارب هي : شئ جكييس و شئ شواكيش و شئ حب من طرف واحد و شئ عينك علي ود العم أو بت العم ، و عيييييك كلام كتير و قصص !! انت قايل العزوبية دي جات كدا بس من فراغ ? و لا بس انتوا عشان اتشالقتوا و عرستوا بدري بدري لاقين التجارب دي حقت المتزوجين بس ? بالعكس العزابة ديل تجاربهم بحر !! خليك بعيد يا ود البشري ، بس جيب الاغنية و خليك برة النادي دا
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا ، احسن حاجة نتبادل نصائحنا برانا و كل زول فينا يحكي تجربته للباقين و نتناقش فيها بروح العزابة الواحدة ، |
هبة بت الماحى ..
ازيك..ياخ.
البوست بوستيك.. سوى الدايرة فيهو.. وباين انو موقفك واضح وواثقة
من عزوبيتك وما خايفة من اجعص متزوج هنا( ودالبشرى وصلاح واثبة)ونحن دى نوعية العضوية
المحتاجنها ..
عزوبية مجيهة ولا عرس مجهجه .. رايك شنو؟؟؟
ونشوف حال العزوبية فى بلاد العم سام عاملة كيف..
تحياتى يا هبة...
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
ازيك انتي دي يا بت الشيخ و تسلمي علي الدعم المعنوي اصلو نحنا عزابة زي بعض و مؤسسين لهذا النادي و لازم ندعم بعض . و العزوبية في بلاد العام سام صعبة والله يعني عليك همين هم غربة و هم وحدة !! غايتو ربك كريم علينا .
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: و عندي رأي في الناس المتزوجين ديل و عايزين يدخلوا النادي كمستشارين و غيره ، نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا ، |
الاخت / heba Elmahi انا عارفك قاصداني أنا بالكلام ده , لكن اسمعي الكلام ده كويس وما تابيهو , ويجيك يوم تكوسي لمستشار ما تلقيهو , أهه دي فرصة واستشارات مجانية , لا داير عمولات ولا راتب , انتي قايلة المتزوجين ديل الله خلقهم كدي متزوجين طوالي ؟ لا ابدا ديل اول حاجة كانوا عزابة , وتدرجوا في سلك العزوبية ردح من الزمن الى أن من الله عليهم ببت الحلال , يعني شوكشوا واتشوكشوا , والراس مليان فليق كمان , وآخر شئ اتوكلوا على الله وعرسوا . أهه الاستشارات دي بتكفيك شر التجارب , طالما غيرك جربها , والعزابي بتعظ بي غيروا , ولا شنو ؟ الاخت اميرة الشيخ بعد السلام والذي منو ما زال عرضي قائما للعمل كمستشار للجمعية .
| |
|
|
|
|
|
|
Re: نادى العزابة الاسفيرى ....... (Re: البشير دفع الله)
|
Quote: الاخت / heba Elmahi انا عارفك قاصداني أنا بالكلام ده |
الشير دفع الله...
احيييك على موقفك واصرارك لوجودك بينا..
زى ما بقول المثل المتزوج فى راسو ريشة...
بعدين فى ناس تانين يعنى ما انت الوحيد المتزوج...
Quote: يعني شوكشوا واتشوكشوا , والراس مليان فليق كمان , وآخر شئ اتوكلوا على الله وعرسوا .
|
دى قوية وعجبتنى لكن مااقنعتنى
Quote: الاخت اميرة الشيخ بعد السلام والذي منو ما زال عرضي قائما للعمل كمستشار للجمعية .
طلبك محول لقمر بوبا وهبة الماحى
|
| |
|
|
|
|
|
|
Re: نادى العزابة الاسفيرى ....... (Re: ملكة سبأ)
|
Quote:
Quote: يا اخى اتصلحى ..
شكلو كدا حا اكون مسؤولة من البوش في النادي دا |
ملكة سبأ
ياخوانا اتصلحوا كلكم.... عدس شنو وبوش شنو...نحن في 2008 ما عزابة زمان ده زمن الدليفري سيرفسس...كدة الناس حتشمت فينا كعزابة.
في سياق منفصل... الصورة دي جميلة وقفت عندها ...ذكرتني مدارس الشمال القرينا فيها...والشمال حنين برضو
وتسلموا يا عزابة
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: و عندي رأي في الناس المتزوجين ديل و عايزين يدخلوا النادي كمستشارين و غيره ، نحنا ما عاوزين استشارة أو نصيحة من زول متزوج لانه بكون بعيد عن مغس العزابة و ما بقدر يفيدنا |
لكن يا هبه الفيك إتعرفت !!
وده حالتو نحنا أصحاب .. ماشي ماشي يابت الماحي
صلاح
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
Quote: لكن يا هبه الفيك إتعرفت !!
|
الواضح ما فاضح يا صلاح يا اخوي ، انتوا ناس متزوجين و فارقتوا احساس العزوبية من زمن و عليه وجودكم في هذا النادي يعتبر تسلل !! يا اميرة افتحي باب الترشيح لمنصب حارس لبوابة النادي و من هنا و لي قدام الدخول بالبطاقات .
| |
|
|
|
|
|
|
Re: نادى العزابة الاسفيرى ....... (Re: heba Elmahi)
|
Quote: الواضح ما فاضح يا صلاح يا اخوي ، انتوا ناس متزوجين و فارقتوا احساس العزوبية من زمن و عليه وجودكم في هذا النادي يعتبر تسلل !!
|
عفيت منك يا هبة اديهم ..
تسلل دى حلوة ...
نديهم كرت اصفر ولا نخلى الكرة ضربة مرمى ..
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
Quote: ياخوانا اتصلحوا كلكم |
GamarBoBa
شوف لينا ذو الاحتيجات الخاصة ديل نعمل معاهم شنو..
لانك حريص على فكرة العزوبية..
وكمان قلنا ليك اشرح لينا الكيمياء الفوق دى ما اشتغلت بينا..
تانى اصلحو معانا
| |
|
|
|
|
|
|
Re: نادى العزابة الاسفيرى ....... (Re: GamarBoBa)
|
عاوز تقول علي لم السفنجات من خشم باب الصالة صاح ؟
المهم سطلة الدكوة انا مابعملها خااالص
ولا بقطّع لي بصل ولا عدي شغلة مع الطماطم والسكاكين
يدينا ياخ عارفنا عزابة وكدا
قال دليفري قال
بخصوص الصورة : هوووي ياقمر عزابية آه بس لسة مالبست توب ابيض وماشغالة مدرسة
يعني ماتقيف لي قدام الباب دا
قوم لف
| |
|
|
|
|
|
|
Re: نادى العزابة الاسفيرى ....... (Re: ملكة سبأ)
|
ملكة سبأ
Quote: بخصوص الصورة : هوووي ياقمر عزابية آه بس لسة مالبست توب ابيض وماشغالة مدرسة
يعني ماتقيف لي قدام الباب دا
قوم لف |
لفينا....
لكن بخصوص الصورة تاني انا اصلي بخاف من المدرسات... لكن افتحي بوست عن الشمال ...عندي الايام حنين ليه لكن تمسكيه معاي الجيلي لحلفا.
وسلام تكعيب يا ناس الدكوة المابين دليفري
| |
|
|
|
|
|
|
Re: نادى العزابة الاسفيرى ....... (Re: معتصم دفع الله)
|
Quote: يا اميرة افتحي باب الترشيح لمنصب حارس لبوابة النادي و من هنا و لي قدام الدخول بالبطاقات . |
أسي الواحد حقو يجي يوم بالليييل يغير اليافطة بتاعة ناديكم
ويخت فيها نادي المتزوجون الأسفيري عشان تجو تلقو شلتنا كلها
متحكرة والنادي مليان شفع لي عينه .
صلاح واسبه
| |
|
|
|
|
|
|
Re: نادى العزابة الاسفيرى ....... (Re: Salah Waspa)
|
Quote: أسي الواحد حقو يجي يوم بالليييل يغير اليافطة بتاعة ناديكم
ويخت فيها نادي المتزوجون الأسفيري عشان تجو تلقو شلتنا كلها
|
صلاح واسبة ..
ازيك..
من غير تغير اليافطة اسى انتو حارسين النادى وكان مغالطنى اسال البنية السمحة
الفى برفايلك دى(الله يحفظة)اقصد احسب عدد المتزوجين فى البوست دا اوالطلبو عضوية
باعذار مختلفة...
قال يغير اليافطة قال....
| |
|
|
|
|
|
|
Re: نادى العزابة الاسفيرى ....... (Re: Amira Elsheikh)
|
يا اميرة... الكيمياء بنشرحها...لكن كدي نحسم مسألة الهجمات البتجي من برة دي ..... وبعدين في تداخل في الصلاحيات... وانا ال (Job Description) بتاعي ما واضح وبالطريقة انا بجقلب... والشي التاني النادي نادي للعزابة ما بيت عزابة...لو بيت عزابة انا نازل هنا..
مع التحايا
| |
|
|
|
|
|
|
|