|
Re: عازف الأوتــار - عبد الكريم الكابلي (Re: عبدالكريم الامين احمد)
|
الإنسان الجميل كيكي مشـتاقين كتير.. واتمنى أن تكو ن والمدام والأخوان طرفكم بخير وعافية. شكرا على المرور الأنيق والإطراء .. وأنا أهديك والحبيب احمد الأمين رائعة التاج مصطفى عازف الأوتار بصوت الكابلي .. تمنيت أن يكون معي تسجيل بصوت التاج هنا في طوكيو ولكن كل الأشرطة الكاست في منزلي بالسودان... تسلم يا حبيب.
تحيتتي وصادق مودتي .
| |
|
|
|
|
|
|
Re: عازف الأوتــار - عبد الكريم الكابلي (Re: haroon diyab)
|
أخي الحبيب هارون دياب أتمنى أن تكون والأسرة الكريمة و الإخوة الكرام في الدوحة بخير وعافية . شــكرا جزيلا على الطلة البهية والثناء . سعدت كثيرا بلقياكم الحبيب في الدوحة واتطلع إلى أن القاكم نهاية العام إذا أمد الله في العمر .. تسلم يا حبيب تحياتي وصادق مودتي
| |
|
|
|
|
|
|
Re: عازف الأوتــار - عبد الكريم الكابلي (Re: الزوول)
|
أخي الحبيب الزوول
Quote: لولا قلة ممن ينثرون الجمال في هذا المكان كتابة وتهذيباً وعقلاً وحكمة لانصرفت كثرة من قراء ومتابعي هذا المكان |
صدقت أخي الكريم .. نسأل المولى عز وجل أن يصلح حال المنبر.
Quote: تعرف للكابلي ميسمه الخاص الذي يسم به كل ما يغنيه فيكتسب الصبغة الكابلية ربما تزيد المؤدى حسنا او ربما لا ولكنها تصبغه في كل الأحوال بالصبغة الكابلية فهو لا يقلد أحداً في أداءه ولكنه يؤدي اللحن بطريقته وهذه تحسب له بلا شك |
الكابلي بصوته الفريد وحنجرته الطيعة يستطيع أداء أي أغنية فيزيدها جمالا وروعة . .. الله يعطيه العافية.
Quote: في هذه الأغنية نحمد له بلا شك نفض الغبار عنها ولكني أظن أن التاج مصطفى أبدع فيها أكثر أسمع وقارن |
التاج مصطفي من الفنانين القلائل الذين لا يستطيع أحد تقليدهم ..أجد دائما في أدائه لأغنياته متعة تفوق الوصف والخيال .. شــكرا جزيلا على إيراد الأغنية بصوت التاج غير أن الرابط لم يفتح عندي وسأحاول معالجته.. وهي بلا شك أحلى في خشم سيدها . .. الله يحفظك أخي الحبيب. عاطر تحياتي ووافر محبتي .
| |
|
|
|
|
|
|
Re: عازف الأوتــار - عبد الكريم الكابلي (Re: Gaafar Ismail)
|
السيد\ جعفر لك التحيه والتقدير لم اتشرف بمعرفتك ..لكن ارى فى وجهك طيبه فايته الحد...علشان كده بديهيا يكون عندك (زوق) راقى فى اختيار اغانى كابلى...صدقنى اول ما افتح المنبر ابحث عنك..علشان اعصابى تهده قبل ان يعكرها (معكر) .فى انتظار المزيد وشكرا
| |
|
|
|
|
|
|
Re: عازف الأوتــار - عبد الكريم الكابلي (Re: DKEEN)
|
أنا عااارفة...حتقوللي عملو لي حفلة وداع بهاشم مكي... زول عسل خلاص..واي شي من طرف الكابلي عسل يا سلام عليك يا سيد البوست وكل ناس البوست
زمان في الجامعة الناس غلبومعاي...لانو ما ظريفة تمشي مع مثقفين وتغني سكرسكر!! الحمدلله كان في دكين في الجامعة.....وصافي!!
| |
|
|
|
|
|
|
Re: عازف الأوتــار - عبد الكريم الكابلي (Re: Maysoon Nigoumi)
|
حفلة وداع يا ميسون؟؟ خلاص هانت عليك الخرطوم وبقيتي من ناس الوداع؟؟ إيييييييييييه ما اقسى ان ينهض الاقتصاد الردي في وجه جميل، يحول بينه وبين الوطن..
خالك الله يطراهو بالخير كان بحب الكابلي.. عملك محبتو وجيت لقيتك شابكة في ابو داوود..
لو عايزى تعيشي غربة معافاة من الوجد والفقد ماتجربي الشريط الاخير (امير العود 2 )بتاع حسن عطية واداء الكابلي..
| |
|
|
|
|
|
|
Re: عازف الأوتــار - عبد الكريم الكابلي (Re: DKEEN)
|
أنا الهنت على الخرطوم يا دكين قالو بعد واحدة من الانقلابات دي عملو احتفال طلع المسرح ابو داوود وكابلي قال ليهم الليلة الحفلة بلاك اند وايت فشفتا كيف...أنا برضو بحب بلاك اند وايت... قلت لي ما اجيب الشريط لكن جبتا معاي كمية من الكابلي...لمن عصمت زهج مني..لكن قفشتو بيدندن..الشال السيدة وخلا حرم...يا سلام فيك يا مروي
| |
|
|
|
|
|
|
Re: عازف الأوتــار - عبد الكريم الكابلي (Re: Gaafar Ismail)
|
By the way بينما يوم بوصل بت الجيران لحدي امتداد ناصر لزواج صحبتها لاقيت زينب البيلي بتوصل اختها لنفس الزواج..تسالمنا بحرارة السنين التي لم التقيهم..اولموست 7 سنة..
طبعا بقت عاقلة وزاد وزنها.. الغريبة قالت لي علياء حسن اسلامها وتتبعت آثار السلف.. قتا دي من الاثار السلبية لغياب ميسون عن هذه المجموعة..
انا ماعارف انتي متذكرة الناس الانا قتهم ديل ولا ظروف الاستعلاء الثقافي التي تصيب النخبة قد اصابتك ونسيتي البرجوازية الصغار ديلا...
حاولي خلي زول يرسل ليكي شريط حسن عطية اداء الكابلي ..الجزء الاول والتاني لكل شي طعم ..والغربة دي لو ما بكيتي فيها ما ببقى عندها طعم..
| |
|
|
|
|
|
|
Re: عازف الأوتــار - عبد الكريم الكابلي (Re: DKEEN)
|
أخي الحبيب سلام على روحك الطيبة على أنامل الكابلي تكون الأنغام مطواعة ومتناغمة، رقيقة حيناً، وعنيفة أحياناً أخرى، ولقد أحسست وأنا أسافر عبر ألحانه أن الأنغام تأتيه وكأنها قادمة إلى احتفال، لأنه يعرف في أي مقام يوظّفها، بعد أن يخضعها بكثير من الذكاء لتصوراته، وكأن في عمله تلقائية مدهشة، تتخطّى القواعد الجامدة، لتجعل الصورة تتوضّح، مع تناغم شكل التعبير في أفق الفنان و الشاعر من جهة، والمضمون من جهة أخرى. أنغامه تفيض رقّة وشجواً وشجنا ، ذلك أن أعمق زفرات القلب البشري وجدت لها أنغاماً على شفتيه، وعلى أوتار قيثارته، فسميّ بحق صنّاجة الفن السوداني المعاصر.. وسيتناول الناس أنغامه وأشعاره، ويترنمون بألحانه المختلفة، وخصوصاً كأنها في مجملها المناجاة المزاميرية، التي سكب أنغامها وكلماتها من روحه، بأحدث النغم واللحن والأداء .. وسيوالي الذوّاقون الترنّم بأغنياته وأشعاره المغناة ، تتناقلها الأجيال إلى ما شاء اللـه ، دون أن تفقد شيئاً من روعتها.. ألحان الكابلي علامة زهو في جبين الفن السوداني الراقي فلامست المشاعر الإنسانية فاحتضنتها بحنان، وعطّرتها بعبير مداد الأزهار ،
| |
|
|
|
|
|
|
Re: عازف الأوتــار - عبد الكريم الكابلي (Re: DKEEN)
|
والله ظلمني...بالعكس بعد ما أنا اكتشفوا انو اسلامي ما حسن أبعدوني عن الدائرة لكن لسة فرد...لكن السجمانات إلا أخبز ليهم كيك عشان يزوروني استعلاء ثقافي...انتا ما عارف صاحب العيال لا يفلح!! الأم بيبقى دمها تقيل على العزابة
| |
|
|
|
|
|
|
Re: عازف الأوتــار - عبد الكريم الكابلي (Re: Gaafar Ismail)
|
الحبيب عم جعفر تحياتي تعرف زي ما قال الجميل كيكي إنه " مرات الواحد بيكون عاوز ليهو وحي او روح قدس عديل كده عشان يكتب ليهو كلمة كلمتين في بعض البوستات" أها بوستيك المشعلل النيران في القلوب ده واحد منها.
تسلم ويسلم معاك الكابلي المتفرد
| |
|
|
|
|
|
|
|