|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
وكتب استاذه قبل يومين قائلا
Quote: احتل المركز 107 متقدماً 13 مركزاً في شهر واحد بينما واصل الهلال تراجعه ليحتل المركز 95 بعد أن كان يحتل المركز 89 في الشهر الماضي! * نتوقع أن ينجح المريخ في تخطي الهلال قريباً لنرتاح من هذه السالفة نهائياً |
ناس فاقده وطنية يا خي قول مبروك في الاول وبعدين تعال بهترشتك دي على فكره نسيت تكتب عبارتك التي تعودنا عليها ............. صلاح إدريس .......
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
طلحة قالو الما بتعرف تدخن بت....... انا عاجبانى نكتة صلاح ادريس: قالو جاه مارد ازرق طلع من قمقم وقال ليه شبيك لبيك عبدك بين يديك اى اوامر صلاح قال ليه بس انا عايز كبرى من جده لى استاد الهلال عشان شداد ومشاكله مع الهلال والجماعة ما بقدرو عليها وظروف الطيران ما معروفه المارد قال ليه ياخى الكبرى بجيب هواء للجماعة ديل وناس العمرة وزوغه بكتروا ... اطلب اى شى تانى احققه ليك قام صلاح قال ليه خلاص الهلال يشيل بطوله خارجيه.. قالوا المارد قال ليه: يا صلاح انت الكبرى عايزو ماشى وجاى والا ماشى بس طلحة الجماعة قربوا يصلوا الحد ما تخاف،،،
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
عندما ينتصر الهلال يسعد جماهيره وتتفتح الأزاهير وتغرد العصافير ويسود السلام الاجتماعي في أنحاء الوطن، وتختفي الخلافات الزوجية والمشاكل الأسرية والصراعات الاجتماعية والغيرة المهنية والاحتكاكات والمشاجرات، ويصحو الناس مبكرين ويذهبون إلى مكاتبهم وأعمالهم ومصانعهم لأداء أعمالهم بنفوس منشرحة، فيرتفع الإنتاج ويتحسن الاقتصاد ويتحقق الرخاء والازدهار اللذين ظل الشعب السوداني يبحث عنهما منذ أن نال استقلاله قبل 50 عاماً•• واختتم مقاله بتمني انتصار الهلال على الدوام لتحقيق السلام والوئام الذي يدفع السودان إلى الأمام!!
مقولة لكاتب عربى ما بعرف قاصد ياتو هلال ياربى هلال جزر القمر
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Quote: السني ياخ مالك عاوز تخرب لينا الدوحة الظليلة دي وتملاها لينا مريخاب |
كتر خيرك يا كيكي
مبروك يا هلالاب .. يا ابو الطلوح .. اصلهم حبايبنا ديل ياهو حالم يفرحوا بانجازاتم الزي دي والما فوتوها لا قدام.
انا من امبارح عندي وجع بطن (وش ضاحك ومهضلم من كترة المشي للحمام)
والله يا طلحة كان عندي امل كبير خلاص في الزامبيين ديل لكن خذلوني الله يقلعم...
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
الرشاشة طلوووووح انا جيت اسمع يا خوي انت بكري دة اشتكليك السيرفر دة انت مساهم فيو هو انتو مع القطن والتركين والدلفين بتعملو عشرمية بوست لمن سيد البلد انا لو فى محل بكري اول حاجة مريخابي ذاتو ما يخش المنبر ولا شنو يا جماعة الحق حق والفضل فضل وبالمناسبة انا عايز لون المنبر دة ازرق عديييييييييييييييييييل معليش يا جماعة الهلال دة عند طلوح صاحبي دة اسمو الهلاك كاك كاك احمد عادل جاك وراك وراك لمن الممتاز ياباك رايك شنو فى الشعر دة يا تيتا ياجماعة الخير الرشاشة دة ما مصدق قودوين مشى وبالمناسبة تحت تحت هو مسمسر فى الصفقة مع جماعة كدة عندهم مصلحة فى تطفيشو من الهلال كل سيرتهم فى البيزنس تصدير قودوين والنعام احم احم العين لا تعلو على الهلال بعدين احمد عادل دة والله فى شكلو قودوين قودوين والعجب ما بتاع المريخ يا طلوح العجب كان قودوين دة لحقنا شهر ستة بتصدق نبوءة التمانية بتاعت حارس المريخ الجديد دة ياخ اسمو منو طلوح - امسك الخشب الغريق قدام وينو طلحة الصوتو اتبح حلوة واسكرني يا تيتا يا حنين على سيرفر بكري
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
صديق الموج سلامات يا لذيذ بي فهم
Quote: قام صلاح قال ليه خلاص الهلال يشيل بطوله خارجيه.. قالوا المارد قال ليه: يا صلاح انت الكبرى عايزو ماشى وجاى والا ماشى بس
|
وفي راوية اخري قال ليهو ياخ خلاص خليها البطولة الخارجية شيل لي شداد الباقي لي في رقبتي دا . قالوا عمك المارد وبعد ما جاتو عشراقة كادت تدخلو تاني في محلو قال ليهو : يا زول أنت البطولة عايزا قارية واللا عالمية ..؟ يا صديق جماعتك ديل ما عندهم عود من اساسو في البطولات الخارجية دي . عليك الله خليك دائما بعافية ياخ .
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Quote: عندما ينتصر الهلال يسعد جماهيره وتتفتح الأزاهير وتغرد العصافير ويسود السلام الاجتماعي في أنحاء الوطن، وتختفي الخلافات الزوجية والمشاكل الأسرية والصراعات الاجتماعية والغيرة المهنية والاحتكاكات والمشاجرات، ويصحو الناس مبكرين ويذهبون إلى مكاتبهم وأعمالهم ومصانعهم لأداء أعمالهم بنفوس منشرحة، فيرتفع الإنتاج ويتحسن الاقتصاد ويتحقق الرخاء والازدهار اللذين ظل الشعب السوداني يبحث عنهما منذ أن نال استقلاله قبل 50 عاماً•• واختتم مقاله بتمني انتصار الهلال على الدوام لتحقيق السلام والوئام الذي يدفع السودان إلى الأمام!!
مقولة لكاتب عربى
|
طيب مباركة عليكم مقولة الكاتب العربي دي يا ابقوتة .. إنشالله بس تجيب ليكم كاسات خارجية زي الناس .
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
طلحة تنظير كدي قول بسم اللهQuote: عمك جرجير ( من جرجرة ) Quote: يوم كورتكم مع دولفين الإنتهت ستة ولا كم ديك فرانكلي نزل بوست لكل قون
لمتين ياخ ح تفضلوا تقلدوا المريخاب ديل . كونوا نفسكم واعملوا ليكم حيطة آآقصد شخصية . قلدتوا كتير .. ح تفضلوا السنة كلها مقلدين .. قال ستة أقوان وبوست واحد قال . |
يا بوي كلامي الإقتبسته دا ماندو علاقة بي ردك ليه اقول ليك زول واحد نزل بوست لكل قون تقول لي بتقلدوه ما غريبة منك ما وصيفابي عاد و كمان مؤيد شداد (وشك اب شنب مستغرب قاليك)
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Quote: احلي ما في حبايبناديل إعترافم بانو الغريق قدام .. وأنو ما طار طاير وأرتفع . |
.. خلاص يا مسكين افندي .. مسكتك الرجفـه من ما الهلال بدا يغلب ..؟ ياخي انت كان هلالابي داسيها مالك ..؟ الناس دي كلها اخوانك وكان على المساكين ناس المريخ ديل ما عندك مشكلة .. نصهم فرحانين والنص التاني افرح من النص البي هناك .. وكلهم ياهم زي حالتك دي يشجعو ليك في الفريق البلاقي الهلال .. والهلال يقوم يرش ليك اي فريق بيشجعو النص البي هناك .. وفي النهاية الرش الكتير دا يعمل ليكم زهـول زي البتعملو فيهو دا .. . . يا امير الجمري .. والله تتابع لي المسكين دا والله أحمد عادل دا يشقكم بالمغصة ياخي مالك ومال الغلب مع المتعة دا ..؟
غايتو في دراسة مشروع انو نعمل ليكم بطاقات إنت وطلحة .. عشان لما تفتحو ليكم بوست زي دا البسالكم ... تطلعو ليهو الكارني دا تقولو ليهو: والله هلالاب زعـــلانين
ملحوظة: يا مسكين إنت: ما قلت لي وين صاحبك القال عايز يحنن كدايس الكدراة بتاعت معز محجوب المرة الفاتت ... شايفك زايغ من السؤال دا .. كان خابر ليك مكانه ليهو .. قول ليهو اها الهلال بدا موسم الرش التقيل جيب محلبيتك وبل راسك وتعال .. والله يا مساكين نحلق ليكم .. بي موس واحده كلكم .. نزينكم زيانه بالصح قالو حلاقة الموس الميته حااره خلاص ..
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
جرجير (من جرجرة )
Quote: يا بوي كلامي الإقتبسته دا ماندو علاقة بي ردك ليه اقول ليك زول واحد نزل بوست لكل قون تقول لي بتقلدوه
|
كيفن ياخ ما عندو علاقة .. انت قلت انو فرانكلي نزل بوست لكل هدف من اهداف المريخ الستة ودا بفسر سر بوستاتكم الخرتمية دي .. يعني عشان واحد مريخابي نزل بوستات كتيرة انتو برضو نزلتو نفس الكمية .. أها التقليد دا كيف يا عمك ..؟؟؟
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Mohamed Foto7li
Quote: مبرووووك .. تأهل المريخ لدور ال16 الاول للكونفدراليه !!
مابين بوستات تأهل الزعيم (المــريخ) وتأهــل الوصيف (اله...ل عادي وتأهـل صعب؟؟؟
يلا ياعجب سوى العجب والمجد للمريخ وللسودان وباذن الله ت...مباراة المريخ ورايون
كعادته دائما صعد المريخ الي دور الـصطاشر دون ضوضاء وصخب
مبروك للوصيف (انتو البورد دة ما فيهو مريخاب ولا شنو )
هل تؤجل مباراة المريخ اليوم ؟
وهلم جراء..............................
|
للمعلومية معظم البوستات الفوق دي صناعة هلالية .
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
nazar hussien
Quote:
وطلحة غضة الأفنان
باسقة
قالت لبوردابها
والبوست ينحدر
اني أكلف نفسي فوق طاقتها
اذا حدثتكم: لا للهلال ولا للمارد الخطر
وقديما قال الشاعر العربي الكبير :
طلحة طلحة....النيل دا عدو والحمام يا حليلنا بدو
وانت ماك عارف دا قونك لما تصرخ وين بعضو
وييييين بعضو....وين بعضو
|
يا اخوانا قلنا ليكم ساعدونا بشرح الحواشي والمتون والمفردات الصعبة .. وما تنسوا ما يستفاد منه كمان .
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Quote: يا اخوانا قلنا ليكم ساعدونا بشرح الحواشي والمتون والمفردات الصعبة .. وما تنسوا ما يستفاد منه كمان . |
ما عشان كدة يا طلحة غلبك تفرح معانا...
الناس البفهمونا جد...من ما احمد عادل يمسك الكورة بيفرحوا
وكان مسكها سيده داك...بزغردوا عديييييييييييييييييييييل...
يا راجل انا الهلال دا في غلبوا للاهلي ... انبسطت انبساطة تكفيني مونة سنين...
والمصريين الما زي طلحة انبسطوا...
وعملو فيلم اسمه علي الطرب بالتلاتة
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: nazar hussien)
|
Quote: يا راجل انا الهلال دا في غلبوا للاهلي ... انبسطت انبساطة تكفيني مونة سنين...
|
بيني وبينك يا نزار أنا ذاتي إنبسطت لغب الأهلي دا لكن زعلت (ما شمت ) لأنو الهلال ما قدر يعمل العملو اب زرد ويشيل البطولة يعني غلب الأهلي دا راح شمار في شوربة عدس أتا عارف يا نزار حقو بعد كدا الهلالاب ديل يستثنوهم من نهائي اية بطولة ويدوهم الكاس من دور الأربعة واللا التمانية..
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
قايد ركب المساكين تامبا.. ياخ كدا أول حاجة ازيك وطمنا عليك..
Quote: خلاص يا مسكين افندي .. مسكتك الرجفـه من ما الهلال بدا يغلب ..؟
|
غلب الحمام الميت دا اي زول كان عارفو قبل ما يبقي .. لكن برضو اي زول عارف انو ناسكم ديل مهيضي الجناح ( حلوة مهيضي الجناح دي ..؟) وما بقدروا يطيروا في جو البطولات الكبيرة دي .. الناس دي كلها متمنية أنو ابو الهل دا يواصل جهادو ويتشطر يطلع المنصات كما طلعها الرجال .. لكن الظاهر انو الامنيات دي ح تفضل مجرد سراب في خلا بلا حدود ذات شمس تصقع .. غايتو الله يهدي سركم .
Quote: والله هلالاب زعـــلانين
|
وانت كدا جبت حاجة من عندك يعني يا قايد طابور المساكين .. الهلالاب ديل من ما قمنا لقيناهم زعلانين عايزين يطرشقوا .. الما بزعلم شنو .. (وش مستغرب شديد) ياكافي البلا وموزع البطولات ولا مسمار قلووز صغير ما قادرين يجوا راجعين بيهو من برة رغم كل الفصاحة واللقافة والكواريك القاعدين يزعجوا بيها الناس أينما تواجدوا وتكاثروا وتناسلوا..
Quote: نزينكم زيانه بالصح
|
أها بلاي دي بتعملوها كيف ..؟؟؟؟؟؟ وريني بس .. كان يتعرفوا تزينوا كان زينتوا دوالايبكم الفاضية دي بي حتة كويس ( تصغير كأس ). قال نزين قال .. (وش كاتم ضحكتو) .. يا بتاعين المنكير والبدكير إنتو.
Quote: قالو حلاقة الموس الميته حااره خلاص ..
|
(وش ما قدر يكتم الضحكة القبيل فانفقع بالضحك ) يعني عايز تقول لي ما جربتوا الزيانة بتاعت الفرامة ( سكين شعبية بعملوها الحدادين ) .. ياخ بلاي ما تستهبل يا مسكنة ياخ .
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Quote: بيني وبينك يا نزار أنا ذاتي إنبسطت لغب الأهلي دا لكن زعلت (ما شمت ) لأنو الهلال ما قدر يعمل العملو اب زرد ويشيل البطولة يعني غلب الأهلي دا راح شمار في شوربة عدس أتا عارف يا نزار حقو بعد كدا الهلالاب ديل يستثنوهم من نهائي اية بطولة ويدوهم الكاس من دور الأربعة واللا التمانية.. |
والله البركة في انبساطتك دي...وانا قايلك ما بتنبسط للهلال ابدا...
يا زول اليوم داك...بكون لا هسي الحضري زاتو مبسوط...
اما في الاخيرة دي انا بتفق معاك....الهلال دا كورته للمتعة الشخصية وليست للكأسات...ويومو اليجيب ليه كأس نحن حا نخلي تشجيعو زاتو... كأسات شنو...ما تراكم مرصرصنهن من زمن ناس كاوندا...بلا بيوت العنكبوت فيهن شي دحين؟
| |
|
|
|
|
|
|
Re: بكرى والسادة البورداب لا تؤاخذونا في ما فعل الهلالاب .. (وش محرج ) (Re: طلحة عبدالله)
|
Quote: الهلال دا كورته للمتعة الشخصية وليست للكأسات
|
طيب يا نزار ما إتكلمتوا من بدري لشنو ..؟ وذاتو لشنو خاشين مع ناس البطولات الجوية في حجج ومجادعات ومناتلات من نوع بطولة ميتة وكاس مجاعة والحاجات دي .. لو من الأول قلتو أنكم ما قاعدين تلعبوا للبطولات والكاسات ما كان في مريخابي ضيع وقتو مع ناس بضيعوا في وقتهم ساي .. الهلال ليس للبطولات ...؟ يعني معلقنوا للزينة بس ..؟ دا كلام جديد علينا وما كنا عارفنوا.. لكن يا ربي الرشاشات الهنا ديل موافقنك علي الكلام دا يا نزار ..؟؟؟
| |
|
|
|
|
|
|
|