مالى السودان ... السودان مالى ... تيمان برقو المابتفرقوا ... الناس نفس الناس ... طينة واحدة ... الهجين ياهو الهجين ... سمارة مقابل سمارة ... الثقافة هى هى ... الموطأ ... مختصر خليل ... الرسالة ... بن عاشر ... المناخ البيئة الزراعة الرعى كلو سوا ... العصيدة ملاح الويكة فى تمبكتو و فى سنار ... بس الكورة ماعارف تبقى نفس الحكاية و لا فى فرق ... على العموم مرحبا باخوتنا اهل السودان الغربى فى سودان المشرق و الحكاية يا زناتى ما دايره تعقيدات ... بلاش من حكاية ال DNA ... عينك ميزانك
رغم هويتى المزدوجة بين السودانين ... اتمنى اليوم سودان امدرمان يكسب امام سودان موبتى ... الليلة مافى عدر ... مايقوم بكرة مزمل ابوالقاسم يقول الافيال و لا الاسود الافريقية ... الدشنين و الخشنين ... الناس ديل زى اهل ام روابة ... و اكلهم زى ناس كاب الجداد ... عصيدة ب ويكة ... و مرات بملاح روب
06-14-2008, 12:53 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
انا من جانبى حسمت امرى ... فى الاولى مع سودان امدرمان ... فى التانية مع سودان تمبكتو
بس نفسى اعرف ناس بربر { الحجاز } و جيرانهم ناس دار مالى فى ياتو مسطبة شرقية و لا غربية ... و حسانية النيل الابيض متضامنين مع حسانية بوجبيهة { مدينة تقع شمال تمبكتو و هى مركز الحسانية فى صحراء مالى } و لا رأيهم شنو ... و كمان داير اعرف اخبار سنار الى الدمازين ... شايتين وين ... و لا احسن يكتفوها درون
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
فيس بوك
تويتر
انستقرام
يوتيوب
بنتيريست