|
|
|
 Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
الوفد الرسمي السوداني يضم ستة أفراد من العالمين ببواطن الأمور فى هذه اللعبة الكبري ،،،
يتراس الوفد المهندس صديق أحمد إبراهيم سكرتير الإتحاد السوداني لألعاب القوي وهو الذى ترأس من قبل كل البعثات السودانية المتوشحة بالذهب العالمى فى ألعاب القوى ،،،
خبير آخر من ضمن خبرائنا المتجولين فى أصقاع الدنيا ،،، إنه د. محجوب سعيد الخبير والمستشار بالإتحاد السعودي لألعاب القوي يشكل حضورا دائما فى كل المحافل الدولية للعبه ،،،
المدرب العالمي الكبير جامع أدن المدير الفنى لمنتخبنا لألعاب القوى يعرف من اين تؤكل الكتف ،،، يضع إستراتيجيات الفوز فى كثير من البطولات وقد كانت البطولات والألقاب حاضره ،،،
نجم النجوم أبوبكر خميس كاكي بطل العالم فى سباق 800 متر داخل الصالات جاء ليبحث عن ذهب المنافسة فى ذات المسابقة 800 متر أمام نجوم العالم ليعيد أمجاد نجم الدين أحمد فى نفس المسابقه ،،،
النور آدم الشهير بالنور سلك نجم من نجوم ألعاب القوى السودانية حقق ما حقق من ألقاب ويبحث عن الجديد فى عالم سباقات 400 متر وهى كما تعرفون بطولة العمالقه ،،،
نجمنا الثالث والآخير هو إسماعيل أحمد إسماعيل صاحب أفضل رقم عربي فى مسابقات السرعة ويبحث عن ذهب مسابقتي 1500 متر و3000 آلاف متر موانع ،،،
| |
 
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
فى تمام الساعة العاشرة مساء اس تابطت شرى او اقصد كمال سالم تابطنى
الى شيراتون الدوحة لملاقاة لابطال وبعثة السودان ......
فالتقينا بالدكتور محجوب الخبير الرياضى المعروف وبالسيد الباشمهندس
صديق احمد عمر رئيس الاتحاد لالعاب القوى والرياضة الوحيدة التى تنجز بطولات
وتحصد ميداليات ذهبية للسودان دون اى اعلام ودون ضجة .................
قيل يوما للوسيلة عكام جبنا ليك لاعب وسط يقطع الكورة من اى حتة فى الميدان
قال ليهم يعنى بجيب ليهو قون كل مبارة قالو ليهو دة وسط مدافع وارتكاز
قال ليهم خلونى منو انا داير زول (شاتا كفتا دخلة قون ) غير كدة لو بمسك الطير برجلة
ما بدفع فيهو قرش..............................
فهؤلاء رافعى راس السودان فى المحافل الدولية لذا نهيب ونطلب من الجالية السودانية بقطر
الوقوف خلف هؤلاء الابطال ..
تصحيحا البطل كاكى حصل ليهو شد عضلى وهو فى بطولة اثيوبيا محل الجرى الجد جد ههااه
وبطلنا فى هذا السباق هو اسماعيل ان شا اللة ...........................
فلنلتف حولهم غدا باستاد قطر الساعة السادسة مساء ونشجعهم ......
وخليكم من هلاريخ الوجعو قلبنا دة وجابو لينا الضغط منذ ان وعينا قى هذة الفانية
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: عمر سعد)
|
تسلم ياعمر سعد ،،،
حضوركم يدعم الروح المعنوية لعدائنا فى البطوله ،،،
القائمة الرسمية للمشاركين فى البطولة من السودان ،،،
بطل العالم ابوبكر كاكي فى سباق 800 متر
النور آدم النور فى سباق 400 متر
إسماعيل أحمد إسماعيل 1500 متر و300 آلاف متر موانع ،،،
وهى القائمة الرسمية التى صدرت مساء أمس من اللجنة العليا للبطولة للمشاركة فى الحدث ،،،
تمنياتنا يا عمر أن تكون إصابة كاكي خفيفه حتى يشارك فى السباق ويحقق المراد ،،،
كونو حضورا يا محبي العاب القوى ،،،
بإذن الله علم السودان سيرفع والسلام الجمهورى سيعزف مساء الجمعة فى استاد سحيم بن حمد بنادي قطر ،،،
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
صباحكم زين يا شباب وجمعتكم مباركه ،،،
ماتنسوا اليوم تساندوا أبطال السودان فى استاد سحيم بن حمد بنادي قطر ،،،
بطولة قطر سوبر غراند بري لألعاب القوى ،،،
البطولة دى حققنا من قبل لقب سباق 800 متر فيها عن طريق نجم الدين أحمد ،،،
أبوبكر كاكي زاتو كان مشارك فيها لعدة مرات ،،،
واسماعيل أحمد إسماعيل والنور سلك كمان ،،،
عشان كده وقفتكم ضرورية معاهم ،،،
إتفقنا ،،، أنا رايح دلوقت مؤتمر صحفى بفندق شيراتون الدوحه بخصوص البطوله ،،،
وإنشاء الله ألاقى الأبطال ديل قبل المسابقات ،،، ح تلقوا إنشاء الله صورهم هنا ،،،
وكمان دعواتهم ليكم بالحضور والتشجيع ،،، خليكم قُراااااااااب.
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
الاخ محمد خليل , تحياتى ,,
شكرا لك وأنت دوما فى المقدمه فى كل شأن سودانى , بالامس قمنا بالانابه عن المكتب
التنفيذى للجاليه بزياره للوفد السودانى المشارك فى هذه البطوله فى مقر إقامتهم
بقندق الشيراتون بالدوحه , والوفد برئاسة المهندس صديق سكرتير إتحاد ألعاب القوى
السودانى وعدد إثنان من اللاعبين ومدرب , وقد وجدنا معهم الدكتور محجوب سعيد الخبير
السودانى العالمى لألعاب القوى والبطل السودانى الاسطوره خليفه عمر وهما ضمن الوفد
السعودى . وقد بشرونا بأن البطل إسماعيل والذى سيشارك اليوم فى سباق ال800 متر جاهز
للمنافسه على الميداليه الذهبيه وستكون مشاركته فى تمام الساعه السادسه مساء اليوم
وسيشارك فى البطوله المنتخب الكينى وهو المنافس الوحيد لأبطالنا فى هذه السباقات
أرجو من جميع الاخوه السودانيين الحرص على الحضور ومساندة البطل السودانى .
مع عميق شكرى ,,
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: كمال سالم)
|
تسلموا يا كمال على الزياره الحلوه دى ،،،
طبعا المهندس صديق كان مبسوط جدا من وقفة ناس الدوحه مع الفريق ،،،
وتحدث قبل قليل لبرنامج عالم الرياضه عن الوقفه دى ،،،
تألمنا حقاً لعدم مشاركه أبوبكر كاكي مع المنتخب نسبة للإصابه فى أثيوبيا ،،،
لكن البركه طبعا فى النجوم الآخرين إسماعيل والنور آدم ،،،
المشاركه السودانيه ستبدأ فى تمام الساعه السابعة والثلث ،،،
بس بنطلب من الجميع الحضور من بدرى عشان يجدوا مقاعد خاصة وإن السحب على سيارتين .
| |
|
|
|
|
|
|
|
|
 Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
يا شبااااااب ألف مبرووووك للسودان ،،،
حقق نجمنا العالمي إسماعيل محمد إسماعيل أفضل توقيت له فى البطولات العالميه ،،،
ابوالسباع كان سعيدا بما تحقق من إنجاز ،،، فهو صاحب أفضل توقيت عربي فى سباق 800 متر ،،،
فهاهو يحطم المستحيل مرة ثانية وينسخ رقمه السابق ويحقق رقما عالميا جديدا ،،،
إسماعيل محمد إسماعيل حل ثالثا فى سباق 800 متر متخلفا بفارق أجزاء من الثانية عن الأوغندي أبرهام تشبكيرووك صاحب المركز الثاني فيما كان الفارق بحوالى ثانيه واحدة عن الكيني ديفيد روديشا صاحب الميدالية الذهبيه ،،،
ألف مبرووووك للسودان ومزيدا من الإنجاز ،،،
تخريمه صغيره:
الصور روعة يا شباب وجاياااااااكم بالترتيب.
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
المهندس صديق أحمد إبراهيم أعرب عن سعادته الكبيره بالمستوى الراقى الذى ظهر به إسماعيل ،،،
وقال فى تصريحات صحفية خاصة بسودانيزأونلاين إن هذه النتيجة هى غاية ما كانوا يتمنوه من المشاركه ،،،
خاصة وأن الرقم الشخصى الذى تم كسره بواسطة إسماعيل كان مستعصيا عليه لبطولات عديده ،،،
وهو بالطبع رقم عالمي جديد له سيفيده فى مسيرته القادمه ،،،
وشكر المهندس صديق سعادة سفير السودان بالدوحه الذى شكل حضورا منذ بداية البطولة وحتى الختام ،،،
كذلك شكر الجالية السودانية والجماهير التى ساندتهم خلال البطولة وهو ما أثلج صدورهم ،،،
وقال إن الدوحه أصبحت هى الفأل الحسن لنجوم السودان فى ألعاب القوي ،،،
ونحن بدورنا نشكر المهندس صديق على كلماته الطيبة فى حق المقيمين بأرض قطر ،،،
ونؤكد من خلال هذا المنبر أن إتحاد ألعاب القوى هو إتحاد الإنجازات السودانيه فهنيئاً للسودان بهؤلاء الكوكبة من النجوم .
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
كنا حضورا
وكانت لحظات لاتنسى
ولكن خروج النور في المسابقة التانية حيرنا عدييل
ده بدا السباق منفردا بصورة لافته
وجنبي واحد خواجة من غرب اوربا قال لي ده يا جيكسرؤ الأرقام القياسية
يا ما حيكمل السباق
وفعلا الخواجة عينو حارة
اللفة الأخيرة لمن وصل جنبنا النور وبطل والساعة الغز يدينو في نصو
رميت ليك الخواجة بيعين خارة وقلت ليهو
عينك حارة
واات
يا خواجة يور ايز فيري هوت
طبعا للليلة بفك في شفرة العين كيف تكون حارة وكيف انا عرفن عينو حارة لمستها كيف ؟؟
وين القى صديقي البطل خليفة عمر ؟ ضروري ...
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد سنى دفع الله)
|
الحبيب السني
والله وجودكم ووجود جميع السودانيين أضفى لمحة جميلة على المنافسات ،،،
يا زووول لو كان وريتنا الخواجه الرباطابي ده كنا دمرناهو عدييييل كده ،،،
النور آدم فعلا مستقبل ناجح جدا لعداء فظييع بمعنى الكلمه ،،،
بس الشد العضلى لم يتركه ييكمل السباق ،،،
بعدين يا أخوى يا السني عليك الله لمن تعرف شفرة عين الخواجه ده كلمنا عشان فى خواجات كُُتار عايزيييييين ندمرهم ،،،
تخريمه
حبيبك خليفه عمر ممكن تحصله فى فندق شيراتون الدوحة مع الوفد السعودي وإحتمال كبير يسافروا اليوم يا تحصلوا يا ما تحصلوا
| |
|
|
|
|
|
|
|
|
|
Re: ابوبكر كاكي يبحث عن الذهب بالدوحه ،،، مساندتكم مطلوبه يا بورداب الدوحه مساء الجمعه ،،، (Re: محمد خليل ساني)
|
Quote: حركة شنو يا زول ،،،
إستهدى بالله كده و رووووووق المنقه ،،،
وتعال لينا واحده واحده ،،،
فى شنو ،،، قول لينا الحاصل بسرعه ،،،
بعدين حكايه الكرسي دى ،،، ده دور بتاع مجدعه وبس ،،،
الزول شاف الناس كلهم قاعدين وما فى زول عايز يتنازل عن كرسيه ،،،
قام بالواجب عشان تجي إنت تفهم الموضوع غلط |
ياسانى
من كلامك دا انا حسيت بيك مافاهم الحصل شنو اليوم داك
ياخ دا كان فلم يقطع المصارين بالضحك
وانا لو حكيتو ليك هنا ما بينفع
عليك الله شد سلك لابو ساندرا وقول ليهو على قال ليك احكى
لى الحصل يوم الرحله وابدأ الحكايه بعد ماقمت من الكرسى
بعد داك وتعال انتا صادى ورينى رايك شنو .. سمح 
| |
|
|
|
|
|
|
| |
محمد خليل ساني
haroon diyab
محمد سنى دفع الله
Alsa7afa_30
عمر سعد
حيدر حسن ميرغني
كمبورة
james
ناهد بشير الطيب
كمال سالم
ebrahim_ali
حسين عوضاى
على محمد على بشير
فيس بوك
تويتر
انستقرام
يوتيوب
بنتيريست