|
أوع ليل الغربه... ينسيك ريحة الطين فى جروفنا
|
جعل الله ايامكم ومغترباتكم ....افراحا....مذدانة بذكر الاحباب اينما حلوا ........وارتحلوا
السواقي النايحة نص الليل حنين الدنيا ممزوج في بكاها زي طيورا في الفروع فارقت بتفتش جناها البيوت والناس بتسأل عن صبية فارقت حلتنا زي طيرا غريب سافر عشية ما حرام ماضيك يصبح ليك أسية يا سلام . يا سلام يا سلام لو كان الطيف حسن نية كنت نسيتنا الوصية
المفارق عينو قوية
لا سلام منك وما منك تحية للوراك خليتو عايش في الأسية ما حرام يا الفنجري ما تسيب وصية كنت زي طيرا غريب سافر عشية ما قبيل وصوني يا حليل الوصية كت مكضب ..كنت ناسي دابو صدقت المفارق عينو قوية
أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب للديار ما حد يشوفنا.. لا نشوفوا.. لا يشوفنا انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوفنا
|
|
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
ناهد ... تسلمي,
صادفتيني ... فاتح فونية الغناء الجميل, فهنا نتفيأ ظلا حميدا ... فيما نلتحق بنفس القافلة ... فلتحط رحالها على سبيل المحبة الدوام, والحب القيام, ومجدا ... وسلام.
أحبائي ... واحد من إتنين ... بالله أعيروا ناهد نغما تسأل عنه ...
الصحافة تلاتين ... محمد عثمان, علقوا ليل الغربة ... على الإسفير.
عشان ناهد ... وعشان كل ظمآن للسودان.
مع مودتي
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: HAYDER GASIM)
|
Quote: صادفتيني ... فاتح فونية الغناء الجميل, فهنا نتفيأ ظلا حميدا ... فيما نلتحق بنفس القافلة ... فلتحط رحالها على سبيل المحبة الدوام, والحب القيام, ومجدا ... وسلام.
|
دائما مانهرب من اسر المصادفات لنجدها امامنا وقد ضيقت الحصار....لا لا بل كسرته .....واجتاحتنا غير مباليه ........
الست معى اخى حيدر بان
(الغناء(طار) بالصحه
خالص الود...اخى حيدر
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
Quote: السواقي النايحة نص الليل حنين الدنيا ممزوج في بكاها زي طيورا في الفروع فارقت بتفتش جناها البيوت والناس بتسأل عن صبية فارقت حلتنا زي طيرا غريب سافر عشية ما حرام ماضيك يصبح ليك أسية يا سلام . يا سلام يا سلام لو كان الطيف حسن نية كنت نسيتنا الوصية |
نااهد..
يا سلاااام
خلاااص بنضيفك لجماعة اخونا عادل و هذت الاسبوع الاستثنائي..!!
المفارق عينو قوية سيد الوحعة الرحيل كل هذه الروائع التى تغنى بها الفنان حمد الريح كتبها الشاعر المخضرم سليمان عبد الجليل و الذى لا يذكره كثيرا من الناس الان..!!!
بجيك رااجع بالاغنية...
شكرا ناهد...
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: HAYDER GASIM)
|
اخ حيدر عظيم هو مازرعتموه بداخلى هذا الصباح.........
وده اسبوع كاااااارب .....تفتكر الحاصل شنو الناس دى مالها .......مدورة احاسيس واغانى وذكريات كده
التحية خالصه لك و للاخ محمد عثمان....... ووينو هو الصحافه تلاتين .....مشى وين
خاصة وانه قدمت طلب تانى كده بتاع (ارض الجزائر)..... .كدى شوفوا لى ...
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: emad altaib)
|
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب |
سلاك يا ناهد واللهى الدموع نزلو مطر.. فهذه الاغنية دومآ تزكرنى الاهل والجروف والطين ونهيق الطيور والبهم فى صباحات السودان الجميل...عبرك التحايا لكل ناس السوان واهلي الحنان فى الجريف غرب...
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: Saifeldin Gibreel)
|
Quote: سلاك يا ناهد واللهى الدموع نزلو مطر.. فهذه الاغنية دومآ تزكرنى الاهل والجروف والطين ونهيق الطيور والبهم فى صباحات السودان الجميل...عبرك التحايا لكل ناس السوان واهلي الحنان فى الجريف غرب... |
اخونا سيف الدين جبريل ....
فى شان كده ....الواحد يابى ينزل شىء....يتعب الناس... براها تعبانه ....كان جوة السودان ولا برة .....
الله يرد غربتك انت وجميع اهلنا البرة السودان...والبيهم شوق وحنين للبلد والسواقى والجروف والنيل والدعاش والمطر والطين ....
واهلا بك صديق للسواقى النائحه...والغيم ...والمغيرب.... والفرح الذى لم يبلل كتوفنا بعد......
سيف اظنى شفتك فى قناة النيل الازرق مع زميلتى غاده ....مظبوط؟ تذكرتها بذكرك للجريف غرب ...(الشيطه)كمان صح؟ لعلك هو .... اهلا بيك وسهلا .....
ودمت اخى .....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: emad altaib)
|
اخونا عماد....
توقيتنا واااااحد.......
حالة تجلى قمت بيها كده من الصباح .....براها لله فى الله كده وغايتوا اكان كلكم بالحالة دى معاى .....المغيرب ده مااظن نرجاه...
تخريمة اصغر من تخريمتك
انت وينو بوست النجيلة ده زاتو (الشىء ده طار وين انا كايسالوا يومين) ماتكون جاته كتاحة ....طفشت لى ناسه .....ماصدقت جبتهم النجيلة
اسمع ياعماد ياخوى لو قلت ليك بس ارجع بعدين من الشغل وارد فيه بتصدقنى ....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
استاذة / ناهد صباح الخير
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب |
فرتيك فهم من الصباح..... وصباحات الغربة الله لاوراكي ليها...! وحاتك ....لا ليل الغرب... ولا الغربة ... ولا الدولارات .... ممكن ينسونا ريحة الطين في جروفنا
ومتين العودة تاني ....؟ كل التحايا النواضر هارون دياب
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: haroon diyab)
|
Quote: السواقي النايحة نص الليل حنين الدنيا ممزوج في بكاها |
الاستاذة ناهد .. شكرا لهذا الجمال وهذه الاغنية تذكرني بحادث منذ اكثر من عشرين سنة في الشمالية حينما تاه طفلان في الخلاء وسط الجبال وكنا نبحث عنهم في البيوت وتصادف ان كان حمد الريح يغني هذه الاغنية .. وسمعت عرضا هذا المقطع(البيوت والناس بتسال عن صبية) وكانت النهاية الحزينة ان وجدوا الطفلين علي بعد مسافة كبيرة وهما جثتان ..؟؟ ؟؟ ومن هذا التاريخ وهذه الاغنية تذكرني بهذا الحادث المؤلم جدا .. .. المعذرة لسرد الحادث في هذه اللحظات الجميلة .. لك الود
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: baha eassa)
|
Quote: وهذه الاغنية تذكرني بحادث منذ اكثر من عشرين سنة في الشمالية حينما تاه طفلان في الخلاء وسط الجبال وكنا نبحث عنهم في البيوت وتصادف ان كان حمد الريح يغني هذه الاغنية .. وسمعت عرضا هذا المقطع(البيوت والناس بتسال عن صبية) وكانت النهاية الحزينة ان وجدوا الطفلين علي بعد مسافة كبيرة وهما جثتان ..؟؟ ؟؟ ومن هذا التاريخ وهذه الاغنية تذكرني بهذا الحادث المؤلم جدا .. .. المعذرة لسرد الحادث في هذه اللحظات الجميلة .. لك الود
|
اخونا بهاء عيسى....
شكلى كده الليلة طلعت احزان كتيرة .....لكن اعتقد انها مهمه عشان نقدر نضوق طعم الفرح .......ولا شنو ؟
هى الحياة ..... لييتجدد حزنك بذكراهم ...ولنسأل الله ان يرحمهما....
وليتجدد حبنا لهذا الوطن ورائحة جروفه الوطن(الصباحو رباح ....وليلو صباح)
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: haroon diyab)
|
Quote: فرتيك فهم من الصباح..... وصباحات الغربة الله لاوراكي ليها...! وحاتك ....لا ليل الغرب... ولا الغربة ... ولا الدولارات .... ممكن ينسونا ريحة الطين في جروفنا
ومتين العودة تاني ....؟
|
صباحات الغربه الله ورانى ليها(والحمدلله)..... وقاعده فيها لى هسه ياهارون ......ياخوى ..........امانة لمن تجيك الحالة ديك مابتتلبش تلبش ........وتبقى ماعارف تسمع لمنو ...وتقرا لمنو ...وتشوف منو ....وتمش وين ...حالة من المؤكد انت وغيرك البعيدين عن الجروف حاسين بيها ......
بس ابقى ياهارون عشرة على الوصية.... واوعاك تنسى ريحة الطين واكيد حنرجع..... فنحن لوطن مازالت شموسه متقده ...
التحايا العاطرة لك ياهارون .....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
ناهد حبيبة اساسا المخلينا نستحمل ليل الغربة والسنين الطويله شنو غير ريحة طين جروفنا والله مابيمر علينا يوم الا ونكون جبنا فيه السيرة ولا مرت علينا فى الذاكرة تتخيلى ارتباطا بالبلد والجروف والاحساس بيها بيبقى اكتر فى الغربة وسبحان الله فى تفاصيل على قدر صغرتا بتلقاها مهمة فى احوال البلد عن نفسى وبعد 15 سنه مانسيت جروفنا ولا التفاصيل الدقيقه فيها موضوع جميل رجعنا لزمن جميل وفريد ووطن عايش جوانا لا غربه لاغير غربه نقص من احساسنا بيهو تسلمى حبيبه من كل شر ...
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ماجدة عوض خوجلى)
|
Quote: اساسا المخلينا نستحمل ليل الغربة والسنين الطويله شنو غير ريحة طين جروفنا والله مابيمر علينا يوم الا ونكون جبنا فيه السيرة ولا مرت علينا فى الذاكرة تتخيلى ارتباطا بالبلد والجروف والاحساس بيها بيبقى اكتر فى الغربة وسبحان الله فى تفاصيل على قدر صغرتا بتلقاها مهمة فى احوال البلد عن نفسى وبعد 15 سنه مانسيت جروفنا ولا التفاصيل الدقيقه فيها موضوع جميل رجعنا لزمن جميل وفريد ووطن عايش جوانا لا غربه لاغير غربه نقص من احساسنا بيهو تسلمى حبيبه من كل شر ... |
ماجده الحبيبه بت عمنا خوجلى ...
وده حقيقى طبعا .......كل يوم وكل لحظة نحن بنحس بالسودان ... وكمان بنعمل مقارنات .....ونحن برة ....ودائما بتكون كفة الوطن هى الراجحه.....والغربة ياماجده شربنا منها لمن روينا .....وتانى (جغمه) واحده مامستعده اشربها .........يعجبنى وجود الاخر فى احساسك بالاشياء ....ونظرته الحانيه معك لكل ماهو جميل وات من الوطن
هذه الاغنيه والاحساس لكم .....وتخصكم ..... وبقى (بينها وبينكم ملح وملاح)
يلا ياماجده ..... الريح وراكى ....وخلى وصية حمد الريح ضراكى
فتك بعافيه وسلامى على منى ....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: د.محمد حسن)
|
Quote: وبرضو تقول الشعر صعب على الصحة
اعا جنس ده يقولوا عليه شنو
ملعون ابوالغربة وملعون ابو علان |
اخونا د.محمد حسن
وحالتوا الاغنيه دى من (منازلهم) وامال لو سمعتها حيه وانت فى الاجازة حتعمل شنو؟؟؟
وزى ماقالت زميلة المنبر ست البنات...::
جيب الحروف
خلينى انظم لك كلام
زى الزمرد فى البهاء
كلمات بسيطة مموسقة
روعة نشوق فى البادية
وفرح اياب الغائبين
لما الزمن يدى الوفاء
تضحك وجوه ناسنا الغبش
والعيشة تبقى مسهلة
ونقدر نقول
يحيا الوطن
عاش الوطن
لا لون يفرق
بين شعوب
لا زول يتوه
فيك يا دروب
لا لكنة تصبح معضلة
لا جواز مرور
لا مساءلات
سودانى بس
تكفيك صعاب
سودانى تفتح ألف باب
جوه الوطن
نقعد ملوك
ملعونة سيرة الأغتراب
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: emad altaib)
|
Quote: وعيونا في الغربة أصبحت مثل عيون (الظبي)..ما علشان جميلة وكدا لا ابداً.. علشان ما تشوف شيء سوداني منحوت في وجداننا إلا وهي ..ارسلت إشارات لكل المراكز الحساسه بالهروب والارتعاش |
الاخ عماد الطيب...
مشكور على اتحافك لاخوتك بالبوست بكلماتك الرقيقات ........ وصدقت حقيقى .... الغربة اشبه بخلاط كبير يخلط فيه الجميع ... باوراقهم وهوياتهم ومبالغهم النقديه ,,, ويكبوا اخر النهار فى المقاهى والبيوت .... فانت اليوم فى عمل وغدا لا ..وبعده سائق وغيره من الايام محاسب ...او مندوب .. او حتى مدير لشركة ما ......
رد الله غربة الجميع ياااااااارب....
شكرا عماد
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
اخونا كمال .....لعلك بخير...
البراءة كانت فى كل شىء .....من النفوس مرورا بالوجوه وحتى المغتربات ...ولكن الان تبدل الحال وتغيرت الاحوال ... وياهو بقينا (زى ده)...
عبدالله وداعة الامين.... قال وهو فى لندن......
يا بنية من كل المدن وندية زي كل الغبش اشتقتى ليك زيك تمام بتوضي في كل البيوت اتعشى في ضل العشم اسهر معاك انسى المنام اتدبى ليك جوه القلوب اتشابى امسح عيني فيك لو يشفى بيك فيني السقام واتلفحك وانتي الصبر يا صابرة لي محن الدرب وتقاسمي في اللقمة الحمام وان عطشو اولادك سقوك المويه من زير الوهم ويلقّموا الجوف الحرام ملعون ابو الكسرة البقت بتعفن امخاخ البشر يدوها لي الناس بالجرام ملعون ابو الغربه التفج الحسره في بطن البكوس اللقمة في بطن الزحام ويسكت الجوف بالامل انو الخربف بروي الارض وبقالد الناس السلام
التحاياالخالصه للاخ عبدالله وداعة الامين وخالص التقدير لك اخ كمال ....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: عبدالله الشقليني)
|
منو البنسى ريحة الطين ؟ عارفة يا حبيبة الريحة دى بتجيك كل لحظة ما بتقدرى منها فكاك مرة لمن فاض بى الشوق كتبت
الشوق لماء تدلقه حسناء
ويسالونك عن الشوق قل الشوق مرابض هنا واشير الى قلبى صار الشوق عمودا فقريا في حياتي اقول اني اشتاق كل شئ كل طقس من ( دق الريحة) الى ( موية البلاعة ) شفتى كيف ؟ لك محبتى ولسليمان عبد الجليل شاعر هذه الاغنية الخالدة و الفنان حمد الريح
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: saber alhawatti)
|
Quote: ياناهد مالك علينا آخر الليل أنا فى الحقيقة يادوب
راجع للبيت بعد سفرة صغيرونه كده
وطوالى حمد الريح وريحة الطين فى جروفنا
لكن الواحد ممكن يضيق
إنتى كلك زينه وعايمه كالوزينه ........... |
الاخ صابر الحواتى ......
والله بس كده..... كل زول يجى يفتح البوست يقولى مالك على بالليل ومالك علينا بالصباح ومالك على بالنهار ......وانا بقول ليكم مالكم على فى المغيرب ده ..... حمدلله على على السلامة من السفرة السغيرونة دى انشاءالله تكون فركة كعب (للسودان) وكدة ......
وانتوا دائما زينة ودائما ماتزينون البوستات بجميل الكلام خالص التقدير
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: سلمى الشيخ سلامة)
|
Quote: أوع ليل الغربة ينسيك ريحة الطين في جروفنا والتميرات البيهفن ديمة راكزات في حروفنا والدعاش والغيم رزازو في العصير بالفرح بلل كتوفنا انحنا راجعين في المغيرب المغيرب للديار ما حد يشوفنا.. لا نشوفوا.. لا يشوفنا انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوفنا
|
بلادك حلوة ارجع ليها دار الغربة ما بترحم
شنو يا ناس فتح الجروح دي علينا نحن يعني نعمل شنو
تسلمي يا ناهد
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: سلمى الشيخ سلامة)
|
Quote: منو البنسى ريحة الطين ؟ عارفة يا حبيبة الريحة دى بتجيك كل لحظة ما بتقدرى منها فكاك مرة لمن فاض بى الشوق كتبت
الشوق لماء تدلقه حسناء
ويسالونك عن الشوق قل الشوق مرابض هنا واشير الى قلبى صار الشوق عمودا فقريا في حياتي اقول اني اشتاق كل شئ كل طقس من ( دق الريحة) الى ( موية البلاعة ) شفتى كيف ؟ لك محبتى ولسليمان عبد الجليل شاعر |
اختنا سلمى ...
والله صدقتى ياسلمى ...بالجد ريحة الطين والجروف لاصقه فينا ....وبنشمها دائما وشوقك ياسلمى حسيت بيه انا كمان .....واكيد كل مغترب او مهاجر عن السودان بس نقول شنو عاد غير الله يرد غربتنا ....انشاءالله مع مغيرب شاعرنا سليمان عبدالجليل
سلمى شكرا وخالص الود.....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
عماد الطيب ,, يأخى شكرا على الرد الجميل ده , إنت زول فنان ومليان جمال , الله عليك وإنت بتنبهنى للتعبير البفتش ليهو لى زمن ( صدى العطر ) . ياما شميتو شم , أتارى بالله حتى العطور ليها صدى ؟؟ وبعدين خليك إنت , نحن التوب ده لمن نشوفوا برعشنا . خليك صنديد وصامد أمام الحروب البارده والانظمه الجديده وحتى العولمه . تحياتى ,,[/B]
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: الطيب شيقوق)
|
أستاذة
ناهد
بشير
الطيب
يااااااه الطين وبيوت الجالوص والنيل والجروف واللوبيا وساقية تئن نص الليل يااااااااااه غربه ما معروف مداها وين
حمد الريح نغم جميل بنادي القاصي والداني وبذات في بلادك حلوه أرجع ليها دار الغربه مابترحم .
البوست كلوا مغتربين مالوا وين؟ ساكنين الضفاف ومقرن النيلين وفي توتي التقينا بالأحبة (ماضي زكريات)
،،،،أبوقصى،،،،
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: مجدي عبدالرحيم فضل)
|
الاخت الاستاذة ناهد
اطلعت على هذا المقال عن الغربة في موقع واد مدنى على الرابط ادناه :
http://www.wadmadani.com/vb/showthread.php?t=20473
شهد العقد الأخير من القرن الفائت اهتماماً عالميا ملحوظاًُ بقضية مشكلات الهجرة وسبل تجاوزها نظراً لتزايد حدتها وتعدد أشكالها وتعاظم أخطارها،علي مستقبل الأمة ، وهي تهدد وحدة المجتمع وأمنه ولا ينكر ذوُّ عقلٍ وبصيرةٍ أن المجتمع العربي عامةً والمجتمع السوداني خاصةً كغيره من المجتمعات فيه مواطنَ خللٍٍ، ومبعث الخلل يكمن في تقصير المجتمعات عامة والحكومات خاصة في تحسين الظروف الاقتصادية و المعيشية للمواطنين عامةً والمهاجرين خاصةً، وكسب طاقاتهم الفكرية والاجتماعية والاقتصادية مجتمعة، وأن المشكلات الاقتصادية والاجتماعية والسياسية والنفسية تتداخل وتترابط فيما بينها وتؤثر علي بعضها البعض ولذلك عند التناول لهذا المشكلات تتوحد وتتكامل النتائج. إن لمشكلات الهجرة أثار اجتماعية، واقتصادية، ونفسية ، في غاية الخطورة تطال الفرد والأسرة والمجتمع على حدٍّ سواء نتاجاً لظروف عديدة ومتداخلة منها الاجتماعية والاقتصادية والسياسية كالتعليم وفرص العمل والوصول للدخل والقدرة على امتلاك منزل وتكوين أسرة تؤمن الأمن والاطمئنان النفسي وأن يجد حلاً مستقراً يحقق له الاعتماد على الذات في تلبية احتياجاته والتامين الصحي وغلاء العلاج. ما هي أهم المشاكل وأبرز النواقص التي يشكو منها المهاجر السوداني داخل الوطن وفي بلد المهجر؟ وما هي مختلف العوامل التي تحد من فعالية الهجرة السودانية وتشكل بالتالي المعوقات والحواجز التي تحول دون أداء الهجرة لدورها المطلوب وخاصة على مستوى إعداد الإنسان الكفء القادر على مواجهة مشاكل الحياة وتحديات العصر؟ هل واقع المجتمع السوداني في شكله الحالي يساعد على تحفيز المهاجر للاستمرارية ام العودة القسرية الاضطرارية تكون هي انتاج ؟ المشكلة الاجتماعية:- يقصد بها المشكلة ذات الطابع الاجتماعي مثل مشكلة التفاخرالاسري ، ومشكلة انتشار الواسطة ، ارتفاع تكاليف الزواج مشكلات الانحراف ، ومشكلة المسكن بقضايا شخصية وعدم كفاية دخل الأسرة والخلافات المستمرة بين الزوجين ، وانشغل الأب وتعاطي المخدر ومشكلة تدخل الأهل في شئون الاسرة 1/ مشكلة التعليم : لاشك أن الممارسات والسلوكيات للمهاجر تتأثر بالمستوى الفكري الثقافي. والجهل بطبيعة الحال يحد من فعالية هذه الممارسات ويقلص من فعاليتها، بل يبعدهما عن تقدم المجتمع وتطوره. فإن المستوى الثقافي عامة والتعليمي خاصة يعتبر العامل الأقوى تأثيراً في ممارسات المهاجرين ، 2/ مشكلات المرأة : وفي سياق استعراض واقع المرأة الاجتماعي، فلا بد من الإشارة أيضاً إلى المشكلات الاجتماعية التي باتت تعاني منها المرأة السودانية المهاجرة نتيجة للتغيرات التي شهدها واقع المرأة من جانب ، والتوترات بين الأدوار الجديدة والتقليدية السائدة في المجتمعات السودانية . ومن أهم المشاكل التي تعاني منها المرأة السودانية هو العنف ضد المرأة والطلاق وما يترتب عليه من مشاكل مالية واجتماعية ونفسية تضعف قدرة المرأة على لعب دور فاعل في الحياة العامة بشكل عام ، فقد أضحت مشكلة الطلاق من المشاكل الرئيسية التي يعاني منها المهاجر السوداني بانعكاساتها المختلفة على الأسرة ولكن بشكل أكبر على المرأة . 3/ مشكلات الزواج :- * أن غلاء المهور وتكاليف الزواج تأتي في مقدمة العوائق التي تقف دون الزواج والنظرة الداخلية للمغترب علي انه ليلة القدر . * عدم استطاعة المهاجر تأمين السكن المناسب تأتي في المرتبة الثانية سواء ان كان ذلك داخليا او في بلد المهجر حيث ارتفاع الايجارات ومصروفات تاسيس السكن وما يلزمه . * الاستقدام للزوجة لا يتم لكل المهن وان الغالبية السودانية المهجرة تمتهن مهن لاتساعد علي الاستقدام. 4/ مشكلة دور الأسرة :- المهاجر يتأثر بالمحيط الاجتماعي الذي تمثل فيه الأسرة السياق الأكثر أهمية ودلالة، فدورها جد أساسي لأنها تشكل إلى جانب المدرسة المجال الخصب لانتشار الذهنية التربوية ومقوماتها الجوهرية، بطبيعة الحال توجد في بلدان المهجر أسر متنوعة الخصائص والتركيبات، من شتي بقاع العالم - هل هذه الاسر تشكل بالفعل تجمعات بشرية يحكمها منطق تربوي محكم الإجراءات ودقيق الأساليب والخطوات ؟ من اهم المشاكل في الاغتراب ( المد المجتمعي الذي يطال اسرة المغترب ) من خلال التاثيرات المختلفة التي تحيط باسرة المغترب الصحية و التعليمية والاجتماعية والثقافية والاقتصادية وقطعا الاغتراب يفصل ما بين النمو الصحيح للاطفال بارتباطهم ببيئاتهم المحلية وبين بيئة هذه الدول ولعل النماذج والافرارزات بادية للعيان في صعوبة استمرار الابناء في الوطن من زوايا التمرد على الولاء والانتماء من خلال افراز عنصر مشوة لا ينتمي للجذور ولا على اوضاعه الجديدة. والمناهج الدراسية بالنسبة لابناء المغتربين فهي قطعا موجه لبلد الاغتراب الامر الذي يسلم به البعض بينا يتمرد عليه البعض الاخر بارسال ابنائه للسودان للدراسة مما يتوجب علية مصاريف اضافية كون الوالد مغترب والبعض الاخر يرسل ابنائه الى منافي جديدة ولا يخرج عن الاطار الموجود اصلا وهو امر جد بعيدا عن الرقابة والسلطة الابوية وفي كل الاحوال فالنتائج تكفي. ونجد االكثير من الاسر يعانون من مشكلات أسرية، أهمها: عدم كفاية دخل الأسرة، وضيق المسكن، والخلافات المستمرة بين الوالدين ، وانشغل الأب والام بقضايا شخصية، وسوء معاملة الأب، وسوء معاملة الأخوة الكبار. ومن أهم المشكلات التي تواجه المهاجر وهي:البطالة و الزواج والسكن، التهميش والتمييز وقلة فرص المشاركة، ثم التطرف ومشكلات الهوية الثقافية والفكرية. السؤال الذي يطرح هنا هو هل الأسرة الحالية في بلدان المهجر هي من هذا النوع الذي يعطي للأسرة صفة المؤسسة الاجتماعية ذات المسؤولية الثقافية المهمة ؟ 5/ مشكلة الفقر :- الواقع أن نقص الإمكانيات المادية أو انعدامها وتدني الأوضاع المعيشية لفئات عريضة من الشرائح الاجتماعية في المجتمع السوداني والتي ترتبط بذلك المهاجر بصورة او باخري ، من العوامل التي تعوق المهاجر وتحد من غاياته واهدافه وتجعلها ضعيفة،ومحدودة النتائج والحصيلات. ولكن المشاكل الإقتصادية هي إنعكاس لمشاكلنا الاجتماعية التي تولد المشاكل النفسية اي اننا نكون في حلقة لا فكاك منها تشبة الي حد كبير (نظرية مالتس فقر مرض موت) ، فعلا المغترب السوداني يختلف عن كل المغتربين في العالم حيث انه يقوم بمساعدة جميع الاهل ومعهم الجيران وفي نهاية المطاف يلتفت الي نفسه ويجد احواله لم تتقدم بل هو واقف في مكانه ان لم يتراجع ، وخاصة عند الأسر المهاجرة عندما يكبر الأبناء وينشغل الأب بالسعي وراء لقمة العيش وما أدراك ما لقمة العيش مروراً بضغوط العمل والموظف الجوكر الذي يقوم بعمل كل شي ، كل ذلك جعل الأب بعيداً عن أولاده لفترة طويلة جداً في اليوم وخاصةً أغلب الأباء يعملون بنظام الدوامين ، وأبناء زيد الذي يتقاضى راتب كبير معهم أبناء عبيد الذي يتقاضى راتب تعبان جداً ، ومن هنا يحدث التمرد من الإبناء ويريدون أن يكون مثل أقرانهم في الشارع ، وغياب الأب ترك فجوة كبيرة في تربية الأبناء على القناعة والقيم النبيلة ، ومن هنا تأتي الإنحرافات السلوكية وتفكك الأسر .
المشكلة الاقتصادية:- ويقصد بها المشكلة ذات الطابع الاقتصادي التي ترتبط بظروف مثل: البطالة، مشكلة عدم توفير العمل المناسب، تدني مستوى الدخل ، وطول ساعات العمل، ، والجهد المتعب وسوء العلاقة مع الرئيس المباشر، وعدم وجود المسكن الملائم وبعد العمل عن مكان السكن، وعدم توفر المواصلات والخدمات الصحّية التغير في سعر الصرف والتحويل. تنقل الإنسان من أرض إلى أرض بحثاً عن المعاش هو سلوك إنساني منذ أن خلق الله الأرض ومن عليها ويعز على الإنسان الإرتحال من وطنه ومسقط راسه ، وكلما ألمت بالإنسان ضائقة إقتصادية لازمه هاجس الهجرة لتحسين الوضع والعودة إلى الوطن بعد زوال هذه الضائقة وتحقيق الطموحات المهاجر السوداني يعاني من مشكلة كبيرة تتناقض مع الهدف من هجرته وابتعداه عن أهله أو عشيرته أو رفقاء دربه ووطنه .. أو فقدانه لوظيفته... جاء المهاجر إلى دول البترول للبحث عن حال أفضل .. يدخر بعضاً من المال ... ليعينه على نوائب الدهر .أو يكون نواة لمشروع يقتات منه هو وعياله ... وإن أوصله لحال الكفاف فهذا مطمح لا يحققه الكثيرين .. ولكن هل يصل كل المهاجريين إلى هذه الغاية.... ؟؟؟ اكيد الاسباب التي دعت الي تسرب فكرة الهجرة كثيرة وواحد منها تحسين الوضع المعيشي والعيش في هناء ورخاء مثل كل من حالفة الحظ . ولكن من أهم المشاكل الإقتصادية التي تواجه المغترب السوداني في بلاد الغربة هو عدم معرفته بواقع الحال في بلاد الغربة ومن شدة الضغوط الإقتصادية التي دفعته للسفر خارج وطنه ، لا يستطيع أن يتقبل أي وجهة نظر حقيقية لواقع الحال في بلد الإغتراب ، وموجات الدفع التي تبدأ من إستخراج الإقامة ، ورخصة القيادة ، وتغيير المهنة، ونقل الكفالة ، والبحث عن العمل ، وتدني الإجور وهذا مربط الفرس فهو لا يستطيع أن يحقق ما يطمح إليه و لايستطيع أن يحدد متى العودة. وسنة وأخرى يجد المغترب قد تضاعفت عليه الإلتزامات بمرور الزمن ، وأي تغيير يحدث في بلاد الغربة له إنعكاسات إقتصادية سالبة تؤثر علي المهاجر، سواء كانت معيشية ، أو خدمية ، والأمر مرتبط ايضاً بواقع الحال في الوطن ، وكلما ألمت بالبلاد موجة زيادات وتغيرات تجد المغترب قد تضافت عليه الإلتزامات ، و يكون كل ذلك حسماً من رصيد العودة وتحقيق الطموحات ، ويكون هم العودة للوطن وعمل مشروع صغير قد تبدد ، وأصبح هم الإستمرارية في الغربة هو الأكبر وهناك أمثلة كثيرة لمغتربين سافروا نهائي وعادوا نهائي ؟! وهنالك مشاكل خفية تظهر علي السطح بين الحين والاخر انهاء عقد العمل دون سابق انزار تاخير الراتب الشهري وتجديد الاوراق الثبوتية من جواز واقامة ورخصة قيادة بجانب الالتزامات الحكوميه من ضرائب وذكاة ورسوم وخلافه عدم وضع خطة للإدخار تناسب طموح المغترب - الادخارو الموازنة بين المرتب والمصروف والإلتزامات الإسرية والإجتماعية اساس اقتصادي يذيد من فرص العائد المادي ولكن . القناعة العقائدية بأن الله كريم يعمل بها الكثير ...... فيتوكل البعض على الصرف بفشخرة ..ناسين أو متاجهلين سبب مجيئهم؟ هل معيشة الترف الإجتماعي التي يعيشها المغترب في بلاد الإغتراب وخاصة أصحاب الأسر تظل عائق في وجه المهاجر من تحقيق طموحاته؟ هل أصحاب الدخل العالي يحق لهم أن يعيشوا حياة الرفاهية في بلاد المهجر؟ هل معظم المهاجربين السودانين أصحاب دخل عالي؟ هل المهاجر السوداني يعمل بعقد عمل يضمن به حقوقه؟ هل أقتطاع نسبة من الدخل لمقابلة الإلتزامات الكثيرة سيحل المشكلة؟ هل أحتساب نسب معقولة لتوزيع دخلنا على أوجه الصرف سيحل المعضلة؟ هل المهاجر السوداني يحتاج فعلاً لوعي إدخاري يساعده في تحقيق طموحه؟ ثم يأتي السبب الآخر وهو عدم قدرة الكثيرين على ضبط مصروفاتهم أو صرفهم فوق المعدل المعروف ولتركيبتنا السودانية الدور الأكبر في ذلك لإتساع دائرة الصرف الإجتماعي المعروف. المشكلة النفسية :- ويقصد بها أية اضطراب نفسي يؤثر على التوازن النفسي للفرد مثل الشعور بالقلق، والإحباط ، والخذلان، والخوف من المستقبل، وممارسة العنف النفسي ضدَّ الفرد داخل إطار الأسرة والمدرسة والمجتمع مثل: الإيذاء اللفظي والعاطفي والجسدي وتصرفات العزل أو السيطرة أو التحكم أو الإكراه أو التهديد –الوعيد وتعرف الصحة النفسية على أنها قدرة الفرد على التعامل مع المحيط الاجتماعي، والتفاعل معه بشكل سليم وايجابي، وذلك من خلال إيجاد طرق وقنوات أمنه للتفاعل والاتصال والتواصل، لتحقيق الذات ولعب دور فعال في المجتمع الذي يعيش فيه، حيث أن الوصول لحالة التوازن تتطلب الدعم من الأسرة بالشكل الأساسي ومن المجتمع، حيث " يتأثر الإنسان بالجوانب الثقافية والاقتصادية والاجتماعية والبيئية والدينية ويختلف تأثير هذه الجوانب على الإفراد حسب طبيعتهم البيولوجية والوراثية والعمرية. كل ما تقدم يلقي بظلاله على نفسيات المهاجر السوداني الذي في حالة إقتصادية سيئة ، وإجتماعية سيئة لا يستطيع الفكاك منها بسهولة ومنها أ _ الانحرافات السلوكية نتيجة لسوء التوافق النفسي والاجتماعي والأسري لبعض الابناء الذين يشعرون بعدم التكيف بسبب الصراع الحضاري بين القيم والنظم الاجتماعية للمجتمع السوداني والانفتاح على المجتمعات الأخرى. ب _ الخوف من المستقبل وما يرتبط به من مجهول أصبحت مشكلة من المشكلات النفسية التي يستشعرها المهاجر السوداني وبسبب عوامل متعددة (اقتصادية -اجتماعية - سياسية- نفسية الخ) ج _ البعد عن الاهل والابناء والزوجه ومايحتاجونه من رعايه تظل هاجس يؤرق الكثيرون د _ العمل الوظيفي او المهني هو الهاجس الاكبر للمغترب ه _ مشاكل العوده للسودان التاقلم علي الاقامه الدائمه في السودان وقيام مشروع صغيرلسد الحاجه و _ المعرفه بالسوق المحلي لمواكبة سبل العيش ك _ العودة إلى الوطن من غير تحقيق الهدف من الإغتراب تحيط بها جملة من المؤثرات تحكم بالعودة أو البقاء ، فإذا توفر بالوطن بديلاً عن العائد المادي المتوفر في الإغتراب(وإن لم يفي بكامل الغرض ) . أيضاً الوظائف المتاحة ومقدار الرواتب لايمكن مقارنتها أبداً برواتب الدول الأخرى لمن ذكرت من أصحاب الشهادات والخبرات . هذا الوظائف ربما تكون مخرجاً للكثيرين الذين عاشوا سنوات من المعاناة وعدم الإستقرار الوظيفي في الغربة ولكن الآن وبما هو متوفر منها ومقدار رواتبها وحتى نوعها لم تقنع الكثيرين بالعودة . طريق العودة إلى الوطن لابد أن يسلكه كل مغترب ولكن يبقى مربط الفرس في تحديد الوقت الملائم لهذه العودة وفق الظروف المحيطة وهي كثيرة .. المشكلة السياسية :- يفتقد معظم السودانين الى منهج التربية الوطنية ولايفرقون بين الوطن والحكومات وقطعا لن تاتى حكومة تحوز على رضا الجميع ولكن لنجعل الوطن مفخرة لنا لاننا اصحاب حضارة ودين واخلاق عدم التواصل مع القنوات الرسمية لطرح قضايا المهاجر السوداني ، هي من أكبر المشاكل التي تواجه المهاجر، ماهي الحقوق والواجبات التي يجب ان يؤديها المهاجر تجاه الوطن وماهو دور السفارات والقنصليات والممثليات تجاه المهاجر؟ سؤال عريض تدور حوله التوصيات والمؤتمرات ، واي دراسات أو تحليلات يجب أن توجه لتلك القنوات ، ولا سيما أن جميع الحلول لها إرتباط وثيق بالسياسة 0 مشكلات حقوق الانسان :- حقوق الإنسان جزء لا يتجزأ من الصراع السياسي والثقافي والقانوني في الأزمنة المعاصرة. وعندما نقول حقوق إنسان لا نعني بذلك الاعتقال السياسي وموضوع المفقودين والتعذيب فحسب، فهذه ليست سوى ثلاث موادٍ من الإعلان العالمي لحقوق الإنسان من أصل ثلاثين: فالتعليم حق من حقوق الإنسان ، الصحة حق من حقوق الإنسان ،الحق في السفر والتنقل بحرية من وإلى بلد المنشأ والتنمية حق من حقوق الإنسان والسكن المقبول ،حق التنمية، حق العودة، الإبادة السياسية، حق المحاسبة في قضايا الفساد، حق الملكية الفكرية والادبية، مفهوم الجماعة المستضعفة(لجوء، هجرة، عمر، جنس، أقليات، المهمشون) ، حقوق البيئة. كيف يمكن للحكومة السودانية والجهات المسئوله والمنظمات الطوعية معالجة المشاكل الاجتماعية والتعليمية والنفسية والسياسية للمهاجرين السودانيين بسبب تلكم المشاكل؟
لكم شكري
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: مجدي عبدالرحيم فضل)
|
Quote: يااااااه الطين وبيوت الجالوص والنيل والجروف واللوبيا وساقية تئن نص الليل يااااااااااه غربه ما معروف مداها وين
حمد الريح نغم جميل بنادي القاصي والداني وبذات في بلادك حلوه أرجع ليها دار الغربه مابترحم .
البوست كلوا مغتربين مالوا وين؟ ساكنين الضفاف ومقرن النيلين وفي توتي التقينا بالأحبة (ماضي زكريات)
|
الاخ مجدى ابو قصى
والله صدقت غربة مامعروف مداها وين .....الا نسوى شنو عاد الجبر الاستاذ حمد الريح انغامه مترعه بالجمال والحنين ...... ومن هنا بنحيه معاك اخ مجدى
خالص التقدير والود
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: عصام دهب)
|
Quote: ..الغنية دي بتوقد فيني ناااارية .. |
وانا ياعصام ياخوى بتلبش وبتجينى حالة كده مامفهومة وامشى اطلع الجواز واعاين للتاشيرات واضرب لناس الحجز واقدم الحجز يومين كمان شوية ....والغى التانى .... انا غايااااااتو بس خلونى ساااااكت .... غايتو ا الدخلها فينا الشاعر سليمان عبدالجليل وحمد الريح مااظن تمرق ...ال بعد مايقفلوا صالات المغادرة والوصول ويلغوا الجوازات دى ....
وكل حنين ونااااارية وجروف وطين وانت بالف خير ........اخوى عصام وتسلم
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
يا ناهد بشير يا أصيلة ....
إنتي زولة رقيقة بالجد يعني .. وفتحتي لينا باب كنت منتظرين زولا يدق سدرو ويفتحو ...! باب الجرسة والشوق والحنين .. والله نحن حنينا للسودان غايتو ما عارف لكن بفتكر إنو سلمى الشيخ عبرت عننا .. قالت تشتاق حتى لموية البلاعات ...! والله الواحد لمن يكون الجو مغبر بكون سعيد لأنو جاتو (نسمة من السودان ) أو كتاحة .. زول يصدق إنو يجي يوم يشتاق لي كتاحة وريحة بلاعة ...!
ربنا يعيدنا لريحة الطين في جروفنا ...
تسلمي يا ناهد ..
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: عمران حسن صالح)
|
Quote: ]وآدي جلسة فوق البرش ( ومنديلي في جيبي) .. أشيل وامسح فوق دميعاتي ... ودي طوبتي حاجز بيها مكان هنــا ... . . . . . . .
ناهد خربتي على آخر الليل ... |
عمران ازيك.....
كنت مارقة والله .....بس شفتك رديت رجعت.... اديك مناديل ذيادة...
وخليك قاااااعد هنا ....ومكانك محفوظ ......اصلوا الحنينين ظاهرين انا قلت بالبوست الحنين ده الكزكم بس ....تذكروا معاى الطين والجروف والنيل والاهل والسواقى وحنين الدنياوالطيور
وتأكد انو نحن راجعين فى المغيرب شكرا عمران اخوى.. اديك ذيادة مناديل؟
| |
|
|
|
|
|
|
Re: ريحة الطين فى جروفنا (Re: عمران حسن صالح)
|
يا الشايل شمسك في جواك خليها تبين للناس تطلع يا النازع فرحة والدة هناك غير حس آهاتك ما بتسمع
يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقّع
يا السبت عقابك وروّحت وحيات عز بلدك لا تنجع الشتلة تقولك لاتنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع
ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع
ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح
مجنوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتو وكان آمسكين باعو الارواح
وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح
سايب اهلك ونخلك راحل قول وين ماشي وين آ صاح الشمس النايره ابت تطلع والنيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح
قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح
ارجع ارجع يا زول ارجع دي الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد الحيل في خلوة حاج الخير مكتوف دكان الشيخ فوق الواطة كيمان كيمان ما فيهو رفوف
اخونا عمران
ياسلاااام على القصيدة الحنينه ..... وبالجد ماحااعلق عليها مع انه كل سطر فيها موضوع بحاله برجع ليها وابحتها سطر سطر ...
تشكر ياعمران ياخوى
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: عثمان دغيس)
|
Quote: ]يا ناهد بشير يا أصيلة ....
إنتي زولة رقيقة بالجد يعني .. وفتحتي لينا باب كنت منتظرين زولا يدق سدرو ويفتحو ...! باب الجرسة والشوق والحنين .. والله نحن حنينا للسودان غايتو ما عارف لكن بفتكر إنو سلمى الشيخ عبرت عننا .. قالت تشتاق حتى لموية البلاعات ...! والله الواحد لمن يكون الجو مغبر بكون سعيد لأنو جاتو (نسمة من السودان ) أو كتاحة .. زول يصدق إنو يجي يوم يشتاق لي كتاحة وريحة بلاعة ...!
ربنا يعيدنا لريحة الطين في جروفنا ...
|
الاخ الاستاذ عثمان دغيس
للاسف لم احظى بمقابلتك عند حضورك للعمرة .....مما احزننى لك وبالطبع لم يسر با....
والله الزميلة سلمى عبرت وذيادة.......
الزول السودانى ده ياعثمان ياخوى محل مايمشى بيتعلق بحاجاته وبشيلها وينقلها معاه محل ماماشى فما غريبه انه يشتاق للكتاحه الا الغريبه بيشتاق ليها وهو بره واول مايكون فى الاجازة يسب ويلعن (اها خلاص جينا للتراب والكتاحة والمرض ده)
غايتوا الله يرد غربتكم قولوا امييين
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: khaleel)
|
Quote: ليل الغريب
والريح تجيب
من فرعو داك
حبة عطر
النار تبق جوة الضلوع
اما الدموع سيل منهمر |
الاخ خليل
شكرا على الكلمات الرقيقات ..... وستبقى الدموع سيل منهمر ..... وستبقى النار فى دواخلنا متأججة... وسنكون فى انتظار الريح التى سوف تأتينا من فرعه داك حبة عطر ..... وحبة شوق ....
خالص الود
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: salma subhi)
|
Quote: .حليل ارض الجزاير والمراكب والطنابير الترن حليل ناس ليلى ساعة الليل يجن يا غالية يا تمرة فؤادي الليلة ما عاد المراكب شرقن والقمري فوق نخل الفريق فاقد الاهل يبكي ويحن
تحياتي ناهد.... |
سلمى .....ياغالية .......
تحياتى الغاليه ليك ....وخالص ودى لشعورك تسلمى
خالص الود
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
Quote: انحنا راجعين في المغيرب..المغيرب المغيرب للديار ما حد يشوفنا.. لا نشوفو.. لا يشوف |
أخت ناهد .. تحياتي
يا الله .. ما أجمل اللحظات التي التى نسترقها عند الاستماع إلى تلك الأغنية العذبة
إنها تزيل من قلوبنا طبقات الصدأ المتراكمة فتغسل دواخلنا .. فنكاد لا نعرفنا
كنت أطرب حد النشوة عندما أرخي أذني للاستماع إلى تلك الأغنية
وهي تنساب من صوت مذياع بعيد في جنح ليل بهيم ..
شكراً لك ... ومتعك الله بالصحة والعافية
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: نصر الدين عثمان)
|
ناهد اختي : من أجمل المناظر والرؤى التي تطاردني وأنا في هذه المنافي البعيدة صورة قريتنا جوار النهر الخالد لحظة المغرب الحيوانات وأصحابها بالقرب منها وهم قافلون بعد عناء يوم وأصوات الطيور لحظة المغرب في أعشاشها في الشجرة التي تطل على سور ( حبوبتي ) ونحن مقبلون نحوها في تلك اللحظة المفعمة بالحنين والحنية الجارفة الصادقة وكم من تلاميذ المدارس راجعون وهم يجرون من درس العصر
وصور فتيات يخرجن لزيارة جيران او صورة أولاد طهور قرب المغرب في زيارتهم الخالدة للنيل ناهد: كم جراح فتقتي بهذا البوح الممض الحرّاق كل هذا أمسى خبرا يروي من أحاديث التاريخ كأني غائب لميلاين السنين الضوئية من هذه الأنحاء التي أحملها في قلبي وأتوسدها ليلا وصبحا الآ قليل ليل
لك العتبي ولك رؤى هذه الأيام بهاء /طوكيو
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: هند محمد)
|
العزيزة هندويه....
دخولك الهادىء يريحنى ....ويسعدنى .....
الوطن والحنين والجروف والطين يذرع خطواته الراكضه داخل مخيلتنا تلك الموغلة فى التكوين .....والنشأة والارض والديار .... سيستمر شهقنا باصوات الندرة وصندل الاصوات للجروف والطين
كونى بخير هند
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: Baha Elhadi)
|
الاخ بهاء ..... ياخى انت فى اخر الدنيا ...طوكيو.....
ماكتبته اثر فينى بصورة لاتتخيلها .... غنى لقريتك الدافئة ...وشق طريق الترام كما قدلة الخليل حافيا حالقا....وستسعد فقط عش بالذكرى والذكرى الجميلة فقط فاالايام معدودات .....
خالص الود بهاء وكن بالف خير واوع ليل غربة طوكيو ينسيك ريحة الطين فى جروفنا
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: نصر الدين عثمان)
|
Quote: يا الله .. ما أجمل اللحظات التي التى نسترقها عند الاستماع إلى تلك الأغنية العذبة
إنها تزيل من قلوبنا طبقات الصدأ المتراكمة فتغسل دواخلنا .. فنكاد لا نعرفنا
كنت أطرب حد النشوة عندما أرخي أذني للاستماع إلى تلك الأغنية
وهي تنساب من صوت مذياع بعيد في جنح ليل بهيم ..
شكراً لك ... ومتعك الله بالصحة والعافية |
ومااجمل الايام التى قضيناها هناك ... ومااجمل الكتاب الذى قرأناه هناك (كتاب الوطن) ومااجمل ماحملناه معنا من اغنيات خااالدة ومااجمل بوابة مدينتنا وهى تحلم بمحطات القطارات ومااجمل الخرطوم فى ثوبها الصباحى المضمخ بعبير وردة الاشواك
ياخ اقول ليك حاجة ....مااجمل اى حاجة هناك مستنيانا وراجيانا
وشكرا لك اخ نصر الدين عثمان.... .
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكـــرا
شكرا لكل المتداخلين والمتداخلات ...وخلاص بقينا شادين الرحال للجروف ...,السواقى ....والطين ....
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: ناهد بشير الطيب)
|
عزيزتي ناهد مهما قلتي ومهما قال الشعراء فلن تعرفوا حجم معاناتناخارج حدود الوطن .فأنا قضيت اجمل ايام عمري في ديار الغربة ولازلت ولا ادري ما هو مصيري وكيف سوف تكون النهاية. انتي ظالمة ياناهد انتي قاسية .فقد قتلتيني بهذه الاغنية الا يكفي ما نحن فيه؟؟؟؟؟؟؟؟؟؟ المرة الجاية حاسبي على مشاعرنانحن بقينا مابنتحمل يا اختي... واوعك من حمام الوادي وكل طائر مرتحل.وطال علينا فرافكم .وياطير يا ماشى لي اهلنا. تحياتي
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: صالح عبده)
|
Quote: مهما قلتي ومهما قال الشعراء فلن تعرفوا حجم معاناتناخارج حدود الوطن .فأنا قضيت اجمل ايام عمري في ديار الغربة ولازلت ولا ادري ما هو مصيري وكيف سوف تكون النهاية. انتي ظالمة ياناهد انتي قاسية .فقد قتلتيني بهذه الاغنية الا يكفي ما نحن فيه؟؟؟؟؟؟؟؟؟؟ المرة الجاية حاسبي على مشاعرنانحن بقينا مابنتحمل يا اختي... واوعك من حمام الوادي وكل طائر مرتحل.وطال علينا فرافكم .وياطير يا ماشى لي اهلنا. تحياتي |
الاخ صالح ....
بس كدة.... قلنا مانريحكم ...ونديكم مرة مرة لكزة .... زيك غربة سنين طويلة ...بتين نرجع الله اعلم ... والاجازات على الابواب ...وبنشد فى رحالنا اهو ....الفرحة غامرانا .....ومبشرات الوعد بغد جميل وايام حلوة تراودنا ....لك ولكل الاحباب تانى ...
اوع ليل الغربه ينسيك ريحة الطين فى جروفنا .. والى لقاء ...
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: حسين محي الدين)
|
Quote: يا سلام عليكـ يا ناهد وشكرا محمد عثمان على اللحن |
الاخ الشفيف القلب حسين ....
انظر حولك لكل مهاجر اومغترب انظر لملامح وجهه...: ستجدها تبحث حولها ...عن مرآة تصلح لرؤية اطياف الابتسامات الهاربة او ذرات الغبن المطحون والحزن المحمول برا وبحرا وجوا لذا يلجآ الكثير منهم للذكرى والذكريات وها انا الان (ادى دفرة بس) واذكرهم بأن لا ينسوا ريحة الطين ...فقط ياحسين ياخوى ...
جبت سيرة القمر بيغادى ولا لسة ....
وكن بخير...
| |
|
|
|
|
|
|
Re: أوع ليل الغربه... ينسيك ريحة الطين فى جروفنا (Re: صلاح كشة)
|
Quote: سعيد جدا بعودتك بقوة للموقع الاغنية رهييييييييييييييييييبةجدا
|
الاخ الصادق الصدوق ابن القضارف المعطاءة الاستاذ صلاح .....
سعيدة بوجودى بينكم ...فبينى وبينكم دوزنة لاوتار الحنين... عندما يستضيف فضاء الاشتعال الكلمة المقتحمة الراعفة الشاردة فى ملامح الوجوة الكالحة المهاجرة البعيدة والقلوب المهترئه الاغتراب والتعبة النفس ..... لك ولهم ...طين الجروف ...والتميرات البيهفن فى مراكزك...والدعاش ... والغيم والرزاز الفى العصير ...والفرح الذى يبلل الكتوف ....
لك التقدير استاذ صلاح
| |
|
|
|
|
|
|
ريحة الطين (Re: ناهد بشير الطيب)
|
الاخت ناهد شكرا علي البوست الرائع الواحد رجع البلد بعد السنين المره ياداب العيون سهرن هجد .............. زي ضلا بشاطئ النيل رهين نسامو هب عليل قعد من تحتو شاب سارح يلملم في الحجاره يشيل يجدع في البحر نشوان ويسمع صوت صفيحه تنقرو...بنيه تدندن غنوه ليها سنين قديمه قديمه منسيه تولع في القليب اشجان تولع فيهو ناريه يروح الحله مستعجل وفي يومو يصافحو ليو علويه ..... تحياتي
| |
|
|
|
|
|
|
Re: ريحة الطين (Re: علي الكرار هاشم)
|
Quote: الاخت ناهد شكرا علي البوست الرائع الواحد رجع البلد بعد السنين المره ياداب العيون سهرن هجد ..............
|
الاستاذ على الكرار ....
اولا حمدلله بسلامة الرجعة ووضع هذا الحمل الثقيل عن كاهلك وتانيا شكرا على القصيدة واحلى مافيها( جديع الموية بالحجارة) ياخى اقول ليك حاجة نحنا محتاجين لاعادة صياغة من جديد (المغتربين)
والف حمدلله على السلامة والا كنت مثلنا ماتلبث ان تنفك تمتلىء املا موحشا لرياح تاتينا شرقا...... فتنكفىء شراعاتنا غربا
خالص الود اخى
| |
|
|
|
|
|
|
|