|
|
 الفنون الشعبية ما بين كمال(الشينّاوي) و (جمال) حسن سعيد..
|
نحن شينين دي ما فيها إتنين تلاتة كان رجال كان نسوان ..
انا شين و ناذر شين وبت عجاج شينة دي برضو ما فيها إتنين تلاتة ..
وكدي خلّو حكاية نحن شينين لكن سمحين أفعال وقلوب دي بي الجنبة كده ..
لكن ده ما بيمنع إنو ممكن يكون عندنا بعض اللمسات الجمالية في السودان ..
وبما إنو (الشنا) هي الصفة السائدة فينا فبقينا لمن نشوف زول/ة سمح/ة بنديهو أكتر من حجمو ..
وبنفرزو من باقي الناس وبنوليهو إهتمام زائد ومعاملة خاصة ..
مااااااااااااااااااااااا سمح وكده ..
الكلام ده واضح شديد في قنواتنا الفضائية السودانية كلها كان تلفزيون السودان كان هارموني كان زول كان النيل الأزرق ..
وده المزعلني وفاقع مرارتي..
ليي التلفزيون عندنا بيجيب الشينات في التفزيون ؟؟؟
وليي لمن تجي واحدة سمحة للتفزيون ما بيشيلوها ؟؟
وليي المزيعات عندنا كلللللللللهنشينات خصوصاً تلفزيون السودان ؟؟
ده كلو كوم ولمن يقولوا ليك ده تراثنا ودي فنون شعبية ده كوم تاني !!!!!
ما حصل في الفترة الأخيرة دي شفت لي شغل بتاع فنون شعبية فيهو بت سمحة !!!
ناس التلفزيون يجيبوا ليك البت وعشان شينة يخلوها تنطط وترقص وتكشف شعرها زي ما هي عايزة وماف زول بيسألها ولمن تستغرب يقولوا ليك لالالا ياخ دي فنون شعبية ومافيها حاجة البت تنطط بي صدرها وتهز جسمها ..
ماااااااااااااا فنون شعبية وكده..
طيب يا جماعة كدي حاولوا كده إتخيلو معاي ندى القلعة دي تشترك في الفنون الشعبية عشان تقدم لينا تراث !!!
مش رقيص العروس ده فنون شعبية ؟؟؟؟؟
يعني ممكن يخلّو ندى القلعة ترقص لينا عادي؟؟؟
طيب نفترض حنان بلو بلو عايزة تقدم اغنيات بنات وترقص زي زمان
مش غنا البنات ده تراث شعبي ؟؟؟
طيب إتخيلوا معاي بنات الشرق (وهن من إشتهرن بالجمال القاطع) عايزات يقدمن فنهن الشعبي والرقيص بالرقبة والعوم كما الوزة بالصدر ولبس النص كم .. ماااااااا فنون شعبية وكده ..
والله يلقوها عند الغافل عشان نحن ناس معقدين وبنشوف السماحة دي جريمة والله يقدر البت وتطلع سمحة ياخ البت كان سمحة أخوها اليوم كلو تلقاهو يحدر ليها التقول هي العملت روحا كده ..
لكن سبحان الله الشينات ديل في التلفزيون يجيبوهن ليك ينططن ويرقصن ويفكن الشعر ..
مااااااااا فنون شعبية وكده ..
ويذهب ناس التلفزيون لأبعد من كده وفي السهرة تلقى المصور بيصور في حضور الحلقة والله قال بي قولوا لو صادفت الكاميرا بتاعتو وش بت سمحة !!!
والله زي التقول صوّر ليهو مشهد مخل بي الاداب زيييييييييتك يسحب الكامير ا ولمخرج يدخل بي اي لقطة من اي كاميرا تانية ..
ويا سبحان الله لو صادفت الكاميرا بت شينة ..وكأنه يوم المنى والهنا ..المخرج يثبت اللقطة وكأنه وجد كنز ..
كل ما أشوف المزيعات عندنا بقول هل معقول بس ديل القدّمو للمعاينات ؟؟؟؟
معقول ولاااااااااا واحدة قرت في الأحفاد جات تقدم مع الناس ديل ؟؟
وحتّى المزيعة السمحة ما بتاخد ليها في التلفزيون شهر شهرين يا عرسوها يا سافرت برة السودان واغتربت ..
طلعت لينا موضة هبة المهندس واختفت ..وجاتنا موضة منال محمد سعيد واختفت ..ومن الوقت داك والتلفزيون السوداني شغال بي نظرية كمال (الشينّاوي) ..
فهل يعود لنا (جمال) حسن سعيد؟
|
|
 
|
|
|
|
عمر الفاروق
فيس بوك
تويتر
انستقرام
يوتيوب
بنتيريست