|
Re: ود الجيران سابقاً (Re: Hussein Mallasi)
|
مِلس يا نِمس .. خبرك شنو
هو شنو هو الاخيراً؟ ..
ياخي زيد ليها كِلمة واحدة عشان نعرف ليها إتجاه ..
وزي ما إنتا عارِف إنو بيناتنا تاريخ عامِر مِن المودة وكِدة ..
بالمُناسبة .. انا في الفترة الاخيرة (من البوست اللي في بالي بالك وإنتا جاي) بديت اغيّر رأئي فيك ..
وإنتا عارف إنو المسألة دي ما في صالح العلاقة الحميمة البيناتنا
ابقى طيّب ابوي
| |
|
|
|
|
|
|
Re: ود الجيران سابقاً (Re: محمد المرتضى حامد)
|
ودبارا وتيل كمان يا سيادة المُستشار ...
اها .. شنو ليك
نحنا ذاتنا يا أستاذ قررنا نواكِب الحاجات النيو نيو دي عشان نكون دايماً نيو ..
تقديري لمرورك الكريم .. وبقول ليك إنو مُتابعين ومُستمتعين معاكم بي ذكرياتكم الجميلة في بوست "ناسنا" وغيرها مِن البوستات ..
تقديري أستاذ محمد المُرتضى
| |
|
|
|
|
|
|
Re: ود الجيران سابقاً (Re: ابو جهينة)
|
عبدالرحمن عبدالله ود بارا الفنان (أبومصعب) أم واحداً تاني ؟
إن بقيت ود بارا حبيبنا أو ود الجيران سابقاً ..نرحب بك ..
وفي الحالتين .. مرحبتين حبابك .
مودتي ،
( ليمو)
| |
|
|
|
|
|
|
Re: ود الجيران سابقاً (Re: abdulhalim altilib)
|
Quote: عبدالرحمن عبدالله ود بارا الفنان (أبومصعب) أم واحداً تاني ؟ |
اهلاً بيك يا عبدالحليم وبي ترحيبك ..
وعبرك بنحيي الفنان المُبدِع عبدالرحمن عبدالله
وبرضو بنحيي ضابط السِجن
والمُعلِمة
والزول السرب سربة
وجدي الريل
والجات واردة القميرة ذاتا
اتمناك دوماً بخير اخي عبدالحليم
تحياتي
| |
|
|
|
|
|
|
Re: ود الجيران سابقاً (Re: محمد البشرى الخضر)
|
انتو بس ياناس البورد ما تصدقوا تلقوا ليكم موضوع تعملوا منو مواضيع.. شنو يعني الحركات بتاعتكم دي..عالم غريبه!
دي أنا في دور ود الجيران سابقا
ازيك يا عبدالرحمن ..مبسوطين بي جيتك الجديده.. ليه ماقلت لي كل سنه وانتي طيبه في بوست عيدميلادي؟ يعجبني فيك الصمود أمام التحدي وقصر الطريق علي .....
| |
|
|
|
|
|
|
Re: ود الجيران سابقاً (Re: نادية عثمان)
|
غايتو بالجد أنا محتار
هل عبد الرحمن عبد الله هو الفنان ذااااااااااااااتو..
البوست من أول كتابتو (أعاين فيهو واقرا واجرى واجيهو راجع)..
ورغم ردود صاحب البوست مازلت مرة أقول هو مرة أقول ماهو..
غايتو لو الفنان عبد الرحمن عبد الله فليعرف أنى من أشد المعجبين بكل أغانيه..
| |
|
|
|
|
|
|
Re: ود الجيران سابقاً (Re: Muna Khugali)
|
كيفِك يا مُنى
Quote: دي أنا في دور ود الجيران سابقا |
إنتي بي ظرافتِك الزايدة دي .. دور ود الجيران سابِقاً ما بخيل فيكي .. لانو غير إنو يجيب ليكي الهوا ما ح يضيف ليكي حاجة .. فخليكي زي ما إنتي كِدة احسن ..
Quote: ازيك يا عبدالرحمن ..مبسوطين بي جيتك الجديده.. ليه ماقلت لي كل سنه وانتي طيبه في بوست عيدميلادي؟ |
وانا ذاتي بالمُناسبة مبسوط بي بسطتكم بي جيتي ..
تسلمي علي شعورِك الطيّب ..
وبعدين وحيات المعزة انا البوست بتاع عيد ميلادِك دا ما شُفتو ..
قفّلتي كم بالمُناسبة .. سِتة وعشرين؟
علي العموم مبروك .. وربنا يجعل ايامِك كُلها اعياد وإبتهاج
تقديري والإحترام
لكين دي:
Quote: يعجبني فيك الصمود أمام التحدي وقصر الطريق علي ..... |
بالجد ما فِهمتِك قاصدة بيها شنو؟
تحياتي
| |
|
|
|
|
|
|
Re: ود الجيران سابقاً (Re: عبدالرحمن عبدالله)
|
ود الجيران التحايا ...
(بالصبر بداوي الجراح كان يداويها الصبر )
اهاا الفنان الاستاذ عبد الرحمن عبدالله وكان ود الجيران الحنان الف مرحب بيك
شايفة النيو لوك بقى في حاجات كتيرة
ان شاء الله العقبال للكل...
| |
|
|
|
|
|
|
Re: ود الجيران سابقاً (Re: منى على الحسن)
|
عساكي بخير يا مُنى وعسى ايامِك باسمة
سعيد بي مرورِك وبي ترحيبِك .. رغم إنك ما رديتي لي في البوست العملتيهو عن رشا شيخ الدين ..
Quote: شايفة النيو لوك بقى في حاجات كتيرة
ان شاء الله العقبال للكل... |
رغم إنو ما فِهمتا الحاجات الكتيرة البِقى فيها النيولوك دي شنو ..
لكين مادام ما إنتي شايفة كِدة .. يبقى خلاص إن شاء الله العُقبال للكُل ..
اتمناكي دوماً بخير يا مُنى
تحياتي
| |
|
|
|
|
|
|
Re: ود الجيران سابقاً (Re: عبدالرحمن عبدالله)
|
ود الجيران إسم / معرف حمل الكثير من الحنية الحنية والهموم/الأفراح المشتركة التي تربط بين الجيران وودالجيران المأمون على بنات الفريق وبت الجيران الحلوة الصافي لونها والقداسة والإحترام من قبل الود لها
عبدالرحمن عبد الله إسم رسمي ومتجهم يصلح إسم وزير وحتى الفنان كنا بنزوغ من إسمه المتجهم بإطلاق لقب بلبل الغرب عليه
يا كروان بارا انت
هذا غير زهجي من الناس الإسمهم زي إسمي عشان إما بيعلموك اللفافةأو الدغالة ينادو : عبدالرحمن تقوم تلافف تقول : نعم يقولوا ليك : ما أنت
تسكت يقولو ليك : ماترد يا دغيل
انا ح أتعامل معاك على كل حال بس ما تتداعل
| |
|
|
|
|
|
|
Re: ود الجيران سابقاً (Re: أبو ساندرا)
|
شاكِر انا مرورك وترحيبك عزيزي عبدالرحمن ..
Quote: ود الجيران إسم / معرف حمل الكثير من الحنية الحنية والهموم/الأفراح المشتركة التي تربط بين الجيران |
Quote: عبدالرحمن عبد الله إسم رسمي ومتجهم يصلح إسم وزير |
بتفِق معاك في النُقطتين ديل يا عبدالرحمن .. لكين بقول ليك إنو تغير الإسم دا تما بناءاً علي عملية نقد ذاتي واجِبة إستلزمتا ظروف المرحلة الراهنة في مسيرة النِضال نحو التغير ..
مُمتن انا لإبدائك الرغبة في التعامل معي .. وأبادِلك ذات الرغبة
كُن دوماً بخير يا صديق وخلي بالك مِن نضرك
تقديري والإحترام
| |
|
|
|
|
|
|
Re: ود الجيران سابقاً (Re: Muna Khugali)
|
ربنا يديم المعروف ..
ويصفّي النفوس ..
ويبربِح الارواح يا مُنى ..
لانو بلا كِدة ما عِندنا حل ..
تقديري لمرورِك الكريم .. ولكلماتِك الصادِقة ..
تحياتي
| |
|
|
|
|
|
|
Re: ود الجيران سابقاً (Re: محمد عبد الماجد الصايم)
|
كيفك يا محمد عبدالماجِد .. عساك بخير
Quote: مداخلتك ديك لحدي هسي مزعلاني |
مُداخلتي ديك ياتا اللحدي هسي مُزعِلاك؟
يا زول اياً كانت المُداخلة المُزعِلاك .. ليك الإعتذار عليها .. لانو اكيد ما كان مقصود بيها ازعِلك .. وإنتا عارف براك مرات مرات الروح بتضيّق .. وبِحصل الإنفعال غصب ..
ومِن النِهاية كِدة بقول ليك ما بيناتنا زعل يا زول يا حبوب..
ومُمكِن ترفع الكُلفة زي ما عايز ..
تحياتي يا محمد عبدالماجِد
| |
|
|
|
|
|
|
Re: ود الجيران سابقاً (Re: عبدالرحمن عبدالله)
|
الأخ عبدالرحمن عبدالله- ودالجيران- مكرر الأخ ودالجيران - عبدالرحمن عبدالله-
مرجب بيك وأنت تتخلّى عن الماسك بتاعك وعرفنا كلامك:
Quote: لقيت ليك قِصة إنو الزول يكتِب بي (نِك نيم) دي مسألة ما جاية .. وبِتضيّع علي الواحِد عرق لِسانو شمار في سليقة .. وبرضو بتفوِّت عليهو فُرصة إنو يشتهِر وكِدة .. |
كدى بالله ورينا طعم قراءتك لمداخلاتك من ناحية سايكلوجية إختلف ولا ياهو ذاتو؟
مرحب بيك ومتابعين مداخلاتك ومشاركاتك اللطيفة.
| |
|
|
|
|
|
|
Re: ود الجيران سابقاً (Re: خدر)
|
Quote: انت ما بتشاور يا ود الجيران ياخي ? |
طارِق ابوعبيدة الزول الفنان شخصياً جانا زيارة؟ ياخي دي فُرصة سعيدة .. وحقيقة بيتنا نوّر (وش مُرتبِك شوية) ..
غايتو يا طارق ما عارِف اقول ليك شنو؟ ..
يا زول مِن النِهاية كِدة .. العفو والعافية ..
اها رايك شنو؟
صادِق مودتي والإحترام يا صديق
| |
|
|
|
|
|
|
Re: ود الجيران سابقاً (Re: أبوبكر أبوالقاسم)
|
Quote: كدى بالله ورينا طعم قراءتك لمداخلاتك من ناحية سايكلوجية إختلف ولا ياهو ذاتو؟ |
إنتا كمُتلقي لمُداخلاتي رايك شنو؟
إختلف والا ياهو ذاتو؟
شُكراً علي المرور يا ابابكر
| |
|
|
|
|
|
|
Re: ود الجيران سابقاً (Re: ماجدة عوض خوجلى)
|
عساكي بخير يا ماجدة .. وعسى ايامِك باسمة
Quote: طيب هسه الخبرة العملتها فى فترة ودالجيران بتعمل معاها كيف ؟ |
مُلاحظتِك في محلها بالمُناسبة .. انا ذاتي حازي في نفسي إنو تاريخ ود الجيران المديد بتاع الشغب والتهور دا يروح ساكِت .. ولو لقيت طريقة كان اعِدتا كِتابتو بي إسمي الحقيقي ..
لكين يا ستي ما فاتت حاجة .. وادينا إحنا لِسة فيها ..
واهي تراجي زي ما شايفة جات داخلة بعديكي طوالي
مما يُدلل على إنو الوضع لا زال مُطمئناً
اتمناكي دوماً بخير يا ماجدة
تحياتي
| |
|
|
|
|
|
|
Re: ود الجيران سابقاً (Re: عبدالرحمن عبدالله)
|
ود الجيران ازيك ...
النيو لوك بقيت تكتبت كلمات كتيرة ...
زمان كنت تكتب كلمتين بكونوا لغز
اهاا هسي انا اتعاديت منك
لكن يا ود الجيران ناس المنبر ديل بخلوك تستمع بالحاجة ولا ترد
طوالي يجيك ناطي زول ويقول ليك كلمة تحول البوست لمجرى تاني
وهاك يا تحليل وتقيم وانا طبعا عكليتة شاااديد في زحمة عكلتي دي
نسيت ارد للناس الحلوين ..... لكن ولا تزعل
اهلا بيك هنا ود الجيران وعبد الرحمن ....واهلا بيك في بوست راشا
اهاا من دربي ده ماشه ارفعوا وارد ليك ...
اهاا بعد ده شن قولك بس اتكرب ونزل غنية لي رشا
| |
|
|
|
|
|
|
Re: ود الجيران سابقاً (Re: Amira Elsheikh)
|
Quote: ممكن برضو نولع ليك شمعة بمناسبة تغيير الاسم لانو مافى طريقة لخروف.. |
يا ستي ولا في داعي للشمعة ذاتو ..
إنتي حضورِك في البوست دا في حدِ ذاتو شمعة ..
بي طاقة 1200 واط
تسلمي يا اميرة .. وشُكراً ليكي علي الترحيب
صادِق المودة
| |
|
|
|
|
|
|
Re: ود الجيران سابقاً (Re: منى على الحسن)
|
شُكراً ليك يا مُنى علي عودتِك مرّة تانية ..
Quote: النيو لوك بقيت تكتبت كلمات كتيرة ...
زمان كنت تكتب كلمتين بكونوا لغز |
مُلاحظة سليمة ..
رغم إنو ما عِندي خِبرة في إدارة البوستات .. لاكين بفتكِر إنو الواحِد في البوست تبعو لازم يكتِب بالقدر البشوفو بيرضي الشخص المقصود بالرد .. والكلام دا طبعاً حسب إجتهادي الشخصي .. وفوق كُلِ زي عِلمٍٍ عليم
شاكِر ليكي برضو إهتِمامك بالرد علي مُداخلتي في بوست رشا .. ولو إنو ما كان في داعي للتعب .. لانو اساساً مافي بيناتنا حسس او عِتاب ..
والا كيف
اتمناكي دوماً بخير يا مُنى
تحياتي
| |
|
|
|
|
|
|
|