|
|
 Re: محمد المرتضى حامد (Re: المأمون أبوسن)
|
المامون ابوسن : خوالص التحايا
.. و ها قد دارت الافلاك و الازمنة لنلتقي في فضاء السودان ( سودانيزاون لاين ) الذى لاتسعه خُرط و لا تحده تراسيم الحدود ..
و من حكم المولى القهار .. كما يقول الراحل بادي
.. فالعيون من الممكن ان ترمي الاسد النتار
.. و لكن من حِكمه ايضا ان ذلك الكتاب ( من عيون الشعر القومي في البطانة ) لمؤلفه الاستاذ / حسان ابو عاقلة ابو سن ، و الذى تصفحناه معا في مكتبة والدكم الكريم مولانا : عبد الله ابوسن قبل سنين عددا في منزلكم العامر بمسقط
.. هذا الكتاب القيم وصلني فيما بعد ذلك هدية من إبنه معتصم ابو سن و الذى جمعتني به مهاجر امريكا
.. و انا بدوري اهدي لود حامد المرتضى من عيون شعر البطانة قول محمد احمد بك ابو سن ( الحردلو )
.. جابوك في المُدن ساكت درادر و ضيعة
و امك في الحريم ماها المرة السميعة
نترة ناس ابوك اللي الرجال لويعة
و إت إن كان كِبر جنبا يقلب البيعة
.. بالله يا ود حامد ، من غزلان الحردلو جيب لينا في بوست الغناء صورة ظبيا عليهو لفتة ، و اكتب تحت الصورة كلام ود القرشي :
و يوريك بعيونو
لفتات الجدي
و حزم القائدِ
.. زورنا يا مامون في بوست عثمان موسى بتاع الغناء السوداني السرمدي
| |
 
|
|
|
|
المأمون أبوسن
أحمد طراوه
فيس بوك
تويتر
انستقرام
يوتيوب
بنتيريست