|
|
|
 Re: رحبوا معى بالشاعر الشفيف محمد حسبو (Re: abubakr salih)
|
رب اخ لك لم تلده امك!! و رب شاعرية لك تضيع فى ثنايا التردد
او خيالات عدم الاكتمال!! الشعر هو الشعر و لا شئ سواها الشاعرية حالة غير محدوده بأطر الزمان و المكان و لا اللغه العتيقه المسهوكه و مستهلكه. الشاعرية قبس ينفتق من تلافيف النفس اللوامــــــــة. و الناس على دين ملوكهم يلوكون الصبر و الثابت
و الاجيال على شِعر شعراءها ترسم اللحظة بنور الغموض.
يا فرده اتوقعتها منك عشان كده لمن صدقت توقعاتى انبسطا
و قلتا احتفى بيك و اتمها موية و حمير الوادى مليون!
ما هو انتى شاعر مالك مضيقا على الناس؟
| |
 
|
|
|
|
|
|
|
|
Re: رحبوا معى بالشاعر الشفيف محمد حسبو (Re: abubakr salih)
|
هي الكتابه تخرج من درجة الصفر -اهلا بارت ماك طيب-
لتدخل على غير العاده ليس في وكر المباشره
انما في براح الثقوب السوداء ...
تقترح الغموض كشفا وتسفه المدرك والعادي لتنجو
بهما فتحا...
هذا الولد ينماز بشاعرية تغيظ الذائقه
وتشنكل السهل حتف انفه ولابواكي على الافلاك
ايلول الاسود
ق.م
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: ismeil abbas)
|
أما أنا فسأسبح عكس التيار، وأقول وهل غادر شعراء بلادي من متردم، وما أكثرهم، وما أجمل معظمهم، ولكن ما نحتاجه هو محمد حسبو، المفكر، أو هكذا أنا أراه، أجل مفكر مالك لأدواته، من قدرات تحليلية عالية وثقافة موسوعية وقدرة على طرح الفكرة متوسلا بلغة أدبية رفيعة.
| |
|
|
|
|
|
|
|
|
|
Re: هذا بلد للباطل فيه سلطـــان (Re: abubakr salih)
|
فى الايام الماضية طالعت مداخلة للصديق محمد حسبو فى خيط لمحمد جميل بعنوان "طائر الرمـــاد – قصيده-" منشور على منبر سودان فوراوول، و قبلها كنت قد طالعت مداخلات له بنفس المضمون فى بوست عزاء سركون بولص ناقدا فيها او متحفظا فيها على تصنيف ما يعرف بقصيدة النثر ضمن حوش الجنس الادبى المسمى شعر هذا.
المداخلة الاخير لحسبو جعلتنى اتوقع منه كتابة شئ ما من ذات الجنس الما و يعلن انها قصيدة لا تقل شاعرية و كثافة لغوية عن جملة ادب الحداثة الجديد الذى فرض نفسه الى الواقع الثقافى فى بلادنا و ادخلنى انا اشخصيا فى كثيرا من الاحيان فى حرج عظيم لكونى لا اجيد فهم اللغة المكتوبة بحروف من خام مادة الحلم و الخيال الطليق.
توقعى للقصيدة المنجوره من حسبو اضافة لانى اشاركه بعض مما يرى بخصوص قصيدة النثر و تصنيفها ضمن حوش الشعر و التخلى عن كل التراث الادبى و الابداعى المكتوب باللغة العربية لصالح التيارات الرجعيه جعلانى افكر فى التضامن المعنوى مع الاخ حسبو و اعلن ترحيبا اعتقدته ساخرا بشاعرية ما لصديقنا محمد حسبو.
اخترت لمقدمتى التى ابتدرتها فى الترحيب عبارات هجين من تراكيب لغوية تعمدت ان لا افكر فى معنى موضوعى و عقلانى لها، فانا لم يكن فى ذهنى شئ عن السحابات المتبرجات، و لا طين الحنايا، و لا السوسنات الانيقات، و لا طريق الجحيم، و لا سماد الاوجاع القديمة، ما علاقة جبل سرغام بسن الاقلام و هل ذهب احدهم يوما الى هناك لسن قلم الكتابة، و ما هى طيور الفخار المضمخة بالعبير. هل تحيل كل هذه الهترشات الى شئ؟
انا لم اقصد منها شئ ابدا و اذا كانت قد و جدت صدى لدى البعض او اعتقدها بعضنا ذات معنى و ربما حسبو قد اعتقد ذلك فتثاقل عن حضور حفلى القائم للتضمان معه فاذن انا زاتى اديب و مافى حد احسن من حد.
بالله يا جماعة تانى اى زول بيجى يقول كلام ما مفهوم ما نخاف نقول ليهو يا زول انتا قاصد شنو بالله؟ و الله انحنا كلامك دا ما فهمناهو؟ يا اما تكتب لينا كلام بنفهمو و نديك حقك كامل من الصفقه و آيات التبجيل و الاندهاش و فيوض الاعزاز، يا اما ما تنتظر مننا اى حاجة و كمان ما تشكك فى ثقافتنا و تتهمنا بعدم العرفه و تشعر انك وحيد هيمان فى عالم لا يفهمك و تزيد كمان و تشكو من الشعور بالغربة و تعمل لينا فيها جاليلو الذى قال لهم لكنها تدور.
اوكى فى طرق جديدة للقراءة و التزوق لشعر الحداثة و ما بعدها و التجربة الاوربية فى اجناس ابداعية اخرى كالتشكيل و المسرح و الشعر و الرواية، لكن ماهى الحدود التى نميّز فيها بين ما هو ابداع و بين ما هو غير ذلك، لان طبيعة الغموض و الاعتماد على احساس المتلقى للعمل الابداعى و اعادة تخليقه للعمل قد تغرى الكثيرين باستتهال امر الابداع و اجهاد المتلقى و مطالبته بان يجد معنى او احساس لللاشئ. و بالتى ندخل جميعا فى حتة ضيقة اما ان نتحتفى و نحن زاهلون او اما نكون متبلدى الحس و قليلى الفهم.
| |
|
|
|
|
|
|
|
|
|
Re: هذا بلد للباطل فيه سلطـــان (Re: abubakr salih)
|
يا محمد حســـبو بعد اذنك يعنى انا ح اقوم باٍعادة قراءة لنصك الابداعى الاول
حسب وجة نظى كمتلقى للعمل الابداعى اعيد صياغته. كدى شوف الكلام دا كدى موش ببقى تمام
غريزه
كالمترار
يلامــس ما بين دِين و دِين
هسهســة الترامس و الشاى الوريف
الموتور تدار اقداحه بفداحتها فلا يُلتمس
_ _ _ _
اللولوب اكذوبة صاعده
النّوار يحترف البياض
وحدها الشرايين تحتضن النحيب
القلق مقايسة خرقاء يبللها الندى
الفهرس زائع الصيت
تتال قرآن مجيد
ثم:
يكون الغائظ حياة الحياة
تؤتلف فى سجو بجوها
كيف نقع فى الوشيك؟
فينجو حينها الذات الصديق
و الفزع يدخل من كل مَخرج
صاهل كريح فالقه الطاقة
_ _ _ _ _
ايمان قالت:
اتمنى لكم عام سعيد
و لى بعض الكتابة التافهة
ثم:
قصّت منلوجها الذى اهمل تفجيرا فى اقليم الـ"باسك"
طيب منوى النزق
ينفك عن هســتيريا الكينونة
الاهـــاب ضارب لجّه المزمع
ينزاح عن كاهل الشئ
فالاحتمال نور الجبال الواجفه
مخطوطات ابداعية
خريف نيسان- 1984
| |
|
|
|
|
|
|
|
|
|
حااضر قلبي ماهو مغيِّب (Re: abubakr salih)
|
يا بكري إنت جنّيت؟
أغباك كيف؟
جاييك ببعض الشروحات لما التبس عليك من النّص المفتوح الذي أبدعته
و أرجو أن لا تحاول تخريبه بمحاولاتك
و يا زول ما تداقرنا، اللحظات الإبداعية على قفا من يشيل، أمش كوِّن نفسك و أصنع إبداعك الخاص، لا تسجن نفسك في التهيّب، السوق كاشف
لي عودة لشرح النّص و أبعاده، و أنصحك بمراجعة حكمت الصباغ و كذلك رسالتي لك عن الهيرومنطيقيا التحويلية هناك في فورأول لحين عودتي.
معك في دعوتك للنقاش كمان
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: Muna Khugali)
|
شوف الصورة البديعة دى
Quote: و يا زول ما تداقرنا، اللحظات الإبداعية على قفا من يشيل، أمش كوِّن نفسك و أصنع إبداعك الخاص، لا تسجن نفسك في التهيّب، السوق كاشف
|
انتا رافس النعمة مالك؟ و ليه بتكِف البيضاء على قول اهلنا فى البلــد. يا اخى ما تركب الموجة الكمية السابحه فى فراغ اللغة و المعانى دى، و ثم تتسقط آى التبجيل و الاحترام و ربما فيوض الاعزاز من كل حدب و صوب. الموضوع كما يقول اهلنا النّصارى it is easy as pie و ترجمتها غير الحرفيه: اسهل من اكل الفطيرة باللبن.
المهم مطلوب دين حبر كتير، و رجعت للمقالة المنشورة فى الفور اوول، اسبوع النصارى ديل بدأ و بعصرونا شديد و الله، و القلم كما تعلم فى ايد رافع، فصبرا جميل و الله المستعان.
السوق كاشف... طيب الاسعـار كيف؟
_ _ _ _ _ _ _ _ _ _ _ _
العزيزه منى خوجلى
تحيات و سلام
شكرا على الزيارة انا طيب و شديد
تصدقى و الله مافى جديد و لا حاجة ياهو حسبو الزمان
_ _ _ _ _ _ _ _ _ _ _ _
الاخ الفاضل بله محمد الفاضل
حبابك الف بين الشاعر و الكاتب و الله مســافات
و بينهما ما صنع الحداد زاتو، و كل واحد براهوه
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: abubakr salih)
|
يا بكري ..
صباحاتك بيضا .. قول يامين .
أنا قايل حسبو براهو المشوطن ..
كده بقيتو تلاتة ( ما تسألني نمرة إتنين منو ) .
دحين يا صاحبي زول زي المنعول حسبو لغتو شبعانة و نضيفة ..
و لسانو ذرِب و فصيحوني , أكان فصحى كان كلامنا ..
راسو متعافي .. و سلطان مزاجو عجب ..
و روحو خدرا ( بحسب ما تواتر إلينا من حديث العصافير ) ..
و سمح و مهبوش و متمرد و مارق في سهلة ربنا دي ..
باقي ليهو شنو تاني عشان يشعر ؟؟
( إلا كان الناس دايرين يشترطوا و يدستروا و يألهوا للناس مخارجاتا !!!
ده ياهو الكلام البيجيب الزعل و المروق على شريعة الكهنوت ..
.. و بيبقى الوكت داك كل كلاماً ليهو كلامو ) .
شكرا يا بكري ..
محبتي ..
| |
|
|
|
|
|
|
|
|
|
O. R (Re: abubakr salih)
|
الأخ بكري
أراك فصلت ما بين الاقتباس الشعريّ الذي وضعتُه في مقدّمة نصّي المفتوح و بين قائله الدكتور فتجنشتاين، و الذي يبدو إنّني رسمتُ اسمه خِطئاُ (هههه) في نصّي المفتوح الأصلي، و لي العذر في الحقيقة، فأنا لم اقرأ هذه الأبيات لدى فتنتجشتاين هذا، بل سمعتُها من صديق و قال إنّها لهذا الرجل، و ربما لم أحفظ اسمه بدقّة فقد كنت في عجلة من أمري، و لا أنكر إنّني وضعتُ كلمة مضلّلة و هي كلمة البحوث بعد اسم فتنجشتاين، فقد تاه عليّ اسم الكتاب المنسوب لفتجشتين هذا، هل هو رسائل فلسفيّة أم بحوث العمليّات، لذا آثرت السلامة و قلت "البحوث"، على الأقل أنا أعرف أن لا أحد سيحقّق في الأمر، و حتى لو حاول أحدهم، فإنّ هيبة اسم فتنتجشتيايتن وحدها كفيلة بزجره.
هذا أول تخريب شملته جراحاتك التي اقترحتها يا بكري، كيف تُضعف موقف القصيدة المفتوحة النص من خلال حذف قوّة فتنجشتاين السحريّة؟
و نواصل (الحقوق لياسر زمراوي)
و نواصل.
| |
|
|
|
|
|
|
|
|
|
فتنتجشتيايتن (Re: محمد حسبو)
|
هسه الزول أب إسماً مفنجط ده .. كُربة زمانو شنو الوقعتو فيكم !!
مخير الله ..
....
و بالمرة خففوا لينا الحمولة شوية يا مسلمين ..
باقي نحنا ناس قريعتي راحت ..
| |
|
|
|
|
|
|
|
|
|
لودفيج يا عماد (Re: abubakr salih)
|
عبد الله كع، ههههههههههههههه، ياني طبق ذاااتو، بقيت بوردابي شايفك، و الله دنيا صغيرة شوف اتلاقينا وين؟ من الدافوري داااك لي الانترنت و المياعة، قادر الله.
إزيك يا كع بالله و إزاي الفارس الوسيم كع الصغير، و شكلك بقيت رب أسرة خلاص، و السعوديّة مسكتك. لينا ونسة يا مان.
عزيزي عماد
و الله لو في زول من ناس قريعتي راحت فهو شخصي الهمام، و يا عماد أنا ممتن لي شكرك المُسبغو علي دا، يا زول أريتني استحقو، أها أنا قريعتي رايحة زيّك لكن فايتك بالصبر، و العصافير الحمتنا نشوفك في الخرطوم دي الله يسامحها، بس ح اتصيّدك في درب تاني، غايتو كان لقيتني ناطي ليك في تلفون ما تنهجم.
هذا الرجل لودفيج فتجنشتين، مؤلّف "بحوث فلسفيّة"، لابد أن تعتر فيه إذا مررت جهة علوم المنطق، و صدِّقني أنا أظن متجنّيا أنّك كفنّان ستجد في تلك النواحي كثيرا من الإلهام، أما لودفيج، فالرجل أنجز فتحاً في علاقة الفلسفة بالمنطق لم يُسبق عليه لدرجة أن قيل بعد أن نشر "بحوث فلسفيّة" إنّ الفلسفة بعد فتجنشتين غيرها قبله" هذا إلى جانب أنّ رسالته "رسالة منطقيّة فلسفيّة" و التي كانت من نتائجها القريبة تشكّل فلسفة دائرة فيينا، و هي المجموعة التي يُنسب إليها المنهج المُسمّى بالوضعيّة المنطقيّة، و دا منهج باتع في مناهج البحث العلميّ. يعني الزول دا زول مبروك يا عمدة و يستحق الوقعة فيهو، و يستحق المُضاراة وراء هيبة اسمه كما فعلت في مطلع قصيدتي المفتوحة.
المشكلة أنّ عليّ الاعتذار مرّة أخرى، فقد اتضح لي أن الأبيات المُقتبسة ليست لفتجنشتاين، بل هي لصديقي شاعر الشعب محجوب شريف، ثم المشكلة الأخرى، يبدو أنها غير دقيقة، و هذا كلّه سببه اللفحي، فأنا لم اقرأ القصيدة عند محجوب و لا أعرف فتجنشتين وللا شيطان هذا، و أرجو أن يقبل الشاعر محجوب اعتذاري عن الخلط في قصيدته، كما قد أقبل اعتذار بكري عن تشويه قصيدتي النصيّة نصّا مفتوحاً.
يا بكري، هل تعرف العلاقة بين الذات و الكاتب و المدلول؟ أم أورد لك نص حكمت الصبّاغ؟
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: abubakr salih)
|
سلامات يا ابو بكر:
كنت قد قررت منذ زمن اطويل ان احمل ختما وابحث عن مداخلات محمد حسبو "المفكر"
واختم خلف مداخلاته " وانا كمان"
محمد حسبو في كتابته الفكريه يملك فكرا ثاقبا ورؤي واضحه يعبر عنها بلغه رصينه
من يملك تلك المقره اللغويه لا غرايه البته ان يكون شاعرا
السودان يحتاج لامثال محمد حسبو من اجل مستقبل افضل
___________________________________________________
اها يا ابو بكر الكلام الفوق ده كان قبل ما اعرف انو محمد حسبو جار نسايبي في الامتداد
تفتكر بعد ما عرفت المعلومه دي في داعي للختم من اصلو
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: Omar Bob)
|
اسمحوا لي عليكم الله العظيم
الزول الاسمو حسبو دا انا كايسو بنضم بتاع هوس كدا اكل عشاو وفات خلاو
وبعدين يا عماد
Quote: دحين يا صاحبي زول زي المنعول حسبو لغتو شبعانة و نضيفة ..
و لسانو ذرِب و فصيحوني , أكان فصحى كان كلامنا ..
راسو متعافي .. و سلطان مزاجو عجب ..
و روحو خدرا ( بحسب ما تواتر إلينا من حديث العصافير ) ..
و سمح و مهبوش و متمرد و مارق في سهلة ربنا دي ..
باقي ليهو شنو تاني عشان يشعر ؟؟
|
آآي باقيلو شي بسيط :
فصل الديمة عن الدلو.
اقصد كان راجل خلي يكشح تيماتو دي على الرهاب ويورينا شورتو
والله أظنيتو تاني .. الا كان يدنقر يجترحلو ينبوع سكات ساكت يرضع منو وحّدو.. !
مرحب بحسبو
حبابك
وسعدك بناديك بيغادي
____________________
احب سهلة ربنا الشايلانا فوق وتحت ويوووم ما قالت طق
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: طارق جبريل)
|
شكرا يا بكري..
جل كتابات محمد حسبو القديمة -هنا وهناك-
ذات فلسفة ورؤي عميقة جدا وتجبرك دائما علي التوقف
والتأمل
لذا ليس غريبا علينا أن نري وجها كان قد أخفاه
علينا زمنا طويلا.
فله , ولكل مبدعي بلادنا كل التحية والتقدير.
| |
|
|
|
|
|
|
|
|
|
أشكو إليك قلّة الفئران. (Re: abubakr salih)
|
ليتو لي، ليتو لي
يا نادوس
و يا عمر بوب
ليتو لي ما يوفي
- -
شكراً يا أخي خالد على هذه الثقة التي لا استحقها
مُحاولاتي الإبداعيّة ما زالت خجولة، و لا أجد تشجيعا من الأصدقاء.
-
يا سبيل
حوار شنو الكايسني ليهو؟ أنا اتحاور كيف مع زول يدلي بإيمانيّات و شواهد ذات، كلامك إنشاء و في الإنشاء ركيك يا سبيل، و في النهاية يقول ليك مرجعيتي رأسي دا، أنا رأسك دا يا سبيل ما عندي معاه صرفة، فلستُ ممن يقطعون الرأس و يدقّون العنق، و لا أنا كمان في مقام المراتب العليّة حقتك دي عشان أشوف الإنت شايفو.
إنت شغلتك مع الإسلامويّة المتلبّبها دي ما ليها بالحوار كبير غرض، بيدل على كدا مسلكك اللعوب و المتلاوي دا، و أجندة إسلامويتك دي ما عندنا معاها شي في إطار الحوار، لأنو إطارها آخر لا نعلمه. شغلة تانية. و الله علّام بما في القلوب. شوف حوارك معاهو هو.
لو مصالحك في الإسلامويّة بتسمح بنقاش مسئول و جاد و فيهو أطراف غيرك إنت و ألاعيبك، فيهو أمانة، يبقى حبابك و الله و نتعلّم منّك ما لا نعلمه، أمّا زي شغلك بتاع يا جماعة بالله رايكم شنو في مبادئ الجماعة الاسلامية الج...دي؟ اتبعها أم اتريث؟ و بتاع بُني الدين العلماني على خمس، دا ما ترجى فيهو حوار، دا دواه من جنس ما سنفعله مع الدكتور طارق السويدان هنا في الاعجاز العددي في القران الكريم بعون الله
أعمل حسابك
.
| |
|
|
|
|
|
|
|
|
|
Re: رحبوا معى بالشاعر الشفيف محمد حسبو (Re: abubakr salih)
|
محمد حسبو سلامات
والله انا متابعة من الفوراووول الى هنا
والحالة اتحزمت وجيت ارحب بالشاعر ...
شايفة في ردك الاخير غلبك والشاعر طار منك
وجينا لي حوارتك المابتخلي الزول يخلي البوست الانت كاتب فيهو
يا زول وين ما تكون مرحب بيك , منجضا ...ربنا يديك العافية
عافية منك دنيا واخره....امك ما تضوق نارك
| |
|
|
|
|
|
|
| |
abubakr salih
حيدر حسن ميرغني
عبدالله كع
Emad Abdulla
محمد مكى محمد
هاشم أحمد خلف الله
ismeil abbas
nadus2000
محمد حسبو
بله محمد الفاضل
Muna Khugali
Omar Bob
محمد عبدالقادر سبيل
طارق جبريل
mahdy alamin
فيس بوك
تويتر
انستقرام
يوتيوب
بنتيريست