كتب الكاتب الفاتح جبرا المتوفرة بمعرض الدوحة
|
Re: ودعـــت هـــواك بــلا حـــزنِ (Re: هاشم أحمد خلف الله)
|
ألآخ/هاشم..
لكن ضرب الحبيب ما قالو احلى من أكل الذبيب....
لا يا هاشم ........ده كلام يخوف....يا اخى سلامتك مالك إنت عيان؟
أجى اوديك المستشفى؟
دى مرحلة بين الشك واليقين....الله لا ورانا ليها ......
مودتى..
إسماعيل محمد احمد عباس........
| |
|
|
|
|
|
|
Re: ودعـــت هـــواك بــلا حـــزنِ (Re: ismeil abbas)
|
Quote: أها يا هاشم قول واحد من ناس المعزة... .....................................
أختنا وتاج راسنا.... .......................................... مخيرين انت واسماعيل عباس! ......................................... |
سمعه اخوي قالوا في المثل الواضح ما فاضح ولا شنو ؟؟؟
| |
|
|
|
|
|
|
Re: ودعـــت هـــواك بــلا حـــزنِ (Re: محمد البشرى الخضر)
|
Quote: ودعـــت هـــواك بــلا حـــزنِ |
جنس كضب غايته! لكن والله جايز برضه!
عاين يا هاشم.. الناس اظنها الوحيده الفي الدنيا البتكون ألحانها راقصه لكلمات حزينه.. هيهم السودانيين! والعجب الناس البتبكي..تبكي وترقص وتبشر.. كأنهم يقولون.. "مرحبا ايها الحزن"
ويا اسماعيل أخوي الغالي..نفسي أسمعك بتجعر
| |
|
|
|
|
|
|
Re: ودعـــت هـــواك بــلا حـــزنِ (Re: Muna Khugali)
|
: ودعـــت هـــواك بــلا حـــزنِ
جنس كضب غايته! لكن والله جايز برضه!
عاين يا هاشم.. الناس اظنها الوحيده الفي الدنيا البتكون ألحانها راقصه لكلمات حزينه.. هيهم السودانيين! والعجب الناس البتبكي..تبكي وترقص وتبشر.. كأنهم يقولون.. "مرحبا ايها الحزن"
ويا اسماعيل أخوي الغالي..نفسي أسمعك بتجعر
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
زى ما توقعت يا هاشم..
محمد البشرى الثانى..والراجل جزاهو الله خير جا جاهز بى مناديلو
بس لحدى ألآن ما فتحا منتظرك..يا جماعة هاشم وصانى قال لى شيل معاى شوية انا البكا هدانى..
لك تحياتى اخى محمد البشرى..
إسماعيل محمد أحمد عباس.................
| |
|
|
|
|
|
|
Re: ودعـــت هـــواك بــلا حـــزنِ (Re: ismeil abbas)
|
يازول علبة المناديل الفوق دى ما بتكفينى عارف فى المسافة بين الشاكوشين الاول و التانى كتبت قصيدة بنفس المطلع تقريبا المتذكرو منها: ودعت هواك بلا رجعة لدنيا هواك الى الابد ودعت هواك فهل ترنى اسلمت فؤادى للكمد حطمت قيودى و سدود وسكبت الشعر بلا حد وسألت اغراما كان يجمعنا ام كان رهانا ونحدى بشراك ربحت و خسرت ربحت الهم ز النكد وتركت فؤادك مزبلة تحوى الاوهام بلا عدد
لكن بعد 9 سنين من ودتك ومش عارف ايه اكتشفت انى بغالط فى نفسى
مافى زى الحب الاول (انشالله ام العيال ما تخش سودانيزاونلاين ) الليلة
| |
|
|
|
|
|
|
Re: ودعـــت هـــواك بــلا حـــزنِ (Re: Waeil Elsayid Awad)
|
Quote: يازول علبة المناديل الفوق دى ما بتكفينى عارف فى المسافة بين الشاكوشين الاول و التانى كتبت قصيدة بنفس المطلع تقريبا المتذكرو منها: ودعت هواك بلا رجعة لدنيا هواك الى الابد ودعت هواك فهل ترنى اسلمت فؤادى للكمد حطمت قيودى و سدود وسكبت الشعر بلا حد وسألت اغراما كان يجمعنا ام كان رهانا ونحدى بشراك ربحت و خسرت ربحت الهم ز النكد وتركت فؤادك مزبلة تحوى الاوهام بلا عدد
لكن بعد 9 سنين من ودتك ومش عارف ايه اكتشفت انى بغالط فى نفسى
مافى زى الحب الاول (انشالله ام العيال ما تخش سودانيزاونلاين ) الليلة |
العزيز الغالي وائل السيد سعيد بمعرفتك قلت لي إنشاء الله ام العيال ما تخش سودانيزاونلاين عالم جبانات بشكل
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
هاشم ود أحمد خلف الله كيفك يا زول والله اغنية دي تبكي بس ماعشان الشجن والحزن الفيها لا لكن عشان بتذكر الواحد بجاز دانا والسكة حديد وبي مصطفي مضوي زمان في الثمانينات وبي عطبرة ككل والله انا لغاية الليلة دي بتذكر زواج حسن عبد السلام (امين خزينة نادي المريخ الان) وكان بمصطفي مضوي وكانت ليلة لا تنسي ابدع فيها مصطفي كمن لم يبدع من قبل.
| |
|
|
|
|
|
|
Re: ودعـــت هـــواك بــلا حـــزنِ (Re: الزبير صالح الزبير)
|
Quote: هاشم ود أحمد خلف الله كيفك يا زول والله اغنية دي تبكي بس ماعشان الشجن والحزن الفيها لا لكن عشان بتذكر الواحد بجاز دانا والسكة حديد وبي مصطفي مضوي زمان في الثمانينات وبي عطبرة ككل والله انا لغاية الليلة دي بتذكر زواج حسن عبد السلام (امين خزينة نادي المريخ الان) وكان بمصطفي مضوي وكانت ليلة لا تنسي ابدع فيها مصطفي كمن لم يبدع من قبل. |
الزبير انت عارف الذكريات دي غذاء الروح كويس الواحد يسترجع أجمل الذكريات عشان ينتعش وبصراحة مصطفي مضؤي مبدع والقصيدة شديدة واللحن أشد والأداء فوق الوصف .
| |
|
|
|
|
|
|
Re: ودعـــت هـــواك بــلا حـــزنِ (Re: أبوبكر طه)
|
Quote: لله يجازيك يا هاشم...................
الحب وتر زي العمر مابدو للزول مرتين
انا إستغفر الله العظيم |
ابوبكر طه الله يجازي الكان السبب مش انا يا حبيب الشواكيش إشتغلت شكلها كده والجاتك في وتر الحب ما سامحتك ابداً
| |
|
|
|
|
|
|
Re: ودعـــت هـــواك بــلا حـــزنِ (Re: سمية الحسن طلحة)
|
Quote: ممكن ياهاشم ترسم لي خطة الإنسحاب الناجح دا ؟ وخصوصاً أنه تم بدون خسائر
ما أسمع بيك باكر رجعت أوتم إعادة الإحتلال |
وييين ناجح يا سمية يا أختي ، هسه كده إنتظري ليوم السبت وشوفي الجقلبة البتحصل دي . والله ما أنا الكتبت البوست ده ، ده عادل جبارة سرق الباص وورد بتاعي ودخل بإسمي وحاجات تاني مافي ليها داعي ما تشوفي الجعولية دي ساااااكت بس خليكي قريبة .
غايتو ياهاشم سويتها شينة المرة دي ، ياود جبارة هسه ياودبي عرفت إنت مشيت أبو عشرة علشان شنو !!!!!
مودتي
عما
| |
|
|
|
|
|
|
Re: ودعـــت هـــواك بــلا حـــزنِ (Re: عماد محمود علي)
|
Quote: غايتو ياهاشم سويتها شينة المرة دي ، ياود جبارة هسه ياودبي عرفت إنت مشيت أبو عشرة علشان شنو !!!!!
مودتي |
اول حاجة مشتاقين كتير والله ياابو حسام وبعدين انا بكتب وبعبر عن شعوري انتا كيف
ابقي شجاع وافتح ليك بوست لو مرة في حياتك عن الحياة الزوجية او عن الحب او عن الجمال والله ام حسام تدق ليك خروج نهائي
| |
|
|
|
|
|
|
Re: ودعـــت هـــواك بــلا حـــزنِ (Re: سمية الحسن طلحة)
|
والله ما ليكا حق والله
Quote: ممكن ياهاشم ترسم لي خطة الإنسحاب الناجح دا ؟ وخصوصاً أنه تم بدون خسائر
ما أسمع بيك باكر رجعت أوتم إعادة الإحتلال |
عموماً يا سمية ممكن نطلب السماح من السادة البكائن اما بخصوص الانسحاب الناجح برسلها ليك علي إميليك
Quote: ما أسمع بيك باكر رجعت أوتم إعادة الإحتلال |
NO COMMENT ??
| |
|
|
|
|
|
|
Re: ودعـــت هـــواك بــلا حـــزنِ (Re: محمد عثمان)
|
Quote: اها نقيف فى ياتو صف,؟؟؟
شكرا هااشم.. غايتو زول عطبرة زول غنااى...
يديك العاافية... |
يا محمد أخوي الصف واحد وبيت البكاء واحد ولا توجد منطقة وسطي ما بين الجنة والنار وود البشري ما قصر جهز المناديل .
| |
|
|
|
|
|
|
Re: ودعـــت هـــواك بــلا حـــزنِ (Re: وصال عالم)
|
Quote: هاشم أحمدخلف الله
سلام ،،،
قال صديقي : دخلت اليوم للمقهى وقد قررت أن أنسى علاقاتي !
وحين طلبت فنجاناَ من القهوة ... خرجت كوردة بيضاء من قاع فنجاني !
محبة لا تعرف الرياء !
وصال عالم |
وصال عالم دبلوماسية والله بس خليك قريبة مع اختي مني خوجلي ساعديها في عمل الشائي الضيوف كترو
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
Quote: وصال عالم دبلوماسية والله بس خليك قريبة مع اختي مني خوجلي ساعديها في عمل الشائي الضيوف كترو |
· ·
هوووووي يا هاشم اخوي.. انا ماني زولة شاي.. لا تغلط وتلخبت الكيمان.. مع انه رفقة وصال عاجباني.. عليي بس أنا زولة قهوه بس ......... .........
وفي حالة البكا والمناديل.. القهوه بتكون ساده! عارف ساده يعني شنو؟
يعني من غير سكر.. ولا اراكم الله مكروها في عزيز لديكم!
| |
|
|
|
|
|
|
Re: ودعـــت هـــواك بــلا حـــزنِ (Re: Muna Khugali)
|
Quote: هوووووي يا هاشم اخوي.. انا ماني زولة شاي.. لا تغلط وتلخبت الكيمان.. مع انه رفقة وصال عاجباني.. عليي بس أنا زولة قهوه بس ......... .........
وفي حالة البكا والمناديل.. القهوه بتكون ساده! عارف ساده يعني شنو؟
يعني من غير سكر.. ولا اراكم الله مكروها في عزيز لديكم! |
لا حولا ولا قوة إلا بالله لكن يا مني اختي حالتك متاخرة شديد والصيوان ده الظاهر عليهو كده حايكون لمدة شهر مش ثلاثة يوم وحرم ... قهوتك السادة نشربا والفقد واحد يا بت امي
| |
|
|
|
|
|
|
Re: ودعـــت هـــواك بــلا حـــزنِ (Re: الطيب شيقوق)
|
Quote: الاخ اسماعيل عباس
Quote: لكن ضرب الحبيب ما قالو احلى من أكل الذبيب....
هاشم
شفت النضمى اللذيذ الجابو ليك اسماعيل ده ؟ |
ود شيقوق نضمي إسماعيل عرفناهو نضميك انتا وينو ؟؟ يا زول ادخل وجعر ساي والله مافي زول ساعلك وطالما ود البشري إتبرع بالمناديل مافي إي مشكلة .
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
ألأخ/هاشم
أخى الطيب شيقوق ................. نورت البوست...................... ................................... أنا قلت كلامى.........................
منتظرين كلامك السمح داك.....................يا أصيل..
إسماعيل محمد أحمد عباس............................
| |
|
|
|
|
|
|
Re: ودعـــت هـــواك بــلا حـــزنِ (Re: ماجدة عوض خوجلى)
|
هاشم والحبان جميعا
كيف حالكم
أغنية مصطفى مضوى هذى وأخواتها مثل(صدقنى مابقدر أعيد).. وبت عمها (يخلق من الشبه أربعين).. يعتبرن بداية لتاريخ نزول أسهم المحبوب و قسوة قلب العاشق أو واقعيته..
فكما قال عتيق زمان كان مسموح للمحبوب يصد ويتمنع وغير مسموح للعاشق معاتبته فقط يقول ليهو (زيدنى فى هجرانى) (والعذاب سرانى).. وفى مقابل (يخلق من الشبه أربعين) كان (الفريد فى عصرك الزمان زمانك)..
ويبدو أنو المحبوب كان قاسيا (لحظو جراح) و (بين الرميش فوق الطريف الكحيل يسكن الموت) مما جعلنا نأتيه بتكتيكات مثل (زيك أربعين) و (ياالغاريك جمالك) لتكسير مقاديفه حتى وصلنا لصدقنى مابقدر أعيد. ويبدو أن قانون العرض كان فى صالحنا عندماأصبح المحبوب (بعاين من الشباك) لحدى ما بقى قاعد مع العاشق فى مكتب وانتهى بالدعوة لتطبيق (حديث الرضاعة) فى أماكن العمل. فهل ينجح المحبوب فى العودة للبعد لتعود (أنت السماء بدت لنا واستعصمت بالبعد عنا) ودمعى الاتشتت غلب اللقاط?
المهم الكرة فى ملعبهن!!
كنت متابع كتاباتك ياهاشم فى صمت فاستمر فما أحوجنا للفرح فى هذه المساحة.
| |
|
|
|
|
|
|
Re: ودعـــت هـــواك بــلا حـــزنِ (Re: Balla Musa)
|
الحبيب بله موسي ( بالعربي ) Balla Musa بالانجليزي
سعيد انا جداً بمشاركتك وسعيد أكتر بالشرح المتميز لحال المحبوب في السابق والحاضر .
بس هسع دي شيل ليك كباية شاي ولا فنجان قهوة من مني خوجلي ومناديل ورق من ود البشري والبكاء والله ما عيب . خد راحتك علي الأخر ابكي واتنخج كمان .
| |
|
|
|
|
|
|
Re: ودعـــت هـــواك بــلا حـــزنِ (Re: ماجدة عوض خوجلى)
|
Quote: اشم تاريك فاتح ليك فراش بجاى وانا ماجايبه خبر غايتو الجاتك فى قلبك سامحتك وده الشير حقى فى الفراش لومان ارجع تانى تسلمو كلكم يارب ... |
ماجدة الماجدة والله ما قصرتي تب والشير حقك مقبول يعني زدتي النار حطب والحزن مابقي واحد بقوا 2 وبيت البكاء إتقسم لــ2 والمكسرين من منازلهم لسه خايفين وكلهم خايفين من أسابيع ود البشري
| |
|
|
|
|
|
|
Re: يا جماعة ما تغطسوا حجر البوست دة (Re: Waeil Elsayid Awad)
|
ياسلام ياهاشم رجعتنا دشليون سنة كده لى وراء
مصطفى مضوي حتة واحدة
ياخي عطبرة دي جابت شواطين غناء خلونا مانسمع ونعشق غيرهم فنان
فرق جاز وفنانين من كل لون
مصطفى ده كان لوحده قامة لاتطال
هل تصدق ان هذا الجعلي تغني مرة باغنية بالرطانة فى حفلة عريسها رطاني حفظها قبل الحفل وجوَدها كانه من بني دنقل ظاااتم
كان مجاملا لابعد حد ... وعنيد كمان ... مرة رفض ان يتغنى فى حفل تخريج دفعة عساكر جدد(هو نفسه كان ينتمى للعسكرية) حلقو ليهو راسو
كعقاب له ... سبب الرفض انه كان مرتبط بحفلة فى نفس اليوم
له التحية اينما كان
ولعطبرة كل الحب
| |
|
|
|
|
|
|
Re: يا جماعة ما تغطسوا حجر البوست دة (Re: حيدر حسن ميرغني)
|
Quote: ياسلام ياهاشم رجعتنا دشليون سنة كده لى وراء
مصطفى مضوي حتة واحدة
ياخي عطبرة دي جابت شواطين غناء خلونا مانسمع ونعشق غيرهم فنان
فرق جاز وفنانين من كل لون
مصطفى ده كان لوحده قامة لاتطال
هل تصدق ان هذا الجعلي تغني مرة باغنية بالرطانة فى حفلة عريسها رطاني حفظها قبل الحفل وجوَدها كانه من بني دنقل ظاااتم
كان مجاملا لابعد حد ... وعنيد كمان ... مرة رفض ان يتغنى فى حفل تخريج دفعة عساكر جدد(هو نفسه كان ينتمى للعسكرية) حلقو ليهو راسو
كعقاب له ... سبب الرفض انه كان مرتبط بحفلة فى نفس اليوم
له التحية اينما كان
ولعطبرة كل الحب |
الحبيب حيدر كتر خيرك للمعلومة بتاعت الرطانة دي تخيل انا برضو جعلي ونفسي أتعلم الرطانة ياخي انا بحب الناس ديل حب مبالغة. وهسع يا خوي اتوهط في الدايمة دي واشرب ليك فنجان قهوة سادة باقي مني خوجلي اختي بقت متعهدة قهوة وسادة كمان وود البشري متعهد مناديل ورق اها .. نزل دميعاتك والفراش لسع ما اترفع
| |
|
|
|
|
|
|
Re: يا جماعة ما تغطسوا حجر البوست دة (Re: Waeil Elsayid Awad)
|
Quote: يا جماعة ما تغطسوا حجر البوست دة
ما قلنا ليكم بشاكلونا امبارح مرت بسلام الليلة مافى طريقة المدام خاشة النت فساعدونا العندو بوست قديم يرفعوا |
بالغت لكن والله يا وائل !! كيف عايز البوست يغطس وانتا بترفع فوقو؟؟؟ وبعدين الجرسة ليك شنو يا راجل الأوراق القديمة دي لسع معاك ولا شنو مناديلك نعلها كملت ؟؟
يا وائل اخوي الفقد واحد والزم الجابرة
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
هاشم كيفك .. وجمعة مباركة
عمك ده مرة جابو ودخالتنا في حنتو بالداخلة شكل قعدة وكدة قام غنى الاغنية دى وبعدها طوالى اغنية ( والله يابا حرام يبقى الزواج جبرى ) بطنا طمت من العرس بى بكا النسوان ودموع الرجال .............
شكرا ليك .. أحزنتنا مودتى
| |
|
|
|
|
|
|
Re: ودعـــت هـــواك بــلا حـــزنِ (Re: الطاهر ساتي)
|
Quote: الله لا جاب اليوم ده يا منى اختى...............والله أنا كان جعرت بلم فيكم الناس وما بقيف بالساهل
أخير تخلونى بركان خامل........ |
والله انا ياعباس اخوي معزتك عندي يعلم بيها الله.. لكن أمنيتي دايراها بالحيل..
الرسول فيك كان ما جعرت والينفجر البركان!
صلي الجمعه وتعال جعر..منتظراك بالقهوه الساده.. ومحمد البشري بالمناديل.. ود البشري ادي اسماعيل النبي فيك من المناديل الناعمه..أنا خايفه علي عيونه..
با خوانا في زول عندي مناديل للقلب؟؟
| |
|
|
|
|
|
|
Re: ودعـــت هـــواك بــلا حـــزنِ (Re: Muna Khugali)
|
Quote: ادي اسماعيل النبي فيك من المناديل الناعمه..أنا خايفه علي عيونه.. |
منى بالله ما تخربي لينا طبع الرياييل ديل ما كفاية البكا و الجرسلين الحاصل دا كمان ننعم ليهم المناديل
اسماعيل ياعمك ما تسمع كلام الجماعة ديل دموع الرياييل بتسيل لي جوة ما بتطلع برة - خليك صنديد زي اخوك وموت بيه
| |
|
|
|
|
|
|
Re: ودعـــت هـــواك بــلا حـــزنِ (Re: الطاهر ساتي)
|
Quote: اشم كيفك .. وجمعة مباركة
عمك ده مرة جابو ودخالتنا في حنتو بالداخلة شكل قعدة وكدة قام غنى الاغنية دى وبعدها طوالى اغنية ( والله يابا حرام يبقى الزواج جبرى ) بطنا طمت من العرس بى بكا النسوان ودموع الرجال .............
شكرا ليك .. أحزنتنا مودتى |
:
اخي الحبيب الطاهر ساتي جمعة مباركة ايضاً مشكور علي القصة بتاعت بكاء النسوان ودموع الرجال والله ما يجيب أحزان بعد الأحزان القديمة . بس هسع دي نحنا طالبينك كم بكية وشوية دميعات كده وجعيرا قوية والمناديل شايفة كترت شديد , يعني ما تشيل هم .
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
العزيزُ جدَّاً / هاشم أحمد خلف الله
شُكْرَاً لكَ أيا شَفيفَ
السَّمْعِ والاختيارْ،
" مُصْطَفى مضوي " ،
فنانٌ مُتْرَعٌ بالصَوْتِ
الشَّجيِّ والحنينْ ، وقدْ
أرْهَفَ أسْمَاعَنا وأذْواقَنا جمالاً مُنْذُ
أنْ كُنَّا أطفالاً ، إذْ كانَ على
صِلَةِ قُرْبي بأحدِ أفْرَادِ قريْتي
وحينَ يَدْعُونَهُ لإحياءِ حفلٍ
هُنَاكَ كُنَّا ننامُ باكراً ونُرْشُـدُ
أهْلَنَا لتَصْحِيَتِنا وقتَ الحفلِ فنَقُولُ
لهم " صَحُّونَا لَمَّنْ يَقُولْ المايِكْ
أوفْ 1 ، 2 ، 3 "
، فَنَذْهَبُ وأرْجُلُنَا بِها ما بِها مِنْ
التُرابْ ، وملابِسُنا بها مِنْ التَّمْزيقِ
مَا بِهَا ولا يَدُورُ بِخُلْدِنَا شيءٌ غيرَ أنَّا
في حَضْرَةِ حفلٍ جميلٍ وبَهِيجْ ،
وكانتْ لَدَيَّ عادةٌ مُزْعِجَةٌ جدَّاً
وهيَ أنَّني دائماً أُحَبِّذُ الوُقُوفَ بجانبِ
الفنانِ و" الشَّيَّالينْ أو الكورَسْ "
لأُحْظَى بِمُصَافحةِ الفَنَّانَ
فَتِلْكَ كُنتُ أعتبرُها حَظْوَةً
لا تُضَاهَى ،
وبعدَ أنْ أُصافِحَ الفنَّانَ بيديَ
المُتَّسِخَة ينتهِرُني مَنْ حَوْلي
مِنْ منظِّمي الحفلةِ فكنتُ
لا آبَهُ لهم كثيراً خاصَّةً عندما
أكونُ قدْ أكملتُ عمليَّةَ
المُصَافحةِ على يَدِ الفنَّانِ ،
فتَجِدُني في اليومِ الثَّاني
أُخْبِرُ كلَّ أهلِ الحيِّ
بأنِّي قدْ سلَّمْتُ بيديَّ
على الفنَّانْ ،
وكنتُ أحسَبُ هؤلاءِ
الفنَّانينَ ليسُوا بشراً
عاديينَ مِثْلَنا وأنا أنْظُرُ إليْهِمْ
باندِهَاشْ ..
، وكنَّا نرقُصُ ونتمايلُ طَرَباً
حتَّى انتهاءِ الحَفْلِ صباحاً
و لا نَغْضَبُ حينَها مِنْ
شيءٍ إلا مِنْ مُنَظِّمي الحفلاتِ
الذينَ كانوا يَضْرِبُونَنا بالسِّياطِ
على جُلُودِنَا مِنْ أجلِ ترتيبِ الحفلِ
وتنظيمِ صُفُوفِهِ التي طابعُها
الإعْوِجَاجْ ،
مُصْطَفى مُضْوي بَصْمَةٌ واضِحَةٌ
في قلُوبِنا ، ويَكْفي أنَّهُ شَكَّل وجدانَنا
منذُ الصِّغَرِ ولا يَزالُ ....
لهُ التَّقديرُ ولكَ يا " هاشمُ "
آلافُ المَوَدَّاتْ ..
احترامي ...
أخوك / محمَّد زين ...
| |
|
|
|
|
|
|
Re: ودعـــت هـــواك بــلا حـــزنِ (Re: محمد على طه الملك)
|
الأخ الفاضل هاشم خلف الله... لك عاطر التحايا....
Quote: ودعـــت هـــواك بــلا حـــزنِ |
نزار قباني قال... وهل يستطيع المتيم بالحب أن يستقيلا !!! وما همني!!..إن خرجت من الحب حيا..... وما همني!!....إن خرجت قتيلا
أدام الله الأفراح يا أخ هاشم...
تقديري لك دوماً
| |
|
|
|
|
|
|
Re: ودعـــت هـــواك بــلا حـــزنِ (Re: غادة عبدالعزيز خالد)
|
Quote: أبو أحمد... يا زول قول بسم الله... أنا حسه عملت ليك شنو
____________
كيفنك يا أم أحمد |
ياسلام مذيعتنا الجميلة غادة عبدالعزيز حمداً لله علي سلامتك , اها قلت بسم الله انتي ما عملتي لي حاجة لكن المثل بيقول الفي قلبو حرقس براهو بيرقص ابقي داخلة لاجو واشربي ليك قهوة سادة من يد أختك مني خوجلي ومناديل من ود البشري الفقد وأحد يلا إتنخجي ونزلي دميعاتك .
| |
|
|
|
|
|
|
Re: ودعـــت هـــواك بــلا حـــزنِ (Re: محمد على طه الملك)
|
Quote: Quote: تخيل انا برضو جعلي ونفسي أتعلم الرطانة
عشان تخرتنا مش؟ عموما بيها بلاها إنت خارتنا .. بس لو نقصوني عشرة سنوات كنت سديت ليك الدرب .. ..
..
قهوه ما دايرها .. ناولني منديل . |
ود الملك يا عسل انتا بس علمني الرطانة وبعدين بنتفق يأخي انا زول لعبي نظيف وما بخرت لي زول ولو عايز ترجع عشرة سنة لوراء عشان تنافس كده يادوبك إتخرتا جنس خرت لاني لو نزلت ليك صورتي قبل عشرة سنة حاتآمن عديل كده
ومدام القهوة حردتا الأحسن ليك تعتذر من مني خوجلي يا ود البشري بسرعة يلا مناديل لعمك ود الملك باقي حالو يغني عن سؤالو
| |
|
|
|
|
|
|
Re: ودعـــت هـــواك بــلا حـــزنِ (Re: محمَّد زين الشفيع أحمد)
|
Quote: العزيزُ جدَّاً / هاشم أحمد خلف الله
شُكْرَاً لكَ أيا شَفيفَ
السَّمْعِ والاختيارْ،
" مُصْطَفى مضوي " ،
فنانٌ مُتْرَعٌ بالصَوْتِ
الشَّجيِّ والحنينْ ، وقدْ
أرْهَفَ أسْمَاعَنا وأذْواقَنا جمالاً مُنْذُ
أنْ كُنَّا أطفالاً ، إذْ كانَ على
صِلَةِ قُرْبي بأحدِ أفْرَادِ قريْتي
وحينَ يَدْعُونَهُ لإحياءِ حفلٍ
هُنَاكَ كُنَّا ننامُ باكراً ونُرْشُـدُ
أهْلَنَا لتَصْحِيَتِنا وقتَ الحفلِ فنَقُولُ
لهم " صَحُّونَا لَمَّنْ يَقُولْ المايِكْ
أوفْ 1 ، 2 ، 3 "
، فَنَذْهَبُ وأرْجُلُنَا بِها ما بِها مِنْ
التُرابْ ، وملابِسُنا بها مِنْ التَّمْزيقِ
مَا بِهَا ولا يَدُورُ بِخُلْدِنَا شيءٌ غيرَ أنَّا
في حَضْرَةِ حفلٍ جميلٍ وبَهِيجْ ،
وكانتْ لَدَيَّ عادةٌ مُزْعِجَةٌ جدَّاً
وهيَ أنَّني دائماً أُحَبِّذُ الوُقُوفَ بجانبِ
الفنانِ و" الشَّيَّالينْ أو الكورَسْ "
لأُحْظَى بِمُصَافحةِ الفَنَّانَ
فَتِلْكَ كُنتُ أعتبرُها حَظْوَةً
لا تُضَاهَى ،
وبعدَ أنْ أُصافِحَ الفنَّانَ بيديَ
المُتَّسِخَة ينتهِرُني مَنْ حَوْلي
مِنْ منظِّمي الحفلةِ فكنتُ
لا آبَهُ لهم كثيراً خاصَّةً عندما
أكونُ قدْ أكملتُ عمليَّةَ
المُصَافحةِ على يَدِ الفنَّانِ ،
فتَجِدُني في اليومِ الثَّاني
أُخْبِرُ كلَّ أهلِ الحيِّ
بأنِّي قدْ سلَّمْتُ بيديَّ
على الفنَّانْ ،
وكنتُ أحسَبُ هؤلاءِ
الفنَّانينَ ليسُوا بشراً
عاديينَ مِثْلَنا وأنا أنْظُرُ إليْهِمْ
باندِهَاشْ ..
، وكنَّا نرقُصُ ونتمايلُ طَرَباً
حتَّى انتهاءِ الحَفْلِ صباحاً
و لا نَغْضَبُ حينَها مِنْ
شيءٍ إلا مِنْ مُنَظِّمي الحفلاتِ
الذينَ كانوا يَضْرِبُونَنا بالسِّياطِ
على جُلُودِنَا مِنْ أجلِ ترتيبِ الحفلِ
وتنظيمِ صُفُوفِهِ التي طابعُها
الإعْوِجَاجْ ،
مُصْطَفى مُضْوي بَصْمَةٌ واضِحَةٌ
في قلُوبِنا ، ويَكْفي أنَّهُ شَكَّل وجدانَنا
منذُ الصِّغَرِ ولا يَزالُ ....
لهُ التَّقديرُ ولكَ يا " هاشمُ "
آلافُ المَوَدَّاتْ ..
احترامي ...
أخوك / محمَّد زين ... |
الحبيب الأديب المهندس محمد زين أمتعتنا بسرد تلك التفاصيل عن تلك الطفولة البرئية وصراحة المطرب مصطفي مضؤي رجل عاطفي جداً , لذلك تاتي أغانيه حزينة بعض الشئ. عموماً طالما دخلت عندنا إتفضل فنجان قهوة سادة وإتناول ليك منديل ورق ونزل دميعاتك بشويش وبدون ما زول يشوفك .
| |
|
|
|
|
|
|
Re: ودعـــت هـــواك بــلا حـــزنِ (Re: حيدر حسن ميرغني)
|
ياسلام عليك يا حيدر يا ذوق , يديك الف عافية والشكر عبرك لصاحب مساهمة الرابط , وكلنا بنكمل بعضنا البعض يا حيدر مرورك اكثر من مرة بهذا البوست دليل حب عميق لمطربنا الجميل مصطفي مضؤي . عاجز عن الشكر والله ياخي حيدر .
| |
|
|
|
|
|
|
Re: ودعـــت هـــواك بــلا حـــزنِ (Re: عماد محمود علي)
|
شنو ؟ ياأبوأحمد الواحد يغيب آخر الأسبوع يجي يلقاك بتودع مالك ياحبيب وسر وداعاتك التقيله دي
رغم أنوا الغنية أكثر من رائعه والفنان الجميل مصطفي مضوي جاورته في الرياض شارع النخيل بحي النسيم
أيام كانت ومازالت في الخاطر له مني الحب والتقدير وأنا تركت الرياض الي جده وهو الي الدمام ربنا يطراه بالخير
Quote: ودعـــت هـــواك بــلا حـــزنِ |
،،،،أبوقصى،،،،
| |
|
|
|
|
|
|
Re: ودعـــت هـــواك بــلا حـــزنِ (Re: مجدي عبدالرحيم فضل)
|
الغريبة يا هاشم إنو الناس كانت بترقص والعجاج رابط للسماء لما يغني اغنية الوليد الضيف ... رغم طابع الأسى المسيطر على الأغنية وده بأكد لي إننا نطرب للايقاع والمزيكا المصاحبات للاغنية اكثر من إستيعابنا لكلماتها على فكرة ... كان هناك فى ناس بتجلد بالسوط فى حفلات مصطفى ولم يكن الجلد مقصورا على الجعليين فقط ... حتى فى حفلات الرطانة والشوايقة تلقى ناس راكزة للسوط هذا دليل على ان مصطفى مضوى كان بعشق التغني بعدة الوان .. رغم ميله الشديد لأغاني الحماسة تحية من هذا المقام لمصطفى فى غربته ولعشاق فنه فى كل مكان
| |
|
|
|
|
|
|
Re: ودعـــت هـــواك بــلا حـــزنِ (Re: حيدر حسن ميرغني)
|
Quote: الغريبة يا هاشم إنو الناس كانت بترقص والعجاج رابط للسماء لما يغني اغنية الوليد الضيف ... رغم طابع الأسى المسيطر على الأغنية وده بأكد لي إننا نطرب للايقاع والمزيكا المصاحبات للاغنية اكثر من إستيعابنا لكلماتها على فكرة ... كان هناك فى ناس بتجلد بالسوط فى حفلات مصطفى ولم يكن الجلد مقصورا على الجعليين فقط ... حتى فى حفلات الرطانة والشوايقة تلقى ناس راكزة للسوط هذا دليل على ان مصطفى مضوى كان بعشق التغني بعدة الوان .. رغم ميله الشديد لأغاني الحماسة تحية من هذا المقام لمصطفى فى غربته ولعشاق فنه فى كل مكان |
انتا عارف يا حيدر في الحفلات الناس مزاجها بختلف عن مزاج القعدات يعني في القعدة الناس مسترخية وبتتابع كلمات الأغنية واللحن والأداء لكن في الحفلات الناس عايزة تفرح وتهيص وتنطط , اهم حاجة عندهم صوت الطبلة وبعد داك الموسيقي والأداء الحماسي للمطرب . التحية لك يا حيدر ولمصطفي مضؤي ولعشاق فنه واكيد كل من شارك في هذا البوست .
| |
|
|
|
|
|
|
Re: ودعـــت هـــواك بــلا حـــزنِ (Re: مجدي عبدالرحيم فضل)
|
Quote: شنو ؟ ياأبوأحمد الواحد يغيب آخر الأسبوع يجي يلقاك بتودع مالك ياحبيب وسر وداعاتك التقيله دي
رغم أنوا الغنية أكثر من رائعه والفنان الجميل مصطفي مضوي جاورته في الرياض شارع النخيل بحي النسيم
أيام كانت ومازالت في الخاطر له مني الحب والتقدير وأنا تركت الرياض الي جده وهو الي الدمام ربنا يطراه بالخير
Quote: ودعـــت هـــواك بــلا حـــزنِ
،،،،أبوقصى،،،، |
ابو قصي ياخوي ما تخليك واضح وقول رايحة ليك بكية جاي تكملا عندنا هنا وقهوة مني خوجلي شكلها كده عجبتك وجاي تتني
| |
|
|
|
|
|
|
Re: ودعـــت هـــواك بــلا حـــزنِ (Re: هاشم أحمد خلف الله)
|
ياجماعة فى ناس اساسية فى بيت البكا ده انا ماشوفتها جات عزت ووسط الزحام اخدلتها بكية وشويه تنهدات واستغفرت ربها بعد داك غايتو يامحمدالبشرى كده ماكويس منك انت ومحمد الصايم ذى ماقال هاشم عملتو رعب للخلق بااسابيكم المدورة ديك الواحد يفكر وكويس قبل مايكتب اويبكى خاصه وانا شايفه بقى عندكم نظام شفتات وكده تسلمو كلكم يارب ...
| |
|
|
|
|
|
|
Re: ودعـــت هـــواك بــلا حـــزنِ (Re: ماجدة عوض خوجلى)
|
Quote: ومدام القهوة حردتا الأحسن ليك تعتذر من مني خوجلي |
معقول أفوت قهوة منى .. الا من قبييييييل راجى سمعة يهز الفنجان عشان الدور يصلنا وهو مابى .. كنت عايز اقول (غايتو) لكن بقى عنها سيد (وكدا )برضو عنها سيد .. أظن تانى معاكم الا نتحاوى بي رطانتنا..
..
اغمز لسع .
| |
|
|
|
|
|
|
Re: ودعـــت هـــواك بــلا حـــزنِ (Re: محمد على طه الملك)
|
QuoteQuote: : ومدام القهوة حردتا الأحسن ليك تعتذر من مني خوجلي
معقول أفوت قهوة منى .. الا من قبييييييل راجى سمعة يهز الفنجان عشان الدور يصلنا وهو مابى .. كنت عايز اقول (غايتو) لكن بقى عنها سيد (وكدا )برضو عنها سيد .. أظن تانى معاكم الا نتحاوى بي رطانتنا..
..
اغمز لسع . |
يا ود الملك اخوي قلبك ابيض صاحبك سمعة بقي يخاف يدخل تاني عشان ما يقولوا عليهو البكائي جاء البكائي جاء وقهوة مني تنفعك اكان برطانة ولا بلاها خلاص ما تغمز تاني بنغمز نحنا لكن ما تنسي طالبك تعلمني الرطانة!!
| |
|
|
|
|
|
|
Re: ودعـــت هـــواك بــلا حـــزنِ (Re: ماجدة عوض خوجلى)
|
Quote: ياجماعة فى ناس اساسية فى بيت البكا ده انا ماشوفتها جات عزت ووسط الزحام اخدلتها بكية وشويه تنهدات واستغفرت ربها بعد داك غايتو يامحمدالبشرى كده ماكويس منك انت ومحمد الصايم ذى ماقال هاشم عملتو رعب للخلق بااسابيكم المدورة ديك الواحد يفكر وكويس قبل مايكتب اويبكى خاصه وانا شايفه بقى عندكم نظام شفتات وكده تسلمو كلكم يارب ... |
ماجدة الماجدة انا عارف في ناس بكاية جنس بكاء لكن خايفين من ودالبشري خاصة وانو هو ظات نفسو حضر المناديل وقعد يصور في الداخل والمارق من الصيوان في ناس عزو بالتلفونات وناس عزو بالمسنجر وناس كاتمة في نفسها لكن احسن ليهم يبكوا عشان بعدين ما تجيهم صدمة قوية وكده
| |
|
|
|
|
|
|
Re: ودعـــت هـــواك بــلا حـــزنِ (Re: ابو جهينة)
|
Quote: هاشم
بيت البكا دة جيت جنبو أكتر من مرة .. بس ما حبيت أخش .. إمتثالا لمثل الصورة الفوق دي |
لا والله حريف يا ريس لكن بعد ده كلو دخلتا مش كده يا تري عجبتك قهوة مني ولا مناديل ود البشري ؟؟ ولا عندك باقي دميعات قلتا تشارك بيها هنا معانا
| |
|
|
|
|
|
|
Re: ودعـــت هـــواك بــلا حـــزنِ (Re: محمد البشرى الخضر)
|
Quote: هاشم ابوي اسي ودالبشرى سألكم ابكوا بكاكم ساي |
ود البشري الحبيب انتا عارف اخوك ببكي بدون خوف لكن المشكلة في الناس اللي عايزة تبكي دي وخايفة من مناديلك ومن اسابيعك . لكن طالما اديت تصريح البكاء خلاص نعتبر البوست ده مجلي من اسابيع البورد
| |
|
|
|
|
|
|
|