|
(راجل المرة) :: جاذبية خيار أم انعدام خيارات؟؟؟؟
|
تلاحظ في الآوانة الأخيرة (حرارة سوق) رجال النسوان وبقت موضة والشئ المحيرني ان البنات البيعرسو رجال نسوان كلهم من مواليد 80 ولفوق يعنى لسه القطر مافاتهم واصبح راجل المرة تتغنى له الفتيات ، بقى سيد الموقف مما أثر سلبا على نفسية الشباب واعطائهم احساس انو (انتو ماجايبين حقكم) يعنى ما منكم رجا وبالمناسبة هذه الشرزمة حناكين حنك خيالي يعنى لو خت الواحدة في راسو بيقنعها بيقنعها،، والحنك واحد طبعا اللى هو:: "والله انا مرتي دي مارابطني بيها شئ الا الأولاد لكن هى مامقصرة والله" أو كمان في حنك من نوع تاني "والله المدام دى انا لما اتزوجتها ماكان عن حب كان بس تحصيل حاصل وهى مامثقفة ومامتعلمة"غايتو دا الحنك البيلاقيني والرجالة العاجباني فيهم ياجماعة مابيطلقوا القديمة _برضو اولاد ناس_ ،، عموما انا انا بسالكم سؤال هل راجل المرة جاذب ولا مافي خيارات؟؟؟؟
|
|
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
اخت / شمائل صباح الخير
Quote: والرجالة العاجباني فيهم ياجماعة مابيطلقوا القديمة _برضو اولاد ناس_ ،، عموما انا انا بسالكم سؤال هل راجل المرة جاذب ولا مافي خيارات؟؟؟؟ |
اعتقد انوا حكاية رجالة دي ماعندو .....لانوا اذا كان راجل ومحترم ومالي مركزه ماممكن يقول :
Quote: والله انا مرتي دي مارابطني بيها شئ الا الأولاد |
وهي زاته تستاهل يحنكه اذا كانت بتقبل ليها بي راجل يقول عن زوجته وام اولاده :
Quote: "والله المدام دى انا لما اتزوجتها ماكان عن حب كان بس تحصيل حاصل وهى مامثقفة ومامتعلمة" |
ماممكن يجي يوم ويقول نفس الكلام عنها .
وبرضو يااستاذة شمائل حكاية انهم ولاد ناس دي واسعة شوية لانو ...هل تعتقدي انوا ولد ناس يكون بالشكل ده .....؟
لكي تقديري هارون دياب
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
الرجال فيهم الراجل المالي هدومه وزينة مركزه ديمقراطي في بيته وأمين علي عشرته وفيهم الإبليس أسير نزواته ودا ما ليه من الرجالة إلا الإسم ولو ما شريكة حياته كفته كل نساء العالم ما حيشبعن حيوانيته المشكلة في الأخت اللي أي سبب بترضي براجل أختها وهيث بتعلم أنها بتسرق سعادة أسرة دايمة النساء الواعيات قدامن تحديين وهما حسم أي راجل نزونجي وتنوير ضحاياه القادمات من الجاهلات بخطورة ما يفعلن عندما يقبلن بعسل الكذب من أفواه هؤلاء الذئاب
| |
|
|
|
|
|
|
راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
شمائل سلامات شكرا لطرقك هذا الموضوع الحيوى والتى انتى جذء منة على ما اعتقد يعنى جاك طرف السوط اعتقد بانو يدخل ضمن انعدام خيارات تتلخص فى انعدام ثقة بناتنا فى شباب اليوم الذى نشأة فى ظل نظام الانقاذ بكل افرازاتة وسياسياتة التى تمخض عنها طفيليين يمتلكون المال والسلطة ولديهم افكار ومعتقدات تساير فكرة التعدد فى كل شى .
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
شمائل ,, كيفنك
أعتقد حقو نشوف رأى الفنان الموهبه ( حماده بت ) لانو أول من روج لهذه التجاره .
صباح حسين :
يأختى مالو نفسك قائم كده ,, ب رواقه كده ,, يعنى رجال النسوان لو ماساعدوا فى حكاية البوره الحاصله دى ,, باقى ليك المشكله بتتحله . عدد النسوان تضاعف فى زمنا ده , فلازم تكون فى مشايله , خاصة وعدد ( راجل المره ) الجاهزين للعرس أكثر من الشباب العزاب الما حيجهزوا أصلا . ,,, خليك نصيره للزواج أيا كان ,,,
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: كمال سالم)
|
فيصل نوبي،بابكر،ابوساندرا،كمال سالم والله شكلكم كدا كلكم رجال نسوان ،، وانا الوحيدة فى وسطكم وشكلي كدا ح أتحنننننننننك ،، ساندرا والله ردك كافي وشافي لكن الدقسات الزى دى الرجال بقولو عليها (دقسة مطلوبة)،، طبعا اكيد المسألة عندها علاقة بالوضع الاقتصادي ، شباب محبط (بفتح الباء) وبنات اجدع من الرجال ودى حقيقة ما بندسها وبدون تحيز والبت لما تبقى اجدع من الرجل اكيد ما حتفكر فيه لانها بتحس بنفسها ارجل من راجلها ، ثم انو انا عايزة اعرف ايها السادة المتزوجون وياريت القى رد صريح وشفاف ، وبصريح العبارة (الواحد فيكم بعرس فى مرتو ليه)؟؟؟
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
شمائل تحياتي وودي مواضيعك منتقاة ومميزه وطعمها شويه مختلف اما تفكير البنات في راجل المراة فذلك لاعتبارات كثيره ومع تقديري للشباب فهن يفكرن بان راجل المراه ذو تجربه وانه رجل عاقل ومجرب للحياة ويقدس الحياة الزوجيه كما ان بعضهم ذاق الامرين من شريكته فاصبح يبحث عن شريكة جديده فانه حتما سيختار الصغيره وكمان الجميله يعني في اشياء مشتركه تدعو للتوافق
وتحياتي للجميع ابوتسابيح
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
شمائل تحياتي
Quote: والله افتقدك فى هذا البوست |
انشاء الله ما فقدناك في شينه
Quote: انا ح أعرس ولا أشغل |
يا شابه التجربه في كل شئ مهمه والعرس اهم من الشغل
Quote: نحن عايزين ناس fresh عشان ندربهم على سيستم المؤسسة بتاعتنا |
وانتو برضكم عندكم مؤسسه
Quote: لكن ام تسابيح لو شافت البوست دا الشغلانة حتولع |
وده منو العوير ابوريها حاجه زي دي لو عرفت قولي خلاص طيارتنا قامت ولكن تكوسه عن غافل
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: محمد البشرى الخضر)
|
Quote: حتى إنت يا واسبة ياعمك يا خوانا ما تركزوا |
تصدق يا ود البشرى نقرتي للمداخلة نقشت ليك الفيلم بتاعك ده
قلت والله ما أعدلها وخلي ود البشرى يفرح بأفلامه الكتيرة دي
زمان عملوها فينا نوبي والطاهر ساتي خلونا ما عارفين بننضم مع
منو ظاطو بعداك منى خوجلي وسلمى سلامة .
ود الموج ما بنلومه لأنه فولة وإنقسمت نصين .
وحسي أنا بفتش لي فردة لي بروفايلي ده و حأعلن عن فتح باب
الترشيح قريب لأنه الحكاية ما ساهلة يا عمك .
واسبه
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Salah Waspa)
|
وسبه،شكرا للمداخلة وقصة 2 و 3 و 4 دي بنقدر نحلها مدام شيخ الأزهر موجود علي قيد الحياة ، قبل اصدار فتوى من الازهر انا عندي حتة فتوى اطلعت عليها من النت من احد المشايخ وفي تفسير الآية بيقول انو ربنا اساسا لما قال 2 3 4 اكيد ما عبث بل في نساء مطلقات وفي نساء ارامل عندهم اولاد وماقادرين يعيشوهم يعنى المسألة اساسا ابعادها اجتماعية تكافلية لكن قلت لى ماكوز؟؟
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
سألت شمائل النور:
Quote: انا عايزة اعرف ايها السادة المتزوجون وياريت القى رد صريح وشفاف ، وبصريح العبارة (الواحد فيكم بعرس فى مرتو ليه)؟؟؟ |
الإجابة ، وبصريح العبارة قلة ادب وطيارة عينوالبعملها تاني ممكن يعملها تالت ورابع
وبرضو عدم عقل لأن بالأوضاع الحالية وتبعات الزواج وتكاليفه الآنية والمستقبلية ما مفروض زول يفكر يعملها تاني
بل ، مفروض كل إتنين يتشاركوا في زوجة واحدة وانا ماعندي أي مانع واحد يشاركني في رشيدة بس انا علي مهام الأنجاب وهو عليهو مهام الدفع
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
شمائل ازيك
انا جيت من اجازة قريب ولاحظت المسألة دي بصورة واضحة، زمان راجل المرة كان بيرفض لمن يتقدم للزواج من واحدة بحجة انو متزوج اسه الشغلانة قلبت والبت واسرتها بقو ما عندهم مانع .
اعتقد الاسباب كثيرة 1- البورة الحاصلةوكترة البنات . 2- الظروف الاقتصادية خلت الشباب يعزف عن الزواج ( ده اصلا لو كان لقى شغل وشغال )ونفس الظروف الاقتصادية دي خلت ابوات البنات عايزين يخارجو بناتهم باي طريقة منو تخفيف ومنو سترة ( على وزن منو فطور ومنو شاي ) 3- البنات نفسهم بقو واعيات جدا وما متطلبات زي زمان الواحدة عايزة تتخارج باي صورة في حال لقت راجل مقنع حتى لو كان راجل مرة.
غايتو انا رايي الخاص انو الراجل لو مرتاح مع مرتو سبب واحد يخليه يعرس تاني مافي لانو مرة واحدة بتلف الراس ؟؟ وده طبعا لا يعني اطلاقا انو مافي رجال بيدبلو طفاسة ساكت ..... والله اعلم
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: محارب)
|
ابوبكر تحياتي ، لكن ماقلت لى متعمد الياء ليه؟ وتوب ام العروس بيجرس التوب كلو بكم ياولدي؟؟
محارب:لك التحية وتحليلك تقريبا واقعي لان الظروف الاقتصادية ساءت بس نحن ما كتار ولا حاجة والتعداد السكاني قرب نشوف حقيقة القصة شنو
ابو ساندر ،سلام، انت عليك الانجاب وهو عليه الدفع- ،،انها قسمة ضيزى،،
| |
|
|
|
|
|
|
Re: (راجل المرة) :: جاذبية خيار أم انعدام خيارات؟؟؟؟ (Re: Shamael Elnoor)
|
Quote: والحنك واحد طبعا اللى هو:: "والله انا مرتي دي مارابطني بيها شئ الا الأولاد لكن هى مامقصرة والله" أو كمان في حنك من نوع تاني "والله المدام دى انا لما اتزوجتها ماكان عن حب كان بس تحصيل حاصل وهى مامثقفة ومامتعلمة" |
نهارك سعيد يا شمائل الفوق حنك راجل المره...طيب الجماعه رجال المرتين والتلاته حنكم المقنع شنو..
| |
|
|
|
|
|
|
|