كتب الكاتب الفاتح جبرا المتوفرة بمعرض الدوحة
|
|
 الإمكانيـات الماديـة.... شماعـة الكسل والخذلان.. نعم نحن الســودانيين كسـالى
|
ليست هناك إمكانيات أكبر من الأرض الخصبـة، التى لا تحتاج اى مجهـود فى إستصلاحهـا
ومن الماء الوفيـر فوق الأرض وتحتهـا، ومن الأيدى العاملة المتوفرة بكثرة!
لا نعل شيئا يذكر تجاه كل هـذه الموارد، ثم نحتج على من يصفنـا بالكسل.
مليون ميل مربع.. إثنان ونصف مليون كيلومتر مربع من الأرض الصالحة للزراعـة!! والماء
متوفر لريهـا بأقل مجهـود.. نترك كل هـذا الخير الذى يحسدنـا عليه العالم، ثم
نتصارع ونتقاتل من أجل مقعـد بالقرب من القصـر الجمهورى فى الخرطوم، وماهيـة وسيارة!
المثل الألمانى يقول:
werke werke, heusle bauer velera
أى.. إشتتغل إشتغل ثم بنى بيـا صغيـرا، و نفق فيه!! (طبعا النفوق هو موت الحيوان)
أما سياسيونا وكل من حلم حلمهم، فيصح فيهم القول: حارب حارب أو عمل إنقلاب
أو زور إرادة الشعب فى الإنتخابات، ليحقق زعامة وبيتا ينفق فيه.
كل الأنظار وكل الأحلام والأمال والتمنيات والدعوات، متجـه نحو الخرطوم!! فى حين أن
خيرات السـودان كلها خارج الخرطوم.
الواحـد إن سـألته لماذا الخرطوم، يجيب بأن الأقاليم لا توجـد فيها خدمات!!
فعلا صحيـح.. فى أرض البطانة وشـرق النيل والشماليـة والشـرق والغرب والجنوب.. لو
رميت نواة البلح (بعـد أكلها طبعاً) وعدت لنفس المكان فى الخريف تجدها نبتت بنفسها
دون رى ولا رعاية ولا من ولا سلوى منك.. لكن مع الأسف لا توجـد هناك فنادق ولا
شـوارع مسفلتـة ولا خدمات بريـد ولا دى أتش أل حتى..
ولكم العذر فى هـذا البوست حتى ترضـوا.
|
|
 
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Abureesh)
|
أخي الفاضل الأستاذ أبوريش
أولا ألف شكر علي البوست المهم جدا
ثانيا إنت محق مليون في المية في إننا شعب كسول...والواحد لمن الظروف تضيق بيه يقوم يلعن السودان وسنين السودان...طيب الحل شنو؟
حتي الواحد لو فكر يبتدئ من قطعة ارض صغيرة تفتكر الحكومة حاتخليهو في حالو؟
لازم تجيب تصديق..
لازم تدفع ضرائب
ولازم ولازم
معظم أهلي من حلفا الجديدة شردوا من الزراعة بسبب الصعوبات البواجهوها عشان يزرعوا أرض هي ملكهم...
معناها لازم حاجات كتيرة تتغير عشان نتفائل ونبتدئ صفحة جديدة في أرضناوحياتنا...والحاجة دي ماحتحصل إلا إننا نتغير ونطرد الأفكار السقيمة ومحاولة إحباط الآخرين عشان ربنا يسهلها للجميع...
مودتي
| |
|
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Abureesh)
|
الأخ الكريم ابوالريش
تحيه طيبه
موضوع ما كسل .....
لكن...
كيف تبداء هنا المشكلة ...
ادخل اى مكتب حكومى تجد قائمة بالعراقيل ربما تنسا فى الاصل انت هنا ليه....
تقدم بطلب ارض زراعية اول رد للموظف المسؤل حيكون شهادة مقدرة مالية وثانى طلب دراسة جدوى اقتصادية والخ......
طلبات لا تحصى ولا تعد....
وحتى لو كنت تملك الارض... تجد عراقيل .....
مشكلتنا كبير وازمة الضمير عمودها الفقري
من السهل مقابلة المولى عز وجل خمسة مرات فى اليوم ومن الصعب ان لم يكون من المستحيل مقابلة مسؤل فى السودان
ربنا يصلح حال البلد والعباد
تحياتى
| |
|
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Frankly)
|
الأخت الفاضلـة نها محسن أبورأس،
سملام..
شكـرا على المداخلـة والتعليق القيـم، وأعتقـد أننـا نحن الذين أعطينـا زمامنـا
لموظفى الدولـة ليضعـوا أمامنـا كل هـذه العراقيل.. لذلك تجدينى أدعو كل المؤهلين
والمهنيين الذين بالخارج، أن يتحـدوا ويتحدوا هـذه البيروقراطيـة والفسـاد، لأنها
تهدم وطنـا كاملا ومستقبل الأجيال فى أعناقنـا.
يجب تحدى البيروقراطيـة التى تعيق العمل الجاد، ويجب تحدى جبايات ما يسمى بالمحليات
وعصيانهـا إن لزم الأمـر لو تعلق الأمـر بإستثمار حقيقى يكون عائده للوطن والمواطن
منظـورً.
| |
|
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Abureesh)
|
| Quote: تقدم بطلب ارض زراعية اول رد للموظف المسؤل حيكون شهادة مقدرة مالية وثانى طلب دراسة جدوى اقتصادية |
الأخ الفاضل هشـام مدنى،
ألف مرحب بيك وشكـرا على الطلـة البهيـة..
نعـم أعلم ذلك.. ليس هـذا فحسب، بل أنهـم قـد يرفضـون طلبك، ثم يسربون دراسـة
الجدوى التى دفعت فيهـا الكثيـر من الوقت والمال لشخص أخـر من المحاسيب، ثم
يصدقون له بالأرض.. كل هـذا ومثله قـد حصل بالفعل.. ولكنى ما زلت أومن بالمواجهـة
والتحـدى، ومحاربـة الفسـاد الإدارى، ولو أتحد الناس لما تجرأ أحـد عليهـم.
| |
|
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Abureesh)
|
Quote: ملاحظة:
لم اسمع بهذا المثل الألماني من قبل
Quote: werke werke, heusle bauer velera
وقد يكون بأحدى اللغات الدارجة في ألمانيا
|
الأخ واصل (فرانكلى)
هـذا المثل سمعته من صديق المانى عام 1979 فى مدينة فرانكفورت.. زمن طويل
قـد أكون أخطأت فى الإملاء ولكن ليس فى الكلمات المنطوقـة.. وهو (تقريق) من
أهل شمال المانيا على أهل جنوبهـا، فهـم يعيرونهـم على أنهم فى الجنوب لا يهمهم من
الحيـاة سـوى العمل مثل النمل، وتوفيـر النقود لتكون قصاراهم بناء بيت ثم التقاعد
للمعاش وإنتظار الموت فيه.
وشكـرا على إهتمامك بالموضوع ونتوقع مساهمتك.
| |
|
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Abureesh)
|
سلامات يا ابوالريش
قصة كسل السودانيين اول من ابتدعها هم السعوديين والخليجيين و اصبحت مادة للسخرية واتسعت دائرة هذه الفرية لتشمل كل العرب خاصة الشوام، واطلقت النكات التي تكرس لفكرة كسل السودانيين بين العرب واخذت في الإنتشار بشكل واسع خاصة عن طريق الموبايلات ..
لا اعتقد ان الإنسان السوداني كسول إطلاقا، لكن هناك ظروف وعوامل كثيرة ساعدت على ضعف مقدرتة الإنتاجية ويمكن حصر بعضها في الآتي ..
1 ـ الإستغلال الذي تم ومازال يتم للإنسان السوداني في قطاعي العمال والمزارعين بإعتبارهما اكبر قطاعين يعنيان بالإنتاج بشكل مباشر، ونجد ان العمال والمزارعين اصبحا بفعل سياسات الدولة المتعاقبة اكبر الفئات المسحوقة ..
2 ـ عدم وجود الأجر المجزي الذي يكفل للإنسان في السودان ابسط مقومات الحياة الكريمة ..
3 ـ عدم وجود التخطيط الجيد لمعظم المشروعات التنموية في السودان وتعرض الكثير منها للخسارة والفشل وبالتالي تسريح وتشريد الآلاف ..
4 ـ عدم اهتمام الدولة بتهيئة ظروف العمل المناسبة وادوات الحماية اللازمة خاصة للذين يعملون تحت ظروف بيئية قاسية او الذين يعملون في القطاع الصناعي وسط المعدات الميكانيكية والماكينات الضخمة ..
5 ـ السبب الأهم في تقديري في تدني القدرة الإنتاجية للإنسان السوداني هو عامل الطقس ودرجة الحرارة المرتفعة معظم العام، وهناك العديد من الدراسات التي اكدت ان المقدرة الإنتاجية للإنسان تتناسب عكسيا مع درجة الحرارة، وايضا معروف وثابت ان ارتفاع درجات الحرارة يؤدي للخمول والإسترخاء في خلايا المخ وبالتالي في بقية اجزاء الجسم، وايضا تعكر المزاج والضجر وعدم الإرتياح النفسي والبدني وهذه كلها عوامل تؤثر بشكل مباشر انخفاض المقدرة الإنتاجية للإنسان السوداني او ما يطلق عليه البعض الكسل ..
بعد الإنقاذ ارتفعت معدلات الهجرة للخارج بصورة مذهلة وتدفق السودانيين في كل دول العالم ولم نسمع بأي سوداني فقد عمله او وظيفتة بسبب الكسل، بل بالعكس يعتبر السودانيين من اكفأ العاملين في كل المجالات في الخارج، وهو ما يؤكد حديثي بأن تدني المقدرة الإنتاجية للإنسان السوداني مرتبطة بظروف خاصة داخل السودان وحده دون ارض الله الواسعة ..
Quote:
مليون ميل مربع.. إثنان ونصف مليون كيلومتر مربع من الأرض الصالحة للزراعـة!! والماء
متوفر لريهـا بأقل مجهـود.. |
هذه المعلومة غير صحيحة
مساحة الأراضي الصالحة للزراعة في السودان هي ثلث مساحتة فقط، اي 835267 كيلومتر مربع او 322500 ميل مربع ..
الصاوي
| |
|
|
|
|
|
|
|
|
|
Re: الإمكانيـات الماديـة.... شماعـة الكسل والخذلان.. نعم نحن الســودانيين كسـالى (Re: Abureesh)
|
ابو الريش
تحياتي
اتكلمتا عن كسل المزارعين
اديك مثال مزارعين الشمالية
عندك معلومة برميل الديزل هناك بكم ؟
و البرميل بروي ليك كم فدان ؟
و الفدان بنتج ليك كم شوال ( قمح ) ؟
و سعر الشوال ( قمح ) لغاية نهاية الفين و سبعة كان بي كم ؟
طبعا دا غير سعر التقاوي قطع غيار اللستر و اجرة الحراتات و قيمة الشوالات و السماد و الدقاقات و و و ...
يعني في النهاية انتا كمزارع تتعب موسم كامل ( في عز البرد ) ، الناتج بتاعتك يكون دين للبنك الزراعي و سجن و بهدلة و خراب بيوت
ابو الريش يا عزيزي
انا ما شفتا انشط من زول يطلع من بيتو مع اذان الفجر ما يرجع قبل صلاة العشا ، و بعد دا كلوو انتاجو ما يكفي قيمة مدخلات انتاجو
ياخ نحنا بلد زراعي مدخلات الانتاج الزراعية عندنا اغلي من اي بلد
و قيمة المنتج ارخص من اي بلد
و اعمل احصاء لقيمة البذور و الطاقة بس في اي مكان و قارنا بالعندنا
ولا شوف ناتج الذرة في الشرق بكلف كم و المخزون الاستراتيجي بشتري بكم و العائد عى المزارع كم
خليك من شراء المخزون الاستراتجيجي
السنة دي السعوديين عندهم ازمة شعير ( غذاء الابل ) و قالو البديل ذرة السودان
تخيل ما قارديين يحصلو على الكمية العايزنها لسبب بسيط انو الموانئ السودانية ما قادرة تلبي حاجتم من الذرة
و الذرة بتباع من المنتج بتراب القروش
و هلم جررررررررررررررررررررررررا
| |
|
|
|
|
|
|
| |
Abureesh
نها محسن أبورأس
Frankly
elsawi
حمد فتح الرحمن
فيس بوك
تويتر
انستقرام
يوتيوب
بنتيريست