|
|
 كورال اسر عزة السودان بصمة في عالم الابداع
|
طلب مني الاخ عبدالحفيظ الشيخ مسئول لجنة الخدمات باسر عزة السودان ان ارسل لسودانييز اون لاين هذا الموصوع :
( لقد ظل هذا الكورال البديع والمتفرد في ادائه المحتشم في زيه يقدم اعمال فنية راقية وعلى مستوى عالي ورائع في جميع المحافل والمناسبات حتى صار احد اسباب نجاح تلك الليالي حيث اصبح رقما فنيا هاما حسب راي قطاع كبير من المتابعين والمهتمين وسط كافة الشرائح السودانية بالشقيقة المملكة العربية السعودية وبدون اي منازع ، هذا الابداع لم يأت من فراغ بل كانت وراءه جهود متواصلة سهرت على التخطيط والترتيب لهذا الامر .
يقف على هذا العمل الاستاذالشاب الخلوق خلف الله ود الشيخ واعضاء لجنته الفنية المتخصصة والمكونة من شعراء واعلاميين وموسيقيين ولقد تبلورت هذه الاعمال من خلال ورشة عمل فنية.ومايميز هذا الكورال عن بقية الفرق الفنية كونه يمتلك الان 7 اعمال فنية خاصة به وعلى مستوى من الاداء واللحن والكلمة المعبرة حتى اضحى محل اعجاب واشادة كافة الحضور وضيوف الشرف على المستوى الرسمي والشعبي للمهرجانات والاحتفالات .
هذاالكورال بأمكانه عمل شريط فني يحتوي على اعماله الخاصة به .
التحية والاجلال على هذا الاداء والشكر أولا لله الذي اهدانا هذه الموهبة ومن بعد للجنة الفنية والتى عملت على ابراز الموهوبين والشكر اجزله لاولياء الامور وللأخ الرئيس يوسف السماني وللجنة التنفيذية ولكافة اعضاء هذه الجمعية العملاقة ذات المبادئ والقيم و الاخلاق ) .
عبدالحفيظ الشيخ - مسئول لجنة الخدمات بجمعية اسر عزة السودان
|
|
 
|
|
|
|
|
|
|
 Re: كورال اسر عزة السودان بصمة في عالم الابداع (Re: ايهاب نميري)
|
Quote: وكانت بداية الكروال في الخرطوم عاصمة الثقافه في عام 2005 وكم حتى انقسام عزة السودان الى شقين وظللنا نقف معهم حتى ظهور الاخ العزيز ود الشيخ .
وهذا للمعلومية |
العزيز الدخــري .. والأخ عبد الحفيظ وكافة القائمين على مشروع الكورال ..
هذه المجموعة المميزة من الأبناء الذين وفقتوا في خلق توليفه جيدة منهم ساهمت في عكس تراثنـا السوداني وتعريف العديدين هنا من أفراد الجالية .. والأخوة من غير جاليتنا ..
وظللت اتابع من فترة كمية الجهود المبزولة من قبل الجميعة في توفير جو معافى وتسخير كافة الأمكانيات لتطوير هذه المجموعة التي سيكون لها وضعها المميز جدا في مقبل الأيام على خريطة الإبداع في المملكة العربية السعودية ..
الأخ ايهاب النميري ..
احس فيما كتبت نيتك توجيه رسالة محددة .. أرجو أن تلاحظ أن الأخ عبد الحفيظ تجنب سرد الكثير من الأسماء .. إنما اشار إلى الأخ العزيز (الفنــان) حقيقة خلف الله ود الشيخ .. عضو المنبر الجديد .. وذلك لما قدمه وظل يقدمه من عصارة فهمه للموسيقى .. من كونه شخص موهوب .. في توظيف امكانياته الموسيقية من خلال دراسته وتمكنه من اجادة التعامل مع الآلة الموسيقية ( والتلحين ) لبعض النصوص من الأخوة الأعزاء .. كالأخ يوسف حمد النيل ( ابوجيدة ) زميلنا بالمنبر الذي تغنى بكلماته العديد من الأخوة الفنانين المعروفين كالأستاذ عصام محمد نور .. والأستاذ عمار السنوسني وبعض النصوص الأخرى التي يتم توقيعها الآن بواسطة اسرار بابكر وعافية حسن .. وربما بعض الاساتذة المعروفين على خارطة الغناء السوداني ..
بالإضافة
إلى بعض الشعراء كالاستاذ صلاح الغــول .. وبعض الأعمال الخاصة بشخصه المتمكن من صياغة الكلمات نصوصا ومعالجتها لحنا..
ومن خلال متابعتي للمجموعة أأكد بصمة الأخ ود الشيخ في خلق مجموعة كورالية متمكنة من أداء العمل الكورالي بشكل جيد جدا .. بالإضافة إلى أن الرجــل كما العهد به يعمل في صمت تام من أجل توصيل هذه الرسالة بعيدا عن حمى الظهـور أو حتى طرح نفسه كفنــان .. أو انتقاص حق الآخرين .. أو التعامل وفق نظرية المؤامرة..
ارجو أن اشيد بجهد الأخ ود الشيخ وكل الواقفين على أمر تسيير هذه المجموعة .. وفي انتظار ان تواصل هذه المجموعة طرح نفسها بالشكل المطلوب ..
| |
|
|
|
|
|
|
|
|
|
Re: كورال اسر عزة السودان بصمة في عالم الابداع (Re: tmbis)
|
سلام يا تمبس
1-حتى اللستـه أو القائمة التي ذكرتهــا إذا كان الغرض منها حصر من هم خلف هذا الكورال فهي ناقصة ؟؟؟؟
كيف ناقص
ناقصه وليد ادم
2-إلا وكان الغرض منها توضيح اسمك تحت الرقم ( أربعـة ) ؟
ما قصه رقم 4 ولا 2 ولا حتى رقم 1 هسي ممكن ارجع واعمل تعديل واكتب ليك اسمي اول واحد
لكن هذه الحقيقه ان الكورال قام على اكتفنا نحنا
مره تاني
ايهاب نميري
ياسر الحلفايا
وليد ادم
ست لبنات
منى
سكينه
3-وإذا سالتني عن رائي الذي استطيع أن اعبر عنه بوضوح من كوني شخص له علاقـة فهم بالمزيكـا متواضعة من ناحية اكاديمية تلقيتها في فترة من فترات حياتي وساعدتني على فهم الكثير ..
فاقول لك بكل صراحـة ..
ليست لك عــلاقة بما يسمى بالمزيـكا..
كلامك صح
كل البنعمله ليس له علاقه بالمزيكا نهائيا وانا بعترف انا ما عندي امكانيات ود الشيخ لانه مامجرد فنان بس ولكن شاعر وملحن وكلنا عارفين الحكايه ونحنا بنتكلم على موضوع تاني نهايئا يا تمبس وعلى ما اظن واضح الكلام ما في زول جاب سيرة الموسيقى هنا
وانا سعيد جدا انو الشيخ يقود الكورال ود حاجه جميله انو لمن اكون في مناسبة والقى الكورال بادي حجه جديده وجميله وانا اتشرف بيها
4-حضر) ليك ورقة نوته موسيقية (وجيب) معاك قلم رصاص (مبري) وفي مؤخرتو استيكة وتعال نتلاقى .. (ونشتغله) عملي.
لانو وصلني إنك بتسأل في استنكار عن علاقتي بالمزيكــا ..
الكلام دا صح لانو يا تمبس انا بعرف عنك سوا انك عضو نشيط وزل مجتمع وانالمن سألته في الاجتماع قدام معتصم وود الشيخ وعبدالله ومنى وحتى الريس وعبدالله صاحب البيت كنته عايز اعرف فعلا تمبس وصلته بالموسيقى لانو ما حصل انو يوم من الايام انا شفتك يا تمبس شايل جهاز موسيقي او بتغني او بتلحن وعلى ما اظن انا ما غلطه في حقك لاني كل ما اشوفك في مناسبه شايل كاميرا بتصور.... والزول الوصل ليك الكلام كان يوصله صح
وانا نهائيا ما كنته معترض عليك في اللجنه ولا مستنكر عن علاقتك بالموسيقا يا تمبس
وفي الاخير خلف الله ود اليشخ وراني حاجات انا ماكنته عارفه عنك
وبرجع تاني انا ما عندي اي خلاف مع ود اليشخ ولا معاك يا تمبس دي مجرد وجهات نظر وممكن تحل با كل بساطه
وعلى كل حال ان اسف لو كان غلطنا في حقك
برضو العتره بتصلح المشيه
| |
|
|
|
|
|
|
|
|
 Re: كورال اسر عزة السودان بصمة في عالم الابداع (Re: ايهاب نميري)
|
سلامات يا ايهــاب ..
Quote: وعلى كل حال ان اسف لو كان غلطنا في حقك
برضو العتره بتصلح المشيه |
فعلا العترة بتصلح المشية يا ايهاب .. والاهم من كدا لابد من انو اي شئ يضع في مكانو الصحيح .. وبي شكل مرتب ..
كنت اتمنى اني ما أرجع عشان ارد ليك هنا تاني .. حسب ما تم بيناتنا في مساحة خارجية .. لكن اسمح لي ارد على بعض النقاط المكتوبة .. لانها بتختلف عن ما سمعت منك ..
| Quote: وعلى كل حال ان اسف لو كان غلطنا في حقك |
لو كان غلطت في حقي يا ايهـاب ؟؟ الجملة المكتوبة دي بتقول انك لحدي الآن ما معترف انك غلطت في حقي .. مع ملاحظة انو شخصي ماحصل تعرض ليك .. أو لحدي الآن ما تعرضت ليك .. كل العملتو في عدم وجودي وقلتو في شخصي ح اتضطر اواجهك بيهو .. علشان تشيل ( لو كان دي ).. وتعرف انك غلطت فعلا بالطريقة الاتكلمت بيها مش عني انا فقط .. عن البقية الانت عارفهم تماما وثبتوك في وقتها لانهم كانو حضور ..
كنت اعتقد انك ما ح تنكر طريقة السؤال السالت بيها .. ومحاولتك طرح نفسك بشكل استعلائي خالص .. وللاسف الشديد لحدي الآن بتقول لي .. ( لو كان غلطنا في حقك )
إذا وبدون الرد لي كلامك الجايط المكتوب تحت دا .. خلينا كمان نحسم المسالة دي في مكانه الصحيح .. وزي ما شايف انا اتعمدت اكتب هنا لما لقيتك بديت في التمادي للاستمرارية للكلام الكتبتو .. ولانو البوست دا بيتعلق بي الكورال وكل تبعياتو ..
يللا خلينا نتلاقى ونحسم المسالة دي في مكانه البدت بيهو .. وبي حضور الاشخاص المعنيين الثبتوك وقتها في حدك .. وبعداك خلينا نجي نواصل الباقي هنا ..
ولمعلومة اضافية:
لا امرس هواية المزيكــا .. كمحترف أو ضغلي الشاغل في الرياض .. وما ح تشوفني ماسك لي ىلة موسيقية لانو المسالة دي بطلتها من فترة طويلة في السودان .. لكن برضو لو ظروفك سمحت ح تلقاني في المكان البتكتشف فيهو علاقتي بالآلة الموسيقية .. دا بالاضافة لي أنو ح تلقاني بعد كدا اعود لأمارس هوايتي القديمة في (التنظير ـ الموسيقي ) وفق المتاح لي وربنا يوفقك علشان تقدر تسمع كويس ..
| |
|
|
|
|
|
|
|
|
|
Re: كورال اسر عزة السودان بصمة في عالم الابداع (Re: tmbis)
|
مواصلة لهذا الموضوع وبما ان العمل داخل هذه الجمعية عمل متكامل لابد من الاشارة بل والتأكيد على ان اسر عزة السودان كانت ومازالت وستظل تقدم ابداعات على كافة المستويات حيث يعتبر اوبريت الاسرة عمل متفرد جسد صورة السودان بكل مكوناته الاثنية والثقافية ، لقدأصبح المرآة التى تعكس ثقافات السودان شرقا وغربا شمالا وجنوبا ووسطا ، وهنا لابد من ان نحي القائمين على هذا الاوبريت الجميل وفي مقدمتهم الاستاذة فاطمة حامد والتى يذلت كل ما هو ممكن من اجل ان يرى هذا العمل النور . ان هذا الاوبريت اصبح في نهاية المطاف ملكا كما هو الكورال لاسر عزة السودان . التحية لهم جميعا والتحية لكل المبدعين الذي عملو من اجل ان يكون اسم عزة السودان مرفوعا .
| |
|
|
|
|
|
|
| |
El Dukhri
ايهاب نميري
tmbis
فيس بوك
تويتر
انستقرام
يوتيوب
بنتيريست