|
|
|
 Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
اعمل حسابك يا بقال
القراصة دي فيها عرق محبة ضربتها خلاص امرك انتهى
اللقاك بكرة جاينا بقصيدة غزل هنا للشايقيه ما غلطان
و الشافك تنقز في الطنبور بعد ده ما كذاب.
الحقونا ولدنا اتلحس بحبة قراصة
امال يا زعيم كان ضوقوك فطير ناس
القلب النابض كان عملت شنو؟؟
اعمل حسابك الشوايقه حبهم صعب
وبكرى نبقى في الشواكيش البتلحقك سارة عيسى
زي ما ادعى بعضهم
تحياتي لك ولصديقك الشايقي
وقول له ست البيت الله يديها العافيه شكلها طباخة.
قول لها تسلم يدينك يا ست القراصة.
| |
 
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: عبد الواحد أبراهيم)
|
| Quote: لا للتطبيع مع الشوايقة .. لا للتطبيع مع الشوايقة لا للتطبيع مع الشوايقة . |
انت يا عبد الواحد متزوج وله لا؟؟
كان لا سجمك اخير تصم خشمك
لان غزوات الشايقيه العاطفيه لا قبل
لك بصدها فاخير تسكت .ما معروف نصيبك وين.
| Quote: انت يا عبدالعظيم برضو من شايقـسـتان ؟ اشان كدة |
عبد العظيم ده مش شايقستان وبس وكمان مؤتمر وطني
يعني ناس السد ذاتهم يا عبد الواحد
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: عبد الواحد أبراهيم)
|
| Quote: لا للتطبيع مع الشوايقة .. لا للتطبيع مع الشوايقة لا للتطبيع مع الشوايقة |
نعم للتطبيع مع الشوايقة .. نعم للتطبيع مع الشوايقة نعم للتطبيع مع الشوايقة
نعم للتطبيع مع الشوايقة .. نعم للتطبيع مع الشوايقة نعم للتطبيع مع الشوايقة
نعم للتطبيع مع الشوايقة .. نعم للتطبيع مع الشوايقة نعم للتطبيع مع الشوايقة
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: Deng)
|
دينق
كان اللمبى قالت بق
تبقى اللمبى دايرى الدق
كسرا فجخا اوعا عليها ماتشفق
قبال ماتحرقك خليها تتحرق
ولو بقت كمان اللمبى معذورة
كيف بتضوى ليكى وعينا مكسورا
إما حاسدى وإما شالتا الغيرا
وإما خايفى فى نورك يضيع نورا
وعشان كدى كم قلوب تابعاك مجبورا
وعشان كدى كم قلوب تعبانى يانورا
تررررم ترررم ترم صفق سج طق طق طق
وبالمناسبة علاقتك بالشايقى الرائع إبراهيم دينق شنو
http://www.youtube.com/watch?v=cvYIiJEWMcE
باقات ود ومعاهن سبيطة قنديل
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
سلام يا بقال محي الدين ،،
ومبروك التطبيع مع الشوايقة ،
فضل ليك التطبيع مع الجعليين(أسياد الشي زاتا) ودي ما بينفعك فيها لا قراصة لا بطيخ ،،
بينفعك فيها تعمل زي العملو واحد ود عماً لينا في حوادث الخرطوم قبل كم شهر ..
ود عمنا دا ضربتو عربية في الشقيلاب(العربية إتضررت أكتر منو) وكان بينزف من جسمو كلو ودمو جاري ، لمن جابوهو الحوادث أخرو علاجو شوية لأنو حالتو ما hot case ، وقانون الحوادث بيقول أي حالة cold case تؤجل لصالح الحالات ال هوت (كيس) ! .
قريبي دا شايف بي عينو الدكاترة إتجاهلوهو ومشو لي حالات تانية ! قام قال ليهم : يا جماعة هوي ! أنا إتأخرت وبدور أمشي ، الحاصل شنو ؟! فهموهو إنو حالتو ما خطيرة وفي حالات تانية أخطر من حالتو ولازم ينتظر ! قال ليهم يعني الزول عشان تعالجوهو بسرعة لازم تكون حالتو خطيرة ومستعجلة ؟! قالو ليهو أيوة ،،
ما قصر ود عمي الأرباب طوالي إستل سكينتو من ضراعو و غزاها في بطنو وشرطا لا فوق ! والدم جرى في هدومو وفي النقالة وعاين ليهم قووووووووي وقال ليهم : أها حالتي بقت مستعجلة يلا شوفو شغلكم عشان أنا إتأخرت على الوليدات !!
أها يا بقال ..
بدون قراصة وتركين ،،
بتقدر تطبع معانا بالطريقة دي ولا يفتح الله ؟؟!!
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ناذر محمد الخليفة)
|
تراجي
سلام
بتخلق من قراصة الشوايقة سياسة
بقال ياكل القراصة ونحنا نلحس السياسة
تراجي كان انا مؤتمر بقعد في النرويج بلد البرد والتلج وشغل من 6ل6
وحفنة دولارات للاهل المساكين
ولدنا فقراء وسوف نموت فقراء
ونحمد الله علي راحة الضمير
زول متغرب من 84 ل2008
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
Quote: ما قصر ود عمي الأرباب طوالي إستل سكينتو من ضراعو و غزاها في بطنو وشرطا لا فوق ! والدم جرى في هدومو وفي النقالة وعاين ليهم قووووووووي وقال ليهم : أها حالتي بقت مستعجلة يلا شوفو شغلكم عشان أنا إتأخرت على الوليدات !!
أها يا بقال ..
بدون قراصة وتركين ،،
بتقدر تطبع معانا بالطريقة دي ولا يفتح الله ؟؟!! |
دا ماهو زول حارة زي دي ، دا شوفلو بوكس أو رقشة ، لا خليها امجاد
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
بقال
ومحي الدين
صباح الخير
يااخي ينصر دينكم .....
عشان الناس تعرف بس انوا نحنا واحد وحنظل وااااااااااحد
ويابقال :
| Quote: بل انا ضد ابناء الشوايقة في الحكومة |
تبقي ضدهم ....تختلف معاهم ....ياكا ابراهيم بقال السوداني العندك الحق زيهم ....لكن ياريت نبقي زي زمان ....نختلف في سياساتنا ونتفق في اجتماعياتنا ....وافراحنا ....واحزانا ....واهم حاجة نتفق علي سودانيتنا جميعا .....
ويازول مادام قراصة الشوايقة دي عجبتك كده .....كدي جرب قراصة اصحاب القراصة الاصلييييييييين ...اولاد عمك الدناقله .....وشوف النتيجة شنو .....!
والله الا اكان تعمل حركة تحرير دنقلستان.
يامحي الدين :
شهادة نجاح للدبلوماسية الشعبية للجلابه .
ادام الله المعروف بينكم
مودتي
هارون دياب
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: haroon diyab)
|
هارون دياب
إنت تعرف إنو مسالة العلاقة الحميمية البين الشوايقة وناس دارفور دى قديمة وأصيلة ، يا أخى أنا عمى متزوج فوراوية وعندوا منها اولاد وبنات تزاوجوا من أسرتنا ، وأمهم لغاية اليوم بنشاغلا ونقول ليها عمتو ( تيبة ) بدلا عن طيبة،
والأهم من ده كلوا هل تعلم إنوا من أوائل الشعراء اللذين تعامل معهم عمر إحساس هو الشاعر كمال مصطفى وهو شايقى وجنا شوايقة مولود فى نيالا ، وهو كتب أغنية إحساس التى اشتهر ولغب بها عمر إحساس ، كمال مصطفى ده انا خالوا اخو أمو عديييييل .
والله يلعن إبليس
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: AnwarKing)
|
القراصة دي ليها سحر خاص علي جماعة كتاااااااار ، والعجيب في الأمر أن صديقا لي حين لفت نظري وأعلمني بهذا البوست تبادر إلى ذهني بعض الذين قد رأيتهم في الصور ... شان كدي... الموضوع بدون تلعيب الطنبور جايب حقو وزيادة ... وأكان شغلنا ود اليمني سيقا مابتكفي... وياخوي محي الدين كتر القراصة بالدمعة وكتر ضيوفك يرزقك الله من حيث لاتحتسب.
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: AnwarKing)
|
القراصة دي ليها سحر خاص علي جماعة كتاااااااار ، والعجيب في الأمر أن صديقا لي حين لفت نظري وأعلمني بهذا البوست تبادر إلى ذهني بعض الذين قد رأيتهم في الصور ... شان كدي... الموضوع بدون تلعيب الطنبور جايب حقو وزيادة ... وأكان شغلنا ود اليمني سيقا مابتكفي... وياخوي محي الدين كتر القراصة بالدمعة وكتر ضيوفك يرزقك الله من حيث لاتحتسب.
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: على اسماعيل)
|
Quote: هذا هو السودان ..كتر خيركم الاخ بقال و الاعلامى محى الدين جبريل ..
يلعن السياسة وابو السياسة .. اختلفوا سياسيا واتفقوا اجتماعيا وبكده لا خوف على السودان ..
كل الود |
شكراً علي اسماعيل نعم نحن ابناء السودان مهما اختلفنا سيجمعنا الاجتماعيات
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
شكرا بقال و جبريل , وهذا السودان المنشود , كنا دوما هكذا نعرف وبكل ثقة الاجابة الاتية:
زمان كنت تسأل منو وين انت ؟؟؟ مباشرة تجيب من الامتداد او اركويت او الديم
اليوم تسأل من اين انت ؟؟؟ دنقلا او مروي او دارفور او البجة شتان فرد الامس واليوم بينه ملايين المشكلات والروائح النتنة الله يجازي اللي كان السبب نحن من السودان.
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: الرفاعي عبدالعاطي حجر)
|
Quote: شكرا بقال و جبريل , وهذا السودان المنشود , كنا دوما هكذا نعرف وبكل ثقة الاجابة الاتية:
زمان كنت تسأل منو وين انت ؟؟؟ مباشرة تجيب من الامتداد او اركويت او الديم
اليوم تسأل من اين انت ؟؟؟ دنقلا او مروي او دارفور او البجة شتان فرد الامس واليوم بينه ملايين المشكلات والروائح النتنة الله يجازي اللي كان السبب نحن من السودان. |
الله بجازي الكان السبب نحن من السودان وكلنا لادم وادم خلق من تراب
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
أخي محي الدين
سلام
واضح تشربك للأدب الشايقي من خلال الأبيات الواردة أدناه ، وأعتقد
أن الجمال سيكون في أعلى قممه لو كسرت القافية كما نطق بها
الأستاذ حميد "قمريِّ ، نيِّ ،حنيِّ إلخ"Quote: سلام يانخلة عز الريح هوت فى أحضانا قمرية
سلام يامن زرع ريدوا وسقاهو وفا وبياض نية
وزرب بالإلفة حيضانوا وكتح ماروقوا حنية
إلا الدنيا فطنة الريد بقت دولار وإيدية |
لك الود
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
الشوايقة اهل كرم وضيافة ...
لكن ماعارف قصة القراصة دي مع شوايقة التلفزيون شنو ؟!! جيت السودان وعزمني اخونا كمال سويكت وقدم لي نفس صينيه بقال ..
كل التحايا لاهلي الشايقيه وعلي راسهم محي الدين ...
بلغ تحياتي للاخ كمال سويكت يامحي الدين ..
فايزودالقاضي ...
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
شكرا الاخوان بقال ومحي الدين
وانشاء الله دائما مجتمين في ساعة خير
| Quote: لا للتطبيع مع الشوايقة .. لا للتطبيع مع الشوايقة لا للتطبيع مع الشوايقة |
مالهم الشوايقة والله احسن ناس مع احترامي لكل القبائل السودانية التانية
لكن بقول الحمد لله اني شايقية
| |
|
|
|
|
|
|
|
|
 Re: الشوايقة ننبذكم ونأكل قراصتكم !!!!! (Re: نسرين جمال)
|
نسرين
إزيك يابت ملوك النيل
وبقال إنت ماتزعل ، نحن لمن نفتخر بشايقيتنا ده ما معناها إنو نحن عندنا راى فى الآخرين ، يكفى إنوا النيل أبونا كلنا وجنسنا سودانى .
وبرضو لو ماكنت شايقى كنت بتمنا أكون شايقى
نسرين شوال حنية وأردب بلح قسمى معاك للجماعة ديل وماتنسى ودالمنسى
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
(مائدة جبريل)
الأخ /محي الدين جبريل لك التحايا وأنت تواصل العمل
القومي حتى في أوقاتك الخاصة،،
الأخ بقال من الشباب الطامح النشط ، أعجب أيما أعجاب
بمثابرته ولكني أذكره أنه لو بذل هذا المجهود في تقريب
الرؤى بين الفرقاء لنال منه الخير الكثير (دنيا وأخرى)،،
=
بقال شخص طيب مفعم بالحماس ومثله من يخدم البلد إن جعل
الحق نصب عينه وسعى في الأرض خيراً لأهلها وشعبنا المغلوب
على أمره،،
=
أكثر ما يحزنني في هذه الدنيا:
أنا من مروي شرق (أكاد أقسم أنها أفقر بقعة في القرات
الستة) ، وكنت لمدة 12 سنة سكرتيرا لجمعية الأبيض بالرياض
وعشت كل مراحلي في الأبيض ، ومعرفتي بمروي كمعرفة بقال بها
تماما،، ويأتي من يقول لي إنك لست من سكان الأبيض الأصليين
ولا يحق لك أن تنال منصبا في حكوماتها أو مجالسها أو حتى
جمعياتها في العمل الطوعي!!
هذه والله قمة الجهل وأس البلاء في جميع مشاكل السودان ،،
والحكومة بكل أسف إنساقت وراء هذه النظرة الضيقة لإرضاء
الناس على حساب القومية ،، لماذت لا تعين واليا من دارفور على
الشمالية وجنوبيا على البحر الأحمر وودنقلاوي محافظاً في
كتم أو الضعين....إلخ ،، هكذا إن أرادت أن يكون لهذا النسيج
جمالاً آخاذاً يجذب كل فراشاتنا المشاترة والتي تنادي بإستعادة
الحقوق وطرد الإستعمار الشمالي أو قبر العنصر الزنجي!!
=
محي الدين أدام الله مائدتك هذه ، ورجاءأ في أول حلقة من حلقاتك
أن تهدي أي شيء مني (لحناً أو أغنية أو مجرد إهداء كلمة طيبة
كشجرة طيبة أصلها ثابت وفرعها في السماء - دا طبعا في برنامج المسابقات)
للأخوان في البورد وعلى رأسهم بقال داعين الله أن يهدينا
جميعا أن نصون هذا الوطن الفسيح ونعيش فيه أخوة في عزةٍ
وشموخ،،
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
Quote: Quote: مالهم الشوايقة والله احسن ناس
مافي ناس احسن من ناس يا نسرين ارجو ان لا تفرغي البوست من محتواه وشكراً
علي مشاركتك فالناس سواسية كأسنان المشط |
الاخ بقال كلامي المذكور فوق دا ما نوع من التعالي
او التكبر حاشة لله دا نوع من انواع الرد لصاحب الكلام.
وانا اسفة لو اتفهم كلامي غلط واعتزر مرة اخري لباقي القبائل
وهي فوق راسي من فوق وانا اكن ليها كل الاحترام والتقدير
وفي النهاية كلنا سودانيين
محبتي
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: نسرين جمال)
|
يا بقال
شوايقة وما يسقوك شاي ...
ديل شوايقة عاصمة ....ساي
وشوايقة ساده كمان .. (بدون شلوخ)
=======================
يحكى أن شايقياً من أهلنا الكرماء
ذهب لوليمة
لدى اهلنا الزغاوة الكرماء
فأكل وشبع من ألذ الطعام وأجوده
وحينما همَّ بالخروج ...
قال لأهل الدار من بني زغاوة أكل طعامكم الأخيار يا بني زغاوة وصلت عليكم الملائكة الأبرار ما عدا ... جبريل)
فأندهش أهل الدار من الزغاوة ....قائلين له ... لماذا؟
فقال: لم تحضروا لنا
الشاي .... 
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: othman mohmmadien)
|
والله انا خشيت بالجيره للعنوان والمحبه للمنطقه والموت فى القراصه.
بس لمن لقيت فطور جبريل.. حسيت بى خيانه.
والفيك اتعرفت خلى بقال وديامى ينفعوك. تطبع مع بقال وتقطعا معانا؟!! ااااه.
____________________________________________________
تحياتى لكم
____________________________________________________
بقال نحنا اتلاقينا فى عمل صحفى على ما اعتقد ايام وفد المقدمه ، اذاعة الامم المتحده.. صح؟
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: othman mohmmadien)
|
والله انا خشيت بالجيره للعنوان والمحبه للمنطقه والموت فى القراصه.
بس لمن لقيت فطور جبريل.. حسيت بى خيانه.
والفيك اتعرفت خلى بقال وديامى ينفعوك. تطبع مع بقال وتقطعا معانا؟!! ااااه.
____________________________________________________
تحياتى لكم
____________________________________________________
بقال نحنا اتلاقينا فى عمل صحفى على ما اعتقد ايام وفد المقدمه ، اذاعة الامم المتحده.. صح؟
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: othman mohmmadien)
|
ياعثمان
مسألة الشاى نحنا ماقصرنا فيها والله شاى وحاجات تانية ، لكن صاحبك بقال شاف ليك شاي الشوايقة التقييييييل داك ، قال مابشرب شاى ، الراجل بقى زى ناس الخرطوم طبعا شاهيهم خفييييييف والكباية نص ، نحن شاهينا من تقلتو وكت تشربوا تحس بلسانك تقيييل ، وده طبعا قريفتو الله لارماك فيها .
ودى مناسبة لكل الشباب القريبين يجوا بيتى عشان يستمتعوا بمائدتنا ، والبعيدين مامشكلة وكت يجوا نشيلم فى عيونا .
باقات ود
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
الاخ بقال سلام ...
ونحنا حكومة السجم كلنا في عداء مع ناسنا هم ما شوايقة
بس , كل الاجناس لكن انتو بتلحنوها بس و تقولوا شوايقة
لكن فيها طوب الارض مشاركة فيها ....
لكن عندي سؤال ليك اهااا الزغاوة المالين المؤتمر الشعبي
والكانوا سبب البلاوي كلها الاتحدفت علينا بتكرهم ديل ولا عسل على قلبك ؟؟؟
نحنا لينا ذاكره لا تنسى .....لنا القصاص في الشعبي اولاً
قراصتنا بالهنا عليك ...محل ما يسري يمري
| |
|
|
|
|
|
|
|
|
|
Re: الشوايقة ننبذكم ونأكل قراصتكم !!!!! (Re: ابراهيم بقال سراج)
|
| Quote: هذا البوست للمداعبة فقط وبوست اجتماعي ماسياسي |
ومالو انا زاتي بداعب في اهلي الزغاوة
الا بس السؤال ده حارقني من زمان دايرة اسالو ما لقيت فرصة
اهاا انت هنا خليها مداعبة للشوايقة ورد على زغاوة الشعبي !!!!!
في بكان اخر اصلنا نحنا بنشجع الجمال اينما ما كان فمافي داعي نخرمج ليك البوست
فتك بي عافية وخليك ماسك في القراصة قوي بترم العضم
| |
|
|
|
|
|
|
| |
ابراهيم بقال سراج
Tragie Mustafa
kamalabas
محي الدين جبريل
غباشي
عبد العظيم احمد
عبد الواحد أبراهيم
Deng
ناذر محمد الخليفة
Ahmed Abdallah
طارق جبريل
yasiko
Muna Khugali
mahmed alhassan
haroon diyab
AnwarKing
جلال جبريل
ود محجوب
عبدالله كع
الرفاعي عبدالعاطي حجر
Akoy Deng
فايزودالقاضي
خالد علي محجوب المنسي
othman mohmmadien
فيس بوك
تويتر
انستقرام
يوتيوب
بنتيريست