يا محمد الطيب يا خوى إنت الوداك تتشالق شنو؟؟ مالك ومال فتح البوستات!! ما كان تروق المنقة شوية لحدى ما تعرف (الدفع من الما دفع) وبعد داك البوستات ملحوقة..
عموماً أهى دى رفعة منى عملاً لى الله.. وكان إحتجت واحدة تانية كلمنى..حاضرين
ـــــــــــــــــــــــــ لكل من مر/ت من هنا محبتى
سلامات أبو حميد تعرف لازم تعمل شله كده أو تكتب ليك بوست تتسلق بيهو أسوار النضال الأسفيري عشان تشتهر شويه و تقوم تتعلم ليك نقله نقلتين من الفطاحله بتاعين الشبك و المشاكل
المهم ياسيدى دي دفره من أخوك و ترحيب متأخر شويه لكن ليك على كل مره نديك واحده عشان خاطر ناس فداسى العزاز علينا
مررت ببروفايلك فجالت بخاطرى ذكريات جميله من أيام الشرقيه مع ناس صلاح و عبدالله تكنه, زهير عبدالكريم, سامى عبد الكريم, أسماء الأمين, عزالدين , و اللذيذ عبد البديع (بتعه) مرورا بمن جاورهم ناس محمد الشيخ (ود الشيخ), برير, عمر قرفه, أنور و كل من تساقط من الذاكره الخربه فلهم منى الاف التحايا عبرك
تحياتى و ما تنسى أخوك من الدعوات فى الحرم الشريف محمد على
02-24-2008, 11:04 PM
اسماء الأمين اسماء الأمين
تاريخ التسجيل: 08-24-2006
مجموع المشاركات: 553
محمد الطيب والله ما قصرت جبت لينا اخ عزيز محمد البشير كيف حالك وينك يا راجل طولنا من اخبارك والماسنجر حرمنا من معرفة اخبار الكثيرين .. عموما مرحب بيك وبعودتك وتحية خاصة لاسرتك الكريمة. وعلى فكرة بدعة بسلم عليك . ويا سيدي محمد الطيب عشان اقربو ليك ابن عم نبيل مصطفى ود علوم وقريب زهير. لكما التحايا ود الطيب وود البشير وشكرا ياود الطيب اذ اعدتني لسودانيز بعد غيبة . مودتي اسماء
02-25-2008, 05:57 AM
Mohamed Elbashir Mohamed Elbashir
تاريخ التسجيل: 12-04-2004
مجموع المشاركات: 822
أختنا العزيزه أسماء الأمين سلامات و أشواق كثيره لك و كل الأهل عندكم تعرفى المسنجر قطع راسنا عديل كده و نتمنى الأخ بكري يرجعو لمزيد من التواصل, أن شاء الله أنتو كلكم بألف خير و ما تتوصى على السلام الشديد لعبد البديع و أسرتك الكريمه وزهير عبد الكريم و كل الشباب الحلوين. غايتو كدى نمشى نتاوق على فداسى 2 و نشوف أخباركم شنو طبعا يا أبوحميد ناس فداسى ديل من شده ما عشنا معاهم و حبيناهم صارو أكتر من أهل فلهم التحيه أينما كانو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mohamed Elbashir
اسماء الأمين
فيس بوك
تويتر
انستقرام
يوتيوب
بنتيريست