|
|
 لص يسرق قبلة من حبيبته السابقة ويفر هارباً في أم بدة
|
على ذمة صحيفة حكايات
تسور لص شاب منزل زوجين حديثي الزواج شمالي أمدرمان ، وأتجه مباشرة الي مرقد الزوجين ، وأمسك يد الزوجة التي ظنت أنه يريد إنتزاع حلية ذهبية كانت ترتديها ، وقبل أن تستغيث العروسة الشابة بزوجها النائم تصرف اللص بطريقة غريبة إذ قام بتقبيلها ومن ثم قفز من فوق السور مرة أخرى هارباً دون أن يسرق شئياً .
وفي هذه الأثناء أفاق الزوج على صوت عروسته وهي تصرخ (حرامي ) وقام بمطاردته ، وبمساعدة أهل الحي تم القبض على اللص ليفأجاوا بأنه أحد أبناء الجيران كان في حالة سكر شديد .
وبخ الجيران (سارق القبل) على تصرفه المشين ولكن شباب الحي كانوا يملكون تفسيراً لفعلته إذ أنهم يعرفون العلاقة الغرامية التي كانت تربط الشاب بالشابة ويعرفون قصة الشاكوش المدنكل الذي هوت به على رأسه بزواجها .
وأعتبر أهل الحي تصرف الشاب صبيانياً وأكتفوا بتوجيه اللوم له مع تعهده بعد تكراره مستقبلاً (ما عارف الشاكوش ولا القبلة)
|
|
 
|
|
|
|
|
|
|
 Re: لص يسرق قبلة من حبيبته السابقة ويفر هارباً في أم بدة (Re: محمد البشرى الخضر)
|
لو ما ( كوركت ) ما أظن الموضوع كان وقف علي ( بوسة ) .. !  ..
..
..
القصة دي ذكرتني صديقنا ( مأمون ) ..
كان عنده ( شاكوش ) عظيم .. من ( امبورية ) تسكن شريط النيل ( اسفل كوبري شمبات ) ..
كنا ما بين حضور العرس ( الحفلة بود الامين ) .. وبين مؤازة ( صديقنا ) والاعتصام معه امام دكان ( النور ) ..
في النهاية وبعد مباحثات .. قلنا ليهو نمشي .. واذا ود الامين ما غنى كويس ولا قعد يعمل ذي الحركات العملها في عرس ناس ( علوية ) ..
طوالي نطلع ببره .. ونفك ليهم ( كرسي ) في الصيوان ..
..
..
الحمد لله ( ود الامين ) انستر معانا ..
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
فيصل سلامات
اخي واصحابة في مدينه مدني . كان لهم صاحبهم حابي بنت الجيران وجاء مغترب وقام عرسها وصاحبنا اخد شاكوش.
ويوم العرس اجتمع اصحابة لمؤازرته لان الحفل امام بيته مباشرتا .
فقال لهم صاحبك والله الموضوع ده ماهامني وذي ما باعتني انا بعتها وعشان يؤكد ليهم كلاموا . وبعد ماصاحبك ضرب الكاس الاول .
مشي وطلع المسرح وشال المايك وقال ( احييي العروسين واتمني لهم حياة زوجية سعيدة واطلب من الفنان ان يغني لينا الناسيك ياقلبي انساهوا )
وكان الفنان محمد الامين
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
| Quote: وأتجه مباشرة الي مرقد الزوجين ، وأمسك يد الزوجة التي ظنت أنه يريد إنتزاع حلية ذهبية كانت ترتديها ، وقبل أن تستغيث العروسة الشابة بزوجها النائم تصرف اللص بطريقة غريبة إذ قام بتقبيلها |
ياجماعة الزول ما قام بتقبيل العروس من فمها انتو ظلمتو الراجل ، هو مسك يد العروس وقبل اليد بعد صيحان العروس ( غايتو الخبر بيقول كدا )
لانو لو كان عايز يقبلها من فمها ما الداعى لمسك اليد .
أحمد العمار
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: DKEEN)
|
في واحد سايق كلبتو وبتنزه في شارع النيل
قام لاقاهو بوليس ماشي في الشارع
وهو بكره ليك البواليص ديل عمى..
قم لامن وصل جنب البوليس قال ليهو :
ياخي ممكن تضاجع لي كلبتي دي عشان يكون عندي كلب بوليسي..
خخخخخخخخخخخخخخخ حلوة موش؟؟
ــــــــــــــــــــ
مهداة الى صديقي المتنكر ..
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
السيد فيصل
أعشق التلصص على البوردات دون الرجوع أو الإلتفات إلى العنوان.. فلك مني هديتين في شكل نصيحتين : أولهما أترك كل ما لا يفيد أعضاء المنبر و القراء بشكل عام حتى يدور محور النقاش و تكون النتائج إيجابية و مثمرة و يستفيد منها الكل خصوصاالزوار الكرام.
ثانيها: لديك قضايا أهم بالكثير من الذي تقرأه و تكتبه .. فوطننا يحتضر فلا تكون سببا في موته.
هذه ليست مشاداة و لا مشاكسة منابر كما أرجوا إعادة صياغة مواضيعك في المرات المقبلة بصورة أفضل ، فإحترامي لكل من سرد تعليقا على ما نقلته من الصحف.
الإحساس بالمسئولية تجاه بلادنا هي ما يتطلبه الواقع المؤلم.
كنت أتمنى أن لا أكتبه على عين الملأ كي لا يصير توبيخا
لك مني كل الإحترام
مهندس/ وائل
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: humida)
|
حكاية اللص { سكران } مش راكبة في راسي نهائياً
الزول دا نصيح جداً
كيف عرف البيت ونط بالحيطة
ودخل على الزوجين
والأهم من كل ذلك لم يقبل { العريس } وانما قبّل الزوجة
يعني لو سكران كان اقل شيء ما فرز بين الزوجين
وكان ماعرف مكان القبلة دي وين !!!
ولو سكران برضو ماكان حايكتفي بالقبلة
بل كان سيكمل مشواره في هذه المسكينة من طوكر الى نمولي مروراً بالقضارف
قال سكران قال !!!
تعرف مرة واحد عاقبني هنا في واحد من البوستات وقال لي تستاهل يا ابوحراز
اها الليلة نحن { بنجيّر } هذا العقاب لهذا اللص الغبي
وبنقول للجماعة كان مفروض ما يطاردو اللص
بس كان مفروض يمسكوه ويكتفوه { ويفتحوا ليهو القناة السودانية واليمنية } لمدة يومين
والله العظيم تاني لو شاف العروس دي ماشة في الطريق {يقوم جاري منها صوووووووووووووووف }
وحاتقول ليهو العروس { ماقلتو نوبة }
يعني عريس فعلاً دمو بارد ولياقتو زائدة
عندنا جدنا الله يرحمو كان دايماً بيقول لينا
والله يا اولادي { المراة } دي بعد ما تقضي غرضك معاها والله تاني كان شالها كلب ماتجيب ليها خبر
قال يفر هارباً قال !!!
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: ابوحراز)
|
السيد وائل
| Quote: أعشق التلصص على البوردات دون الرجوع أو الإلتفات إلى العنوان |
دي مشكلتك .... أقرأ العنوان البعجبك خش والما بعجبك أعمل ليه تجاهل (ده أسموا المنبر العام) ومافي زول عنده وصاية على زول
| Quote: كما أرجوا إعادة صياغة مواضيعك في المرات المقبلة بصورة أفضل |
كدي ورينا مواضيعك جيدة الصياغة عشان نتعلم
| Quote: فوطننا يحتضر فلا تكون سببا في موته |
بدون تعليق
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
Quote: عندنا جدنا الله يرحمو كان دايماً بيقول لينا
والله يا اولادي { المراة } دي بعد ما تقضي غرضك معاها والله تاني كان شالها كلب ماتجيب ليها خبر
|
أبو حراز
سلامات
والله جدك دا.. الله يرحمه..
حكمة وحكاية..
قال شالها كلب
طيب لو شالها حمار النوم
بتجيب لها خبر ولا بتقص أترها..
التحية للأخ فيصل صاحب البوست..
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: المسافر)
|
المسافر تحية
تعرف جدودنا والله ماشاء الله عليهم
غايتو بصراحة استفادوا من حياتهم
يعني اول شيء الواحد مع زوجته 24 ساعة
اما نحن لو حسبت فترة وجودك مع زوجتك يعني لو زواجكم استمر 16 سنة
اكيد يادوب تكون قعدت معها 16 شهر بالكتير
حتى لو كانت معاك في الغربة برضو بتكون مقصر في حقها
نص الوقت للعمل
وبعديها راحة شوية
وكمان لو تابعت ناس سلمى سيد ونسرين سوركتي خلاص قيامتك قامت ونص الوقت ضاع
وياويلك لو بالليل عندك طفل بيقوم يشرب موية كل الفي راسك يطير
عندنا واحدة قاعد اخت ليها جردل مليان موية عشان لمن تقوم تشرب
اها ما بتحلى ليها الا مويتنا نحن
بمناسبة حمار النوم
واحد من اقربائي اسمو { عامر }
لديهم جيران عندهم بنت والله لو شفتها تجري منها عشرة سنوات ماتقيف
شينة لدرجة غلط
ورغم هذا فإن صاحبنا حاول يكابس البيت بالليل
الجماعة كانوا نايمين في الحوش وابوهم غائب
اها الأم سمعت ليك حركة الزول وصحت
اها قعدت تنادي { دا منو الماشي دا }
قام قال ليها : دا انا عامر شايلني حمار النوووووووووووووووووووووووم !!!!
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
الجميل فيصل
أعلم أنه منبر عام و قبلنا شروطه قبل العضوية، فكما ذكرت لك أن تعليقي ليس بمشاكسة فحقيقة المنبر العام اليوم أضحي غثاءا لا يحتوي على ما صمم من أجله.. فهذا المنبر كان مرجعية لكل من يريد أن يزور السودان أو يهوى ساكنيه قبل أن تسكننا المحنة و الألم.. معظم الزوار يتوجلون بدافع العنوان إلى المقال Quote: دي مشكلتك .... أقرأ العنوان البعجبك خش والما بعجبك أعمل ليه تجاهل (ده أسموا المنبر العام) ومافي زول عنده وصاية على زول
|
أتفق معك أنها مشكلتي و لكن لا تنسى أن هناك آمال و أحلام الكثير يرجونها منا، و بفضل هذا البورد حنية السودنة بانت على تعليقاتنا و حواراتنا ، أعتذر مرة أخرى إن كنت قد شعبت و عنقدت لك موضوعك.
| Quote: كدي ورينا مواضيعك جيدة الصياغة عشان نتعلم |
عما قريب إنشاء الله ، مع قبولي المقدم لنقدك عساه أن يكون نقدا بناءا.
Quote: : فوطننا يحتضر فلا تكون سببا في موته
بدون تعليق |
هل لديك شك في أن بلادنا الحبيبة و أهلنا الطيبين يستنجدون بنا من شتى بقاع الأرض في أنة حزينة تكاد تقتلهم من الحسرة
أنظر إلى الزيادات الهائلة في السلع التموينية و الإستهلاكية ، أنظر إلى الفوضى التي تحدث بالبلد من محنة سياسية إلى إقتصادية إلى إجتماعية.. هل كل ذلك يدعو إلى التجاهل و الإرتماء على هوامش تاريخ وطننا الذي أضحى بلا أهمية ؟ أم تراثنا القومي و الشعبي الذي لم يتبقى منه سوى رفات؟
تحياتي و إحتراماتي
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
ابو حراز ياعمكQuote: كاية اللص { سكران } مش راكبة في راسي نهائياً
الزول دا نصيح جداً
كيف عرف البيت ونط بالحيطة
ودخل على الزوجين
والأهم من كل ذلك لم يقبل { العريس } وانما قبّل الزوجة
يعني لو سكران كان اقل شيء ما فرز بين الزوجين
وكان ماعرف مكان القبلة دي وين !!!
ولو سكران برضو ماكان حايكتفي بالقبلة
بل كان سيكمل مشواره في هذه المسكينة من طوكر الى نمولي مروراً بالقضارف
قال سكران قال !!! |
زي ماقالت النكتة
السكر دا توفيق من الله
وما كل الناس تسكر تطرش و تترتح و تتبهدل
في ناس يشهوك ليه من النظام و الوعي العليهم
كان ما الريحة تحلف و تغالط تقول عمره ما شاف قزازة
اها الحرامي دا اظنوا النوع الموفق
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: محمد البشرى الخضر)
|
Quote: ي ناس يشهوك ليه من النظام و الوعي العليهم
كان ما الريحة تحلف و تغالط تقول عمره ما شاف قزازة |
يا ابوي سكرة لسكرة تفرق ...
يعني واحد طشم في ديم ابليس وواحد
طشم في شاطئ الجميرة واحد ؟؟؟
الاول لازم يترتح و يطرش ووشوا ينعل قفاهو
و الثاني ده اسالني منه انا ... يشهيك ..
اها زولك ده صرف علي راسو 2000 جنية بما فيها عشاء
كوارع ومشى تلب الحيطة يتم عشاهو ....
| |
|
|
|
|
|
|
|
|
|
Re: لص يسرق قبلة من حبيبته السابقة ويفر هارباً في أم بدة (Re: فيصل محمد رشوان)
|
أنت الجميل يا فيصل
كلانا يرجوا عكس الأحداث داخل السودان لأخوتنا و أهلنا بالخارج أول بأول .. فنظامنا الحاكم خلف و يخلف و سيخلف ما هو سلبي بشكل مستمر مالم نعرقله. فجميع الأنظمة التي حكمت السودان وقعت وجودها بإمضاء حبره دم المواطنين. فنظام اليوم إمتزج حكمه بالقهر ليثبت قدمه على الأرض، و دخلت عليه محن قسمة السلطة و صار يتخبط لإصلاح ما أفسدته يداه بإرضاء أقاليم السودان بشتى ألوانه بهدف مكوثه بها. الآن الكل يتوجه ليحضر قسمة تركة السودان بمختلف موارده. لست سياسيا ولكني أعشق السودان رغم السلبيات التي إنعكست على طبعه كما يقولون صار السودان أكثر دولة منتجة للـ( المواسير) ..
إحتراماتي
| |
|
|
|
|
|
|
| |
على محمد على بشير
Ahmed Abdallah
motaz
shahto
محمد البشرى الخضر
humida
صديق الموج
عبداللطيف خليل محمد على
fadlabi
بدرالدين كاجوري
wail tagelsir abdalla
ابوحراز
المسافر
نادر محمد الراضي
فيس بوك
تويتر
انستقرام
يوتيوب
بنتيريست