|
|
 عربسات برة الاستاد
|
عربي عريبي روسي غجري اقليمي
عربي مقصود بها جلف وليس جلابي ومهمش والعوارة دي
من المخول باطلاقها وعلي من نطلقها
هل ناس امدرمان والخرطوم وبحري يحق لهم اطلاقها
الاجابة لا
علي من نطلق عربي
هل علي ناس الجزيرة والنيل الابيض
برضو لا
عشان ناس امدرمان القديمة شايفين ناس الفتيحاب وامبدة والقماير عربسات
وناس الخرطوم شايفين ناس الجريف والكلاكلات عربسات
وناس بحري شايفين ناس الكدرو والجيلي والخليلة والفكي هاشم عربسات
وناس عطبرة شايفين ناس الدامر عربسات
وبعض ناس العاصمة شايفين حتي ناس مدني عربسات وناس مدني شايفين ناس حنتوب عربسات
وحتي ناس قري الجزيرة شايفين اسياد اللبن عربسات
افيدونا من هو العروبي الغجيري اب تفة اب شبشب
|
|
 
|
|
|
|
|
|
|
|
Re: عربسات برة الاستاد (Re: khaleel)
|
واحد من حجر الطير التقي بواحدة خرطومية في الجامعية
قالت ليهو انت من وين قال من حجر الطير
قالت ليهو ممكن تقول من حجر العصفور
هل ممكن اكون دها تصنيف
| |
|
|
|
|
|
|
|
|
|
Re: عربسات برة الاستاد (Re: حيدر حسن ميرغني)
|
| Quote: صدقني مابعرف تخوم الكلمة دي حدها وين |
حيدر الفردة
ممكن نجيب لجنة ترسيم حدود ونعمل اليات لتصنيف العربسات
واحد امدرماني قال لي العربسات بحبو غناء الامين عبد الغفار
| |
|
|
|
|
|
|
|
|
|
Re: عربسات برة الاستاد (Re: khaleel)
|
هااااااااااى
موضوع حلو
أظن انها بترجع لطريقة الكلام
يعنى ناس هيييييييييع و تب وبالحيل وكدا
وغالبا مقصود بيها ناس الجزيرة حتى أسألو شيقوق
دا ما كلام زعل لأنهم very proud بالحكاية دى
بس استخدامها الخطأ برجع بربطها بالزوق يقولو ليك ديل عربسات ساى اور أهل العوض لكن دى حركات قندفة ساى
مودتى
سماح
| |
|
|
|
|
|
|
|
|
|
Re: عربسات برة الاستاد (Re: احمد التجانى احمد)
|
| Quote: التحية لكل العربسات ..... وحتى المتنكرين منهم |
احمد التجاني
تذكر صاحبنا داك من قلب قري الجزيرة
واول يوم الجامعة قال ليكم انا من بحري
بعدين صالح الفلاتي حضر من بنزقة لحضور عرس في امدقرسي قام وصي الجامعة
قال ليهم (لما نمشي امدقرسي اوعي تقولو لي (سالي ) قولو لي حيثم
| |
|
|
|
|
|
|
|
|
|
Re: عربسات برة الاستاد (Re: sama7)
|
Quote: يعنى ناس هيييييييييع و تب وبالحيل وكدا
وغالبا مقصود بيها ناس الجزيرة حتى أسألو شيقوق
|
سماح ممكن تكون طريقة الكلام
ناس الجزيرة بقولو نمش وناس امدرمان بقولو نمشي
وبقولوا شدرة وديل بقولو شجرة
وبقولو صفاح وديل بقولو عقد
لكن يا سماح الجزيرة خشم بيوت في ناس مدني وفي ناس ود شخيب
| |
|
|
|
|
|
|
|
|
|
Re: عربسات برة الاستاد (Re: حيدر حسن ميرغني)
|
| Quote: خليل العازة دي عشانك ... ماعشان البرة الاستاد |
الفردة حيدر
طبعا العرس عند العربسات ليهو طقوس
اول حاجة امشوا الحصاحيصا اجيبوا التلج ويحفظ عادة في الحمام
ثانيا العيش والطباخ
والفطور عبارة عن لقمة بملاح شرموط وملاح روب
والتحلية شعرية وسكسكانية ومطبق
ونواصل الغداء بعد حين
| |
|
|
|
|
|
|
|
|
|
Re: عربسات برة الاستاد (Re: khaleel)
|
الطباخ يجي من الطالباب
الغداء صواني
كل صينية عشرة انفار
الجماعة يبدوا بالضلعة واخر حاجة امرقيقة
بعدين التحلية وكباية شاي وتمشي علي الكشف
بعد الغداء يبدا التفكير في السكرة ويمشوا الجماعة ابوعشر اجيبوا العرقي من مجدة او عبدالله ابو اتنين استعدادا للحفلة
| |
|
|
|
|
|
|
|
|
|
Re: عربسات برة الاستاد (Re: khaleel)
|
خليل
مساء الخير
ياعمك الظاهر ماشفت الرابط بتاع الاغنية .....!
سلامة النظر....
وكيكي جاي الليلة.....
وحيكون بره الاستاد
وياطارق غطي سعلب ....
وبعدييييين معاااااااااااك ....؟
مودتي
هارون دياب
| |
|
|
|
|
|
|
|
|
|
Re: عربسات برة الاستاد (Re: haroon diyab)
|
خليل سلامات
وينك يا راجل
تعرف زمان قبال عربسات كان إسمهم "الروس" و بعدين عربسات و هسع بقت "اهل العوض"
و المسألة يا صاحبى نسبية
واحد صاحبنا - هشام السر - زمان مرة مشى المين رود قال لواحدة انو من ام درمان .... قالت ليهو "أم درمان دى وين .. دى البعد الكبرى"
و التحية للعربسات و النايلسات و البانسات كمان
| |
|
|
|
|
|
|
|
|
|
Re: عربسات برة الاستاد (Re: Mohamad Shamseldin)
|
محمد شمس الدين
صديقنا علاء الدين يوسف
سالتو واحدة من حنكوشات اقتصاد وقالت ليهو
يا علاء انتو ساكنين وين
قال ليها في امبدة
قالت ليهو يا علاء عليك الله ما تهزر
وكلو عند الحناكيش عربسات
| |
|
|
|
|
|
|
| |
khaleel
حيدر حسن ميرغني
sama7
احمد التجانى احمد
haroon diyab
Mohamad Shamseldin
عبدالكريم الامين احمد
فيس بوك
تويتر
انستقرام
يوتيوب
بنتيريست