|
|
 جوزي وأنا حرة فيه !!!
|
أخوتي وأخواتي في كل بقعة من هذه الأرض التي احتوت غربتكم وفرجت كربنكم جمعة مباركة وحماكم الله من
كل شر وانفجار قادر يا كريم
يارب !!!
بعد عناء يوم طويل وشقاء مع موضوع ( هل ما زالت الدار قبل الجار ) ؟ قررت الذهاب إلى مكنب مجاور به
جهاز تيلفزيون علني أستمتع بأغنية للمايصة نانسي عجرم أو الجميلة هيفاء وهبي ونظرا لأن صاحب المكتب
مصري حتى النخاع فقد وجدته يشاهد قناة دريم طبعا إنتوعارفين المصريين لا يشاهدون إلا قنواتهم ولا يأكلون
إلا الكشري وأم علي ولا يلبسون إلا من مصانعهم لذا عندما يذهبون في الإجازة يعودون ومعهم موؤونة عام من
الود على قول الغايب الحاضر محمد فرح ربنا يسعده . كان المذيع جمعة يقدم في قناة دريم برنامجه الناجح
شريك العمر الذي يطرح فيه حلقة للناقش ويجمع من خلاله راسين في الحلال وقد تعجبت لجرأة المصريين الذي
يبحثون عبر البرنامج عن شريك العمر حيث كان المتقدمون للزواج حملة دكتوراة وماجستير .. دبلوماسيين
ومهندسين وغيرهم يذكرون أسماءهم و أماكن عملهم ثم يقدمون مواصفات شريك العمر دون أن تهتز من رأسهم
شعرة بينما يسجل المذيع الطلبات والمواصفات بكل سرور ويعدهم بالبحث عنه نصفهم الآخر في أقرب فرصة
ممكنة وربما تتفق بعض الطلبات مع الطلبات التي بحوزته وفي الوقت نفسه قام جمعة بطرح موضوع الحلقة تحت
عنوان ( التعاسة الزوجية ) و طلب من المشاهدين الإدلاء بدلوهم وعينكم ما تشوف إلا النور نص المصريين
تعساء حتى الثمالة ومع ذلك عايشين عشان خاطر العيال !! أحد المتصلين وإسمه حمدي من محافظة الجيزة
قال : أنا أتعس زوج في العالم !! يعني ممكن أفوز بكاس الأمم الإفريقية في التعاسة , حسب قوله طبعا دة
كان أيام الماتش فقال له المذيع ليه كدة ؟ فرد عليه حمدي بلا خجل أصلو أنا ومراتي عايشين من ست سنوات
زي الأخوات !! فقال له المذيع و عندك أولاد فرد عليه حمدي قائلا محمد ومروة فضحك جمعة وقال له جبتهم
إزاي ؟ للأسف انقطع الخط قبل أن نسمع الإجابة الظريفة . إحدى المتداخلات قالت أن سبب تعاسة
الأزواج هو شعور الزوجة من يوم كتب الكتاب أن الزوج جزء من أملاكها ,, تتصرف فيه زي ما عايزة ممنوع
يكلم حد ,, ممنتوع يصرف على أمه و أخواته , ممنوع يتكلم مع زميلاته , ممنوع يبعزق الفلوس , ممنوع
يسهر مع أصحابه , فيضطر الزوج أما أن يهرب بحلده من جوانتنامو أو يظل يشعر بالتعاسة حتى آخر العمر !!
هذه المداخلة يا سادتي ذكرتني الأغنية المصرية الشهيرة :
جوزي وأنا حرة فيه *** جوزي هأغسله وأكويه !!!
الموضوع المطروح للنقاش هل يصبح الشريك جزء من ممتلكات الطرف الآخر وله كامل الحق في التصرف في كل ما
يخصه لا خروج , لا سهر , لا كلام مع الجنس الآخر إلا بإذنه ليتحول القفص الذهبي بقدرة قادر إلى قفص حديدي
بداخله أسد ولبوة ؟ وفتكم بعافية ..
خارج النص : أذكر أن صديقتي الطيبة جدا سألت زوجها عندما هم بالخروج ولأول مرة في حياتها ( بترجع
الساعة كام ؟ )
فأجاب عليها بكل مساخة : بتسألي ليه مؤجر منك عجلة ؟
(عدل بواسطة عواطف ادريس اسماعيل on 02-23-2008, 07:51 AM)
|
|
 
|
|
|
|
|
|
|
 Re: جوزي وأنا حرة فيه !!! (Re: عواطف ادريس اسماعيل)
|
فات علي أن أقول أن المذيع لا ينسى أبدا تهنئة من توفق في الحصول على نصفه الآخر على الهواء مباشرة بينما تنطلق الزغاريد من بيت
العريس أو العريس عبر التلفزيون وعلى الهواء مباشرة أيضا ولله في خلقه شئون !!!
| |
|
|
|
|
|
|
|
|
 Re: جوزي وأنا حرة فيه !!! (Re: عواطف ادريس اسماعيل)
|
تبحج امام اصدقاءه انه راجل البيت والكلمة والنهرة نهرته
واثناء لعب الورق
اتته متأبطة قفة
قالت له قوم جيب الخدرة
نظر اليها والشرر يتطاير من عينيه
اسمعي
بجيبها
لكن
علي الطلاق
ما بورقها
وجاييييك
عندي زي ده بالكوم
بال وسيكام
امن اودي ليك البوست الخور 
| |
|
|
|
|
|
|
|
|
|
Re: جوزي وأنا حرة فيه !!! (Re: د.محمد حسن)
|
حموووودي !!!
سلامات ومشتاقين ,,,
طبعا ضحكت لمن طحت من الكرسي ,, غايتو ناس الرياض قالو ما شافوك بتجيب الرجلة لكن شافوك بتفرم
فيها وجنبها البصل ...
شكرا على طلتك الحلوة وفي إنتظار الشمارات طبعا إنت عارف إننا شمشارين ونص !!
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
الاستاذة عواطف
السلام عليكم
موضوع شيق ويستحق النقاش فى ظل تغير كثير من السلوكيات فى مجتمعنا السودانى
وان كنت اختلف معك ما اعتقد ان هنالك رجل سودانى يقبل بان زوجته حره فيه لسبب واحد ان عادات وسلوك الشعب المصرى تختلف عنا تماما
نحن شعب الفرد منا للكل الرجل ليس لزوجته وفقط هو لاسرته وتصل احيانا لمد يد العون لخارج الاسره
اعتقد اذا فكرت المراة بهذا المنطق فتحت على نفسها باب جحيم من النكد والهم وسينعكس هذا السلوك
على ابناءها وهو بداية انهيار اسرة .
ساعود
انتصار
| |
|
|
|
|
|
|
|
|
 Re: جوزي وأنا حرة فيه !!! (Re: انتصار محمد صالخ بشير)
|
إنتصار !!!
يسعد صباحك الجميل وطلتك البهية ,,,
طبعا يا بعد عمري لكل قاعدة شواذ أنا بعرف واحد من نظرة واحدة من مرته برمي ورق الكوتشينة من
إيده وبيقوم فللي إضافة لذلك مانعاه ما يكلم والدته ولا يصرف عليه وفي مرة من المرات قدامي
جاه جواب من أمه قامت قالت ليه المجنونة دي عايزة شنو ؟ والله يا إنتصر منذ ذلك اليوم قطعت
معها كل العلاقات تصوري هذا الشخص أصبح لا قيمة له وسط الآخرين رغم إنه ما عنده منها أي عيال
وممكن يكسح في أي وقت ولكن من زي ديل وا أسفاي !!!
شكرا حبيبة على الطلة البهية ...
| |
|
|
|
|
|
|
|
|
|
Re: جوزي وأنا حرة فيه !!! (Re: Deng)
|
سلام عطوفة
المسالة هي زوجي و انا حرة فيه
و لا مرتي و انا حر فيها
الموضوع هو في الانسجام, التفاهم, الحب, الاحترام و التقدير لكل منهما الاخر
و ليس في التملك و خنق احد الازواج لاخر
ودمتي
| |
|
|
|
|
|
|
|
|
 Re: جوزي وأنا حرة فيه !!! (Re: عواطف ادريس اسماعيل)
|
أستاذه / عواطف أدريس
مساء الخير
__________________________________________________________________
Quote: الموضوع المطروح للنقاش هل يصبح الشريك جزء من ممتلكات الطرف الآخر
وله كامل الحق في التصرف في كل ما يخصه
|
أنا ( من حقي )
هي ( ما من حقها) ..
في شّراكه ( الزواج )لى الحق التام في التصرف في كل ما يخص (الطرف الاخر) الهو في النهاية
جزء من أسرة شائله (أسمي ) وبتنتمي لى ومسئول عنها كامل المسئولية ...
(المسئولية) دي بتديني الحق ده من دون أى نقاش ...
ليها حق العشّّرة بمعروف ... ولى حق الطاعة المطلّقة
ومدام دبلتي في شماله يبقي أنا ( القانون ) والمرجع الاول والاخير ليها
ليها الحق الكامل تقرر في الحاجات التحت مسئولياته المباشرة
البيت وفرشواوترتيبوا والليلة نتغدي شنو .. وفي الاجازة طالعين وين ...
أى حاجة تتعدي المسئوليات (اليومية) لازم ( ترجع لى )
وأنا الاقرر فيها مع الاخذ برائه رأى(أستشاري ) غير ملّزم (الاخذ به)
في الاخر دي ( حياتي ) الهي جزء منها ... (حياتنا) برضوا( مقبوله ) بس من غير تنظّير منها
_ريّسين غرقوا.... المركب_
أى كلام غير ده يدخل في باب أنا لا أكذب ولكني أتجّمل ... وأنظّر بكلام فارغ
_________________________________
أيدينا ياولد ... أيدينا للبلد
| |
|
|
|
|
|
|
|
|
 Re: جوزي وأنا حرة فيه !!! (Re: عبد الناصر الخطيب)
|
ناصر !!!
يسعد صباحك الجميل ,,,
يبدو أن هذه النظرة لطبيعة الشراكة أصبحت نظرة شمولية لأنه المذيع كان بيسأل طالبات الزواج
عن مواصفات شريك العمر فكلهن قالن وبالإجماع عايزات واحد زي سي السيد !!! لأنه أفضل من الرجل
الضعيف الشخصية ,, قام المذيع إتصل بممثلة كان استضافها في حلقة سابقة هي وزوجها كأسعد زوجين
في مصر وسألها عن سر السعادة فقالت عشان هو سي السيد وأنا بمثل دور زينب وطالما هو سعيد بهذا
الدور أنا مش خسرانة حاجة وعجبي زي ما بتقول سلمى صبحي ,,,
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
الاخت عواطف تحياتي
| Quote: جوزي وأنا حرة فيه *** جوزي هأغسله وأكويه |
نحن في الغربة دي والله اصبحت الزوجة تعرف كل ساكلوجية الراجل ومتين تعرف تمرر قراراتها ده ما ضعف من الراجل بس دي شطارة من الزوجة .... لكن نحن زمان قطعنا راس الكديسة..
تحياتي
امين
| |
|
|
|
|
|
|
|
|
|
Re: جوزي وأنا حرة فيه !!! (Re: elameen)
|
أستاذه عواطف ..
تحياتي ..
فبل الاولاد بتقومنى وتقعدنى علي كيفها بس بإرادتي ..
بعد الأولاد برضو ببتقومنى وتقعدني علي كيفها بس بدون إرادتي ..
وفي الحالتين أنا الضائع  ..
..
يا بت عمي الحياة الزوجية شركة إذا أصبح أحد الشريكين خسران طوالي ..
الشركة بتنهار .
..
محمد علي
ع/ مديرة الشركة
المؤهلات:
خمسة وعشرين سنه.
| |
|
|
|
|
|
|
|
|
 Re: جوزي وأنا حرة فيه !!! (Re: محمد على طه الملك)
|
الملك !!!
معزتي ,,,
طبعا لازم تقومك وتقعدك على كيفها لأنها بتعرف إن الملوك إذا حلوا بأرض خربوها والعهدة على الراوي
طبعا ..
عموما نصيحة مني ليك خليك على النهج بتاع الشراكة وبدون خسارة بس أوعك من سوق البورصة الأيام دي
ويجعله عامر !!!
| |
|
|
|
|
|
|
|
|
 Re: جوزي وأنا حرة فيه !!! (Re: elameen)
|
الأمين !!!
معزتي يا طيب مع الشكر على المرور الجميل ,,,
مين فيكم ضبح الكديسة بالأول ؟؟
بالفعل معرفة سيكلوجية الطرف الآخر والمداخل التي تؤدي إلى أغواره من عوامل النجاح الأساسية..
يجمعك بالغايبين يارب !!
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
ام مجاهد
صباح الخير
Quote: الأزواج هو شعور الزوجة من يوم كتب الكتاب أن الزوج جزء من أملاكها ,, تتصرف فيه زي ما عايزة ممنوع
يكلم حد ,, ممنتوع يصرف على أمه و أخواته , ممنوع يتكلم مع زميلاته , ممنوع يبعزق الفلوس , ممنوع
يسهر مع أصحابه , فيضطر الزوج أما أن يهرب بحلده من جوانتنامو أو يظل يشعر بالتعاسة حتى آخر العمر !!
هذه المداخلة يا سادتي ذكرتني الأغنية المصرية الشهيرة :
جوزي وأنا حرة فيه *** جوزي هأغسله وأكويه !!! |
المعادلة دي لو لقينا ليها حل .....
الحياة حتصبح جنة عدييييييييييييييل كده .
لكن من البقول البغلة في الابريق .
الظاهر علينا الليلة الخور عديييييييييييل .
تحياتي
هارون دياب
| |
|
|
|
|
|
|
|
|
|
Re: جوزي وأنا حرة فيه !!! (Re: haroon diyab)
|
عواطف
تحياتي
المرأة المصرية ... ظروف زواجها تختلف إختلاف تام عن ظروف السودانية ..
فالمرأة المصرية هي التي تحدد المهر ..
و أهم حاجة المؤخر Backup مهم جدا و لا بد أن يكون قاصم ظهر ... و مرات بيكون أكتر من المقدم.
ثم الشقة ( التي تصر بعضهن على أن تكون على الأقل نصفها بإسمها هذا إن لم تكن كلها بإسمها )
ثم قائمة العفش بإسمها
ثم جاء قانون ( الشقة من حق الزوجة ) ..
ثم قانون ( الخلع )
لا يمكن لمصرية أن تتزوج قبل أن تعرف أين ستسكن بعد زواجها
دخل زوجها لا بد أن يكون كتابا مفتوحا أمامها
تشترك في كل كبيرة و صغيرة في المصاريف
تحاصره حصاراً إجتماعيا بحيث لا سهر إلا معها ... و العزايم مشتركة .. أصدقاؤه معروفين لديها .. و زميلات العمل أمامهن خطوط حمراء فاقعة الإحمرار..
تلفوناته محسوبة و معروفة
و هكذا
لذا الرجل المصري بيكون محاصر تماماً بحقوق تلتف حول عنقه .. فيفكر مليون مرة قبل الإقدام على مغامرة عاطفية خارجية أو زواج آخر و يتحاشى الإحتكاك مع زوجته إلا فيما ندر... يستكين و هو يؤمن بأنه من ( ممتلكات زوجته بالكامل ) ...
تعالي لنرى الزوجة السودانية :
المهر يحدده العريس ...
المؤخر لا زال يرقد خجلاناً برقم خجول أسفل العقد ( المؤخر واحد جنيه .. أو خمسة جنيه ) ...
الزوجة السودانية لا تسأل بتاتا موضوع السكن بعد الزواج ( حكاية مبهولة ساكت و متروكة للظروف ).
دخل الزوج غير معروف .. فقط مهنته ..
حتى و إن حدث طلاق فإن بيت الأب هو الملاذ و لو وقف القانون في صفها ...
المرأة السودانية حرة في زوجها أيام الخطوبة و أيام العرس و بعد داك كان سنة كان سنتين .. و يأتي بعدها طوفان ( الزوج النمرود ) .. يدخل و يخرج دون حسيب أو رقيب ..
الغريب في الأمر أن بعض الزوجات يعرفن أن أزواجهن يخوضون علاقات عاطفية و نزوات .. و لكن لا يتجرأن بالمواجهة خوفا من ( وثبة الغضنفر ) و خوفا من إتساع رقعة الخلافات التي قد تصيب شظايها البيت و الأطفال و الأسرة .. فيعملن بمبدأ ( إذا بليتم .. فأستتروا .. بل و أستروا المبتلي ) ..
دمت
| |
|
|
|
|
|
|
|
|
|
Re: جوزي وأنا حرة فيه !!! (Re: ابو جهينة)
|
أبو جهينة !!!
يسعد مساك ,,,
كم أنا سعيدة بمداخلتك الغنية والرائعة لذلك أقول وعند جهينة الخبر اليقين ,, طيب لما المصرية
بتحاصر زوجها الحصار المر دة ليه بعض السودانيين بحبوا يتزوجو مصريات و تعليليهم إنها سيدة
مدبرة وبتعمل من الفسيخ شربات ؟ الظاهر إنه الزوج هو اللي بتعمل فسيخ ويتسيح دمه ويكون شربات
سبحان الله أدي الستات يا بلاش وكان ما عجبك نهياتك بتكون بساطور وفي كيس زبالة ولا مؤاخذة ,, بالفعل
كلامك صاح عشان 99 % من المتصلين تحدثوا عن تعاستهم الزوجية بإسهاب وبدون خوف ,, عجبي !!
| |
|
|
|
|
|
|
|
|
 Re: جوزي وأنا حرة فيه !!! (Re: ابوبكر يوسف إبراهيم)
|
أخي العزيز بكري !!!
تسلم من كل شر يارب ,,,
مثلما ذكرت في مداخلتك الرائعة كعادتها والشافية والوافية هناك عشرات من الزوجات والأزوج التعساء
ولكن لا يضعون يدهم على موضع التعاسة اما لجهلهم بذلك أو لا مبالاتهم وهذه الظاهرة الأكثر في أغلب
الأحوال أما حكاية حب التملك والانفراد بالسلطة وصناعة القرار فلها سلبيات عديدة قد تتفاقم وتؤدي
في نهاية المطاف إلى طريق مسدود فيكون الطلاق هو الحل الأخير بعد فوات الأوان ,, بتصدق يا بكري
عملت قبل كدة موضوع تحت عنوان بيوت من ورق وجدارن آيلة للسقوط وجدت فيه نسبة 75 % من المتزوجين
الذين تجاوزا الأربعين يؤكدون أنهم عايشين مع بعضهم عشان خاطر العيال وأنه يشعرون بتعاسة ما
بعدها تعاسة وأن نسبة الإكتئاب مرتفعة جدا بينهم وان فكرة الإنتحار تراودهم أحيانان الشريك في
واد وهم في واد آخر علما أن كل طرف من الطرفين يحمل الطرف الآخر مسئولية الفشل لذلك يكون
الزواج معادلة صعبة إذا لم تتوفر له عناصر النجاح ,, شكرا بكري أيق بيننا فوجد هنا أمر لا
نقاش فيه !!!
لك رد آخر في موضوع التفريق بين الرجال والنساء ...
| |
|
|
|
|
|
|
|
|
|
Re: جوزي وأنا حرة فيه !!! (Re: ابوبكر يوسف إبراهيم)
|
أخي العزيز بكري !!!
تسلم من كل شر يارب ,,,
مثلما ذكرت في مداخلتك الرائعة كعادتها والشافية والوافية هناك عشرات من الزوجات والأزوج التعساء
ولكن لا يضعون يدهم على موضع التعاسة اما لجهلهم بذلك أو لا مبالاتهم وهذه الظاهرة الأكثر في أغلب
الأحوال أما حكاية حب التملك والانفراد بالسلطة وصناعة القرار فلها سلبيات عديدة قد تتفاقم وتؤدي
في نهاية المطاف إلى طريق مسدود فيكون الطلاق هو الحل الأخير بعد فوات الأوان ,, بتصدق يا بكري
عملت قبل كدة موضوع تحت عنوان بيوت من ورق وجدارن آيلة للسقوط وجدت فيه نسبة 75 % من المتزوجين
الذين تجاوزا الأربعين يؤكدون أنهم عايشين مع بعضهم عشان خاطر العيال وأنه يشعرون بتعاسة ما
بعدها تعاسة وأن نسبة الإكتئاب مرتفعة جدا بينهم وان فكرة الإنتحار تراودهم أحيانان الشريك في
واد وهم في واد آخر علما أن كل طرف من الطرفين يحمل الطرف الآخر مسئولية الفشل لذلك يكون
الزواج معادلة صعبة إذا لم تتوفر له عناصر النجاح ,, شكرا بكري أيق بيننا فوجد هنا أمر لا
نقاش فيه !!!
لك رد آخر في موضوع التفريق بين الرجال والنساء ...
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
يسعد صباحك
الحياة الزوجية عبارة عن شركة يقدم فيها كل زوج اصول ثابتة ومتداولة
يختلف تقدير حصص الزوجين باختلاف الاقاليم والدول والديانات والاعراف للزوجين.
من ضمن الحالات وفى بعض المناطق ان المراة هى تقليدية جدا ,بمعنى لها مسسؤلية الطبخ
والشئون الداخلية للمنزل ,وللرجل كل ما يتعلق بالاعمال خارج المنزل ومصدر الرزق
والمحاسب المالى للمنزل.
فى حالة اخرى المراة تشارك الرجل فى كل شى ,فى العمل و..........
المراة بصورة عامة خاصة للرجل من املاك الرجل لماذا؟
لان اذا تابعتى بعض العبارات المتداولة بين الزوجين مثلا تجدى حق الملكية فيها اين؟
مثلا ان يقل رجل لزوجتة انتى لوحة فنية رائعة فى البيت.او انتى ارنبى الجميل
هذا القليل من الكثير الذى لة دلالات التملك,فهل يعتبر انانية او شى اخر ,لست ادرى!!.
| |
|
|
|
|
|
|
|
|
 Re: جوزي وأنا حرة فيه !!! (Re: سيف الدين مصطفى كرار)
|
أخي العزيز سيف !!!
معزتي ,,,
كما تفضلت فالزواج شراكة بي أثنين يتقاسمان الأدوار بالتساوي فلا رئيس ولا مرءوس طبعا دة المفروض
يكون ولكن يريد البعض أما التحكم في الطرف الآخر ونزع حريته الشخصية منه تحت بند زوجي أو زوجتي
وأنا حر فيها وهذا سيؤدي في نهاية المطاف إلى انقلاب السحر على الساحر وانفلات المسجون وخروجه
من القفص وهو أشد عنفا وقسوة و الله أعلم .
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
أختي الحنينة عواطف
الإسمع كلامكم اصدق انتو المساكين ونحن الغيلان
جنس كضب
طبعا لو باريتي القنوات تشوفي العجب في الهيافة
ريح بالك حددي ليك عشرين محطة بس في الأسبوع
بعدين نح داخلين زمن حبوبة داليا وفافي وجولي
وولدك اسمو مجاهد عليك الله ما تعقدي الولد في عيشتو
بعدين اقولوا عليهو ارهابي
زمان في خالن لينا
قال لينا
يا اولاد لو المرة قالت ليك اطلع الجبل
اطلعو والجوبارد
ماتلاويها وتعمل فيها ابوعرام وبارم شنبك
لانك طالعو طالعو
مودتي ودام صفانا
قالو النسوان مساكين
والزواج يالتلفزيون والنت
غايتو بتنكتوا في جنس مواضيع
| |
|
|
|
|
|
|
|
|
|
Re: جوزي وأنا حرة فيه !!! (Re: محمد سنى دفع الله)
|
ود دفع الله !!!
ألف مرحب بيك وبها الطلة ,,,
بيني وبينك معظم الرجال طلعوا مساكين خصوصا بعد أن انتهى زمن كتفي يا حلوة بالعيال وأطل عهد
جديد ونساء جديدات لهن آليات كثيرة تصب في نفس المصب وطبعا إنت عارفه وما محتاجة أقول ليك
واحدة صاحبتنا طلبت من راجل يطلع سطح البيت عشان يلف الدش وطبعا سمع كلامها بعد شوية لقته
مكوم في الواطة أها رايك شنو في حكايةالنسوان قادمات !!!
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
Quote: حموووودي !!!
سلامات ومشتاقين ,,,
طبعا ضحكت لمن طحت من الكرسي ,, غايتو ناس الرياض قالو ما شافوك بتجيب الرجلة لكن شافوك بتفرم
فيها وجنبها البصل ...
شكرا على طلتك الحلوة وفي إنتظار الشمارات طبعا إنت عارف إننا شمشارين ونص !! |
عواطف هى الرجلة بفرموها ...سجمى!!!
لكن محمد ان بقى على الرجله هينة..
شوفى عينى ما قول قال:
بعرف طلح ابوروف الرويان موية من طلح زرائب العباسية!!
قالت رجله قالت،،،،
| |
|
|
|
|
|
|
|
|
 Re: جوزي وأنا حرة فيه !!! (Re: صديق الموج)
|
صديق الموج !!!
سلامات ,,,
الله يجازي محنك يا ود الناس ,,, الغريبة محمد ما ناكر إنه بيعرف طلح أبورف وكمان قال في حاجة
جديدة إسمها الردوم ريحتها زي الصندل بتجي من الجنوب ,, طبعا دي دعاية مجانية لست الردوم ,,
أها عرفنا محمد وإنت موقعك شنو من الإعراب ؟ أوعك تقول لي الموج الأزرق في عينيك يناديني نحو
الأعمق وأنا ما عندي تجربة في الحب ولا زورق !!!
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
Quote: صديق الموج !!!
سلامات ,,,
الله يجازي محنك يا ود الناس ,,, الغريبة محمد ما ناكر إنه بيعرف طلح أبورف وكمان قال في حاجة
جديدة إسمها الردوم ريحتها زي الصندل بتجي من الجنوب ,, طبعا دي دعاية مجانية لست الردوم ,,
أها عرفنا محمد وإنت موقعك شنو من الإعراب ؟ أوعك تقول لي الموج الأزرق في عينيك يناديني نحو
الأعمق وأنا ما عندي تجربة في الحب ولا زورق !!! |
عواطف يا بت القبائل
انا زولا جعلى ووحاتك زمان نحن كان العريس بسافر براه شهر العسل.
حتى العروس تلحقوا بعد عشرين يوم...
هيييييييييييييييييييييييييييييييييييع..
نحن وحاتك وكتين ننتر،الخدرة كلو صفقه ترجع محلها
شنو ليك؟؟
| |
|
|
|
|
|
|
|
|
|
Re: جوزي وأنا حرة فيه !!! (Re: صديق الموج)
|
ود الموج !!!
سلامات ,,,
رجل والرجال قليل ,,, طيب العروس لمن تلحقك بعد عشرين يوم إنت في الوقت دة بتكون وين وبتسوي
في شنو ؟؟ غايتو عشان أتأكد من صحة الكلام دة خليني أسال السمحة أم ولدك وأجيك راجعة !!!
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
الاخت عواطف
لكي التحية والتقدير ..
موضوع شيق وجميل مثل ما تعودنا من كتاباتك ..
وكذلك مداخلات الاخوة/ت رائعة جدا ..
واحببت اضيف مشاركتي في هذا الموضوع الجميل والهام ..
بخصوص سيطرة المراة المصرية علي الرجل ظللت اسال الاخوة من مصر عن سببها !!
لماذا الزوجة هي سيدة الرجل والمديرة في البيت عكس طبيعة الاسرة الشرقية ..!!؟؟
فوجدت اخيرا الاجابة علي لسان الشيخ حسن ايوب في احدي حلقات سلسة سيرة الانبياء
ذكر : عندما خرج سيدنا موسي عليه السلام ومن امن معة فارين بدينهم تجاه فلسطين ..
جمع فرعون كل رجال مصر .. ولم يترك في مصر الا النساء والعبيد ,
خرج بهم جميعا مطاردا لموسي عليه السلام..
وحينما فتح الله لموسي طريقا في البحر ونجا..
سلك فرعون ورجاله الطريق وراء موسي عليه السلام
فغرق فرعون وكل من معه رجالات مصر..
ولم يبقي في مصر الا النساء والعبيد والاطفال ..
فاحتجن النساء للرجال كفطرة بشرية ..
فصار العبيد يودون واجب الازواج في الليل..
ويقومون في النهار بواجبات العبودية ..
واصبح الطفل _ ذكر كان ام انثي _
ينشئ ويتربي في بئة تضطهد فيها امه لابيه
دون ان يعرف حقيقة ابيه ..
حتي جبلت اجيال وراء اجيال علي ذلك ..
وصارت سيطرة ام العيال علي ابيهم طبيعة من طبائع الشعب المصري ..!!!!
__________________________________________________________________
بالنسبة لتعاسة الازواج مع زوجاتهم هناك نكتة ظريفة لاحد مشائخ السعودية حيث انه كان يتحدث في محاضرة دينية وقال للمستمعين :
ابشركم والله بان نساءكم سيكونون غدا باءذن الله زوجاتكم في الجنة ..
فقام احد المستمعين قائلا : الله لا يبشرك بالخير ياشيخ انا طفشان منها في الدنيا هذه تجي تلحقني كمان في الاخرة. . هههههه.
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
Quote: عواطف يا بت القبائل
انا زولا جعلى ووحاتك زمان نحن كان العريس بسافر براه شهر العسل.
حتى العروس تلحقوا بعد عشرين يوم...
هيييييييييييييييييييييييييييييييييييع..
نحن وحاتك وكتين ننتر،الخدرة كلو صفقه ترجع محلها
شنو ليك؟؟ |
| |
|
|
|
|
|
|
|
|
|
Re: جوزي وأنا حرة فيه !!! (Re: hamid abdalah)
|
في عجوز اردنيه عمرها 82 طلبت الطلاق في المحكمه بعد ستين سنه زواج من زوجها اللي عمره 87 عشان سمعت في برنامج الشيخ بيقول انه بعدين في الجنه المرأه بتكون زوجه لنفي زوجها في الحياة الدنيا, و قالت في عريضة الدعوى انه كفايه الشافته في حياتهاكمان يباريها في الجنه, الغريبه اصلي ما عرفت القاضي حكم ليها بشنو قدر ما ستكيت الموضوع
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
عواطف الحبيبة
صباح الفل
موضوع الجار قبل الدار الظريف نشروهو و لا لسة؟
الحقيقة في خطأاستراتيجي بيقع فيه كلا الزوجين
هم خطأين في الواقع
1-اعتبار الزوج ملك الزوجة و العكس
2-توقع أن يغير الزوج زوجته كلياً بعد الزواج و العكس
هذه التوقعات الضخمة تصيب الأزواج باحباطات ضخمة
لكن طبعاً هناك مع الوقت أشياء يغيرها كلا منهما في الآخر
لكن ثوابت الشخصية و الصفات التي اكتسبت بالتربية واضحت من اللا متغيرات من الصعب تغييرها
لك التقدير والمحبة
لنا
| |
|
|
|
|
|
|
|
|
|
Re: جوزي وأنا حرة فيه !!! (Re: lana mahdi)
|
لنوية !!!
يسعد صباحك الحلو ,,,
شكرا على مداخلتك الموضوعية جدا ومثلما تفضلت من المستحيل تغيير الطرف الآخر أو ترويضه أو جعله
نسخة أخرى ,,,
بخصوص موضوع الدار قبل الجار لسة شوية لكن أقري موضوعي عن الزوجة العاقلة في العدد الجديد
إنت عملت أيه طمنيني !!!
| |
|
|
|
|
|
|
|
|
|
Re: جوزي وأنا حرة فيه !!! (Re: عواطف ادريس اسماعيل)
|
Quote: ود الموج !!!
سلامات ,,,
رجل والرجال قليل ,,, طيب العروس لمن تلحقك بعد عشرين يوم إنت في الوقت دة بتكون وين وبتسوي
في شنو ؟؟ |
بكون هناك وبكفى فى الدلكة..غايتو تحكيها لما تجيب الدم...
لووووووووووووووووووووووووول،،،،
| |
|
|
|
|
|
|
|
|
|
Re: جوزي وأنا حرة فيه !!! (Re: salma subhi)
|
سلوم !!!
صباحك ورد,,,
شوفتي القوانين الجديدة بتعاة قيادة السيارات ؟ حاولي تطلعي رخصة لو ما عندك بسراع عشان الحكاية
حتبقى صعبة جدا في الأيام المقبلة ,, تسلمي ,,
| |
|
|
|
|
|
|
| |
عواطف ادريس اسماعيل
د.محمد حسن
انتصار محمد صالخ بشير
Deng
bent-elassied
محمد على طه الملك
ابو عثمان
haroon diyab
ابو جهينة
محمد سنى دفع الله
صديق الموج
salma subhi
hamid abdalah
Bakhaf
Dania Elmaki
lana mahdi
كمال علي الزين
الطيب شيقوق
فيس بوك
تويتر
انستقرام
يوتيوب
بنتيريست