|
كتب الكاتب الفاتح جبرا المتوفرة بمعرض الدوحة
|
|
 Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: hanouf56)
|
Quote: شوف نحن ادنا وندين مجازر الجنوب
وانا غنيت قدا جون قرنق في واشنطن دي سي
لمن الحرب قايمه والناس لابده
وانا اول من دعي للسلام
من فناني السودان
عندما كان نظام البشير يسجن دعاة السلام |
الاستاذ الموصلي،
نعم كجلابة، بعضنا ادان والسلام ما حصل في الجنوب، وكذلك فعل مئات الالوف حول العالم، الماعارفين، افريقيا زاتا وين في الخرطة، خليك من السودان او كمان الجنوب!
هناك من هؤلاء من اضرب عن الطعام احتجاجا علي المحارق في دارفور، هل حصل او سمعت بي جلابي واحد، احد، اضرب في السودان احتجاجا، علي موت 2,000,000 برئ، في الجنوب؟
لاحظ ماقنا هل هناك فنان واحد، وانما، قنا جلابي واحد!
كونك يا استاذ يوسف غنيت امام دكتور قرنق، مع الاحترام، فهذا لايعني اي شئ علي الاطلاق، من حيث استخدامو كدليل علي مدي انفعالك، بي قضايا المحارق في بلدنا، باعتبارك كفنان، تعتبر ضميرناالمعبر كشعب!
ده مالوم ولاعتاب ولامحاسبة، ولامطالبة باي شئ!
هذا فقط تسجيل لملاحظة، لظاهرة محددة، بغرض الاستدلال علي صحة طرحنا، ولاغير، يا استاذ.
اتمني تفهم كلامي ده، من هذه الزاوية.
كشماليين، يا اعزائي، ما نقش علي بعض!
الي هذا التاريخ، موت الملايين في بلدنا، لم يحرك فينا ولاشعرة، وذلك لي سبب بسيط للغاية:
اغتراب الذات الجلابية، عن محيطا!
وكنتيجة، غير الشمالي، اضحي في وعي الجلابي، اجنبي، قادم من عطارد!
علي كده، جلدن ماجلدك، "قادم من عطارد" جر فوقو الشوق!
| |
 
|
|
|
|
|
|
|
|
Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: hanouf56)
|
مداخلة فى الاساس ببوست بشاشا :
رسالة مفتوحة، لفنان الجلابة، المدلل، ابوعركي البخيت: علاما التكريم؟
وبما انو هنا بقول فى نفس الكلام تانى نجيبها
بشاشا
بس عاوز تكون نشاذ ، مكان ما تلقى الناس مجتمعة على رأي او شخص لازم تجى تبدى
رأي مخالف وياخى اريتو مخالف وبس ،ده انت لازم تسفه للناس موضوعهم اللاميهم
يا انتو يا جلابة فى شنو والناس فى شنو
يا ما عارف جلابى يكرم جلابى آخر
ياخى قديتنا قد
الجنوبين شفناهم فى صور حفلة عركى وهم آخر انبساط ،ولو ما غلطان فى الملامح كمان كان
الدارفورين موجودين، اها ديل اصحاب القضية الانت بتتكلم عنها ،مالهم ما قالو كلامك ده!!
وتقول : لا افهم مغذي الاحتفال بامثالك!!!!!!!!
يا خى مغذى شنو البتسأل منو !!
انت لافى بعكاز مفردة الجلابة ومن بوست لبوست
ما عرفناك داير شنو،الشمالين الجلابة الملاعين ان شاء
الله يتحرقو بجاز، اها حتسوى شنو تانى انت
الحمد لله ياخى انك ما كنت فى حلتنا لما كنا صغار
شكلك الدافورى ما كنت حتخليتنا ندقو فى الحلة
| Quote: حنبدا بي شرح ماهو معيار جلابي |
تاااااااااااااااااااااااااااااااااااااااانى
لا عليك الله
وحات الانسانية لا
| |
|
|
|
|
|
|
|
|
|
Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: hanouf56)
|
أسفين يا hanouf56
ويا استاذ الموصلى
وانتم لستم ملزمين بالدفع بمواقفكم او تضامنكم مع قضايا وطننا
فى مقابل ابتزاز بشاشا بمفرداته من عينة جلابى
واسئلته من نوع : اين اسهامكم الوطنى
فرق كبير خالص بين ناس ليها اسهامها المعلوم ،بسيطاً كان او كبير
وبين زول زى بشاشا كل اسهامتو هى للهجوم والتبخيس
ما يشوف فى مهرجان نيويورك الجمع موسيقين كبار وقدم اعمال باسم السودان
الا جية السفير، انظر للنصف الملئ من الكوب ياخى وشوف معنى انك تقدم عمل
ابداعى باسم شعبك
عركى ، الانسان قبل الفنان الواعى بهموم وطنو
قعد فوق سطوح بيته وقال وغنى وناشد الناس تنجد
ضحايا السيول
وبشاشا الوطنى
الما انصرافى
همو يحاصر الناس بمفردة جلابة
| |
|
|
|
|
|
|
|
|
|
Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: Bashasha)
|
بشاشا
مالك فاتح بوست جديد
ما تخليك بجاي .. علي الاقل ترفع لينا البوست (حتي لو كنت اشتر)
تاكد تماما انو ابوعركي البخيت ما محتاج لي ناس يدافعو عنو .. فنو كفيل بذلك ...
من حقك تنقد الفن السوداني .. لكن برضو من حقنا عليك انك تختار الزمان والمكان المناسبين .. لا تستغل برامج الاخرين من اجل ارائك .. نحن نحتفل بعركي وموصلي ونعتقد ان ذلك حقهم علينا .. انت تعتقد العكس .. شن عليهم ما تشاء ولكن اختار زمنك الخاصة .. عركي هنا من حوالي الشهرين .. لماذا الان بدات تهاجمه ؟ تم تكريمه في نيوجرسي .. فرجينيا ومدن اخري .. لماذاقررت ان تهاجمه الان .. هناك اكثر من بوست به صور تكريم عركي لماذا لم تهاجمه في ذلك الوقت ؟
علي العموم لو قدرت وجيت حفلة عركي في فيلي اعتبر نفسك معزوم وتعال قول ليه ما ترد وجها لوجه ..
محمد ادريس
| |
|
|
|
|
|
|
|
|
|
Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: Elmosley)
|
Quote: بلدنا نعلي شانا سودانا نادانا
الموصلي |
الموصلي هل هذا هو اللحن ذاته الذي ترد فيه:
في الفجرية طالع وبزرع في المزارع... يا ناس؟
يا سلالالالام، هو بالله اللحن دا حقّك إنت!؟ ياخي المُعجزة دا أنا كاسر فيني –ضُلعَة-؟ ضلعة شنو يا زول، دا كاسر منّي القفص الصدري كلو! كنتُ أسمعه في الصباح يومياً وأنا متّجه إلى الجامعة، من مكبّرات الصوت الـmassive في مصانع الحَلْج والنسيج بين مارنجان عووضة وحلّة حسن. لإعطاء الطاقة للصنّاع والزُرّاع، وآخذ أنا الطالب أيضاً نصيبي من الحماسة والاندفاع نحو العمل والإنجاز. هذا شيءٌ لن يفهمه صاحب مخ "مسدود" أو مُرَكّب بالقلبة، ولا يتأتى إلا لصاحب بصيرة وتدبّر. أبداً ليس في مدى فهم من يعتقد أنّ الفن يجب أن يكون خُطب مباشرة، لكي يحقق السودانية. ياخي هو القال منو إنو الفن (سوداني)؟ الفن مَجَرِّي أو كما قال صاحب (الإنسان المجرّي). يعني رقصة صغيرة تؤدّيها قبيلة الزاندي فهذه الرقصة عالمية، وما هي بزانداوية ولا غزالية نسبة لبحر الغزال ولا جنوبية ولا سودانية، بل مجرّية لكل مخلوق يحوز عينين وقلباً يعي. ورحم الله شوبرت وموزار.
عليك دينك تديني نسخة من هذا اللحن العظيم يا موصلي. فنفسيتي هذه الأيام داون داون، وسجم رماد عديل. وما زلتُ أنتظر أن تتحقّق بداخل روحي مقالة السورياليين:
The way down is a way out
أصحو يومياً وأنا أُرَدِّد، السوريالية السوريالية.. يا أبو فاطمة هووي تصب السوريالية. كما كنّا نصحو صغاراً لنردّد، المطر.. المطر، يا أبو فاطمة هووي تصب المطر.
غايتو دي آخر مرَّة يا موصلي أشحدك تزودني بقائمة لألحانك.
وتسلم يا صانع النغم
----------------------
بشاشا يا صديقي، لسوء حظك أنَّ الموسيقى لغة عالمية أو كما يقال، بالتالي كون الموصلي وعركي ينتجان موسيقى فهذا في حدِّ ذاته (إبداع عالمي –مجرّي بلغة أخيك- ناهيك عن سوداني هذه الشويّة). يعني يمكنك أن تتعكلت مع الكتابة المكتوبة بالعربي وتطالبنا نحن ككتّاب مثلاً أن نتعلّم اللغة الكوشية التي لا يعلمها أحد، ونكتب بها، استعادة لكوش وما أدراك ما كوش. ولكن الموسيقى هي الموسيقى، وليس بوسعك أن تنتقدها. لأنّ الدينكاوي والجعلي والنوبيين والداجو والبجة والفور والزغاوة -كلّهم جميعاً- يفهمونها. فهي إذاً على وجه الخصوص وكذلك (الفني التشكيلي) يُسْقِطان فكرتك، هذا لو لك فكرة بالأصل. ثانياً، الفنون ليست ملزمة بتبنّي أية أيدلوجيا ما، إن سمحة وإن كعبة، فهمت يا "قنيط"؟ بلا يخمّك.
| |
|
|
|
|
|
|
|
|
|
Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: Elmosley)
|
من المعروف أن الفكر الغنائي كسائر الاجتهاد الفكرية الأخرى المعروفة في التاريخ اعتمد ولا يزال يعتمد على عملية التجديد ....
واقصد بالتجديد هنا
البحث عن أقوم الطرق الغنائية التي تستدل على اصح الوسائل التعريفية والاستنباطية للربط بين المواطنة والفن،
تبرير الفنان لما يؤمن به يستند إلى فهمه الصحيح للنصوص الشعرية المؤسسة لفنه لذلك كان هاجس الفنان المجتهد منصبا على تأسيس رؤيته الفنية من خلال ما يحسه وما يقرأه من واقع يعيشه
.... فهذا الاتجاه الشفيف لتصوير الواقع لا يتم إلا بالاجتهاد لترسيخ الفن الملتزم ، والشى الأهم أن فكرة الالتزام نابعة بكل وضوح من الخطاب الفني الموروث - الحقيبة وعثمان حسين نموزجا –
فهذا الالتزام لا ينفك من المواطنة والفن ، والفنان المجدد الذي يحس أن فنه لا أصل قبله ولا أصل بعدة ما هو إلا نبت شيطاني لا علاقة له بالتراكم الفني الذي شكل وجدانه منذ نعومه فنه الأولى فدور الفنان لا ينصب في إعادة صياغة الفن الذي ورثه إنما هو إضافة رؤية جديدة – جدودنا زمان غناء الفنان عركى نموزجا –
الفنان عركى والفنان الموصلى يستحقان التكريم
| |
|
|
|
|
|
|
|
|
|
Re: فلادلفيا تكرم عملاقي الاغنية السودانية .. ابوعركي البخيت والموسيقار يوسف الموصلي .. مرحبا ب (Re: محسن خالد)
|
الحبيب محسن اعود اليك بعد ان عدت من السفر والاحتفال
انت طبعا صغمبوتي
لكن زمان في اغنيه بنوتيه كان اسمها الجمعه الكان معانا ياناس
الليله ماجانا
وشخصي كفنان درس تجارب الفنانين في العالم
يعرف أنهم يهتمون بالفن الشعبي جدا ويستلهمونوياخذون من ملامحه
الكثير من الافكار والجمل الصادقة
وفي بداية التسعينيات ومع وصول هذا النظام القاهر الى سدة الحكم
ولعلمي بعنفه حيث لارحمة آنذاك وحيث ان النظام جاء لواد اتفاقية السلام
التي ابرمها كل من قرنق والميرغني في أديس اببا
تلك الاتفاقية التي أفرحت شعبنا الابي
وجعلت استقبال الميرغني اسطوريا بالخرطوم خصوصا وأن الجانب الاكبر من هؤلاء المستقبلين كانو
من أبناء الوطن من الجنوب الحبيب
ونواصل معك الحكي عنها
| |
|
|
|
|
|
|
| |
hanouf56
Farahat Sayed
محسن خالد
Elmosley
Bashasha
Raja
Mubarak kunna
Naji A.Moniem
Kostawi
HAMZA SULIMAN
yasiko
mahdy alamin
شهاب الفاتح عثمان
فيس بوك
تويتر
انستقرام
يوتيوب
بنتيريست