|
Re: هلموا !!!! حصاد الذاكرة الاولية فى احياء الديوم الغربية (Re: سيد محمد احمد سيدنا)
|
تداخلت هذه الاحياء واعطتنا ونحن اطفال
حب الناس والالفه وصداقات مدرسيه لا تحصى
مدرسة القوز 1 / والقوز 2 ( سعدابى )
ومدارس عبيد بلال / والحله الجديده 1
ومدارس عبد المنعم/ وفاطمه عبد الرحيم
مدارس الزهور / الخرطوم جنوب 2 / الاتحاد
مدارس السجانه / المايقوما
ما اكثر الخرجين من هذه المدارس وبيننا
تعالوا اوفوا حق معلميكم زملائكم اصدقائكم
واحكوا لنا لنرجع 40 سنه من اعمارنا وليت
الشباب يعود يوما
تحياتـــــــى
ســـــــــيد
| |
|
|
|
|
|
|
Re: هلموا !!!! حصاد الذاكرة الاولية فى احياء الديوم الغربية (Re: سيد محمد احمد سيدنا)
|
يا سيد سيدنا { إسمك كده عاجبني فمكن تلفو لي ؟ } قلت :
Quote: وكل ما هو غرب شارع الديم حتى النيل الابيض
|
بي كلامك أو تحديدك هذا ، غرب شارع الديم بتكون أدخلت كل منطقة غرب الديوم الشرقية بما فيها المايقوما و أرض الحيوان ضمن الديوم الغربية وهذا غير صحيح وبالطريقة دي دخلتنا مدارس خارج المنطقة داخلها وانا فاهم أنت عملت كده ليه
عشان تدخل السجانة ضمن الديوم الغربية وده ما صاح جغرافيآ ولا تاريخيآ ليش ؟ فالسجانة منطقة قايمة بذاتها ولها تاريخها ورموزها في كل المجالات بس كان قدر السجانة أن تاخم جزء منها الديوم الشرقية ووقع جزء منها في الديوم الغربية يعني وقعت بين ديومين وتداخلت معهما وحصلت مشاكل الحدود وتقاربها كمان
| |
|
|
|
|
|
|
Re: هلموا !!!! حصاد الذاكرة الاولية فى احياء الديوم الغربية (Re: سيد محمد احمد سيدنا)
|
كتب سيدنا :
Quote: ومدرسة الخرطوم جنوب اثنين والاساتذه
الاجلاء النافعين ومحمد عابدين واستاذ
عثمان واستاذ حافظ |
هم ،، الأساتذة الاجلاء : - عثمان نافع - عمر نافع - محمد عابدين - عثمان محمد الحسن - عبدالحافظ الفضل
وبالطبع لن ننسى - مساعد الجاك قسم الله - سعيد خالد - صهيب عبدالرحمن العالم - نورين مهاجر - عبدالرحمن { ابوصلعة } - الرشيد أحمد عيسى - عبدالرحيم أحمد موسى
والناظر حسين شريف
| |
|
|
|
|
|
|
Re: هلموا !!!! حصاد الذاكرة الاولية فى احياء الديوم الغربية (Re: فيصل محمد خليل)
|
والله لو رجعتا 40 سنه لى ورا حتكون خارجتنى من الورطه الدنيويه الانا فيها دى! بس لو بتقبلوا مواليد اواسط السبعينات اقول ليك. نحنا اسرتنا اتولدت فى التعايشه وانا اتربيت فى القوز بالظبط لفة القوز الطاحونه الزمان مكان التبش بالشطه. وقريت فى هاشم عبدون الابتدائيه. اللى هيا الحله الجديده المزدوجه بنين. وقريت فى روضة ست منى وهو نادى كلى الان وانت ماشى من ظلط ابو حمامه لى القوز جوه شمال المدارس. كده كيف؟
| |
|
|
|
|
|
|
Re: هلموا !!!! حصاد الذاكرة الاولية فى احياء الديوم الغربية (Re: سميح جمال)
|
الاخ سيد سلامات الديم حى يستحق التوثيق ليس من ابنائة فقط . فهو قلعة رصينة فى خارطة الخرطوم وترس ومنارة فى كل المجالات لكم التحية وللامام
Quote: السجانه / الحله / القوز / الرميله / الاماب |
ونحن ناس الدرجة الثالثة امتداد طبيعى لكم بمعزل عن الحدود الجغرافية يا ابوساندرا التمازج موجود والديم يستوعب كل الخرطوم فى اعتقادى تستحقوا كل ماهو جميل يلا اثروا البوست ليكون دوما بالامام موقعة الطبيعى
| |
|
|
|
|
|
|
|