|
|
|
 Re: يا جماعة والله اشتقنا للمريخ واخوانو الصغار .... الدوري ببتدئ متين عليكم الله !!!! (Re: امير عوض الجمري)
|
الامير اميرنا
ايوة اخير نرجع لدوري العك والعجن بتاعنا ونمد رجلينا علي قدر لحافنا
وانتو تاني ترجعو للوصافة ولموقعكم الاصلي ,, مش لو جبتو الزهرة ياكم الوصيف وانتو ايضا مدو
رجلينكم قدر لحافكم وما تحلمو اكثر من كده .
قال زهرة قال,,,,,, وابقي سلم لي علي مازدا,,,, وخمسة سنين معاك ياوصيف
| |
 
|
|
|
|
|
|
|
|
Re: يا جماعة والله اشتقنا للمريخ واخوانو الصغار .... الدوري ببتدئ متين عليكم الله !!!! (Re: jini)
|
يا رشاشات يا حاقدين بينا وبينكم الميدان الأخضر
هسه آخر مرة الفاز على التاني منو !!!! نحن أبطال عموم السودان .
قال بكر وعوير قال هسه العوير منو إنتو المغلوبين آخر مرة وزولكم كل يوم شارد ترجعوه بالرجاله ولا أبطال مواندا ودار السلام .
أها أرجوا الراجيكم وشوفوا العراقيين ح يسوا فيكم أكثر من السوه في الامريكان إنشاء الله . وصدام الله يرحمه برحمته خلوه في قبره ماتجقلبوا ساكت .... هاهاهاهاها .
مودتي للجميع
عماد
| |
|
|
|
|
|
|
|
|
|
Re: يا جماعة والله اشتقنا للمريخ واخوانو الصغار .... الدوري ببتدئ متين عليكم الله !!!! (Re: امير عوض الجمري)
|
ود الجمري
لك التحية أيها المريخي البديع .
سيظل المريخ كوكبا عصيا تئن المركبات الفضائية للحاق به .
Quote:
وهنالك تغيير جزري في التشكيل
من حراسة المرمي وثلاثي الدفاع والوسط
|
الكلام دا لو صاح تبقي مصيبة ..
حراسة المرمي عرفناها لكن تغيير الدفاع والوسط كلو دا غلط في رائي ففي الدفاع يوجد سفاري وهو أميز مدافع سوداني في الفترة الأخيرة وكذلك هناك علي الطرف الأيسر موسي الزومة اللاعب الشاب صاحب الإمكانات البدنية والمهارية الكبيرة فهل يشمل التغيير في التشكيلة هذا الثنائي ..؟
لا اعتقد .
| |
|
|
|
|
|
|
|
|
|
Re: يا جماعة والله اشتقنا للمريخ واخوانو الصغار .... الدوري ببتدئ متين عليكم الله !!!! (Re: حمزاوي)
|
ود البشرى
شغل نضيف لكن
قال كمان بتمرنوا فى الرمال عشان زيادة اللياقة وكدة غايتوا لوما
جبتوا ليكم حارس مرمى ذى الناس لجنس الفوق دا واطاتكم اصبحت . وكاس السودان
لو ما اتباصى ليكم كان نستمتع فى منو السنة دى غايتوا الممتاز دا لا واليكم
يشوف لية طريقة ويفرتكوا ويرجع دورى الخرطوم الا تشموا . قال منظرنوا قال
أحمد خضر
اظهر بجاى ياحنين
شوف الازرق الوهاج جميل كيف نعمل شنو نحلى ليكم بوستكم شوية
| |
|
|
|
|
|
|
|
|
|
Re: يا جماعة والله اشتقنا للمريخ واخوانو الصغار .... الدوري ببتدئ متين عليكم الله !!!! (Re: بابكر التوم)
|
ود التوم يا عمك
ياخي عندي سؤال محيرني من السنة الفاتت
لو لاحظت مهند الطاهر في الصورة الأولى شايل الكاس بالشمال و بيشير باليمين للجمهور باصابعه الخمسة
كناية عن الخمسة سنوات المتتالية
السنة دي حبعمل شنو؟
حيحتاج لأصابع يدينه الإتنين عشان يكمل الستة
طيب يشيل الكاس كيف
يختو في الأرض - ما بتجي
يطلع معاه واحد يمسك ليه الكاس - عارضة الوصيفاب ديل ماأظنها تستحمل مع الطلوع السنوي دا
مشكلة
لكن مفروض نشوف ليها حل من أسي
ود الجمري بنهظر معاك ساي
أوعى تكون بطنك طمت بالجد
| |
|
|
|
|
|
|
|
|
|
Re: يا جماعة والله اشتقنا للمريخ واخوانو الصغار .... الدوري ببتدئ متين عليكم الله !!!! (Re: مجدي عبدالرحيم فضل)
|
ود الجمري
والله ضحكتني ضحك شديد
اول مرة اسمع الاخ الكبير بيقول ده اخوي الصغير
دايما الصغير بيحتمي بالكبير ( من زمن شكلات الشارع مع الوليدات- بنادي ليك وبكلم ليك اخوي الكبير)
اها جنس الكلام ده معناها انت عايز تثبت شي غير موجود زي لما تغالط واحد وتقول ليهو انا اكبر منك او بالعكس وتحسب سنين دراسته ودفعته منو
اها خلينا من الكبير ومن الصغير
خمسة سنين دي صعبة عليكم وكان تيمكم ياهو ناس هيثم جلت ( بتشديد اللام) والعجب وباقي الجوقة من هسه اخير ليكم الدوري يتلغي لحدس ماتجهزو لانه ناس الموردة السنة دي قالوا لازم يخشوا الكونفدرالية واسال الديبة الذي خرجكم من الدوري بالهزيمة وقرب علىالماس لولا ضربات الترجيح
يا راجل بعيدا عن الكورة مشتاقين كثير
تحياتي
جمال
| |
|
|
|
|
|
|
| |
امير عوض الجمري
مزاحم الضوي
مجدي عبدالرحيم فضل
بدرالدين يعقوب
عبدالله كع
زول ساكت
بابكر التوم
jini
طلحة عبدالله
طارق جبريل
انعام عبد الحفيظ
محمد البشرى الخضر
جمال السنوسي
فيس بوك
تويتر
انستقرام
يوتيوب
بنتيريست