|
|
 هرمون الاخلاص ...امانه ماوقع راجل
|
.
.
.
زمان كنا بنسمع انه الواحده
لما يكون راجله عاوز يعرس فيها
بتقشط جيبو اول باول
ومرات بتكره وتمشي تعمل ليهو عمل عند فكي
وحاجات وحاجات
لكن اليوم وقع في يدي مقال قمه في الروعه
في مجلة الحياه العلمية -اصداره السودانية
والمقال بتكلم على انه الحب تفاعل كيميائي لاغير
والقلب المعذبنا التكتحو ماعندو
والشغلانه كلها في الراس
اها الليله موضوعنا
عن هرمون اسمو الفاسوبريسين
انه الهرمون ده قالوا هو الهرمون المؤثر في الاخلاص بين الازواج
كما اسموه بهرمون اختيار الشريك
وقاموا عملوا تجارب على دامغة فيران الحقول والفيران الجبليه
وكانت النتيجه انه فيران الحقول فيران متعدده الزيجات عشان كده الهرمون ده
شبه منعدم لديها ...
اما فيران الحقول احادية الزواج فوجد ارتفاع نسب افراز هرمون الفاسوبريسين لديها
بل ذهبوا لابعد من ذلك ان حقنوا احد فيران الحقول
بذلك الهرمون فكانت النتيجه ان ازدادت حميميته
وارتباطه بانثاه
مهم الان بصدد دراسة التسلسل الجيني لهذا الهرمون
والله يستر
يعني لو المره شكت ساي انك بتلعب بي ضنبك
تقوم تعمل ليك في العصير كبسولتين تلاته بتاعت الفاسوبريسين ده
تقوم تتعلق بيها لحدي ما تمسك في طرف توبه وتمشي معاها محل ما تمش
وانا هسي انا بتخيل في مجموعه رجال ماشين في الشارع وكل واحد
ماسك طرف توب مرتو وبباري فيها هاهاههاهاهاهاه
هووووي الناس البره الماعرسوا اعملوا حسابكم
محن
البصاص
|
|
 
|
|
|
|
|
|
|
 Re: هرمون الاخلاص ...امانه ماوقع راجل (Re: العوض المسلمي)
|
Quote:
يعني الوحد كان عندي مرتين وشرب الكبسولتين
كل واحده سقته براها
يتقسم يعني و يكورك في الشارع داير يباريهم الاتنين
لا
المشكله قائمه شوفوا لينا حل |
والله يا المسلمي اخوي انت عارف الناس العندهم اتنين
ولي فوق ديل ما عليهم خوف لانو الداتا بيز بتاعتم
بتكون موزعه على كم سيرفر يعني امكانية تعرض
القرضنه على السيستم بتاعم صعيفه علشان كدي
من هسي كتر السيرفرات بتاعنك عشان تنوم هاني البال
وابقى قريب
البصاص
| |
|
|
|
|
|
|
|
|
|
Re: هرمون الاخلاص ...امانه ماوقع راجل (Re: أبو عبيدة البصاص)
|
.
.
.
اما السيروتين فامره تاني
قالوا انه وسيط كيميائي يعتمد عليه الدماغ في تنظيم سلوك الواحد
اذا زاد بتحصل الانبساطه الذي يتجاوز الضوابط الاجتماعية
اما اذا نقض فالكآبه والقلق فماصير الزول
يعني تاني ما نكتب بوستات حزن ووحده وكده
بس كل مره الواحد فينا ياخد شاكوش
طوالي اقرب صيدلية يشيل ليهو حقنه بتاعت السيروتين
ويعمل نائم
ولد ده
والله بالطريقه دي تاني لاقفا نبكي ولا ملاح ام رقيقه
اما اذا اضفت على السيروتين ده حبه بتاعت الاكسيتوسين
فالدنيا ستصير امامك منقه بس
لانو الاكسيتوسين ده هو الهرمون المسبب للراحه النفسية والبدنية
والشعور بالدفء والامان
مع انو شكلو كده بناتي من قصة الدف والامان دي
لكن برضو
تاني سهران الليل بحاكي النجمه دي تك مافي
قومن شتتن
تاني الواحده تجي تقدم السي في بتاعه ومعاهو المخصصات كمان
بلا حب بلا وجع راس
آخر تصريحات البصاص
6-2-2008م
اح ارتحنا
لكن بكره بنواصل باقي الهرمونات
يعني لو عاوز تكون نجم وبتلم فيك الحمام برضو
الناس ديل عندهم برضو الناس ديل جابو الفيرمون المعني بذلك
لكافة الاستشارات الخاصه
الاتصال بواسطة البريد الالكتروني الموجود في البروفايل بتاعي
د البصاص
| |
|
|
|
|
|
|
|
|
|
Re: هرمون الاخلاص ...امانه ماوقع راجل (Re: Deng)
|
.
.
.
Quote: البصاص.
ده مش عرق المحبة ذاتوا؟
دينق. |
تعرف يا دينق في احدى القنوات التلفزيونية العلمية
وتسمى ناشونال جرافيك
بتقدم سلسله من الافلام التسجيلية عن اصل الاساطير
بتتناول زي عرق المحبه ده وطوالي بصلوا لي نتائج
علمية بتدعم فكرة الاسطوره المذكوره
يعني في احتمال كبير انه يكون في علاقة ما بين
( عرق المحبه) وكوم الهرمونات والوسائط الكيميائية
الاطلعت عليها في المقال التحفه ده
دينق اخوي
سمعت بي مقولة الانف تعشق قبل العين احياناً
امسك الخشب والله الناس ديل بالطريقه دي حايطلعونا
كلاب بوليسية
المداخله الجاية يمكن نتناول الفيرمونات الاقوى من عرق المحبه ذاتو
تخيل معي رحلة الهلاك الذكورية في سباق الفوز بملكة النحل
ابان موسم التناسل الذي يفضي الى موت الفائز عقب التزاوج
وطرد الخاسرين خارج الخلية
البصاص
| |
|
|
|
|
|
|
| |
أبو عبيدة البصاص
العوض المسلمي
Deng
فيس بوك
تويتر
انستقرام
يوتيوب
بنتيريست