|
|
 *** حبوبا حبوبا ***
|
حبوبا .. حبوبا
لولايا.. لولايا..
كلام يونسنا ..
قمريه قوقايه..
حجاك يدغدغنا..
حنيه وآلايه..
لهيجك السكر ..
الحان ودوبايا ..
دميعتك الجاريه ..
فى الرايحه والجايا ..
تجبر الخاطر ..
زى غيمه مطرايا ..
حضنك الدافى ..
شديرة ضلايا ...
لقيمه تسندنا ..
فى بطينه صاصايا ..
جقيمه فى جوفنا ..
تزيل عطيشتنا ..
وتروى حرايا ..
رويحتك الحلوه ..
تناجى جوايا ..
هديمك البارد ..
يغطى بردايا ..
مسيحه من ايدك ..
تشفى مرضايا ..
بسيمتك السمحه ..
تضوى عتمايا ..
كلامك الصادق ..
يا يمه يا ضنايا ..
عطفك الزايد ..
بحسو فى حشايا ..
دخريك فى الدنيا ..
ابريق ومصلايا ..
سبيحه من سكسك ..
ودعواتك الغاليا ..
حبوبا.. حبوبا ..
لولايا.. لولايا ..
ربى يخليكى ..
وتشوفى لهنايا ..
اسماء الجنيد / مسقط
**
الله يخلى حبوباتنا ويرحم الاموات منهن
يا حليلن وحليل محنتهن القبيل
|
|
 
|
|
|
|
|
|
|
|
Re: *** حبوبا حبوبا *** (Re: د.محمد حسن)
|
حبوبه يا سوما
محفورة جوانا
في ذاتنا مرسوما
زاهيات تفانينا
الضاجة بي حنينا
ديماً تتابعنا
كان رحنا أو جينا
بالليل تحجينا
تغمرنا بالتحنان
بالحب تناجينا
مليانة بالإشراق
والحسن والإيراق
دي الباقية في الأعماق
والساكنة عينينا
شكراً الجميلة سوما على هذه اللفتة الجميلة
كل الود وأجمل الورد
| |
|
|
|
|
|
|
|
|
|
Re: *** حبوبا حبوبا *** (Re: حمزاوي)
|
في خضم القذائف و المعارك و القنابل و الرصاص ,,,
و الزغاوة و تشاد و السودان و الأحزان ,,
تعاسة الكلمات و إحتراق القيم المثلى و سط هدير المصالح الضيقة
تأتينا( حبوبا يا حبوبا) قالتها سوما ثم أهدتنا التنامي ,,
قصيدة بدفء كلماتها أهدتنا التسامي و السلام و الحنين ألى الدفء
و الأسرة في هذا الشتاء القارس ,, في مضمار أمسية لهب و نار ,,
سلمت يداك العزيزة سوما و الأسرة الكريمة ,, خبئينا بين جدران المحنة,
| |
|
|
|
|
|
|
|
|
|
Re: *** حبوبا حبوبا *** (Re: malamih)
|
سوما الغالية
(تربية الحبوبات) أحسن تربية لأنها تزرع بذور الاصالة والأعراف والتقاليد في أحفادها وحفيداتها ليستمر نهر الشخصية السودانية لاصيلة في الانسياب والتدفق مع مرور الزمن
يا حليل حبوبات زمان
حبوبات الزمن ده ممكن يخطبوها ويعرسوها تاني لانهم صغار السن واسمائهن حديثة ( حبوبة اريج - حبوبة نهى - حبوبة تسنيم - حبوبة علا)
نحن غايتو من زمن حبوبة فاطمة وعشة وام الحسن وست البنات وست الجيل و..... الخ
الله يحفظ لكل زول حبوبته
| |
|
|
|
|
|
|
|
|
|
Re: *** حبوبا حبوبا *** (Re: soma)
|
سوما الغالية
اتصوري لما بنادي حبوبتي بناديها كدة حبوبا حبوبا ، اسالها عاملة كيف و صدقيني هي لو زعلانة ه القاها بتعاين لي و ببسمة بتقول لي ذي الفل
اه و الله بوستيك دي جاء في صميم القلب
اسالكم ليه دايماً حاجات زمان بنقول عليها اصيلة و محتفظة بالاصالة ، و لية دائماً بسمع من حبوبتي او حتي امي تقول لي زمنك دة زمن ... اعوذ بالله زمن اليايا و التابا جيلكم دي جيل غريب و يقعدوا يسترسلوا في حكايات كلها خرافية و تحس بيها فعلا من زمن جميل
ياربي المخيلة بتلعب دور و لا فعلاً زمنا دة غريب و عجيب
| |
|
|
|
|
|
|
|
|
 Re: *** حبوبا حبوبا *** (Re: soma)
|
كيفك يا سوما؟ مشتاقين كتير.
بوست حنين جداً جداً..كما عهدنا كل بوستاتك..
رجٌعني لزمن جميل كانت فيهو الحبوبة بتلولِي و بتحجٌي و بتطوٌل بالها..
هذا النوع من الحبوبات - للأسف - في طريقه للإنقراض.
حبوبات القرض و اللبخة و الموص و زيت السمسم إنتهو..
حسي في حبوبات حنينات - ما قلنا شي -
لكن بتاعين آنتي - بايوتك و آنتي-هيستامين!
| |
|
|
|
|
|
|
|
|
|
Re: *** حبوبا حبوبا *** (Re: mamkouna)
|
اهلا حباكم بقلدة امات
و دعوات حبوبات
Quote: سوما يا حبوبة
وفعلا
رحم الله حبوباتنا
ومتع العايشين بالصحة والعافية
كلامك حلو |
****
د/ محمد حسن طلتك الاحلا يعلم الله
شكرا ليك يا شفيف
شكرا محنة حبوبة
***
حQuote: بوبه يا سوما
محفورة جوانا
في ذاتنا مرسوما
زاهيات تفانينا
الضاجة بي حنينا
ديماً تتابعنا
كان رحنا أو جينا
بالليل تحجينا
تغمرنا بالتحنان
بالحب تناجينا
مليانة بالإشراق
والحسن والإيراق
دي الباقية في الأعماق
والساكنة عينينا |
***
مجاهد الحنين
دخرى السمحين
وركازة الطيبين
صدقت والله يا مجاهد يا جميل الدواخل
احساس صادق لا ينبع الا من دواخل نقية
تسلم ويسلم احساسك العالى
Quote: شكراً الجميلة سوما على هذه اللفتة الجميلة
كل الود وأجمل الورد |
شكرا ليك انت يابا على محنتك الموكرة جوة الضلوع
شكرا على كل الروعه الجاتنا منك
***
Quote: اختي الشاعرة سوما
مسكاقمي
التحية لكل الحبوبات
الله يعطيهن العافية والصحة
ويديم الود
|
الخال الحنين حمزاوى
مسكاقمى
وحبابك الف ويديك الصحة انت يا خال
ويمتعك بالصحة والعافية وسط وليداتك لما تبقى جد
شكرا جدو حمزاوى طلتك دائما سمحة 
| |
|
|
|
|
|
|
|
|
|
Re: *** حبوبا حبوبا *** (Re: soma)
|
حوا حبوبة
ياحسنا المكبوت
يانغمة طيبوبة
السمحة ياسمحين
ماشة في دروبا
الخير بيبراها
محتوت في مركوبا
ريحة جروف النيل
بخورا في توبا
معتوقة من الشين
يايمة حبوبة
ماتبكي يايمة
خليكي مطروبة
مافاتت بعيد بالحيل
جوّانا محبوبة
لانامت وسابت زول
رويحتو مكروبة
كانت الطيبة
هيّ ياها عيوبا
شاييها في ذكراي
لبينتو من توبة
أكلها الطاعم
كِسرتا وروبا
ماقلتا جاياكي
في دلقو يا نوبة
ليه فتي من بدري
أحلامي يادوبا
في إيدك إتشالت
غسّلتي معيوبا
حبوبة بالله
همي إتشتت
يوم قلتا جاياكي
روحي إتختت
في قلبك السامي
كيف نبضو إتوقف ؟؟
وأنا فيهو جواكي
وليه قلتي راجياني ؟؟
وأنا روحي تبراكي
آه.. ياإنتا يامارس
ياإنتا ياهمي
على حزني كم حارس
ياإنتا ياوجعي
كم شلتا كم فارس
ضميت كمان ستي ؟؟
يايمة مشتاقة
أتغطى بي توبا
وحسها الخافت
ماشفتا مغضوبا
ياحليل بسيماتا
دواها وحبوبا
ستاركي وبناتا..
موجوعة في قلوبا
الكلمة كان سمحة
جوّاكي معروبة
والسمحة كان موية
والله مشروبة
ياحليل حكاياتا
عن بلدي والحوبة
ياحليل مشاويرا
يايمة حبوبة
أبكي يانيلها
ماإنتا محبوبا
4-مارس 2007
Quote: الله يخلى حبوباتنا ويرحم الاموات منهن
يا حليلن وحليل محنتهن القبيل |
يامين سوما الحنينة..
| |
|
|
|
|
|
|
|
|
|
Re: *** حبوبا حبوبا *** (Re: تماضر الخنساء حمزه)
|
Quote: في خضم القذائف و المعارك و القنابل و الرصاص ,,,
و الزغاوة و تشاد و السودان و الأحزان ,,
تعاسة الكلمات و إحتراق القيم المثلى و سط هدير المصالح الضيقة
تأتينا( حبوبا يا حبوبا) قالتها سوما ثم أهدتنا التنامي ,,
قصيدة بدفء كلماتها أهدتنا التسامي و السلام و الحنين ألى الدفء
و الأسرة في هذا الشتاء القارس ,, في مضمار أمسية لهب و نار ,,
سلمت يداك العزيزة سوما و الأسرة الكريمة ,, خبئينا بين جدران المحنة, |
ملامح الحنين
الشوق نيلين
شايل المحنة دائما فى كفوفك
وحاضنها فى دواخلك النقية
طلتك دائما بترش ساحاتنا عطر
وتفرهد بوادينا خدار يانع
الكلام الجاى منك مو غريب على زولا موكر بحب الجدود وتراثهم
سلالة الادب والفكر والشعر
يديك الف عافية يا ملامح يا مرهف
ربى يسعدك قدر ما بتسعدنى بى طلاتك الحنينة زيك
شكرا حجا حبوبات
| |
|
|
|
|
|
|
|
|
|
Re: *** حبوبا حبوبا *** (Re: soma)
|
Quote: حبوبا .. حبوبا
لولايا.. لولايا..
كلام يونسنا ..
قمريه قوقايه..
حجاك يدغدغنا..
حنيه وآلايه..
لهيجك السكر ..
الحان ودوبايا ..
دميعتك الجاريه ..
فى الرايحه والجايا ..
تجبر الخاطر ..
زى غيمه مطرايا ..
حضنك الدافى ..
شديرة ضلايا ...
لقيمه تسندنا ..
فى بطينه صاصايا ..
جقيمه فى جوفنا ..
تزيل عطيشتنا ..
وتروى حرايا ..
رويحتك الحلوه ..
تناجى جوايا ..
هديمك البارد ..
يغطى بردايا ..
مسيحه من ايدك ..
تشفى مرضايا ..
بسيمتك السمحه ..
تضوى عتمايا ..
كلامك الصادق ..
يا يمه يا ضنايا ..
عطفك الزايد ..
بحسو فى حشايا ..
دخريك فى الدنيا ..
ابريق ومصلايا ..
سبيحه من سكسك ..
ودعواتك الغاليا ..
حبوبا.. حبوبا ..
لولايا.. لولايا ..
ربى يخليكى ..
وتشوفى لهنايا |
الرائعة شعارتنا سوما
سلامات وكلك جمال احساس
عالي وقيم انسانية جميلة
وتسلم حروفك
| |
|
|
|
|
|
|
|
|
|
Re: *** حبوبا حبوبا *** (Re: مدثر محمد ادم)
|
سلام ومحنة للجميع ..
فى البداية اسمحوا لى اتعضر على قول حبوباتنا
النعمنو جيت ارد ليكم واطايبكمبى مهلة وونسة فى السهلة
لقيت بكرى طابل حوشواومدكروا بى عود ماااكن قال لا خميس
لا جمعه زول يجينى ناطى مافى .. التقول كان قاعد فى داخلية
وطبعا يا الحبان ما منكم مغتى ولا مضارا ..
ما بفضا تب الا الخميس والجمعه
النبى فيكم امسحواها لى فى طرف توبى العاجبنى ده 
Quote: سوما الغالية
(تربية الحبوبات) أحسن تربية لأنها تزرع بذور الاصالة
والأعراف والتقاليد في أحفادها وحفيداتها
ليستمر نهر الشخصية السودانية لاصيلة
في الانسياب والتدفق مع مرور الزمن
يا حليل حبوبات زمان
حبوبات الزمن ده ممكن يخطبوها ويعرسوها تاني
لانهم صغار السن واسمائهن حديثة
( حبوبة اريج - حبوبة نهى - حبوبة تسنيم - حبوبة علا)
نحن غايتو من زمن حبوبة فاطمة
وعشة وام الحسن وست البنات وست الجيل و..... الخ
***
الاخ العزيز جمال السنوسى
شكرا على سماحة الطلة
صدقت والله يا حليل محنة الحبوبات ..
والسعيد يكون اتربى فى كنف جده وحبوبته
الزول العايش او اتربى مع الحبوبه بكون ظاهر
يقولوا ليك فلان ده ولا فلانه دى حنينه بتكون تربية حبوبة
ضحكتنى بى حبوبات الزمن البعرسوهم
وبركة البقيت انت من ناس القديم
لو قلت غير كده كان الواحد شب ليك فى حلقك وقال ليك كضبا كاضب
شكرا جمال يا وريف...
الله يحفظ لكل زول حبوبته |
***
Quote: سوما الغالية
اتصوري لما بنادي حبوبتي بناديها كدة حبوبا حبوبا
اسالها عاملة كيف و صدقيني هي لو زعلانه
القاها بتعاين لي و ببسمة بتقول لي ذي الفل
اه و الله بوستيك دي جاء في صميم القلب
اسالكم ليه دايماً حاجات زمان بنقول عليها اصيلة و محتفظة بالاصالة
و لية دائماً بسمع من حبوبتي او حتي امي تقول لي زمنك دة زمن ...
اعوذ بالله زمن اليايا و التابا جيلكم دي جيل غريب
ويقعدوا يسترسلوا في حكايات كلها خرافية و تحس بيها فعلا من زمن جميل
ياربي المخيلة بتلعب دور و لا فعلاً زمنا دة غريب و عجيب |
الحبيبه سحر يوسف
سلام يا حنينه من بطن الامات
لانك حنينه يا سحر بتنادى حبوبة بى محنة
عارفة الزمن اتغير ليه ؟ او بالاصح ليه جيل اليوم ما زى اول ؟
فى البداية التحية للوالدة الحنينة زيك
وادتك من حنانهاالكتير ودافىء
نرجع لى سؤالك
لاسباب كتيره .. انعدمت فى زمنا اليوم منها الحياة السهلة
والبساطة والحبوبه الزمان زى ما ذكروا بعض الاخوان
متمسكة بعادات وتقاليدنا وموروثاتنا السمحة
الابناء نفسهم عندهم معزة واحترام للاباء اكتر من جيل اليوم
المشاتر مع التكنلوجيا المشاترة
عذرا سحر الحنينة اختصرت ليك الاجابة حسب رأى فى نقاط مهمة
ويا ريت لو لقينا اراء تانية من زوار البوست الاعزاء
شكرا ليك بعمق المحنةالفيك ...
***
Quote: كيفك يا سوما؟ مشتاقين كتير.
بوست حنين جداً جداً..كما عهدنا كل بوستاتك..
رجٌعني لزمن جميل كانت فيهو الحبوبة بتلولِي و بتحجٌي و بتطوٌل بالها..
هذا النوع من الحبوبات - للأسف - في طريقه للإنقراض.
حبوبات القرض و اللبخة و الموص و زيت السمسم إنتهو..
حسي في حبوبات حنينات - ما قلنا شي -
لكن بتاعين آنتي - بايوتك و آنتي-هيستامين! |
ممكوووونة وبالسمح مسكوووونة
مشتاقين يا نوارة
طلتك انتى والله الحنينه يا ممكونه
طبعا تعليقك على حبوبات الزمن ده ضحكنى جدااااا
وضحك الحوالينى
جد كلامك صاح يا حليل حبوبات زمان ومحنة زمان
وعادات وتقاليد زمان
تسلمى يا حنينة وشكرا لطلتك السمحة زيك
شكرا ممكونه حجوة فاطمة السمحة
| |
|
|
|
|
|
|
|
|
|
Re: *** حبوبا حبوبا *** (Re: soma)
|
Quote: حوا حبوبة
ياحسنا المكبوت
يانغمة طيبوبة
السمحة ياسمحين
ماشة في دروبا
الخير بيبراها
محتوت في مركوبا
ريحة جروف النيل
بخورا في توبا
معتوقة من الشين
يايمة حبوبة
ماتبكي يايمة
خليكي مطروبة
مافاتت بعيد بالحيل
جوّانا محبوبة
لانامت وسابت زول
رويحتو مكروبة
كانت الطيبة
هيّ ياها عيوبا
شاييها في ذكراي
لبينتو من توبة
أكلها الطاعم
كِسرتا وروبا
ماقلتا جاياكي
في دلقو يا نوبة
ليه فتي من بدري
أحلامي يادوبا
في إيدك إتشالت
غسّلتي معيوبا
حبوبة بالله
همي إتشتت
يوم قلتا جاياكي
روحي إتختت
في قلبك السامي
كيف نبضو إتوقف ؟؟
وأنا فيهو جواكي
وليه قلتي راجياني ؟؟
وأنا روحي تبراكي
آه.. ياإنتا يامارس
ياإنتا ياهمي
على حزني كم حارس
ياإنتا ياوجعي
كم شلتا كم فارس
ضميت كمان ستي ؟؟
يايمة مشتاقة
أتغطى بي توبا
وحسها الخافت
ماشفتا مغضوبا
ياحليل بسيماتا
دواها وحبوبا
ستاركي وبناتا..
موجوعة في قلوبا
الكلمة كان سمحة
جوّاكي معروبة
والسمحة كان موية
والله مشروبة
ياحليل حكاياتا
عن بلدي والحوبة
ياحليل مشاويرا
يايمة حبوبة
أبكي يانيلها
ماإنتا محبوبا |
تمااااضر يا حنينه سلام بى قلدة الامات
تسلمى يا ستهن على الطللة المجيهه على قول مهيرة
بالله سلمى عليها
القصيدة بالحيل حنينة ومعبرة
مفرداتها جميلة جده ومعانيها اعمق
تسلمى يا غالية
وشكرا محنة حبوبات
****
Quote: الله عليك يا سوما
رجعتينا لأيام نفتقدها
ولدفء فارقناه
الله يخليهم لينا ويخليك يا سوما
ويسكن الجنة من مات منهن |
اخوى بلة سلامات يابا
تسلم يا العشا على مرورك السمح
زمنهم ما بتنسى يا بلة يا خوى
اللهم آمين يا رب العالمين
ربنا يرحم الاموات ويخلينا لينا باقى الحبوبات الحنينات
شكرا اخى فرحة قبيلة
***
Quote: بالأصاله عن نفسي..وبالأنايه عن كل الحبوبات ..الورد هديه..
حركات حبوبات مودرن شويه...
جميله يا سوما... |
منى الحنينه
سلام يا اغلا وارق حبوبة
تسلمى على الطلة والهدية السمحة
منورة والله ومليون مبروك نكرر تهانينا للبنية
شكرا يا غالية شكرا فرحة حبوبه بى حفيدها
***
Quote: الرائعة شعارتنا سوما
سلامات وكلك جمال احساس
عالي وقيم انسانية جميلة
وتسلم حروفك |
مدثر يا شفيف تسلم يا ذوق
كتر الف خيرك على تعبيرك الندى
شكرا على مرورك الاسعدنى جدا
شكرا اخى مدثر محنة حبوبات
التحية للجميع وتسلموا
| |
|
|
|
|
|
|
| |
د.محمد حسن
مجاهد عبد الرحمن
جمال السنوسي
Sahar Yousif
mamkouna
بله محمد الفاضل
Muna Khugali
فيس بوك
تويتر
انستقرام
يوتيوب
بنتيريست