|
|
|
 Re: موقعي الجديد على الإنترنت (ملاحظاتكم مهمة) (Re: fadlabi)
|
مبروك يا زول يا جميل .
- أنيق .
- مريح للعين .
- الأسود و الأبيض عاملين عملات بديعات بديعات .
- مافي زحمة .. مافي دش كتير ما ليهو لزوم .
- المساحات الأبيض و أسود الأفقية دي موووت عديل , و نسبتها لبعض ظابطة صاح .
- شغل الفلاش اليبتلاشى بهدوء في تتابع الصور عامل حالة ناعمة .. سمحة و مريحة .
- من أجمل المواقع التشكيلية إخراج و تبويب .
- التبويب و أسماؤه ما تقليدية ( ملاحظة لـ amir jabir ) .
- رايق ياخ .. موقع رايق .
.....
ملاحظات ( بتاعت شوف بس ) :
- لو إتصغر الفونت بتاع عمود المحتويات اليسار السلايد شووووية ..
و إتسابت مساحة للأسود فوق من ( about me ) و تحت ( دفتر ) .. يكون دلع .
- w w w . f a d l a b i . c o m التحت صورتك دي , ما حتتا .. أظن .
- الخط الفاصل بين العمود اليمين و متن الماده لو بقى light gray !! .. لأنه كده الأسود الفيهو قوي و حاد شوية يا فاضلابي ( يقوم يقد ليهو عين زول ما صلى على النبي ) ..
- المكعبات الصغيرة على العمود اليمين ما موظفة .. او زاحة من مكان عناوينا .
- الصورة الرئيسة لو بقت على الشمال جوه التيكست يكون ما بطال .. بتوزن ( لأنه اليمين شكلو بقى تقيل من الصور ) .
معليش , ندمتك على طلب الملاحظات 
ثم إنك زول بديع يعلم الله .
| |
 
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: Emad Abdulla)
|
عمدة
و الله ما قصرت نهائي معاي
و ملاحظاتك رسلتها لماريوس و حاليا بنناقش فيها( غايتو المصممين ديل عكلتتهم وااااحدة) إنشاء الله في النهاية أقنعه يغير على الأقل جزء منها لأنه كلامك منطقي بالنسبة لي
دايرك ترسل لي لنك موقعك عشان أخته عندي
و شكرا كتير يا فنان يا جميل
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: fadlabi)
|
الفنان محمد ود دكتور علي
احيك علي علي الموقع الجميل والفنان .. والي مزيد من الابداع الفني .. بس لو الموقع جاب لينا صور وسيره الرجل العظيم دكتور علي .. وبرضو شئ عن قرية الفاضلاب الوادعه التي تحتضن النيل قبالة عطبره ..
ولك ودي وودعمي
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: fadlabi)
|
اضافة حقيقية للفنون السودانوية
نفخربك ونعتز ولك كل الأحترام
وانت تشع فنا لكل العالم
اما السيرة في دفترك الخاص
شجن السنين وذكريات الزمن الجميل
الموقع وجمال السود
وتدرجات الرمادي
وبداعة التصمبم
تنقلنا الى جمال الأبداع السوداني
لك المودة والتحية لمدينة الحلوة والتي ننتظرها
في موقعنا اطفال السودان
محبتي واسرتك بكل خير
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: AnwarKing)
|
انور الملك غير المتوج
القصة دي شنو فيها محزن
الله حلاك ومرقك من جنس دي زرة
ده والله اجمل شاكوش
ياخي ربك بريدك وكشفه ليك
من بدري ..لكن تعال
منو القاليك تمضي اسمك
خلاص الولد شاروخان
بالله كتر من الحكايات المحزنة
ابو مدينة الموقع تحت التشييد
لانو المسألة كبرت خالص
والموقع من تصميم
ملتقى التشكييلين بالدوحة
وعلى رأسهم
نور الهادي خضر
وهيثم الطيب
وعثمان الجاك
ومحمد حسن هارون
وبنطلع فيهو على نار هادئه
اتمنى ان يعجبكم
مودتي
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: محمد سنى دفع الله)
|
الغالى السنى دفع الله
و الله اتذكرتك بى قصة الشاكوش البقولوا فى مناسبته مبروك , و الله التاريخ يعيد نفسه, و الله الشاكوش حلو و صاحبو حلو...بتذكر لمن انا و انت و مصطفى الخليفه بعد ما انا اتزوجته و حصلت الجرسه
و جيت شاكلتكم و قلت ليكم ليه ما منعتونى قام مصطفى الخليفه بخوف كده قال لى و الله كلمتك و قلت ليك يا حاتم اعمل حسابك و انت ما سمعت الكلام, قمت قلت ليكم ما كفايه ما كفايه ما كفايه(كريشندو-اخراج ) ما كفاياااااااا تكلمونى كنتو تمسكونى و تجلدونى و ان دعا الامر اخسونى.......
الغالى السنى لك مليون مليون سلامات
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: AnwarKing)
|
كده يا أنور شوف أنا لقيت شنو وأنا بقلب في الفيس بوك
يعني غايتو شناة شديدة.. البركة في كوريا دي ساكت والله صلحت الخلقة
ليها حق تديك شاكوش 
يا زول والله هي الخسرانة
طبعا ده حنك الأصحاب الواااااااااحد بعد دبرسة الشاكوش
هو عليك الله الزولة كبعتك شاكوش كده كو بكامل قواها العقلية... لامن حست بنشوة.. تكون خسرانة كيف يعني؟
غايتو الله يخلي الأصحاب
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: fadlabi)
|
الاخ فاضلابي
موقع جميل وما لفت انتباهي اكثر هو تصميم الهيدر (رائع)
ملاحظاتي
فتح الصفحة الرئيسية بطى نوعا للمتصلين بسرعات نت بطيئة
وذلك للفلاش الكثير الموجود علي الصفحة الرئيسية
واقترح ان يضاف رابط ويسمى gallary وتوضع فيه جميع الرسومات
كصور ثابتة وليس كفلاش ويوضع تعليق تحت كل صورة وتاريخها وبعض التعليقات البسيطة التي تساعد غير المختصين علي محاولة الفهم ...
الـ target visitors ولغة التصفح اما تكون عربية كاملة او انجليزية كاملة
ورغم جمال محتوى الرابط (دفتر) فانه لايتناسب مع الموقع كموقع باللغة الانجليزية
استضافة الموقع يجب ان تكون علي دومين منفصل باسم fadlabi
ويلاحظ عند فتح اي رابط فان الرابط يقودك لـ
sofresh.no
وكعموم موقع جميل وإضافة - الف الف مبروك
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: الطاهر عثمان)
|
الأخ الطاهر
أولا مشكور على الزيارة و على وقتك الغالي و على ملاحظاتك القيمة
موضوع الفلاش تشاورت فيه طويلا مع ماريوس صديقي الطيب مصمم الموقع و قد كانت حجته أن الإنترنت غالبا الآن سريع و إن لم يكن أحيانا فهو في طريقه الى ذلك .. و لكن حجتك عندي أقوى و قد لاحظت أن جميع المواقع الكبيرة تصميمها غالبا بسيط جدا و لا يحوي فلاش لنفس الأسباب التي ذكرتها.. سأناقش صديقي مرة أخرى ربما أنجح في إقناعه
موضوع العربي و إنجليزي نحن نحاول حله الآن و ربما نصمم صفحة جديدة عربية و نضع خيار باسمها لكن الموضوع بياخد حبة وقت خصوصا إننا ما كملنا الصفحة الحالية للآن
أما الدومين فقد تم شراءه و سنحول الموقع قريبا إليه
وشكرا كتير على ملاحظاتك القيمة
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: fadlabi)
|
الاخ فاضلابى
اولا مبروك لان هذه اشياء لم تكن متاحة لنا فى شبابنا, و عليه فانت محظوظ لان متحمس لموقعك, خطوة جميله و افكارك راقيه و الجميع فى حاجة لمعارفك و علمك و الذى نتوقع ان يفيدنا كثيرا, ارجو منك الانتباه و التدقيق على الاملاء و التى قد تتسبب فيها الطباعة,,, امياتى لك بالتوفيق و ارجو ان نستفيد من خبراتك لاننا نخطط انا و اسرتى انشاء موقع قريباانشاء الله ... غير ان العمل يأخذ جل وقتنا, و ربما نساهم معك كمنبر فى المستقبل.
لك التحية و الامنيات بالتوفيق
| |
|
|
|
|
|
|
|
|
|
Re: موقعي الجديد على الإنترنت (ملاحظاتكم مهمة) (Re: حاتم محمد محمد صالح)
|
الأخ حاتم
فعلا واحدة من محاسن زماننا الإنترنت .. و الحمد لله إنكم حضرتوا الزمن السمح و حضرتوا زمن الإنترنت.. يبقى مين المحظوظ
و تمنياتي بالتوفيق في موقعكم الذي بإذن الله سيكون جميلا جدا
الإملاء سأقوم بالتدقيق فيها و مراجعتها و قد يكون بعضها ناتج عن تسرع و ربما عن عدم دراية .. سأحاول أن أستعين بقاموس إنجليزي و مراجعة كل المكتوب
شكرا على تنبيهي
و أدينا خبر لمن تخلصوا الموقع عشان نتعاون و نضيف موقعكم لقائمة الروابط ..
| |
|
|
|
|
|
|
| |
fadlabi
yumna guta
amir jabir
Emad Abdulla
Abdel Aati
اينانا
انعام حيمورة
محمد عبد الماجد الصايم
AnwarKing
حاتم الياس
محمد سنى دفع الله
الملك
احمد العربي
الطاهر عثمان
bent-elassied
فيس بوك
تويتر
انستقرام
يوتيوب
بنتيريست