|
نقد يتلقى رسالة من اهل الله
|
تلقى الأستاذ محمدابراهيم نقد السكرتيرالعام للحزب الشيوعى من د. مصطفى نجم البشارى الامين العام لنداء اهل الله بالسودان لاصلاح ذات البين بدارفور، رسالة اكدت على تقديرها لدور الحزب الشيوعى ورؤاه لحل مشكلة دارفور مشيرة الى تطابق الرؤى والتصميم على السير على نهج توثيق العلائق المشتركة وتبادل الافكار والمقترحات بين كل القوى والشرائح والكيانات ذات الصلة بالنزاع بدارفور.
طالع الخبر ومواضيع اخرى هامة في جريدة الميدان صوت الشعب http://www.midan.net/nm/private/almidan/m2060/m2060.htm
|
|
|
|
|
|
|
|
Re: نقد يتلقى رسالة من اهل الله (Re: خالد العبيد)
|
Quote: والله الدجل ليس له حدود!!
|
هسع الدجل وينو والدجال منو ياعادل ؟
ناس رسلو رسالة والميدان نشرت رسالتهم بالإسم الأطلقوا على نفسهم
ولو كان كتبوا أهل العوض برضو الميدان كانت ح تنشر رسالتهم وبأسمهم المختار
| |
|
|
|
|
|
|
Re: نقد يتلقى رسالة من اهل الله (Re: أبو ساندرا)
|
ابو ساندرا سلامات
Quote: هسع الدجل وينو والدجال منو ياعادل ؟ |
الدجل هو "اهل الله "
اهلو كيف يعني ؟؟ اخوانو ؟؟ نسايبو ؟؟ قرايبو ؟؟ ولا عموم قبيلتو ؟؟
الدجال منو ؟؟
دي تفك شفرتها براك
او اقول ليك شنو وديها لي صاحبك بتاع الحركات
قال اهل الله قال ..
| |
|
|
|
|
|
|
Re: نقد يتلقى رسالة من اهل الله (Re: خالد العبيد)
|
العزيز دكتور تحياتي نحن من زمان أهل الله بس الناس ما بتقرأ صاح
الشريف تحياتي يا صديق وين اراضيك؟ حقيقة انا اول مرة اسمع بدكتور البشاري اتمنى مثلك مرور نصار وكمال وبكتاش وعبداللطيف لنستبين اكثر عن هذه الشخصية مودتي
عادل قيادة وجماهير ليبرو! ونهنئكم بانجازات ليبرو المتمثلة في جمع الدلاقين لجماهير اتبرة التي تنتظر المفكر الكبير عادل مفكر وقائد وجماهير ليبرو
ابوساندرا تحياتي ابوالزمل وتشكر على المرور الجميل ومبروك الجماعة عملوها في المثلثة!
| |
|
|
|
|
|
|
Re: نقد يتلقى رسالة من اهل الله (Re: خالد العبيد)
|
Quote: د. مصطفى نجم البشارى الامين العام لنداء اهل الله بالسودان |
بشاري شنو البقى من أهل الله؟؟؟ وبعدين هم اهل الله ديل منو البقى عندهم منظمة وامينها العام البشارى؟ كويس انو الخبر بقول " تلقى " ولم يقول "التقى" لأنو البشاري ده اذا قابل نقد ح يتحسس زمار حزامو الناسف أكثر من مرة قبل ان يمد يده لمصافحته.. وكان خلوهو معاهو دقيقتين براهو ح يضبحو من الاضان للاضان باسم اهل الله وتقربا لله ..
| |
|
|
|
|
|
|
Re: نقد يتلقى رسالة من اهل الله (Re: Ahmed Yousif Abu Harira)
|
شكرا يا ابوحريرة
تخيل البشاري اصبح من اهل الله,التاريخ لايرحم وارشيف الهند كتاب مفتوح ,اذكر قياده للاتجاة الاسلامى وتامره مع البوليس الهندى لزعزعة النشاط الطلابى ,تاريخ البشاري التامر العنف الخبث ,كيف يتحدث عن اصلاح ذات البين وماذا يريد من اهل دارفور,ولماذا تنشر هذه الرسالة فى الميدان ,هل هنالك فراغ لصفحات الميدان وتوقفت الاقلام والاخبار الشريفة,ولماذا تساعد الميدان فى نشر اخبار اهل الله والشيطان فى مفهوم الازمة السياسية؟؟؟؟
| |
|
|
|
|
|
|
Re: نقد يتلقى رسالة من اهل الله (Re: elsharief)
|
Quote: ناس رسلو رسالة والميدان نشرت رسالتهم بالإسم الأطلقوا على نفسهم
ولو كان كتبوا أهل العوض برضو الميدان كانت ح تنشر رسالتهم وبأسمهم المختار |
العزيز/ابو ساندرا
و الله ما درتها ليك ...فأنت زول عزيز ... و لكنك كترتو ... بقيت اخطر من شيخ حسن في عملية فقه الضرورة... يا عزيزي أنت أعلم من غيرك ... بالاشارات التي ارادها الحزب الشيوعي من وراء هذه الرسالة ... (رسالة أهل الله) و هم قطع شك لا يشبهون اهل العوض في شيء... فلماذا تحاول ايهام الناس بان الرسالة عادية و كان ممكن تكون من اهل العوض؟ ده كلام ده يا ابي ساندرا؟ عموما رسالة (اهل الله) وصلت ... و رسالة الحزب الشيوعي التي ركبت علي ظهر رسالة (اهل الله )برضها وصلت... و الله شيخ حسن شايل النايحة ساي ... يا جماعة و الله التشاطر الكثير ده بضركم و بضر غيركم... احسن تخلوه!!
| |
|
|
|
|
|
|
Re (Re: خالد العبيد)
|
الاخ خالد العبيد العنوان Quote: نقد يتلقى رسالة من اهل الله |
قريتو بسرعة نقد يتلقى رسالة من الله قلتا يكون الاستاذ نقد بقى زى جورج بوش ولا شنو
| |
|
|
|
|
|
|
Re: Re (Re: Waeil Elsayid Awad)
|
خالد وابو ساندرا سلام
يعنى انا هسه لو رسلت رسالة للحزب الشيوعى الميدان بتنشرها ؟؟
واقوم من الصباح القى خالد عبيد فرحاااااااان بيها ومنزلها فى سودانيز ؟؟؟؟؟؟؟؟
ولا دا كلو بتم حسب اهمية الرسالة واحتفاء المرسل له بيها ؟؟؟؟؟؟؟؟؟؟
ياجماعة قولو كلام غير دا ..... البلد محتاجة ان تجهروا بالقول ان لا اهل لله ....
الحزب الشيوعى صاحب التاريخ الطويل والمشرف ،،،، لا نقول انو ما يحاور الناس
لكن كمان الكلام الفارغ يجب ان لا يعنى له شيئا ...... يرقى لحد النشر
وكانو ما مصدقين ،، او كانو رسالة هؤلاء الدراويش ح تديهم بعد او تعمل اضافة
ــــــــــــــــــــــ يا خالد ،،،، خلالالالالالاص فترنا من الدفاع عنكم ارحمونا يرحمكم الله !
| |
|
|
|
|
|
|
Re: Re (Re: دينا خالد)
|
Quote: ( الاشارات التي ارادها الحزب الشيوعي من وراء هذه الرسالة ... ( رسالة أهل الله ) و هم قطع شك لا يشبهون اهل العوض في شيء ...) ( رسالة ( اهل الله ) وصلت ... و رسالة الحزب الشيوعي التي ركبت علي ظهر رسالة ( اهل الله ) برضها وصلت... ) |
Quote: حسب اهمية الرسالة واحتفاء المرسل له بيها |
Quote: البلد محتاجة ان تجهروا بالقول ان لا اهل لله |
برير و دينا .. شكراً للقراءة الواعية .. و الصاح . ده شنو يا الميدان ؟؟ يا قول دينا .. فترنا ندافع عنكم .
| |
|
|
|
|
|
|
Re: نقد يتلقى رسالة من اهل الله (Re: حسن الجزولي)
|
Quote: نعم,,ما أهمية رسالة كهذه في الأساس لننشرها هنا أو هناك بكل هذه الإحتفائية والتهليل?!,,
|
UP..
P.S. Since when the Communist Party gets involved with groups before checking their backgrounds throughout its membership and Chapters... All my hope that this would turn out as just a piece of news one of the reporters found it very interesting What is going on with our Midan newspaper?
mohamed elgadi
| |
|
|
|
|
|
|
Re: نقد يتلقى رسالة من اهل الله (Re: Mohamed Elgadi)
|
عزيزى فيصل ...مسكاقنا
فى الواقع انا محتار من حالة الابن عادل .فما فتح بوست فى هذا البورد
عن الحزب الشيوعى الا ونط ابننا عادل بطريقة يتفوق بها على اولاد الاكروبات
وهات ياتقريق وهجوم كهجوم فيصل العجب فى مباراة زامبيا(بالمناسبة انا مريخابى) وقد
اعترفت بذلك رئيستة الاستاذة نور تاور فى مقال بجريدة الخرطوم حين قالت ان بعض
اعضائهم ممن كانوا اعضاء فى الحزب الشيوعى يوجهون ضربات تحت الحزام للحزب
الشيوعى... يابنى ياعادل انتة الان فى حزب جديد ولا يمكن ان يكون خط هذا الحزب
هو مهاجمة الحزب الشيوعى بمناسبة وبدون مناسبةلدرجة(التسطيح )والاسفاف احياننا.
كل حزب لة كل الحق فى استلام الرسائل من اى جهة دون ان يشكل ذلك التزام بما
تحوية هذة الرسالة من افكار . ثم اراك تمارس عملية تجريح دائمة للاستاذ محمد ابراهيم
نقد ودعنى اهمس فى اذنك يكفى الاستاذ انة قضى سنى عمرة كلها فى حلبة النضال
واهبا حياتة من اجل مايؤمن بة بينما ذهب آخرون للمناصب الوزارية والبحث عن رغد العيش داخل او خارج السودان ...رجل كهذا لاتملك الا الانحاء لة تقديرا واحتراما مهما اختلفت معة
تحياتى ........عمك كمال
| |
|
|
|
|
|
|
|