|
سودانيات في امريكا يستغثن !!!!!
|
في الولايات المتحدة الامريكيه ظاهره خطيره وسط المجتمعات والاسر السودانيه ... الكثير من الاخوات السودانيات طالبات الطلاق في المحاكم الامريكيه
صرحت لي احداهن ان زوجها لا شغل ولا مشغله ويرفض الخروج للبحث عن العمل وكسلان .. واخت اخري رأيها مختلف من الاولي .. وتري ان عدم خروج زوجها للعمل ما بيهمها وهي سعيده بانها تذهب للعمل كل يوم وتقوم بواجبات بيتها وزوجها ... وواصلت .. انا ما طلبت الطلاق الا بعد انه اصبح زوجها لا يقوم بواجباته المنزليه من نظافه وغسيل ومكوه وغسيل العده علي اكمل وجه
وسيده اخري قالت ان زوجها راجل ما حمش .. وهي عايزه ليها راجل حمش .. ومدمن كمبيوتر ...
الثلاثه اتفقن علي حاجه واحده .. ان يهجرن رجالهن في المضاجع ... وطلبن الطلاق ..
المصيبه اذا حكمت المحكمه بالطلاق ... الحا يقضي شهور العده منو ؟؟؟؟ الزوج ام الزوجه ؟؟؟
الله يكسفكم ... __________________
|
|
|
|
|
|
|
|
Re: سودانيات في امريكا يستغثن !!!!! (Re: SAMIR IBRAHIM)
|
اخي سمير تحياتي حتي هنا في السودان يزداد الطلب للطلاق يوميا والاسباب متعدده ولكنها لاتخرج من الاطار الواحد الغيبه او الهجران
ولكن وسيده اخري قالت ان زوجها راجل ما حمش .. وهي عايزه ليها راجل حمش اختنا دي معها الف حق فالرجل من غير غيره وخشونه فلا تسعد معه الزوجه
وموضوع مثير من يقضي شهور العده؟ خلي غيري يجاوب
وتحياتي
| |
|
|
|
|
|
|
Re: سودانيات في امريكا يستغثن !!!!! (Re: العوض المسلمي)
|
Quote: ولكن وسيده اخري قالت ان زوجها راجل ما حمش .. وهي عايزه ليها راجل حمش اختنا دي معها الف حق فالرجل من غير غيره وخشونه فلا تسعد معه الزوجه
وموضوع مثير من يقضي شهور العده؟ خلي غيري يجاوب |
السوداني الاصلي الاصيل المسلمي ...
والله حال الكثير اصبح يحنن ... والقلوب اصبحت ميته ... في مره من المرات زرت اخ من الاخوه الكرام وبدون خجله قال للوليه امشي السوبر ماركت جيبي لينا ((( علبة فول)) والله كنت عايز اقول ليهو يا اخونا انتا الفول ده حا تتطفحو كيفن والوليه هي الحا تمشي تشتريهو ليك .... ما بالك لو كانت هي العامله وهو الخامل ..
الكثير من المهيرات طولن رقابنا .. ومنهن الاخت من جنوب الوادي ..آدوي رياك المهاجره للولايات المتحده وابتدت حياتها بالعمل في افلام الكرتون وانتهي بيها المطاف ان تصبح من اشهر واكبر القانونيات في الولايات المتحده ....
تخريمه : زمن اغبر ... ولو ما زمن اغبر اصبح الرجل يفتش في الاجاويد عشان زوجتو ما تطلقو وتخليهو يعيش في البيت ... ..
كسفونا الله يكسفهم ...
| |
|
|
|
|
|
|
Re: سودانيات في امريكا يستغثن !!!!! (Re: SAMIR IBRAHIM)
|
سلامات للكل... غايتو الراجل الينوم ومرتو تمشي تفتش الرزق للبيت دا اخير يطلقوهو!! انا شخصيا اسعد كثيرا لما اشوف بت بلدي مهما كان مستواها التعليمي والاجتماعي - اسعد بيها وهي (تساهم) في رفع المستوي المعيشي لي بيتا!! وفي ذات الوقت يؤلمني تقاعس فئة مقدرة من الازواج بالذات فيما يعرف بدول الرعاية الاجتماعية- عن القيام بمسؤولياتهم ...
but divorce? that is not a good solution
التحية للمراءة العاملة .....والهم نعوذ بك من العجز والكسل ...وغلبة الدين وقهر الرجال!!
دمتم
ابو ياسين
| |
|
|
|
|
|
|
|