|
|
 يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن
|
تحياتي وأعضاء منتدى الحروف
لأعضاء المنبر والقراء
الشي شنو يا جماعة ؟؟؟؟
ألحقونا
يستضيف :
منتدى الحروف بمركز أصدقاء البيئة - الدوحة قطر
الطبيبة النفسية والناشطة في مجال حماية المرأة والطفل
ونائب رئيس اتحاد الكتاب السودانيين
د . ناهد محمد الحسن علي
في أمسية بعنوان " العلاقات خارج إطار الزوجية"
من منظور علم النفس
وذلك في تمام الساعة 7:30 من مساء الثلاثاء 29 يناير 2008م
الدعوة عامة
|
|
 
|
|
|
|
|
|
|
 Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عادل التجانى)
|
عادل التجانى يامدهش
ايه العنوان القنبله ده ,, انا قلت ياربى واحد من الجماعه عملها ,,
عموما اتوقع ان يكون الحضور كبير ,,, عشان كده كتر الكراسى ,,
خاصة وان الموضوع بقى ظاهره ملفته تستحق النقاش على الهواء الطلق ,,
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عادل التجانى)
|
سلام استاذنا ومبدعنا عادل التجانى
طبعا وقت فرزتو الكيمان شوفو اليجيكم منو ............
بس سجلوها لينا نشوفة اعادة بعد الحلقة ...........
ساكون خارج البلاد فى مؤتمر طبى اقدم اعتذارى من الان ....
وكدة كدة كنت حا اكون فى الصالة التانية اسمع الشكل واحجز بس غايتو شوفو ليكم حجاز غيرى .....
سؤال للدكتورة لو واحد مجكس ممكن يجيب جكسايتو ويجى اخد باعتبار ما سيكون ........؟
باللة يا عادل ما تنسى تسجل الحلقة فيديو ....للتوثيق........
لانى لاحظت فى ليلة ازهرى محمد على فقدنا التوثيق للفعاليات دى كلف الاستاذ فيصل الزبير وسيقوم بالمهمة خير قيام
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عادل التجانى)
|
د. ناهد
سلام.
لازم تبلغي الرجال ديل أن يتركوا قصة الخيانة الزوجية دي، لأن ذلك عواقبه وخيمة.
لأن الزوجات لن يسكتوا بعد ذلك وسوف ينتقمون من أزواجهن بنفس الطريقة، وبعد ذلك حنقول للحياة الزوجية مع السلامة والقصة ح تجوط.
وفي المسألة دي المتعلمة بت المدينة والقروية الغير متعلمة يفكرون بنفس الطريقة. لذلك على الرجل اليوم أن يحافظ على الاسرة السودانية قبل فوات الاوان.
دينق.
شكرا يا أخ عادل التجاني على البوست.
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: معتز القريش)
|
والله يادينق
شوف الماخايف منو
الحكاية فيها كلام تقيل وفلسفة
وحكاية عجيبة
وقالوا شنو كل واحد اجيب النصف التاني
عشان بجيبو يعني هي شنوكترة جماهير ؟
ولا راقدين فوق راي
النسوان ديل
يازول انا عامل حسابي
لكن لو شفت اخوك المصوراتي الجنا الحريف
بقى مجنون جن في فن التصوير
وفي كسير التلج
لي درجة بقى شايل معاهو مخرز
ومشتري ليهو نص لوح تلج
وقاعد في المكتب مبوظ لي قميصين
بالحتراب والتلج الدراش
يا معتز اعقل !!
يامعتز خلاص !!
وهو يكسر في التلج
والله تكتر تقلل
اكسر ليك التلج انت زاتك
الود ده ارق من نسمه
وبث
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عادل التجانى)
|
Quote: والله يادينق
شوف الماخايف منو
الحكاية فيها كلام تقيل وفلسفة
وحكاية عجيبة
وقالوا شنو كل واحد اجيب النصف التاني
عشان بجيبو يعني هي شنوكترة جماهير ؟
ولا راقدين فوق راي
النسوان ديل
يازول انا عامل حسابي
لكن لو شفت اخوك المصوراتي الجنا الحريف
بقى مجنون جن في فن التصوير
وفي كسير التلج
لي درجة بقى شايل معاهو مخرز
ومشتري ليهو نص لوح تلج
وقاعد في المكتب مبوظ لي قميصين
بالحتراب والتلج الدراش
يا معتز اعقل !!
يامعتز خلاص !!
وهو يكسر في التلج
والله تكتر تقلل
اكسر ليك التلج انت زاتك
الود ده ارق من نسمه
وبث |
السني يا أخوي.
والله كلامك ده كلام زول عاقل ومتابع وعارف هو بقول في شنو.
زولكم ود القريش ده ظلاميتوا طلعت بيش. القصة بقت عزف على الالات الموسيقية وتصوير مع الجكس وأخر رقيص وسكسكة وحاجات تانية حامياني.
بس أوع يكون أفتكر نفسوا بقى مستنير، لأن ذلك كارثة حقيقية على الاستنارة. بعدين ود القريش ده خايف من د. ناهد كده مالوا؟
لازم يكون داسي حاجة، أرجوا التحري في ذلك يا السني. وبعد الندوة ح يكون عندنا كلام تاني.
وأنت ذاتك يا السني أعمل حسابك، د. ناهد لا أستثنائات لديها. والظاهر هي جاياكم من السودان مخصوص.
دينق.
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: حسن طه محمد)
|
| Quote: اميرة والعزابة قلنا جوز جوز سألناكم من القسيمة ..؟! |
لووووووووووووول ..غايتو دى اخير منها تسألينامن القسيمة
يعنى جوز جوز دى تحتمل .. وبالصورة دى بنكون عايزيين ندوة تانية..
يعنى ممكن تكون فى علاقات ثلاثة ثلاثة وخمسة وخمسة؟؟
كدا المسألة اتلخبتت عندى ...
الصحافة30 ومحمدالطيب
من بوست ودرملية بتاع العرس شايفاكم برة الشبكة
روقو وفتحت ليكم نادى عزابة بهناك عشان ما تشيلو حالنا بالبوستات..
تعالو فضفضو بهناك بدل الجرسة الهنا دى..
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: معتصم محمد صالح)
|
صراحة الموضوع مهم جداً
لا أريد أن أقول أنه اصبح ظاهرة
ولكن للأسف توجد الكثير من الصور التي نشاهدها يومياً لعلاقات خارج إطار الحياة الزوجية
ومانشاهده من مآسي في الملاجيء وبعض الدور لهو أمر محير جداً
ومن يذهب لمشرحة الخرطوم يرى ايضاً الكثير من هذه المآسي
هناك الكثير من الخيانات التي تحدث يومياً
ومازلت مصراً على أن الموبايل له تاثير مباشر في هذه الناحية
أكيد هناك عوامل أخرى
ولكن كثيرون منا لايستخدمون الموبايل بالطريقة السليمة
لدي صورة بمقاس كبير جداً علقتها فوق بيتي
الصورة عبارة عن حمار يضحك
ومكتوب عليها " كل هذه الابتسامة الساحرة عشان سألنا الأخ الحمار عن استخدام الموبايل !!!
زيادة الثراء لدى البعض من ضمن العوامل
وكذلك هناك عوامل أخرى كثيرة لايسع المجال لذكرها
كثيرون يقولون لك العوامل الاقتصادية لها دور
ولكن لا اتفق مع الكثيرين في ذلك
فو توفرت القيم والمباديء لمات الكل بالجوع دون أن يفكر في ذلك
اصبحت الآن هناك ايضاً جراة غير عادية في موضوع العلاقات خارج اطار الحياة الزوجية
وكأن هذا الشيء طبيعي
لابد أن نواجه أنفسنا
وأن نتحدث عن الموضوع بكل جراة لايجاد حلول ناجحة تعيد الحياة الزوجية الى اطارها الصحيح
وتعيد علاقاتنا لتكون أكثر انسانية
أمنياتي للتوفيق للدكتورة
وأمنياتي لكل رب اسرة أن يهتم بأسرته
ولكل زوجة أن تهتم بزوجها حتى لايتلصص على الأخريات
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: زهير عثمان حمد)
|
الاخ زهير عثمان حمد ,,, تحياتى ,,
نظرا لانشغالها بالتجهيز لسفرها والعوده للسودان يوم الاربعاء فقد كلفتنى الاخت دكتوره ناهد بالرد عليك بخصوص دعوتكم لها بالحضور لدمشق , فهى ليس لديها مانع , خاصة
وانها مازالت فى اجازتها السنويه ,, ارجو لمزيد من التنسيق الاتصال بى على الرقم
009745901792
مع اكيد تحياتى ,,,
اخوك : كمال سالم ـ الدوحه ـ دولة قطر .
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عادل التجانى)
|
الاخ صاحب البوست صانع افراح السودانيين بدولة قطر ,,
الاخوه الاعزاء المتداخلين ,, تحياتى لكم جميعا ,,
( خارج اطار العنوان ) ارجو ان انقل لكم اعتذار الاخت دكتوره ناهد لعدم
تمكنها من الرد والمشاركه معكم بالكتابه فى هذا البوست نسبة لانشغالها فى
التجهيز لسفرها يوم الاربعاء بعد غدا عائده للسودان بعد انتهاء فترة زيارتها
لدولة قطر . لكنها قطعا سوف تقضى معكم غدا الثلاثاء وقتا ممتعا من خلال منتدى
الحروف . اتمنى للدكتوره عودا حميدا والف شكر لها فقد اضافت لربيع الدوحه
الذى نعيشه هذه الايام ربيعا اخر ,, كانت فيه كزخات المطر , ملآتنا ادبا وفنا
وعلما وشعرا ,, وقد كان لمشاركتها ايانا فى كل فعاليات احتفالنا بعيد الاستقلال
اثرا طيبا اعطى الاحتفالات طعما خاصا ,,,
بالتأكيد سوف نكون كلنا فى وداعها يوم غدا فى نهاية الندوة .
للجميــــع كل الحــــــب
كمال ســمال
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: Alsa7afa_30)
|
حضرت أمس جزءا من محاضرة الدكتورة ناهد ثم خرجت لاستقبال رئيس هيئة علماء السودان ومدير جامعة أم درمان الإسلامية
و كتبت مداخلة قصيرة قرئت عقب المحاضرة ، و سأجمل ما أخذته على المتحدثة من أخطاء شنيعة ، و لعله تتاح لي فرصة
للمواصلة في الرد التفصيلي بعد عودتي من السودان و سأسافر غدا بإذن الله لعيادة والدتي - عافاها الله - .
مجمل أخطاء ناهد :
1/ استدلت بعدد من الآيات الكريمة قرأتها جميعا خطأ و حرفت معناها بصورة شنيعة و بحديث واحد موضوع مكذوب يناقض
معناه القرآن الكريم .
2/ الدعوة للعقيدة الإلحادية ( وحدة الوجود ) .
3/ محاربة تعدد الزوجات و عدد من الأحكام الشرعية .
4/ تبني بعض نظريات علم النفس المخالفة للإسلام .
و قد قام الأستاذ عماد موسى بتلخيص محاضرتها و عقب عليها شفاهة و بين مخالفتها لتأصيل فكرة رفض التعدد
و غيرها من المخالفات الشرعية و التهجم على الشرع المطهر ، و سوف يرد عليها و على أسماء محمود محمد طه في مقالات تنشر
بالصف القطرية و سف أقوم بنقلها هنا إن شاء الله .
عبد الرحمن الطقي ،،،
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عبد الرحمن الطقي)
|
| Quote: / استدلت بعدد من الآيات الكريمة قرأتها جميعا خطأ و حرفت معناها بصورة شنيعة |
أنا حضرت متأخرا كثيرا بسبب ارتباطي بعمل ضروري
أؤكد على النطقة أعلاه التي أوردها الشيخ الطقي
فقد قرأت آية أمامي وهي تلحن فيها لحنا ظاهرا
وقد كتبت لها ملاحظتي هذه ولكن لم تُقرأ
أما باقي النقاط فلم أحضرها .
.
.
عنكبة :
عادل التيجاني
صحافة 30 سوف يتم اغتياله
الود بقا خطير في التصوير ...
.
.
باقي الصور عندنا بهناك في الحوش الوراني
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: Alsa7afa_30)
|
من محاسن الندوه ان تزامنت مع ذكرى استشهاد الاستاذ محمود محمد طه على ايدى الهوس الدينى وقد اشادت الدكتوره بأفكار وكتب الشهيد الاستاذ محمود محمد طه خاصة حول المرأه وذكرت بالحرف انها لم تجد فى الكتابات من المنظور الدينى فى السودان ما يماثل كتابات وافكار الشهيد حول المرأه وتكلمت عنه باحترام وتقدير .
ومن محاسن الندوه ايضا ان استمع الحضور الى الاستاذه اسماء محمود محمد طه ابنة الشهيد فى هذه الندوه ولقد مثلت ذلك الزمن الجميل الذى كان فيه الجمهوريون والجمهوريات يناقشون افكارهم ويقدمون كتبهم بأدب جم وبحجج ومنطق راقى بعيدا عن التعصب والتشنج الذى يقابلك به دعاة الهوس والتعصب الدينى الذين يرغبون فى اكراه الناس على قبول ارائهم واذا لم يقبلوها استلوا عليهم سيف التكفير والزندقه، ولقد دعت الاستاذه الحضور الى قراءة كتب الاستاذ ووجهتهم الى الالتجاء الى موقع الفكره الجمهوريه الالكترونى ( الفكره ) الذى توجد به كل كتب الاستاذ .
كما ان الدكتوره فى ردها على من عابوا عليها قراءتها من المنظور الدينى قد قالت ان النصوص ثابته ولكن واقع الحياة متجدد وقالت انها لا تنكر النصوص ولا تستطيع ولكنها تقرأها بفهم مختلف وهذا حق مشروع وقالت ان الكتب الفقهيه التى يستند عليها غيرها ليست مقدسه ولا تأخذ بها وكما يقولون هم رجال ونحن رجال ونساء وذكرت ان كثير من النصوص لم تنصرم مائة عام من وفاة الرسول حتى لم يعمل بها فمثلا ان سيدنا عمر بن الخطاب وعلى الرغم من وجود حد السرقه عطل هذا الحد فى عام الرماده وهو نص قطعى الدلاله وقالت هاهى المرأه قد خرجت الى الحياة والعمل فماذا يفعل السلفيون فى النصوص التى تقول وقرن فى بيوتكن ؟
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: عادل التجانى)
|
اختلف معها شاذلى فى مداخلته القيمه حول تركيزها على الرجل كأنه المشكله وذكر بأن المجتمع هو المشكله وهو الذى يقهر الطرفين وعاب عليها جعل الرجل فى مقابل المرأه ومن المستحسن تضامن الطرفين فى مواجهة ظلم المجتمع .
اختلف معها البروفيسور عثمان سيداحمد البيلى حول تفسيرها للعادات السودانيه فى رقيص العروس والزمام والرشمه والتى وصفتها الدكتوره بأنها نوع من انواع النخاسه ، فقال انها عادات سودانيه وفلكلور وطقس من الطقوس فى الجمال مثلها مثل البطان عند الرجال وغيرها
كما عابوا عليها تركيزها على وسط السودان دون البحث عن المرأه فى باقى اقاليم السودان والذى رأى بعض المتحدثين ان المرأه فى بعض اقاليم السودان هى التى تعمل منذ قديم الزمان وهى التى تحمل هم البيت وهى قد خرجت للعمل دون محرمات وتابوهات .
| |
|
|
|
|
|
|
|
|
|
Re: يا جماعة ألحقوا علاقات خارج إطار الزوجية بمنتدى الحروف د . ناهد محمد الحسن (Re: Alsa7afa_30)
|
يا عضوية منتدى الحروف
تحياتي
هذا البوست الذي فتح خصيصا لتغطية ندوة العلاقات خارج إطار الزوجية، التي نظمتموها ضمن سلسلة من ندوات درجتم في منتدى الحروف على تنظيمها، وهو أمر يحمد لكم، هناك أمر يبدو لي أنه خروج عما درجتم عليه في الندوات السابقة، وهو بالجد أثار لدي عدد من علامات الاستفسار، والتعجب كمان:
= فتح البوست في اطار الدعوة والاعلان عن الدعوة، و عنوان البوست يكشف كم الحماس لهذه الندوة (راجع تعليق عادل عثمان).
= أن البوست وحتى هذه اللحظة لم يقدم أي عرض أو ملخص لما دار في هذه الندوة.
= غاب التوثيق الحي (فيديو)، بينما شاهدنا وسمعنا تفاصيل ندوات المنتدى السابقة.
= أرجو وآمل ألا يكون هذا الغياب، تغييب!!!، وألا يكون ناجم عن آراء قيلت ضمن الندوة.
مع تحياتي
| |
|
|
|
|
|
|
| |
عادل التجانى
معتز القريش
Ishraga Mustafa
عمرو كمال ابراهيم
kamal ali
عمر سعد
Deng
محمد الطيب حسن
Alsa7afa_30
العوض المسلمي
محمد سنى دفع الله
ترهاقا
عبد الرحمن الطقي
حسن طه محمد
معتصم محمد صالح
ابوحراز
Adil Osman
زهير عثمان حمد
bent-elassied
عبد المنعم سليمان
محمد أبوالعزائم أبوالريش
wadalzain
nadus2000
فيس بوك
تويتر
انستقرام
يوتيوب
بنتيريست