|
|
 أبكي نفسك لمجرد أنك سوداني....انت قاعد في بلد مفروض يدقوا عليه دلالة
|
في بوست للاخت الكريمة فدوى الشريف تدعوفيه لمناصرة اخواننا في فلسطين ضد العدو الاسرائيلي الظالم بعنوان
| Quote: لا خير فينا ان لم نتألم لغزة - دعواتكم أخواني |
أحدى العضوات الكريمات قالت الاتي
Quote: يا فدو الشريف انت قاعدة في بلد مفروض يدقوا عليه دلالة ويبيعوه
لانه ما منه فايدة وما عنده وجيع! |
نحن بلدنا عزيزة يا سيدتي وعاجبانا وبنفخر بيها ونحن بلدنا نتحدابا....وانت خليك في البلد العاجبك وخلي السودان لاهله مافي داعي تعرضيه للدلالة
| Quote: ولكن انت من هي يفترض ان تبكي نفسها ليل نهار لمجرد انها سودانيه |
ابكي انت بالله لانك ارتضيتي تدليل بلدك نحن راسنا فوق اجعص جعيص ونفتخر باننا سودانيين وحا نمد يدنا نشحد جنسية مهما كان بياض لونها....نفرح باننا سودانيين ونعتز بذلك والعالم كلو بعرف من هو السوداني وماهو السودان .... ولنا عودة
فلا اباس ولا احزن من حال اي سوداني الآن!!
|
|
 
|
|
|
|
|
|
|
|
Re: أبكي نفسك لمجرد أنك سوداني....انت قاعد في بلد مفروض يدقوا عليه دلالة (Re: Nasir Ahmed Elmustafa)
|
بلادي أنا ....
بلاد ناسا مواريثم في أول شي كتاب الله
وخيل مشدود .... وسيف مسنون حداه درع
تقاقيهم تسرج الليل مع الحيران وشيخا في الخلاوي ورع
وكم نخلات تهب هب في جروف الساب وبقرة حلوبة تتضرع وليها ضرع
وساقية تصحي الليل مع الفجراوي .... يبكي الليل ويدلق في جداولو دمع
يخدر في بلادي سلام .. خدرة شاربي من مويه النيل .. تزرد في البوادي زرع
بلادي سهول .. بلادي حقول .. بلادي الجنة للشافوها أو للبره بيها سمع
بلادي أنا تكرم الضيف وحتى الطير يجيها جعان .. من أطراف تقيها شبع
بلادي الصفقة والطمبور .. بلادي بلاد من التاريخ من ترهاقا لي عن ميسنا
وناسا حنان يكفكفوا دمعة المفجوع
يبدو الغير على زاتم .. يقسموا اللقمة بيناتم
ويدوا الزاد .. حتى إن كان مصيرهم جوع
ديك أهلي ..
عرب ممزوجة بدم الزنوج الحارة ديل أهلي
ديل أهلي لما أدور أفصل للبدور فصلي
أقول بعضي .. ألاقيهم تسربوا في مسارب الروح بقوا كلي
أسياد قلبي والإحساس
وسافر في بحار شوقم زمان عقلي
محل قبلت ألقاهم معاي معاي زي ضلي
لو ما جيت من زي ديل .. كان أسفاي وا مأساتي وا ذلي
تصور كيف يكون الحال ؟
لو ما كنت سوداني وأهل الحاره ما أهلي
التحية والرحمة للشاعر الفذ إسماعيل حسن
......
التحية والود أخي Nasir Ahmed Elmustafa
| |
|
|
|
|
|
|
|
|
|
Re: أبكي نفسك لمجرد أنك سوداني....انت قاعد في بلد مفروض يدقوا عليه دلالة (Re: البشير دفع الله)
|
Quote: بلادي أنا ....
بلاد ناسا مواريثم في أول شي كتاب الله
وخيل مشدود .... وسيف مسنون حداه درع
تقاقيهم تسرج الليل مع الحيران وشيخا في الخلاوي ورع
وكم نخلات تهب هب في جروف الساب وبقرة حلوبة تتضرع وليها ضرع
وساقية تصحي الليل مع الفجراوي .... يبكي الليل ويدلق في جداولو دمع
يخدر في بلادي سلام .. خدرة شاربي من مويه النيل .. تزرد في البوادي زرع
بلادي سهول .. بلادي حقول .. بلادي الجنة للشافوها أو للبره بيها سمع |
تحياتي اخوي البشير ....ونعتبر دي بداية نفراء لعزة السودان
| |
|
|
|
|
|
|
|
|
|
Re: أبكي نفسك لمجرد أنك سوداني....انت قاعد في بلد مفروض يدقوا عليه دلالة (Re: Nasir Ahmed Elmustafa)
|
عذراء العروبة
رأيتها شاخــــــصةتنـــظر * بعينين من الدمع تنبع
وجهها كالبدر في حســـــنه * وبريقها كالنجم يلمع
تكسوها الـــــرقة والاصالة * وعن جمالها تسمع وتسمع
يشقها النيل العظيم بخيره * تغنى به الشعر وابدع
يا نسمة هلي علينا من رحابها * فنحن في شوق اليها ومدمع
أنجبتنا وهى عذراء العــروبة * فما نحن الا قوم للحق نرفع
راياتـــــنا خفاقة في سمائها * وعلى العرش مجدها تربع
وطـــــنا عزيزا علينا غاليا * وعْدُناإليه حتما سينفع
هي بــــــــلادى ومالى غيرها * من حبيب ورب الخلق اجمع
سوداننا في اعمــاقنا وقلوبنا * نموت فداه كبارا ورضع
خالد الفكي
| |
|
|
|
|
|
|
| |
Nasir Ahmed Elmustafa
البشير دفع الله
هضيبي علي سعيد
هيثم سعيد
حسين يوسف احمد
حسن الجيلى سعيد
الشعب السوداني وين
فيس بوك
تويتر
انستقرام
يوتيوب
بنتيريست