قالوا واحد مات الجماعة ودوهوا المقابر الساعة اتنين بي توقيت الأسكيمو اها الأمام قام يدعي ليه اللهم تجاوز عن سيئاته اللهم أدخله مدخل صدق عند مليكٍ مقتدر واللهم اللهم اللهم أغسله بالماء والثلج والبرد وفجأةً كدي المرحوم قام من القبر قال ليه عليك الله انت ما راجل حاقد
عليك الله تلج شنو في جنس السقطة دي
01-23-2008, 05:23 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
اشراقة عليك النبي انا لو الشفع الليل كلو ما ينومو بمرق في جنس سقطة زي دي هسة ساهي كانت جاتك الحمي أم برد اللبن داير يسويليك شنو علي اليمين مش حلة كوكو واللا أمستردام والله حليمة السعدية ما تعمل ليك حاجة
شكرن كتيرن!
01-23-2008, 06:28 PM
Ishraga Mustafa
Ishraga Mustafa
تاريخ التسجيل: 09-05-2002
مجموع المشاركات: 11885
لدرجة انو الصيف بقى مالافق معاى خاصة لمن درجة الحرارة تحصل 35 {شفت الفلهمة}
مرة فى زياراتى للسودان والناس كلها فى بيتنا ترجف رجفة عدوك كنت نايمة فى الحوش، الجو كان ربيعى بالنسبة لى الجلد ماتخن/ 15 سنة يا اخوى وخلاص حصل التحول الذى ادى الى تحولات جزرية وهلمجرا { جابت ليها سياسة كمان}
لكن بينى وبينك مرافىء بتى لمن تصحا بالليل وتقول لى مسخنة وانا كرعى باردات التقول نخرة الكلب { هو بالجد نخرى الكلب باردة؟}، اقوم افتح الشباك وللصباح مافى نوم رغم الدفايات الشغاله..
عيال ماتفرح الا تشوف الجليد نازل ونحنا مانفرح الا نشوف الشمس طالعة
شفت كيف؟
01-23-2008, 06:44 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
انتوا طبعاً أدري بأعتبارك اول حاجة متأثرة ودة حسب التغييرات الجزرية جابت ليها سلطة وكدة احتمال يكون عندك مراح كلاب في البيت وكمية من القطط السيامي لكن أكتر حاجة حيرتني كلام الأستاذة تراجي بنطلون لي سبعتاشر تحت الصفر يعني نحن ناس سبعة وتلتين فوق الصفر يعني لو عايزين لينا أندر وير علي اليمين الا كان نمشي ( أم فكُّو ساكت)
01-30-2008, 05:32 AM
Tagelsir Elmelik
Tagelsir Elmelik
تاريخ التسجيل: 11-25-2004
مجموع المشاركات: 4028
قلت لي سقط ومعتصم قال بلح قول له بلح في عيونك تعال شوف جنس المحن دي العندنا عشان تجمد انت وبلحك ذاته
Quote: حبيب نورا حبيبتنا
والله نحنا برضو سقطنا ينشف الروح عديل كدى امس بالمغرب على التعترنى مشيت بسرعة اتناول لى لبن سقط لو هبشت اضانك تجى واقعة من التجميد
اها الليلة الصباح درجة الحرارة ارتفعت شوية بقت ماينص 2 ونصة نهار بقت 3 درجات شفت النعمة دى
ياخوى اتقطى كويس عوجة مابتجيك
يا شوشو يختي تعالي شوفي محنا نحنا اليوم بقت - 16 ونحنا محتفلين باعتبارها الدنيا دفت قبل ويمين كانت -23 لعنة ابو يوم اهلنا.
وناس اصحابنا ناس حامد عبد الله في شمال كندا اظنهم بقوا ماقادرين يصلوا الكي بورد ذاته الله يعينهم.
ديل يا حبيب نورة قالوا الشراء عندهم حسب درة الحرارة فمثلا بتمشي للدكان قالوا بتقول له عايز لي شراب ل -45 او بنطلون ل -45 تخيل و السعر بيرتفع كل ماكانت درجة الحرارة بالناقص اكثر.
اما يا عماد عبد الله انت قايل الاسيكمو لما هجروا النساء من ساكت ماهو من عشان ناس تستجمرون وبعدين وصولوا لحد ولنسائكم تهجرون
01-23-2008, 06:32 PM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
تراجي مصطفي كيفنك أظنها المرة الوحيدة البتجيني خاشة علي بركة الجابك الدفو دة عارفة نحن لما تكون درجة الحرارة حوالي عشرين درجة فوق الصفر الحياة عندنا بتتوقف ودة كلو من المصارين الفاضية لكن انتي نظام التدفئة عندك بضمن ليك تقعدي في البيت بي جلابية وحاة الله لو ربنا وداك السودان واشاء الله ما يسويها!! وعشتي حياتنا دي ... والليلة وين تلقيها علي اليمين الا كان تمسكك السحساحة وعدم الراحة وشن جاب لي جاب
شكرن كتيرن!
01-23-2008, 06:42 PM
Ishraga Mustafa
Ishraga Mustafa
تاريخ التسجيل: 09-05-2002
مجموع المشاركات: 11885
Quote: اليوم بقت - 16 ونحنا محتفلين باعتبارها الدنيا دفت
بختكم ياتراجى بالله وصلت 16
بختكم لانو بتكونوا إتخلصتوا من الهدوم الكتيرة
مرة زارتنى اختى ابتهال فى فيينا وصادف الشتاء الماشديد داك فى اكتوبر بعد شهر قالت راجعة السودان، قلت ليها ياختى حللى التزكرة شوية واصرت والسبب كان انو لبس الهدوم الكتيرة عملت ليها عسم وقطايع
شوشو يا حبيبه 16 شنو بقول لك ناقص 16 تحت الصفر تقولي لي قلعتوا الابوات؟؟
Quote:
بختكم ياتراجى بالله وصلت 16
دي يا ستي نحن رجولنا جول البوت الما خمج ومدبلين الشرابات وسايقين عربات ومكنكشين يعني الماشي بالبص الا يلبس اربعة شرابات تقولي لي شنو؟؟ يا حبيبه كندا دي بوت بينقعل في يناير مافي عارفه لما ينتهي الشتاء لما تستغربي منظر رجلينك وهم حافين وده الحاله قال نحن ساكنين في حته بيسموها الكندين شريط الموز قال من دفئها تقولي شنو وتقولي منو؟؟؟ يازولة انتو ناس اروبا ديل قالوا حلوين خلاص بالنسبة لينا.
عماد عبد الله شاحدة الله اشوفك في الاسيكمو وبعدين مستعدة اقبل اي كلام منك بس اسبوع في الاسكيمو؟؟؟؟ كان اذتكرته اي حاجة غير الباطانيه ما ابقى انا تراجي مصطفى. بس يال ابطانيه انت بوين.
وبرجع بحكي لك نكته عن رجال كندا ما يقوما يطقعوني هنا.
01-23-2008, 09:01 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
اسامه جعفر سجمنا وسجم رمادنا (الصقور علينا شنو؟؟؟) قبلك وقبالك بتكره الحمام يازول مالك؟؟؟؟ نحن البيكره الحمام بنسميه صقر ما عارفه العلاقه شنو لكن لقيت التسميه دي من قمته يقول لك فلانه ريحته زي الصقر!!
اها يا اخوي اوع تصدق انه ريحته البني آدم ما بتطلع لو مافي عرق البني آدم ده اعفن مخلوق لولا النضافة. ونحمد ربنا يا اخوي زي ما قال حبيب نورة الميزة هنا ان التدفئة جيدة في الداخل و الناس ممكن تكون حايمه بالشورتات وبالتالي سبب واحد يكسل من الحمام مافي الا فعلا ثقافتنا كاهل مناطق حارة نعتقد متى ما لم نعرق اذن نحن نضاف لكنها ليست كل الحقيقيه.
تحياتي لك وبهظر معاك زي ما انت بتهظر وادعيت انك بتكره الحمام يازول اوع تهظر ساي بكلام زي ده الجكس بهرب منك.
01-23-2008, 09:13 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
Quote: تراجي مصطفي كيفنك أظنها المرة الوحيدة البتجيني خاشة علي بركة الجابك الدفو دة
يا اخوي انت فاضي لينا من حب نورة؟؟؟ كل بوست لك القها اشواق ونضمي عجيب اقول النخيله في منجاته دي علها ترد نورة.
Quote: عارفة نحن لما تكون درجة الحرارة حوالي عشرين درجة فوق الصفر الحياة عندنا بتتوقف ودة كلو من المصارين الفاضية
صح كلامك المصارين فاضيه وملابسنا الصيفيه يعني عايزين نلبس نفس ملابسنا الصيفيه شتاء ونكون دفيانين ودي ما بتبقى.
Quote: لكن انتي نظام التدفئة عندك بضمن ليك تقعدي في البيت بي جلابية وحاة الله لو ربنا وداك السودان واشاء الله ما يسويها!! وعشتي حياتنا دي ... والليلة وين تلقيها
علي اليمين الا كان تمسكك السحساحة وعدم الراحة
ودي برضو كلامك صاح وانا عارفة فائدة التدفئة وجربت الفرق بين برد مصر التي هي ادفأ وبرد كندا وجدت اني افضل حالا في كندا رغم قساوة الطقس.لانها بلاد مستعدة للبرد فعلا.
Quote: وشن جاب لي جاب
فعلا يا حبيب شن جاب لجاب لكن برضوا في مثل اردني بيقول( ربنا بيدي كل واحد برده قدر لحافه) اها الكندين ديل ربنا اداهم لحاف واصل وحياتك عشانه هو عارف اداهم برد قدر شنو. واللحاف مقصود بيه غطاء وليس لحاف بالسوداني.
Quote: شكرن كتيرن!
شكرا لك على البوست الدافيء الخلانا نضحك رغم البرد.
البرد يعطل مطار عمان ويصل إلى السودان!! ________________________________________
آخــر تحديــــث 2008-01-24
عمان الخرطوم “الخليج”:
تسبب سوء الطقس بمطار عمان في تأخر إقلاع رحلتي مصر للطيران والخطوط الجوية الاردنية المتجهتين من القاهرة إلى العاصمة الاردنية مابين ساعتين وخمس ساعات.
وكانت السلطات الاردنية قد أرسلت برقية إلى مطار القاهرة تفيد بتراكم الثلوج على ممر الطائرات في مطار عمان. ووزعت شركتا الطيران المصرية والاردنية مشروبات على الركاب المنتظرين في مطار القاهرة حتى أقلعت الطائرتان.
على صعيد متصل نثرت بلدية العاصمة الأردنية عمان نحو 200 طن ملح للتخفيف من حدة التجمد اثر موجة الصقيع التي تجتاح الأردن، واعتبرت الاشد في تاريخ الاردن.
وساهمت طواقم من الدفاع المدني نشر الملح في اماكن مياه منسابة، وعلى الجسور ومداخل ومخارج الانفاق، في مسعى لانسيابية السير.
وفي مسعى لاخذ الحيطة والحذر، وزع المركز الوطني للارشاد الزراعي 49 جهاز انذار مبكر للصقيع مجاناً على عدد من المزارعين في مناطق الاغوار الوسطى والشمالية، تزرع في العادة بمحاصيل صيفية، كثيراً ما تكون حساسة للصقيع كالبندورة والفلفل والكوسا والباذنجان.
وتعمل الاجهزة على مبدأ اصدار انذار صوتي في حال انخفاض درجات الحرارة الى 3 درجات مئوية ما يحمل تحذيراً عن احتمال حدوث الصقيع، فضلاً عن ارساله رسائل قصيرة “SMS” للهواتف الخليوية للمزارعين.
ويعتبر حدوث الصقيع غير المتوقع احد المشكلات الرئيسية التي تواجه المزارعين في الاردن، لجهة خسائرها الكبيرة، وكانت المحاصيل الزراعية تأثرت خلال الموسم الحالي ما ادى الى ارتفاع اسعار المنتجات الزراعية على المستهلكين.
وفي تطور مناخي لافت واصلت موجة البرد امتدادها فوصلت إلى السودان حيث ضربت الولايات الشمالية وولاية الخرطوم وهطلت أمطار خفيفة ومتوسطة أمس في ظاهرة لم تحدث خلال فصل الشتاء لأكثر من ثلاثة عقود في الولاية الشمالية بينما شهدت مناطق متفرقة من أجزاء الخرطوم هطول أمطار طفيفة.
وقالت مديرة الإرصاد الجوي نجوى عبد الرحمن إن هذه الظاهرة نتاج لالتقاء الهواء البارد في شمال إفريقيا مع التيار الساخن في الجنوب وامتدت إلى شمال وأواسط السودان. وأضافت أن درجة الحرارة تدنت لتصل إلى 12 درجة.
01-24-2008, 00:37 AM
اسامة جعفر
اسامة جعفر
تاريخ التسجيل: 12-27-2007
مجموع المشاركات: 56
انت عارف من الله خلقنى ، كرهتي فى الدنيا الحمـــام بكرهو مــــوت،، في الحته دي ربنا اكرمني وداني اوربا،، لا حمـــام لا إستهلاك مويه كتير
تكون هسة فى مرحلة الفسيخ وداخل على التركين!اها العيد كيف يا اللخوولا جانا لى برودو! يلزكم خمسة الواح صابون حتى الفنيلة الداخلية يمكن رؤيتها بالعين المجردة! اضحكتنا أضحك الله سنك جنى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة