|
|
 رئيس المعارضة الكندية (شخصيا) يرسل لي خطابا:
|
الميل بوكس واحد من الكائنات المهمة في حياة المجتمع الكندي..و لازم تديها طلة و انت مارق.. أو انت داخل.. عشان تفهم البيك و العليك...
طيلة حياتي في كندا.. مرة واحدة احتفل الميل بوكس خاصتي برسالة من صديقي محجوب على عثمان في سلطنة عمان..اما بقية القادمات فهي دوما فواتير أو مراسلات رسمية.. او شيكات (زي بتاعة السنة القبل الفاتتة لمن حكومة مقاطعة ألبرتا قررت ترسل لكل رأس شيك بمبلغ 400 دولار.. لمن شهت بعض السودانيين في الخلفة و زيادة الموجود منها)..
لكن اليوم وصلني خطاب عجيب و غريب..فهو من السيد استيفن ديون رئيس المعارضة في الحكومة الكندية (و رئيس الحزب الليبرالي الكندي)..و الراجل مشكور.. قال لي بالحرف الواحد .. انت عارف يا كبر.. انت زول مهم خلاص.. عشان كده رسلنا ليك الجواب ده (طبعا في دي هو كضاب و ابن ستين كضاب.. لأنو قطع شك جوابو ده مشى لميلون واحد غيري..عامل فيها داير ياكل راسي سياسيا)..و براك شايف ناس الكونسيرفتيف (المحافظين و هم الماسكين الحيكومة)..و عمايلهم.. لكن نحن بيهمنا امرك (خصوصا انت ابو بنيات) و كده.ز التقول دايرين يناسبوني)..و عشان كده نحن بندعم الدي كير (حضانة الأطفال)..و بندعم صحة البيئة (الناس لمن يتكلموا عن البيئة هنا مش بيقصدوا القمامة و الكوش و الضبان -بالمناسبة الضبان هنا مافي نهائي خصوصا في زمن الشتاء..لكن البئية البيقصدوها كل ما يؤثر في القلوبال وورمنغ و انت ماشي).. المهم..
ده الفرق بين هنا و هناك.. بيننا و بينهم.. يعني المعارضة و الحكومة بيكونوا عارفينك كويس..و لا يتحرجوا من انو يخاطبوك مباشرة و يقول ليك انجدنا..
خلاصة الأمر..وجه اخر من وجوه الأزمة السودانية (عاطفية أو سياسية) ..انو عندنا أزمة مداخل حادة..و ما بنعرف كيف نخلق قنوات تواصل..
زمن..!
|
|
 
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
طبعا قبل خطاب رئيس المعارضة ..جوني خطابين..واحد من نائب الدائرة(محافظين) و التاني من مرشح الدائرة القادم (ليبرال)..و طنشتهم.. لأني أنا هين و لا هين.. نواب شنو..قال نواب قال..
الحزب الليبرالي.. مشهور بأنه يدعم خط فتح ابواب كندا لمزيد من المهاجرين (ده ما تطبيل ولا حاجة.. و ما حصل صوت ليهم..قاعد اصوت لجماعة تانيين خالص..و هم الإند بي)..و هو الذي كان يساوم على توقيع برتكول كيوتا لحماية البيئة العالمية..
في زمنهم ..كانوا مصرين ان كندا حاجة مختلفة عن امريكا (عكس المحافظين الذين يظنون كندا مقاطعة امريكية..و زي زيهم زي كيزان السودان ..امريكا كن كحت هم بيكحوا معاها)..
من ديناصوراتهم السياسية .. جون كيرتشان ..رئيس الوزراء الأسبق..و الراجل ماشاء الله زي سيدي الإمام الصادق المهدي في الحكومة من سنة 1967..لكن الفرق انو احترم نفسوا و ساب الشغلانة للأخرين..لكن منو البيقنع سيدي الإمام؟
لكن ابو الحزب الليبرالي (و ربما دولة كندا كلها) هو ترودو..و الراجل ليهو بصمات واضحة في تأريخ كندا الحديث..و بمثابة الأب الروحي..
مقاطعة ألبرتا (محل اقامتنا الحالية)..مقفولولة للمحافظين(على المستوى الفيدرالي و على مستوى المقاطعة الإقليمي)..و هنا الدوائر بتكون مقفولة ظاهريا.. لكن في جوهرها هو تبادل صفقات متقنة للغاية..و سسسكتشوان و منتوبا (اقليميا اندبي..و فيدراليا ليبرال)..
يعني مثلا .. ناس الليبرال عندهم حملة عريضة لحماية البيئة (على المستوى الوطني و الدولي)..فلو جابوا كلامهم ده البرتا.. البلد عينها ح تطلع.. عشان كده خلوها للمحافظين عشان يبهلوا قوانين السوق و الإستثمار..و يفتحوا مجال للشركات..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
يعني بدل ما الريس يرسل خليفة..و الخليفة يرسل امير..و الأمير يرسل عامل..و العامل يرسل ناظر..و الناظر يرسل عمدة..و العمدة يرسل شيخ..و الشيخ يرسل راس مية..و راس المية يرسل..راس عشرين.. حتى بعد داك المرسال يصل للمواطن..ما يقوم الريس يكتب جواب مباشرة للمواطن ..و كفى الله المؤمنين شر المراسيل ..وصحيح القال (وديت ليهو زول مرسال و المرسال مشى و ماجا)..يعني بعد سلسلة العنعنة الطويلة.. جايز جد المرسال يضهب و يضيع اوانطة ساكت..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
| Quote: (طبعا في دي هو كضاب و ابن ستين كضاب.. لأنو قطع شك جوابو ده مشى لميلون واحد غيري..عامل فيها داير ياكل راسي سياسيا)..و براك شايف ناس الكونسيرفتيف (المحافظين و هم الماسكين الحيكومة)..و عمايلهم.. لكن نحن بيهمنا امرك (خصوصا انت ابو بنيات) و كده.ز التقول دايرين يناسبوني)..ا |
Ustaz Kabar Salamat
Not necessarily he is capitalizing on you; Mr. Stéphane Dion could be truly compassionate so please take the message as is unless proven other wise. If I were you the least I will do is write him back and bring my issues to his table.
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
عشان كده ما داير تعبرنا بسلك ولو رهيف ساكت
دى المعارضه ولا بلاش !!! لينا الله والمعارده العردت منها
لسه عشمان فى سلك لو ما شحمان متوسط العرد !!
ارقد طيب وليك منى قرعة نسيه وكورة دغبوبه
يا جنجو.......
ولد ابوك المهمش من كونسيرتف السودان ولبراليى امريكا
وميلك اريتو ميلنا ولو مايل .
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
بكري..حبابك يا صديق
الناس ديل لذيذين خلاص..
ياخي لمن كنت يادوب برلوم في كندا.. يوم قاعد اتفرج في الأخبار (بتاعة عمك بيتر مانسبيرج..ياخي ده زول مالي هدومو بشكل..وكل السياسيين بعملوا الف حساب لمن يجي يحاورهم.. يعني محاورة معها براها مشروع سيرة ذاتية)..اها اشوفك ليك منظر.. في احتفال ..قام واحد زهجان لبس ليك عمك كريتشان صحن تورتة كامل..طبعا انا برااي في صالتي وقفت على حيلي..و اسبوع اتابع في الأخبار ..متوقع الراجل الضارب يدوهو ليك تأبيدة (لاحظ زول ضرب ليهو رئيس وزراء و قدام الأمة كلها)..لكن ظني خاب..و كريشتان تاني يوم ما جاب خبر لسيرة الخونة و المارقين..و العملاء المأجورين.زشنو شنو كده داك..شفت جنس المحن دي كيف؟
واقعة زي دي باقي ليك ممكن يستوعبها واحد زي كده بسهولة؟..خصوصا لو كان جاي جديد لنج من العالم الثالث..و كلما تهدن عربية جنبو.. يفتكرها بتاعة ناس امونة سليمان..!
استيفن ديون راجيهو مشوار طويل..و طبعا كاريزما كريتشيان غطت عليهو و على عمك بول مارتن (صديق السودانيين في ألبرتا)..و حتى جون مانلي (و طبعا كنت متوقعو قبال مارتن ..لكن ما بتدي حريف)..
في مقاطعة زي ألبرتا ..مافي طريقة الإ تدعم الليبرال.. كيتا في المحافظين..
شكرا على المرور..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
كبر سلامات
وعشان تعرف نحن ناس ظراف غصبا عنك وبنكوس للبيجمعنا ما بيفرقنا.
يعني طلعلت تحت تحت ان دي بي ولابد
وايام بنتكلم في الانتخابات رافض تفتي مع انك عارفنك ناقش فيها كثير
لكن عامل نظام ماقطعة البوستات ولابد للشكل.
المهم عجبتني دي وذكرتني محنك:
Quote: ياخي لمن كنت يادوب برلوم في كندا.. يوم قاعد اتفرج في الأخبار (بتاعة عمك بيتر مانسبيرج..ياخي ده زول مالي هدومو بشكل..وكل السياسيين بعملوا الف حساب لمن يجي يحاورهم.. يعني محاورة معها براها مشروع سيرة ذاتية)..اها اشوفك ليك منظر.. في احتفال ..قام واحد زهجان لبس ليك عمك كريتشان صحن تورتة كامل..طبعا انا برااي في صالتي وقفت على حيلي..و اسبوع اتابع في الأخبار ..متوقع الراجل الضارب يدوهو ليك تأبيدة (لاحظ زول ضرب ليهو رئيس وزراء و قدام الأمة كلها)..لكن ظني خاب..و كريشتان تاني يوم ما جاب خبر لسيرة الخونة و المارقين..و العملاء المأجورين.زشنو شنو كده داك..شفت جنس المحن دي كيف؟
واقعة زي دي باقي ليك ممكن يستوعبها واحد زي كده بسهولة؟..خصوصا لو كان جاي جديد لنج من العالم الثالث..و كلما تهدن عربية جنبو.. يفتكرها بتاعة ناس امونة سليمان..!
|
وعشان طبيعي يغلبك تتصور و اقعة زي دي تقوم تفش تنظيرك البايت بتاع العالم الثالث
داك فينا؟؟؟تراجي وبشاشا طابور خامس  بالله يا كبر من فارقت السودان ما سمعته
طابور خامس دي في تفسير موقف مجموعة سياسي الا لما جيت منابر الهناء دي.
بالله يا زول اتحفنا بالفهم الكندي الجميل ده للعمل السياسي وخلينا من محن العالم الثالث دي.
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
ولد ابا ..فارس.. حبابك
ياخي السلك ما يغلى عليك..
اول بالتبادي مبروك اللمة..و ربنا يتمم ليك كل الأمور..
في بالي اتصل عليك.. و ح يحصل في الويك اند..
طبعا المدام شمتانة فيني.. و قالت لي.. اهو في صمة خشمك رئيس المعارضة فكرك..و الفكرك ما حقرك..و ده ما اخير ليك من الدواس البيحرق الأعصاب ..و يجيب المنخوليا في الفارغة..
الغريبة .. ناس البرتا بقارة..و في الغرب..و عندهم رأي كبير انهم مهمشين (شفتا الأقدار دي كيف)..و واحد من الأسباب الجابتني هنا انهم زينا غرابة..و عندهم جبال (جبال روكي)..شفت التهميش العابر للقارات ده كيف بيشتغل؟
كتر خيرك على المرور..و تسمع مني قريب..
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
صديقي بكري..حبابك
شكرا من تاني..
كويس انك طلعت من عندنا..
و بعد شوية يمكن نطلع اتعاصرنا في الجامعة..(انا مرقت من هناك في 1993)
غايتو من اولوياتي..لو عمك جانا هنا اقوم اتصور معاهو..انشاء الله وجاهة ساكت..
و ده الفرق يا صديقي..قراس رووت على العين و الرأس..و قراس رووت ياكلها الجراد و الآفات الأخرى..
زمن..!!
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
تراجي.. حبابك يا صديقة
ان دي بي..و هلالابي كمان (من زمن زغبير و الضب و شواطين..يعني معتق خالص)..
الحوارات ديك كنت متابعة..و كنت داير اشارك فيها ..و ما حصل فكرت في مقاطعة ولا يحزنون (بس انتو شيلوا فقه المؤامرة من ريسينكم شوية)..و عجبتني جدا مساهمات اخونا ثروت سوار الدهب راجل ادمنتون (بعد شوية انتو ذاتكم ح تجوا هنا عندنا)..لكن الله غالب ..و كذا الراسمال..
اها من ما فتنا سسكتشوان .. المحافظين رفعوا ضنبهم هناك (بعد 16 سنة)..و رجعوا للحيكومة في المقاطعة..
كندا بتشبهنا في حاجات كتيرة.. منه التنوع الثقافي الغني ..و جديتهم في حملة التعددية الثقافية.. و ضرورة ترسيخها قانونا و دستورا و عملا..و دي تجربة لو بعض السودانيين كتبوا عنها باخلاص ح تفيد كتير جدا..
الغريبة في مكتبة ريجاينا العامة.. لقيت بعض الكتابات السودانية .. من زمن عمك جعفر على بخيت و انت ماشة..و كلها تنظير في تقصير الظل الإداري و الفيدرالية و غيرو من مفاهيم بتحفظ للجميع حقوقهم و تحميهم.. لكن المشكلة.. نحن بنكتب و السلام..و هم لو واحد كتب ليهو فقرة ساكت.. تلقى الناس تبحت فيها و تفسر..و تشرح..و تزيد..لغاية ما تمرق نظرية قابلة للتطبيق..
عجبتني جدا فكرة عمك راموناوا (حاكم سسكتشوان الأسبق) و هو الأب الروحي لنظام دعم النظام الصحي (Healthcare )..و هم هكذا.. يعني كل مقاطعة ليها مساهمتها المميزة في تجربة كندا..و ليها خصوصيتها..و نظرتها للحاجات..
حتى نظام الجامعات.. يعني كل جامعة ليها فقها الخاص (ناس سسكتشوان ..ماخدين الجزء اليساري لتفسير النظرية التقدية..و الماركسية الجديدة)..و ناس ألبرتا ماخدين النظرية النقدية لكن من منظور يميني..وكل واحد فيهم ماشي في طريقو..شفت الحلاوة دي كيف؟
اخونا بشاشا الله يطراهو بالخير.. و ممكن يجينا في كندا و يقعد شوية .. عشان يعرف حاجة عن قيمة التسامح و التعددية الجد جد..
و زي ما كنا بنقول زمان .. احب الله.. الخلقت كندا..
شكرا على المرور المشاكس..
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
حيدر..حبابك يا صديق
كتر خيرك على المرور من هنا..و التحية للبطيخ الكردفاني البقى بقدرة قادر مربع (و هو ليه البطيخ ما ممكن يكون مربع؟)..
نحن يا اخوي بلد الضياعات الكبرى..
عارف مرة .ز كنت شغال في شركة تأمين سسكتشوان.. اها الجماعة مستغربين.. السودان ده وين؟.. طبعا زعلت..و قلت ليهم طظ فيكم.. بلد عمرها اكتر من سبعة ألف سنة و ما عارفينها وين؟..كنت متوقعهم يزعلوا.. لكن طوالي جري على المكتبات..و ووسائل البحث المتطورة..و هم كده يا صديقي.. بعد ايام.. جوني ليك بفتوحاتهم المعرفية.. ياخي انتو كان عندك اقدم نظام ري في العالم.. ياخي انتو جدودكم بنوا الإهرامات قبال المصرين..واحدة فيهم اهدتني فيلم اسمو الخرطوم ..و عملنا فيهو حلقة نقاش.. لأن مخرج الفيلم عمل السيد المرحوم غردون باشا بطل (و لازال هو بطل عندهم)..و قمت قلبت ليهو الطاولة..و قلت ليهم زولكم ده لا بطل ولا يحزنون..و و هم مستغربين (و انا ذاتي معاهم) كيف ناس بسلاح بدائي يقدروا يهزموا ماكنية الحرب الحديثة..و قلت ليهم مثل اهلك المسيرية (الدواس فينات)..
طبعا بعضهم لغاية الليلة ما قادر يفهم.. انو السودان في يوم من الأيام.. في المنظومة الإقتصادية..و كوريا كانت بره المنظومة دي..و يجي الزمن و يمرق السودان من المنظومة دي..و تدخل كوريا..
و الأغرب يا حيدر.. لغاية يوم الليلة النساء العاملات في الهيئة القضائية .. عددهن قليل جدا لو قارنتهم بالنساء العاملات بالقضائية في السودان..ناهيك من انو في السودان المرأة حصلت قاضي محكمة عليا ..و دي في العالم كلو من النوادر (طبعا المحكمة العليا في كندا كلها ماها لاحقة ليها عشرة قضاة)..!
في موسم الإنتخابات.. تتوقع كل الأحزاب تخاطبك..و البعض يجيك في بيتك ..بس مشكلتنا كسودانيين .. لسع فينا الخلعة بتاعة العالم الثالث و الرهبة من الأشياء..و هنا لو خمسة انفار لموا ريسينهم على بعض.. ممكن يسوا ليهم جماعة ضغط و مصلحة..و يفرضوا حاجاتهم على مستوى صنع القرار..
واحدة من الحاجات الغريبة..يوم واحد ما شفت لي موكب حاكم مقاطعة..و لا رئيس وزراء..يعني قصة العربات الهيلمانة ..و البيرك..و غيرها مافي نهائي..
و اكتر حاجة بتخليك تشعر بالأمان.. انو نهائي ما ممكن تشوف ليك عسكري جيش في الشارع.. و كل الجيش الكندي بنشوفوا في التلفزيون و المجلات.. شفت الجمال ده كيف؟
كتر خيرك على المرور من تاني..
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
محسن.. حبابك يا صديق
كتر خيرك على هذا المرور الطيب..
قبل الردحي التالي..هاك ياهو الإيميل..و حبابك عشرة يا صديقي في ايتها وكت..
[email protected]
عارف يا محسن.. زولك العبد الفقير لله ده..عمك كبر رضي الله عنه.. يشهد ألا حزب سوداني (امو بت عم ابوه ) ما قرب ليهو سواءا بالبلبصة او كن باللطف و التذاكي..و الحتة دي عقدتني كتير خلاص آ زول.. اشمعنا أنا بس؟ الغلط فيني ..و لا الغلط فيهم؟
اتخيل شكل ما يسمى بالإستقطاب و ألياته في مجتمعنا السوداني السياسي.. الحتة دي الناس عندنا فيها أزمة مداخل شديد خلاص..و الناس بالرغم من انها ديدينها الإستهلاك ..و ثقافة التسويق .. برضك عندها أزمة مداخل حادة جدا.. و نفس الفهم بينطبق على التجكيس و بداية علاقات ما يسمى بالحب في مجتمع أم سودان..
على المستوى السياسى.. مافي زول بتبرع و يديك تنوير.. اللهم الإ تكون انت مرتجي أو من المؤلفة قلوبهم..بقية الجماهير (و هي بالمناسبة مناط اهتمام كل منظومة سياسية ..و كل يدعي عمله من اجلها)..فهي دايما اكليشيه للتسويق و لواكة الحديث ليس الإ..
على مستوى الحب.. الواحد دايما جاري ..و نفسو مقطوع..لمن يصل للواحدة يغلبوا اليسويهو.. يعني استراتيجيا تقارب وجهات نظر ساكت مافي..و العجب لو الواحدة صدتو.. يبدأ قيح الإسقاطات ينفتح على الأخر..
قلت انت كلمة (ثقافة).. و دي بالجد عندنا فيها مشكلة كبيرة خلاص .. ياخي نحن من الدول النادرة في هذا الوجود الليها جهاز حدادي مدادي اسمو وزارة الثقافة ..و مخصصات..و أصول ..و عيون (حق عين كما يقول ناس القانون)..اضافة لوزير بعينه و حاشية من التكنوقراط..و مع ده كلو .. الثقافة دمها سايح..و عينها طالعة..
فكرتنا عن الثقافة.. اننا اول بالتبادي ننظر ..و بعد داك نجي نطبق..و نفس الفكرة بتنطبق على حتة الديموقراطية.. نتكلم فيها اول ..و نطالب بيهو.زو نموت في شانها..و لمن يجي وكتها.. نقعد نقيف زي حمار الشيخ في العقبة .. الكان بيقول لينا عنو استاذ العربي زمان..
نحن يا محسن (على المستوى السياسي) عندنا شوية استعلاء.. و الإستعلاء ده جاي من حتة الوثوقية (على المستوى المعرفي).. يعني السياسي (كان جا ممتطي صهوة دبابة جامحة..و لا جابتو سكج بكج الإقتراع)فاكر نفسو ابو العريف..و خاتي نفسو في برج معزول هناك..و جوهر فكرتو أنو المطالبة بالحقوق و احترامها فرض كفاية..و هو المسئول عن القيام به دون سؤال ..
يعني يا محسن قصة الجواب الزي ده .ز بسيطة جدا.. و ليها معاني.. يعني يا زول هو انت عندك حق تصوت..و تختار الحزب الداير تدعمو..و تأسس دعمك ده على قناعة و فهم بالحاصل..و انو نحن ممكن نقصر ليك المسافة..و تقصير المسافة ده.. لابد يكون مصحوب ببراهين.. يعني الواحد يطرح ليك وجهة نظري..مسببة و مبنية على مقولات الطرف السياسي التاني..و يشح ليك بصبر و أناة..
المشكلة التانية يا صديقي.. نحن دايما أشقياء و متهمين في زوقنا.. و كتر خيرك على اللفتة الجميلة.. و تفضلك لذكر احزاب بعينها (حق - الليبرالي - البعث)..و ختيتني في حيص بيص.. لأنو السؤال: ليها نحن ما عندنا القدرة على التعبير (يعني من باب اذكروا محاسن احزابكم) عن الجميل في احزابنا؟.. يعني يا محسن يومك التفتح خشمك و تتكلم عن حزب معين.. بيكون واحد من اتنين : يا منتمي جديد..و يا عندك نية تنتمي..ولا توجد منطقة وسطى.. من باب و الله يا جماعة شباب الحزب الفلاني شغال كويس في النقطة الفلانية..
نحن يا صديقي قراس رووت ..و القراس رووت دي دايما هي المرتجي لأيتها حزب داير يكسب ليهو موطئ قدم..و زي ما انت قلت الزمن اتغير..و غير ملامحنا برضك..
الإنتخابات الجاية في السودان ح تحصل في زمن الإنترنت..و ده محك كبير جدا.. يعني الناس ممكن تتراسل عبر الإيميل..و ممكن تعقد ندوات في الهواء الطلق (ايوه عارف ممكن يجي واحد و يقول لي الناس بالتستخدم النت في السودان ما لحقوا مليونين ..و بقول ليهو لحقوا و فاتوا..و اخر ديموقراطية الناس الشاركت في الإنتخاب شوية جدا)..و ممكن تستفيد من تكنولوجيا التواصل.. يعني بالكوار كده.. ممكن الحزب يرسل ليهو دشليون اٍيميل..و دي تكفيهو كم ندوة ..و كراسي..و ميكروفانات..و عضوية متفرغة.. و الإيميل ده ممكن نفرين بس يتفرغوا ليهو..و يكونوا عملوا حاجة..
و لينا عودة لجوهر التنوير و فهم الديموقراطية..بس انت تعال راجع و اكتب تأملاتك..و اكيد ح نمرق فائدة عظيمة..
كتر خيرك يا محسن
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
ثروت.. حبابك يا صديق
كتر خيرك على المرور من هنا..يب.. ان دي بي..وييييي..
عرفت من الجواب.. انو استيفن ديون كان عندكم في ادمنتون..و الراجل اتكلم عن ملامح خطته..و ظني ثيمتها العامة (على الأقل في خطاب الليبرال الموجه لمواطني المقاطعة) تعتمد على ثلاثة عناصر: الإقتصاد و البيئة و التعليم المبكر ..اضافة لمسألة توفير الدي كير (الحضانات)..
و ياريت تجينا تاني..و تحكي لينا عن المفاصل دي..و اهم من كده نكتب تجربتنا عن التأثر بالمجتمع الكندي و قيموا..
عندي نظرية (سميتها الكوار)..و كتير من صحابي اشتغلوني فيها..و اساسها.. انو السودانيين و السودانيات شالوا وش الدنيا و بقت عندهم هجرة كبيرة خلاس..لكن الهجرة ما ها للمال (صحيح كل زول ولا زولة بيكون كايس للسترة المالية و تجنب الكفاف)..لكن في فوائد اخرى.. يعني كنت بتأمل هجرتنا في الخليج.. على طول زمنها .. ما قدمت حاجة ايجابية للسودان.. قصدي السمح في تجارب التانيين..ما بتنقل.. لكن بتتنقل الحاجات التانية ..و معظمها قشورية ساكت.. اها بالكوار كده.. لو السودانيين المهاجرين انتبهوا للقيم التانية..و حاولوا ينقلوا السمح منها للسودان.. ح يكون عندنا تجربة خمسة مليون (طبعا ده الرقم الرسم قبل سبع سنين..و اكيد بيكون زاد شوية)و دي ح تحدث نقلة كبيرة..
المهم نشوفك يا ثروت من تاني..
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
محجوب عبد الله..حبابك يا صديق
قبل ما اعلق على توثيقك.. داير اشكرك شكر خصوصي على تجميع مقالات استاذنا دكتور حامد البشير..و هو جهد مقدر.. استفدت منه شخصيا..
كتر خيرك على الحضور هنا..و توثيق الواقعة..
الإعتذار لجون جيفري معد التقرير..و المذيع (نسيت اسمو).. طبعا نحن عندنا مرات غبش في الذاكرة..و كل الأحداث المهمة عندنا مرتبطة بعمك جون مانسبيرج..
طبعا ألذ ما في الموضوع .. انو قصة هجوم الباي (Pie Attack ) مسألة مؤصلة في المجتمع الكندي..و الدليل الحوادث المرصودة..و التي من بينها الهجوم على عمك استيفن ديون شخصيا..
الغريبة .. كل هذه الأحداث .. تتم معاملتها كجريمة أذى عادية (Assult )..و البعض يعفى عن حقه ..و البعض الآخر يقضى عقوبته في خدمة اجتماعية (Community Service)..و دي عقوبة يا ريت يتم ادخالها في نظام قوانين السودان.. و فلسفتها تعتمد على حقيقة أن الأذي الجنائي هو اذى موجه للمجتمع..
الأهم من كده.. أن الهجوم على كل هذه الشخصيات.. مطلقا لم يفسر كأنها اعتدأء على الدولة و رموزها.. يعني ما في جاكة (على قول اخونا محسن خالد)..الأمن الوطني ولا امن الدولة..ولا بطيخ..
كيفن براون (الفاعل هنا).. لم يتنصل عن الحادثة..و ايضا مجموعته..و التي تحدث مندوبها بكل وضوح مؤكدا أنه هو الذي قام بتحريض كيفن براون لفعل ذلك..و برر ما دعى مجموعتهم للجؤ لمثل هذه الفعلة ..وطبعا الراجل لم تتم ادانته بالتحريض أو الإشتراك.. أو غيره..و ايضا يلاحظ أن المتهم لم يتم ضبه ضبة كربون..و لا ضربه ولا يحزنون..و كان لسع بتفاصح..و بيقول بأعلا صوتو.. الحكومة مفروض تتحاسب على تفريطها..!!
المجموعة اظنها واحدة من اجنحة جماعات البيئة..و في حديث ناطقهم ذكر أن هناك مشكلات اجتماعية .. من ضمنها مسألة الأطعمة المحسنة (هندسة وراثية) و انها تدخل كندا من غير رقابة او مراجعة..
نلفت القراء الأفاضل الى ذكاء الفكرة.. يعني ناس عندهم مشكلة اغذية..عشان كده ضربو رئيس الوزراء بواحدة منها (تورتة الباي)..!!
التصريح الذي قدمه مندوب البوليس الفيدرالي RCMP ).. يلاحظ فيه غياب رئيس البوليس .. يعني لا فريق ولا عميد ولا يحزنون.. مجرد شاويش عادي (سيرجنت)..!!
مدينة شرلوت تاون (عاصمة مقاطعة برنس ادوارد ايلند).. شهدت كثير من الأحداث الدستورية المهمة في تأريخ كندا السياسي..
شكرا محجوب..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
ابو الزمل كبر
ما عارف ابتديك من وين. البوست فتح نوافز و حوافز على التناول الكندي كله. تنوالت رؤس اقلام مهمة في مداخلات معدودات لك الشكر.
و إن كانت متابع لشان الأمريكي بإهتمام اكبر و هكذا افعل كل سنة كبيسة. و شيئ آخر مقلق و محفز على المتابعة الأمريكية على الكندية و هو احتمالات انزلاق الولايا المتحدة لكساد عميق و البعض يتحدث عن اكثر من ذلك يقولون بDepression و لعلك تدرك خطورة المصطلح إقتصاديا و تاريخيا في امريكا الشمالية بدا بيوم الاثنين الاسود عام 1929 حتى بعد الحرب العالمية الثانية.
الملاحظ بالامس كيف أرسلت موجات القلق الناتجة من هزة داو جوز دويها حول العالم و تاثر الاسواق الكندية بها. و على كل، لو انحدرت امريكا في كساد ستتاثر كامل كندا بذلك و على وجه الخصوص ستتاثر البرتا و بترولها الذي سينخفض سعره كثيرا و هو عماد نهضتها و منعتها الغقتصادية.
سابتدي عشوائيا ملتقطا بعض ثمار بوستك الوريف.
كتبت عزيزي:
| Quote: عارف مرة .ز كنت شغال في شركة تأمين سسكتشوان.. اها الجماعة مستغربين.. السودان ده وين؟.. طبعا زعلت..و قلت ليهم طظ فيكم.. بلد عمرها اكتر من سبعة ألف سنة و ما عارفينها وين؟..كنت متوقعهم يزعلوا.. لكن طوالي جري على المكتبات..و ووسائل البحث المتطورة..و هم كده يا صديقي.. بعد ايام.. جوني ليك بفتوحاتهم المعرفية |
هناك مسمى او مصطلح معبر على ما اوردته يسمى:Geography V. History
التعبير موصف لذاك النقاش الذي يكون قد جرى في نفس اليوم الاف المرات، في هذه الرقعة الضخمة من مساحة اليابسة. الحديثة التاريخ. مع اناس امثالك قادمون من مناطق غنية بالتاريخ و قديمة في الوجود.
كندا نديدة حي الحسين القاهري في العمر. و اعني منذ أعادة اكتشافها. {اكتشفها في عصور متقدمة الفايكنق الاسكندناف}
اواصل
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Mahjob Abdalla)
|
كبر المشاكس
وكمان طلعته اند دي بي كلام يا عوض دكام
اوع تكفر بيهم وتعمل لينا( محايدين )هنا كمان بعد شويه. :
| Quote: ..و قلت ليهم طظ فيكم.. |
طلعت خطر يا كبر وبتعرف تطظ تطظ كمان عفيت منك.
اها بركه التراجي قشت لك درب ال (طظ) بهذا المنبر وتحملت عبء الطليعين
البوست جميل يا شباب
وانا فخورة بكل اسهاماتكم
اصلا ناس الولايات المتحدة قرفونا ايام اوباما
وعملوا فيها عايزين يفهمونا اصول الانتخابات الغربيه
التقول نحن قاعدين في كعب الجداد,نستاهل الشايلين همهم وبنفكر فيهم.
ويلا يا كبر شد حيلك اترشح سيتي كاونسلا وبعدها اتصعد للبروفنشيال ومن ثم الفيدرال.
وخلي منصور المفتاح يبقى مدير الحملة الانتخابيه وقول الينا عوووك لك علي شهرين تطوع
الم لك يهود البرتا كلهم,انتو عليكم لم المسلمين
يلا يا منصور المفتاح تعال بجاي
وخليك من الدوبيت و الدروشة دي هذا بوست كندي بحت,تعال خلينا نشوف الفيلم ده
اصلا فيملنا الثاني شكله (اتحرق)
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
Oh, Liberals. They had to go to Quebec to get a leader, again. Although the old Chretien could not utter an Englis sentence without egregiously molesting it, he knew how to overcome that requirement in Canadian politics by being who he was and never pretend to be anything else. Mr. Dion is really boring, speaks terrible English and he is no match to conning Harper. Liberals are in for a rough ride and the Canadian Kizans may form a majority government. Federally, NDP will never form a national government because it shares the same base as Liberals.
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
ثروت ..حبابك يا صديق
عارف يا ثروت .. كلامك عن الإقتصاد (الماشي على كساد) بيذكرني كلام حزب الخضر عن البيئة.. ياخي ديل لمن تقعد معاهم.. بتحس انو القيامة خلاص قربت تحدث.. و مع ذلك كلامهم فيه كثير من الوجاهة.. خصوصا فيما يتعلق باستهلاك المصادر الطبيعة..و الإستعمال غير المرشد (غير المسئول) لتلك المصادر..المهم..
فعلا حال الولايات المتحدة بيؤثر كتير على حال كندا..و كل العالم.. خصوصا في زمن القلوباليزم..و الأحادية الصارخة..
الولايات المتحدة بينطبق عليها المثل الشعبي (التسوي كريت في القرض..تلقى في جلدها).. فهي التي دخلت روحها في حيص بيص ..بارتكاب لحماقة التدخل في حروب ادت الى نزيف مستمر في اقتصادها..و هنا بتجي خطورة اللعبة..انا غايتو دليلي و مرشدي في فهم الحاصل هناك.. سنما عمك المشاغب مايكل مور خصوصا افلامه .. بولنق فور كولمبيان (و الذي في افتتاحيته تصوير لمصنع الشفاء السوداني لمن انضرب في يوم الخميس 20اغسطس1998) و فهرنهايت 911.. اضافة لنقد عمك نعوم شومسكي..
الليبرال..طبعا عندهم جاكاتهم الخاصة..و بيعرفوا كيف يجيبوا بيها الناس..خصوصا رؤيتهم للإقتصاد..وو شبكة الضمان الإجتماعي (و هم من ابتدعها في تأريخ كندا السياسي)..و حماية البيئة.. الدي كير (ده بالمناسبة موضوع كبير خلاص)..
فهم يا صديقي ليهم قوة عين في تبني التوفيقية المرشدة (يعني ما عندهم قشة مرة..من يمين ياخدوا و من يسار ياخدوا..و من فكر ديني برضك ياخدو)..و في كثير من المرات بيعرفوا كيف يسحبوا البساط من تحت ارجل الكثيرين..
مثولوجيا التأريخ في مواجهة الجغرافيا.. نقطة جديرة بالتوسع فيها يا ثروت..لأنها بترجع لكيفية معرفة الإنسان بذاتو..و محاولة تقديمها من باب الإعتراف به..و احترام حاجاته..
بمناسبة حي الحسين.. يار يت تكون قريت بعض من روايات طارق علي (من اصول باكستانية)..
المهم نشوفك يا صديق من تاني..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
محجوب ..حبابك يا صديق
هون عليك يا صديقي..و ما بينا اعتذارات..
الصورة التانية ..وقفت فيها شوية..و اتكيفت لمن عرفت انها سنة 1996..لأنو وكت داك أنا كنت في ابي زبد.. شغال الزامية..
طبعا حاجة جميلة .. انو رئيس الوزراء يدخل ليهو في خناقة (زيو و زي بقية البشر)..و يعبر عن حاجاتو..
هنا بيكمن محك الوعي التنويري الحقيقي.. يعني كون رئيس الوزراء يقابض ليهو مواطن.. نهائي ما عندها علاقة بمستقبله السياسي.. أو حتى التأثير على نشاط الحزب..و الدليل .. انو بعد داك كريتشان واصل كرئيس للوزراء..
طبعا اتذكرت حكوة.. كنا بنسمعها و نحن صغار .. عن واحدة حاولت تقترب من أب عاج في زمانه..و انها تعرضت لعقوبة الإعدام رميا بالرصاص..و تم ذلك في واحد من كباري الخرطوم بحري (ظني كبري شمبات)..شفت الفرق كيف؟
بالمناسبة الزولة دي يقال انها ابنة هاشم العطا..و يا يريت لو كل زول عندو فكرة عنها يحكي لينا..
و نشوفك تاني.. بس كتر البريكات شوية..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
تراجي..حبابك يا صديقة
يا زولة هي المحايدين في زمن شالوا التقيلة..يعني هم ما ساهلين تب..و ده موضوع ح نكتب عنو كتير..
بس المشكلة في كندا مافي طريقة تبقي محايد.. لأنو أي فكرة تفكر فيها بتلقى الناس شغالة فيها بصورة احسن شوية..و بعد داك بتكون عندك فرصة تضيف من خلال الموجود..و الناس ديل هنا كويسين خلاص.. يعني بس قول احم..
كان زمان عندي فكرة .. اسوي لي حزب للمهاجرين الأفارقة (أفريكان كنديان)..و نتلم فيهو ..و نقول رأينا في الحاجات الماشة.. لكن الحلم ده اتبخر.. لأنو السياسة هنا قروش..و القروش السستم قفل نفسو في دايرة كبيرة.. الجوه جوه و البر بره..
لكن مع ذلك .. عندي قناعة كبيرة أنو السودانيين الموجودين في كندا.. لازم يشدوا حيلهم شوية ..و يعرف قيمة وجودهم كمجموعة مميزة ليها خصوصيتها ..
في قضايا كتيرة .ز بتشكل محاور بتخصنا نحن كسودانيين..يعني مثلا مشكلة ختان البنات.. مشكلة العمل..مشكلة السكن.. الخ..
بس يا ريت الناس تصفى النفوس..و تستفيد من الواقع..يعني بدل ما نصدر كل مرة وزير للسودان (زي الحصل الشهور الفاتتة..واحد من عندنا من كالقري لوزارة العدل عدل)..مالو ما نسوي لينا واحدين هنا كـ back up ..
طبعا في حقيقة تأريخية في نورث امريكا.. الناس ح تستغرب منها.. أنو اليهود هنا بيفتكروا الأفارقة الأقرب ليهم.ز لأنهم ليهم تأريخ مشترك في الإضطهاد و الإقصاء و التهميش كمان..و حركة الحقوق المدنية في الولايات المتحدة قامت على اكتاف الفئيتين ديل..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
زكريا..حبابك يا صديقي
كتر خيرك على المرور من هنا..
عندي ليك اقتراح.. يا ريت تقبلوا.. ما تكتب لينا عن تجربة شباب كوبا.. بقول كده .. لأنو هناك كتير من الأساطير المخلوطة عن تجربة الشباب ديل.. دي واحدة..
التانية.. لغاية الآن ازعم أنو شباب كوبا (و قابلت منهم الكثيرين و الكثيرات هنا في كندا) .. ليهم فهم متقدم للحاصل في السودان..و الفهم ده ممكن يفيد كتير..
المهم.. خلى الحتة دي في بالك..و لو قدرت تكتب فيها تكون ما قصرت..
بالنسبة لمداخلتك عن الليبرال.. فهو حزب قديم جدا كما تعلم (ياخي ديل من سنة 1867 )..و يحفظ له أنه الحزب الوحيد في تأريخ كندا لم تغشاه آفة الإنقسام و التشظي..
تأريخ الحزب يشهد له بالتأرجح.. يعني أب اند دوان.. و هم استطاعو أن يشكلوا حكومة اغلبية 23 مرة منذ وجود كندا..فده ارث عظيم ..و تأريخ مشرف..و قطع شك هم خاتنو في بالهم..
كريتشان واحد من عظما الليبرال..و عصره كان قوي الى حد ما..ووجوده الطويل (ياخي ده في الوزارة من سنة 1965..) و ادى الى خلق رصيد كافي ليهو..
اما الشاب ديون.. كان الله معه..
و الآكسنت ما مشكلة كبيرة.. لأنو عمك كريتشان.. ذاتو كان عندو اكسنت(انجليزي و فرنسي كمان)..و اذكر مرة في سسكتشوان..واحدة موظفة بتحكي لتانية..و قالت ليها جا واحد سوداني عندو heavy accent و كانت تقصدني.. فلقت ليها ياخي رئيس الوزراء عندو هفي اكسنت.. دايرة تفكيها فيني (بالإنجليزي طبعا)..
تحت تحت قالوا واحدة من اسباب فوز هاربر وجاهته ..المكسرة الجكس الكندي..
الإند بي.. دايما في خانة حصان الرهان الأسود..و الشباب ديل تأريخهم بوريك حقيقتهم.. فعلا هم ما حصل شكلوا حكومة في السابق.. لكن دايما هم عنصر مهم في بقاء الحكومات و ذهابها..يعني شوكة حوت..
البلات فورم بتاعهم بيشابه الليبرال.. لأن الليبرال عندهم قوة عين سياسية (في مداخلتي مع ثروت قلت ليهو ما عندهم قشة مرة)..و هم ممكن ياخدو أيتها فكرة معقولة و يتبنوها و تكون جزء من خطابهم..و ده جمال اللعبة يا جوزيف يا صديقي.. الكل لديه وعي بالمصلحة العامة..
زمان يا زكريا.. زمن مجاعة 1985.. المواطنين البسطاء بيقولوا ليك بوش..و العيش (ذرة) كان بيسموه بوش.. و بوش المقصود هو بوش الأب .ز لمن كان وزير خارجية ريغان..يعني المواطن البسيط بيحفظ الجميل..و نفس القصة دي حاصلة هنا.. يعني السودانيين الهنا معظمهم يحفظ الود للحزب الليبرال.. لأن حزب منفتح على موضوع الهجرة..و فوق ذلك حزب عندو فلسفة التعددية الثقافية.. اللي بموجبها يتم احتواء الجميع ..و حفظ حقوقهم..
لكن بعد ما ينخرطوا في المجتمع الكندي ..بتظهر ليهم قضايا تانية مهمة جدا.. خصوصا قضية العمل..و دي الإند بي هو الوحيد الواقف معاها بوضوح..
كتر خيرك على الحضور هنا..و نشوفك تاني..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
زكريا..حبابك يا صديقي
كتر خيرك على المرور من هنا..
عندي ليك اقتراح.. يا ريت تقبلوا.. ما تكتب لينا عن تجربة شباب كوبا.. بقول كده .. لأنو هناك كتير من الأساطير المخلوطة عن تجربة الشباب ديل.. دي واحدة..
التانية.. لغاية الآن ازعم أنو شباب كوبا (و قابلت منهم الكثيرين و الكثيرات هنا في كندا) .. ليهم فهم متقدم للحاصل في السودان..و الفهم ده ممكن يفيد كتير..
المهم.. خلى الحتة دي في بالك..و لو قدرت تكتب فيها تكون ما قصرت..
Thanks kabar for the response
Cuba is a very beautiful island and its peoples are as diverse as ours. And although the current composition of the Cuban population is the product of a slave-based system - 67% of the population are blacks or of the African descent - inherent racial or social prejudices are rare. The myths about Cuba are more or less in-between.
Most Sudanese students who went to Cuba in the mid 80s were the base of the SPLA Red Army which was commanded by the late Garang himself and most of them understand the issues as exactly as the late leader envisioned them. You have to remember that Pagan Amum studied at the University of Havan, my Alma Mater, and he personally tutored most of the students. I will one day write about Cuba but not before I overcome the phobia of typing Arabic.
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: السر عبدالله)
|
يا ثروت فيلمنا داك يبرأ من الحريق يا اخوي....
| Quote: اصلا فيملنا الثاني شكله (اتحرق) |
انا اقصد فيلمنا الاسمه السودان الله اعلم يستعدل قريب كل يوم ماشي في مليون داهيه جديدة.
عشان كده بقول انكربوا في بلادنا الجديدة و اعملوا لكم صوت.
وبعدين ورونا الحاصل شنو في كالقري اليوم
لمحت في الاخبار شيئا عن قتل ..مخوف النسوان بالذات الحاصل شنو؟؟؟
هاربر جميل يا (كبر) احتمال للبعض
لكنه عندي سماحة جمال الطيب افضل عليه وزير خارجيته
بيتر اراه اكثر رجولة وجني وجن الرجال المنعمين زي هاربر ده.
اما جاك بتاعنا فوجيه بحق
ان شاء الله الجكس كله يتكسر فيه ويجيبوه لينا زعيم.
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Tragie Mustafa)
|
Quote: انا اقصد فيلمنا الاسمه السودان الله اعلم يستعدل قريب كل يوم ماشي في مليون داهيه جديدة.
عشان كده بقول انكربوا في بلادنا الجديدة و اعملوا لكم صوت. |
فليم السودان برضو يسلم من الحريقة
Don't give up
لم اتابع الاخبار يوم هل تعني ان هناك سفاح ظهر جديد في كالقري؟
ما اعرفه. هنا في ادمنتون، هناك قرابة الثلاثين جرمية قتل منذ السبيعينات يعتقد البوليس انها بفعل شخص واحد. اي سفاح
Serial killer
ضحياه كهم من النساء و جلهم بيعات الهوى
بالمناسبة
زولنا دا بشنبو و صلعتو دي ما عندو طريقة ينافس.
شنبو كان موضوع ايام الانتخابات لو تذكرين.
تحاياي
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: ثروت سوار الدهب)
|
عزيزنا كبر
من الاول يا حبيب.
ديون لم يرسل لك بشكل عشوائي.
إنما من خلال فرز للداتا الحزبية و اختاروك بالاسم الذي يوحي بانك مهاجر. او على الاقل احتمال ان تكون محافظ او تؤيد اليمين إحتمال ضئيل.
تصنيفهم في الإتصال يقوم على :
التصنيف العمري
التعليم
المهنة
الطبقية و شرائحية
الاثنية
الجندر
الوضع الإجتماعي{اسرة ام لا أسرة}
التوجه الجنسي
مستوى الدخل
و كمية من الفرز الدقيق تعزز إحتمالات الانتخاب و تحصر و تحصي الناخب المتوقع للحزب
هذا خلال العضوية الحزبية و الذين أعلنوا صراح بتايدهم الحزب.
لو تلاحظ، الحزب الليبرالي تسكنه فكرة صلدةك تقول بتايد القادمون الجدد{كلمة اكثر إيجابية من كلمة مهاجرون} رصيد مضمون للحزب
بمعنى أخر They take it for granted
سوال
اين وجدوا معلوماتك؟
طبعا لا يمكنهم في تقديري كحزب إستخدام الداتا الحكومية. لانها مقننة و محمية بقوة القانون ال Privacy act
و على كل الحزب الليبرالي حزب سلطة. حكم كندا اكثر مما حكمه الحزب الشيوعي للإتحاد السوفيتي. مما جعله اجنح حزب في الوصول للسلطة في الغرب الديمقراطي تاريخيا.
و لانهم جبلوا على السلطة. و يرون نفسهم اصحاب حق فيها. فهم لا يتوانون في عمل اي شيئ، من الحصول على معلومات عن الناخب او الكذب اثناء الحملة الإنتخابية او الرشاوي و الكيك باكس كما تم فضحهم قبل سنتين و فقدوا على اثرها السلطة. لذلك يبدوا وجودهم في المعارضة شيئ شاذ بالنسبة لهم، لا يحتملوه ابدا. فيبدون كالأسد في صحراء.
من تلك الاكاذيب و الاستهبال و الاستخفاف بالناخب، موضوع الدي كير.
تحاياي
و اواصل
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
يا ثروت الحق أقبض العمولة.. شوف عيني الإدارة ختت اعلانات هنا في البوست ده..
غايتو سابقة جديدة من نوعها.. دعايات في البوستات؟..
على العموم .. نتفهم ذلك..و نشكر اخونا بكرى على ذلك.. لأنو توسم الخير في بوستنا..و احتمال عندو شعبية ..
المهم..
نواصل..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
شكرا لكل الأصدقاء هنا..
نعتذر عن التأخير و المتابعة..
و سوف أرد بالتفصيل على الأصدقاء الذين حضروا هنا..
سوف اقوم بتقديم لمحة عن برنامج كل الأحزاب المسجلة في كندا.. غض النظر عن انها تمكنت من الوصول الى البرلمان ام لا..و بعدها سنناقش مسألة التعددية الحقيقية و التعددية الشكلية..و لماذا ؟
و لكن قبل ذلك نقدم قائمة بأسماء الأحزاب الكندية.. طبعا المسجلة..
طبعا بعض المسائل لا تخرج عن الطرافة..و هناك اسماء احزاب لو رأها البعض و قرأ برامجها.. سيخرج بحقيقة واحدة .. انو الناس في كندا مرات غير جادين ..و مهما يكن هي الديموقراطية ..و هي راسخة هنا في كندا..و كل يقدم رؤيته و يدافع عنها..
بعض الأحزاب الكندية ..و اختصاراتها .. طبعا هنا اللون مهم للغاية ..و كل حزب ليهو لونو المرتبط بيهو..و ح نتكلم عن الحتة دي بالتفصيل..
طبعا واحدة من الأساطير .. أن كندا تجاوزت مسألة الدين عن الدولة بمراحل ..و لكن مع ذلك .. هناك حزب كندي مسجل و رسمي..و يعمل على خوض الإنتخابات الفيدراليه..وهو حزب (على الأقل من اسمه) حزب ديني صرف ..و هو حزب الإرث المسيحي الكندي..Christian Heritage Party ..و اختصاره..CHP ..و المحك دوما هو صناديق الإختراع..
هناك حزب اسمه طريف للغاية..و هو من احزاب كويبك..و سوف نحتاج لأخوانا العندهم المام باللغة الفرنسية ترجمة برنامجه.. لأن الفرنساوي بتاعي تعبان للغاية..و الناس ديل مصرين ما يكتب برنامجهم بالإنجليزي.. على العموم الحزب اسمو.. حزب الخرتيت الجديد..Neo-Rhino Part ..NHR ..طبعا قد يستغرب اصدقائنا و صديقاتنا من الأجيال الحديثة في السودان.. لهذا الإسم الغريب..و لكن الأغرب أن الخرتيت كان شعار جمهورية السودان في زمن حكومة عبود..!!
ايضا من الأسماء الطريفة.. هناك حزب المارجوانا (يعني بالبلدي حزب البنقو الكندي)..Marijuana Party ..MR .. كنت دايما بتساءل عن هل المارجوانا هي الحشيش.. أو البنقو الواحد داك ..و لا حاجة تانية..القاموس قال اسمو القنب الهندي.. على العموم .. ناس الحزب ديل بطالبوا بالسماح باستخدام المارجوانا.. و انهم نجحو ا الى حد ما.. لأن هناك اجازة باستخدام المارجوانا لأغراض طبية ..و في حدود معينة..
هناك حزب اسمه غريب شوية..و ما قدرت تب اترجموا.. و هو حزب تحالف ناخبي المدافعين عن الحيوان و البيئة..Animal Alliance Environment Voters Party .. AAE ..
حزب الخضر..Green Party ..GRN
الحزب الشيوعي الكندي..Communist Party ..COM ..
الحزب الماركسي - اللينيني ..Marxist-Leninist Pary ..M-L ..
حزب الأحرار (و هو غير الليبرال)..Libertrian Part ..LBT ..
حزب العمل/الفعل الكندي..Canadian Action Party ..CAP ..
طبعا برضك هناك الحزب القومي الكندي..و ممكن ايضا يسمى الحزب الوطني..First Peoples National Party ..FPN..
حزب حلف الغرب الكندي..Western Block Party ..WB ..و هذا الحزب مشابه لحزب كويبك الإنفصالي.. لأنه يطالب بانفصال مقاطعات الغرب الكندي .. طبعا ألبرتا من اكثر المقاطعات رغبة في الإنفصال..و حاتنها قرض مع الحكومة الفيدرالية.. و شرطهم يوم ما تنال كويبك استقلالها .. هم برضو دايرين الإنفصال.. يعني القصة بتشبهنا كتير ..الجنوب (كويبك)..و دافور (حلف الغرب)..و الأكثر طرافة .. أنو حلف الغرب الكندي بيعتقد جزما أن غرب كندا مهمش للغاية..وقرأت كاركتير (في الخمسينات) يصور الغرب الكندي كبقرة حلوب..و واحد من سسكتشوان ماسك قرونها..و ناس اتاوا قاعدين يحلبوها..و هي نفس القصة الكنت بسمعها لمن كنت في الخرطوم..و بعض الأعمام يتذمر قائلا.. لمتين نحن نمسك قرون البقرة و التانيين يحلبوا (يعني ناس الخرطوم)..مش قلت ليكم الناس ديل بشبهونا في الكتير..!
حزب التقدميين ..Progressive Party ..PCP ..و اسمه الحقيقي المحافظين التقدميين.. و منشق من المحافظين..
أما الأحزاب الموجودة حاليا في البرلمان الكندي.. حسب اغلبيتها في البرلمان فيه:
حزب المحافظين ..Conservative Party..CON ..
الحزب الليبرالي.. Liberal Part ..LIB ..
حزب حلف كويبك..Block Quebecios ..BQ ..
حزب الديموقراطيين الجدد ..New Democratic Party .. NDP ..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
الصديق بكري ابوبكر.. حبابك
لآ ادري بالضبط ما هو الحاصل.. ؟.. لأني لحظت وجود اعلان تجاري مرافق لبعض المداخلات التي كتبتها هنا.. فأرجو الإفادة.. هل هذه الإعلانات بعلم الإدارة؟..لو كانت بعلمها ما عندنا مشكلة.. لكن لو كانت بدون علمها .. فنرجو اجراء اللازم.. لأني لا علم بها..
كبر
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
زكريا..حبابك يا صديق
شكرا على الحضور..
و نتمنى أن توفق في قصة الكيبورد العربي.. مع انو ممكن تكتب بالغة الإنجليزية..و تب مافي مشكلة..
كوبا.. قرأت عنها بدري شوية.. كتاب (كوبا الجزيرة التي احببت) ليوسف بشارة..و سمعت عنها من بعض الإصدقاء في الجزيرة أبا.. من الذين قضوا فيها بعض السنوات..
هنا تابعت بعض المواد التوثيقيه عنها.. خصوصا برنامج عن الطبول و الإيقاعات الكوبية..و بعض من موسيقى البلوز..و حتى جذور الريقي.. ما عارف لكن عندهم ارتباط وثيق بريتم الصلصا..
اتمنى أن تجد بعض الوقت لتكتب عن تلك الجزيرة الجميلة..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
السر..حبابك يا صديق
و ده الثيمة الأساسية ..يعني فكرة أنك تحس انك زول ليهو قيمة على قول العميري..
يعني السياسي رايحة ليهو سلطة و مقعدها..و هم بيعملوا بمبدا سيد الرايحة بفتش خشم البقرة.. عشان كده بتعشموا في كل زول..
عندي جارة لي .. بيضاء.. خاتة تحذير في بريدها أنو ما دايرة اي جنك ميل..و الغريبة مافي زول قاعد يديها جنك ميل..اها يوم من باب الفضول سألتها ..و قلت ليها الفكرة شنو؟.. قالت لي .. أنا مستأجرة البيت و معاهو الميل بوكس..عشان كده ما ممكن ادفع للإعلان كمان؟.. استغربت ..و قلت ليها :كيف تدفعي..ماهو ورق و السلام؟.. قالت : انت عارف انو الإعلان الفي التلفزيون أو في الجرايد و المجلات.. دايما بيكون في مساحة محددة و مدفوعة القيمة..أها لمن أنا اسمع باستخدام صندوق بريدي .. بكون شايلة الشيلة عن صاحب الإعلان..و بقدم ليهو في خدمة مجانية..!
شفت جنس المحن دي كيف؟
بخصوص المنحة.. ناس البرتا راميين بعيد..و دايرين المحافظين يرجعوا و يشكلوا حكومة اغلبية..و قصاد دي ممكن يعملوا مليون حاجة.. دي الأولى
التانية.. حاكم المقاطعة الجديد ..استلماك.. شايلها تقيلة مع ناس شركات البترول..و ديل عشان مصالحهم تمشى .. ممكن يدفعوا ..لغاية عشرة الف للفرد.. لأنو دايرين حاجاتهم تمشي..و البرتا تكون مصدر جذب للعمالة.. طبعا اطرف حاجة انو في ألبرتا في محلات اعمال قفلت اعمالها لأنها ما لاقية عمالة..!
شكرا من تاني..و نشوفك..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
تراجي..حبابك يا صديقة
فعلا المدينة اليومين ديل فيها رعب خرافي.. خاصة النساء..و القصة بترجع لأغسطس الفات.. حيث حدثت جريمتي قتل في الأسبوع الأول منه (يوم واحد..و يوم خمسة)..و كانت المسافة قريبة..القصة دي خلت الناس في ام هلاهلا..
اخر جريمة كانت في يوم 17يناير ..الحالي..و ضحيتها امرأة فلبينية..و كانت بالقرب من محطة الميترو..وهو قريب من حلتنا..
البوليس توصل للمتهم..و ووجهت له الإدانة..
لكن البوليس ذاتو في روحو..و اول حاجة بادر بنفيها .. انو الحادث ده ما عندو علاقة بالحوادث السابقة..
المظهر مهم يا تراجي.. لأن هنا الناس دي بتهمهم اكتر حاجة قطاعات الناخبين.. يعني الشباب كتير جدا..و انت عارفة ديل..ما عندهم غير الوجاهة..
الجكس ما ح تكسر في جاك ليتون.. لأنو قصير شوية..
بالظبط.. هي سياسة المنبر الجديدة..
المهم نشوفك تاني..
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
ثروت ..حبابك يا صديق
و شكرا على المفاكرة الجميلة..
بالنسبة لإستغلال الداتا.. ياخي الناس بيلقوا المعلومات بسهولة..
طبعا المستغرب فيهو.. انو في جهات (منظمات/شركات) بتكون شغالة جمع في المعلومات..و بعد داك بتبيعها لمن يرغب..و المعلومات دي لا تتعارض مع قانون حماية الخصوصية..و ممكن تلاحظ أن كثير من الأرانيك لمن تجي تملاها.. بيكون فيها قسم.. متعلق بالإنتخابات..و هو جزء اختياري..و فيهو اقرار.. يعني لمن تصدق عليهو ..ممكن يستغلوا معلوماتك..
انا اجزم بأن واحدة من مشاكلنا في السودان .. انو ما عندنا جهاز احصاء فعال..و الموجود بيتم استغلاله بصورة سلبية.. يعني أول جهة ادخلت استخدام الداتا و المعلومات الشخصية.. هي جهاز الأمن السوداني..و ذلك بغرض مطاردة الخلق..
الحاجة التانية .ز احزابنا السياسية.. ما عندها فكرة عن خطورة المسألة دي..و كل المعتمدين عليهو ارثهم التأريخي.. يعني حزب يكون قافل على ناس في منطقة معينة..و الموضوع ينتهي على كده..
حتى الإستقراء و تبيان اتجاهات الرأي بيكون بوسائل بدائية جدا..و مافي حزب عندو الإستعداد يصرف عيلهو.. يعني ندوة ندوتين و السلام..
الجديد في التجربة الكندية القادمة.. استخدام الإنترنت.ز للتصويت اونلاين..و المسألة جات نتيجة لضعف الإقبال على الإقتراع.. و هي مشكلة بتهم الجميع..
نعم الليبرال .. معتمدين على مثيولوجيا القادمين الجدد..و ديل دايما محل رهان..بس مشكلة القادمين انهم ما عارفين قدرهم كويس..
المسألة التانية.. انو القادمين .. ما عندهم الإستعداد للإنتماء بصورة واضحة للأحزاب الموجودة في كندا..و ده بيرجع للفوبيا تجاه السياسة..خصوصا الأفارقة.ز لأنو كل واحد بيكون جاي برصيد ضخم من القرف..و بيحتاج وكت طويل عشان يتأقلم مع الوضع..
لغاية الآن .. افتكر انو السودانيين عدد كبير..وممكن يحدثوا الفرق.. بس يعرف قدراتهم بصورة معقولة..
نشوفك تاني
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: Kabar)
|
الحبيب كبر سلامات
وتحياتى الى جميع الاحباب المداخلين هنا
وكاحد المتابعين للشان السياسى فى كندا,ومثلى كمثل كثير من المهاجرين هنا
اميل الى الحزب اللبرالى
ما غريبة انو (Dion) شخصيا يرسل لك انت شخصيا خطاب
ويمكن كنت من المتابعين كيف تمت عملية اختيار هذا الشخص كرئيس لحزبه
ومن ثم المعارضة الكندية عموما, الراجل اتى الى هذه المكانة بعد عراك شديد على مستوى
الطرح الفكرى ,ولو كنت متابع حركة الكامبينات (Campaigns)الى دارت بين العشرة متنافسين على الرئاسة
اذكر منهم مايكل اجناتييف ,بوب رييه,والمرة بتاعتنا المن البرتا(مابتزكر اسمها) , والولد يتاع الاقتصاد
الانسلخ من الكونسريفيتف داك,والمعارك الدارت بينهم عيانا بيانا فى كل ارجاء كندا ولمدة ستة شهور حتى تم
اختيار مستر ديون فى(Leadership Convention )فى مدينة مونتريال ,وشفت كيف كان شكل الموضوعات من اقتصاد
وسياسة مثل
The party unity
M East Affairs
Darfur crisis
والخخخخخخخ
والراجل ديون ده ما ساهل عندو سحر خاص وحاذق سياسيا,حيث انه كان فى المركز الثانى بعد اجناتييف فى مؤتمرهم
29% مقابل 35% من نسبة التصويت ولنه بسحرة الخاص اثر على اغلبية المرشحين الباقيين ونال الاغلبية
التحية للحبيب ستيفان ديون والتحية ليك يا حبيب
(عدل بواسطة عبدالمنعم خيرالله on 01-27-2008, 11:35 PM)
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: عبدالمنعم خيرالله)
|
Quote: والراجل ديون ده ما ساهل عندو سحر خاص وحاذق سياسيا,حيث انه كان فى المركز الثانى بعد اجناتييف فى مؤتمرهم
29% مقابل 35% من نسبة التصويت ولنه بسحرة الخاص اثر على اغلبية المرشحين الباقيين ونال الاغلبية
التحية للحبيب ستيفان ديون والتحية ليك يا حبيب |
الاخ عبد المنعم خير الله سلامات
يااخو انت عايش في اية كوكب؟
استافن ديون قد يكون اي شيئ الا ان هذه الصفات لا تتلبسه بتاتاز على العكس فهو رجل سازج و بارد يفقد للكاريزماز يتحدث الليبرالين عن الغطاحة به لانهم حتما سيفقدون الإنتخابات العامة تحت قيادته. هو رجل قدم للقيادة عن طريق الخطا ليس إلا. تاريخه في العمل المام قصير جداز اتى به كيرتيان من موقع البروفسرية الاكاديمية في الجامعة كتقنقراط ليس الاز كريتيان كان حريص على عديمي الخبرة السياسية و مستجدي العمل العامز لخيدم ناحيتينز الاولى ليستخدمه في صراعه مع مجموعة مارتن و داخل كيوباك ليستخدمه ضد المنادين بالإنفصالز و كان صوته عاليا و كان كاثوليكي اكثر من البابا حتى سماه اهل الكيباك بالجرذز كنياية عن التملق للانجليز على حساب الفرنسين الذي ينتمي لهم.
الناحية الثانيةز هذه النوعية من الاشخاص الباهتين عديمي التاريخ الذين لم ياتوا للعمل العام مسخنين بجراح المعارك معفره يداهم بالصراع السياسي، لا يشكلون خطر يذكر على رجل مثل كيرتيان و الذي اطلق عليه لقب الديكتاتورية الصديقة نسبة لتسلطه و توجسه و استمساكه بالسلطة حتى اوطيح به في شبه انقلاب حزبي.
لكن طبعا هو مناسب ليقود الحزب الليبرالي. فهو حزب بلا طعم او رائحة منذ تريدو. حزب يقصده طلاب السلطة بلا استحقاق. يكفى رجل مثل اقناتيف عاش في امريكا ثلاثون عاما و كان يتكلم بضمير : نحن الامريكان. و كان يؤيد التعذيب بواسطة القوات الامريكة لانتزاع الإعترافات و خلعت له من الدائرة الحزبية النائبة اوغستينن النائبة السوداء الوحيدة في هئية الحزبية الليبرالية ليترشح في دائرتها المضمونة. و ترشيحه كان مهزلة و مضحكة سنتاولها في مقبل القادم في البوست.
و اخيرا و ليس آخرا.
في عهد ديون فقد الحزب اليبرالي في انتخابات تكميلية دائرة اوترومون في مونتريال و هي الدائرة التى يفوز فيها الحزب منذ عام 1935 تواصلا ألا مرة واحدة إستثنائية. و كان ديون قد مشى على نهج رئيسيه السابقان كريتيان و مارتن. إذ عين فيها تعيننا صديقه البروفيسر متجاوز الديمقراطية الحزبية و النامينيشن الديمقراطي. فانتزعها بجدارة حزب الأن دي بي لاول مرة في تاريخه في مدينة منونتريال و ثاني مرة في تاريخه في محافظة كيباك.
تحاياي
و اواصل
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: ثروت سوار الدهب)
|
عزيزي كبر
| Quote: طبعا المستغرب فيهو.. انو في جهات (منظمات/شركات) بتكون شغالة جمع في المعلومات..و بعد داك بتبيعها لمن يرغب..و المعلومات دي لا تتعارض مع قانون حماية الخصوصية..و ممكن تلاحظ أن كثير من الأرانيك لمن تجي تملاها.. بيكون فيها قسم.. متعلق بالإنتخابات..و هو جزء اختياري..و فيهو اقرار.. يعني لمن تصدق عليهو |
عصف بذهني قبل اسابيع خلت، حادثة بعينها.
بمناسبة الهنيكة العيد اليهودي. ارسل السيد رئيس الوزراء كارد معايدة بريدية لبعض الاشخاص اليهود.
غير أن تلك المعايدة اثارت حفيظة المسلمون و لما لا يعايدهم استيفن هاربر بالمثل. أثارت إشكالية من نوع آخر.
تسدرت سيدة من من أستلموا المعايدة البريدية و كان تساؤلها: اين و جد رئيس الوزراء معلوماتي ليراسلني. و اخذث الموضوع بجدية و لم تنحني لقيمة المعايدة نفسها و التي في تقديري، سيسعد بها الكثيرون. لكن ، هذه السيدة تنبهت لامر خطر وجب الوقوف عنده. و استطاعت ان تلفت نظر الإعلام عن كيفية حصول الاحزاب عن معلومات المواطنين. طبعا كما أسبقنا القول، رئيس الوزراء لا يستطيع إستخدام الداتا الشخصية للمواطن بحد قانون ستر الخصوصية.
think about it
ساواصل مواصلة اخيرة في موضوع المعلومات معك. ففي ذهني أستنتاج له علاقة بموقع سكنك.
تحاياي
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: ثروت سوار الدهب)
|
Quote: ويمكن كنت من المتابعين كيف تمت عملية اختيار هذا الشخص كرئيس لحزبه
ومن ثم المعارضة الكندية عموما, الراجل اتى الى هذه المكانة بعد عراك شديد على مستوى
الطرح الفكرى |
أتعجَب من مثل هكذا كلام حين يكون فى حق رئيس حزب فى بلد اخر
فى حين يستميت ضد من يتحدثون عن زعامة الحزب الذي ينتمي اليه
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: حيدر حسن ميرغني)
|
الاخ حيدر
Quote: أتعجَب من مثل هكذا كلام حين يكون فى حق رئيس حزب فى بلد اخر
فى حين يستميت ضد من يتحدثون عن زعامة الحزب الذي ينتمي اليه |
دعني اجاوب ما أستطعت
في الأول الكلام مجاني سلبا أو إيجابا
في الثاني النقد له تبعات و نتائج لا يقوى عليها المريد امام السيد.
ربما هناك إعتراف ضمني أيضا، المعنى الاول ديمقراطي حقيقي فحق له التامل في (العملية) الديمقراطية
و الثاني شيخ طريقة و مقدس فلا يجوز نقده او ذكره إلا بإحسان.
تحاياي
| |
|
|
|
|
|
|
|
|
|
Re: رئيس المعارضة الكندية (شخصيا) يرسل لي خطابا: (Re: عبدالمنعم خيرالله)
|
السياسي الخطير عندنا هو أكثر الناس إلماماً بمعائب الآخرين، وبالطبع بقبائح تاريخ المنظومات السياسية التي حوله كلّها، دون أن يعرف ميزة واحدة جيّدة عن منظومته ذاتها. أي هو العَيَّاب الذي لا خير معه يدعو به الناس إلى حزبه سوى معائب الآخرين وفظائع تاريخ منظوماتهم السياسية. فكيف يتم استيعاب إشكالات الحاضر لذهنية كهذه! وكيف للتخطيط أن يكون شيئاً ضرورياً بوسط واقع كهذا، وكيف يتم الاستبصار نحو المستقبل؟
| |
|
|
|
|
|
|
| |
Kabar
bakri abdalla
فارس موسى
Tragie Mustafa
حيدر حسن ميرغني
ثروت سوار الدهب
محسن خالد
Mahjob Abdalla
Zakaria Joseph
عبدالمنعم خيرالله
فيس بوك
تويتر
انستقرام
يوتيوب
بنتيريست