بختنا..آسيا ربيع بيناتنا..

Quote: وهي علي كل حال ناويه تكتب بوست في يوم ما..عن تجربنها كسائقة بص طعنت بسكينه كادت أن تؤدي بحياتها..

Quote: مرحبا بالعضوة الجديدة أسيا ربيع. بس لو ختيتي منى خوجلي دي ما بتجيك أي عوجة.

عشنا موت الأحبه سوا..وكذلك فرحهم..

شفت كيف!

قلت ليك يا دينق...
وهذا علي الرغم من أني لا أعرف علي الأطلاق سبب عداؤك لي..

الا أن عندي احساس قوي..يخبرني بانك تحبني ..بس متغاظ مني..
اهها النصارحك..انا كمان بحبك علي الرغم من انه برضه فيك حاجات غايظاني...

ابه رأيك "لو صحت فرضية الحب والأحساس بيه من ناحيتك..وأؤكد صحة الأحساس من ناحيتي)
انه نبقي أصحاب؟؟
صدقني الصحوبيه والموده أحسن كتير جدا..
وبعدين ياخ نحنا ناس كبار..يعني هيب نتشاكل..نتشاكل كيف يعني..ياخ انا بتي الصغيره ما بتتشكل.زأقوم انا امها الولدتها ابقس شكاله وعلي آخر عمري؟؟
ما بتبقي..دي حكايه شينه ولا شنو أخوي؟؟
واسه الناس البحبهم وبيحبوني ديل ومعاهم البتحبهم وبيحبوك كلهم ..بيرتاحوا ذاتهم أكثر..
انت عارف يا دينق..أغلب الناس هنا بتضايقها المشاكل والمناوشات..والنقه اماني ماها شينه!
علشان كده بيفرحوا لو لقوا كلامك حلو زي كلامي الكتبته ليك ده ...أكنك جرب وقول سمح..يسمح ايامك..

وأقول ليك كلام تاني؟؟؟

آسيا صاحبتي دي ذاتها بتكون فرحانه بجيتها أكتر..

أها..قلت شنو؟؟

اخوان وأصحاب حلوين ولا لأ؟

Quote: يقولون ان نقاط الماء تثقب الصخر ذلك ليس بالقوه انما بالتواصل والشعور الجميل

Quote: مرحبا بالعضوة الجديدة أسيا ربيع.

Quote: منوية .. قلتي لي الزولة دي سواقة بص .. يعني دفعة وكدة ..

Quote: منى سلامات ومشتاقون وأخبار البيبي شنو ? تحياتي صلاح

Quote: يقولون ان نقاط الماء تثقب الصخر ذلك ليس بالقوه انما بالتواصل والشعور الجميل اتمني ان يكون التواصل بكم اضافه حقيقيه للمنبر شكرا بكري شكرا خطاب شكرا مني وحبي واعزازي لكم جميعا

Quote: اسيا انا ضغطت ليك الصورة للبروفايل مش احسن كده ؟؟ لو عجبتك احفظيها ونزليها بعدين مع خالص التحايا ,,,

Quote: منى عوض خوجلى تاتينا بالربيع الطلق الضاحك شخصيا.. لك دفء التساليم وانتى تنثرين الفرح وتذرذرين البشاشة فى المنبر وتزفين خبر حضور اسيا السمحة..ومثلنا لايقوى على حمل البشارة...اذن فلنملاء اذن الريح بالصياح..والتبشير.. اسيا جات اسيا جات ..اخشى ان يكون حالنا حال محمود الكذاب حين نادى هجم النمر هجم النمر..اسيا ارجو ان لا يطول بنا الانتظار...فانتظار الجميلين قاتل..او هو بعض الوجد.. فهلا طليتى،،،،

Quote: منى. أنتي الاغنية وكلمات أسيا ربيع قامو بيك ولا شنوا؟ المهم أنا من ناحيتي ما عندي مشكلة معاك وكلامنا ده دواس ساكت. والبورد ده لا يمكن أن يكون جنة سعيدة لازم تكون الحاجات ماشة مع بعض. مثل العالم الذي نعيش به. ولو دواسنا ده وقف حال البورد زاتوا ح يقيف. يعني عاوزاني أدخل البورد وأكتب شعر وأتونس كأنوا مافي حاجة حاصلة؟ لا لا القصة كده بتبقى بايخة جدا. لازم يكون للبورد نكهة خاصة . أها أنا ذاتي بحبك ولكن بطريقتي الخاصة بي. ودي طبعا عاوزه ليها شرح. فتك عافية.

Quote: عمرو كمال .. خليك مع المطر في باباكوستا ..احسن ليك ..

Quote: ويا منى خوجلى مابتجيبى لينا إلا الحاجات والأخبار السمحة Many thanks

Quote: يا منى. أنا أقول لك أضيفي أسمي في البال توك تقومي تعملي نايمة؟ الظاهر قصة حبنا دي قصة فاشلة ساكت.

سمح؟؟