|
بختنا..آسيا ربيع بيناتنا..
|
أولا بالتبادي تفرحوا شديد..الليله العيد.. آسيا بت ربيع بت المرحومه الحاجه صفيه..بقت عضوه معانا.. والشكر لله أولا واخبرا.. لكن في النص كده الشكر لبكري وخطاب.. ويالناس السمحه روحهم وأخلاقهم..بختكم.. ..... ....... ويا صديق الموج.. ويا خطاب.. وناس الدراما والموسيقي والضحكه النقيه.. يبقي منظركم شييييين ان ماظهرتوا بي جاي وقعدتوا قبلكم تحتفلوا بآسيا.. ........ ........ ويا عليش..نادي الزهاجه بيتملي خضره وبرضه الطار ما بنخليه..كلم نبراس وسناء جعفر.. علشان سهام المجمر لما تجي تفرح أكتر.. وانت النكلمك يا خالد الأرباب.. انت زول حكاي..وآسيا دي ذاتها حكايه شديد..يبقي لازم تفرح بيها.. وبجيكم كلكم يا أهل الأنسانيه واللطافه عضوية البورد..أشوفكم بتحبوا صاحبتي آسيا زي ما بحبها ولا لأ
|
|
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
وبعدين لمعلوميتكم.. اسيا سواقة بص.. اي زول عايز يجي لندن وماعارف يمشي لأي مكان بياتو بص..يسأل آسيا.. وهي علي كل حال ناويه تكتب بوست في يوم ما..عن تجربنها كسائقة بص طعنت بسكينه كادت أن تؤدي بحياتها.. ....... ....... يعني الحمدلله ربنا كتب ليها عمر جديد...
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
في (14) حارة بين الحاجة صفية و العم ربيع أبشر, و الحاجة صفية تدندن بأغنية (يا ربيع الدنيا في عينييا) و بنشوة المنتصر, ضربت التربيزة بقوة صائحة, و كرت كوتشينة (أزرق) بين أصابعها:
آس.... يا.... ربيع.....
و خرجت لنا هذه الشابة الرائعة..... أخت الأخوان.....
آسيا ربيع أبشر
مرحبتين حبابك و اليوم السعيد اللينا جابك.... وجيدا جيتي......
وشكرا منى.........
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
Quote: وهي علي كل حال ناويه تكتب بوست في يوم ما..عن تجربنها كسائقة بص طعنت بسكينه كادت أن تؤدي بحياتها.. |
يامرحب يا مرحب بآسيا ربيع سائقة البص الشهيرة ... كيف حالك يا الخوجلية مالك قطعت تلفوناتك مننا(وجه ضاحك).
يلا عاوزين نسمع حكاوي وقفشات الأخت آسيا ربيع.
تحياتي
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
عاطف عابدون كتر خيرك الحضرتنى قيدومة اسيا.. منى عوض خوجلى تاتينا بالربيع الطلق الضاحك شخصيا.. لك دفء التساليم وانتى تنثرين الفرح وتذرذرين البشاشة فى المنبر وتزفين خبر حضور اسيا السمحة..ومثلنا لايقوى على حمل البشارة...اذن فلنملاء اذن الريح بالصياح..والتبشير.. اسيا جات اسيا جات ..اخشى ان يكون حالنا حال محمود الكذاب حين نادى هجم النمر هجم النمر..اسيا ارجو ان لا يطول بنا الانتظار...فانتظار الجميلين قاتل..او هو بعض الوجد.. فهلا طليتى،،،،
| |
|
|
|
|
|
|
Re: بختنا..آسيا ربيع بيناتنا.. (Re: عبدالمنعم الرزوقي)
|
صديق الموج..
ترهاقا...
عبد المنعم الرزوقي..
ماشاء الله عليكم.. آسيا دي المفروض تجي نازله هنا ونسه شديده معاكم وتكتب معاكم علي مناسيات كتيره عندها معني عندكم وعندها..ولا شنو يا تسويه؟؟
نحنا غايتو في لندن دي..ىسيا دينمو الحب الفيها..ويس!
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
اسيا ربيع ما مصدق والله مرحب بيك كتير طبعا اسيا يا جماعة طاقة لا تنضب وايد حتثرى سودانيزاون لاين وشكرا منى خوجلى على الخبر الجميل
لكن الحقوها لانها عندها مشكلة فى كتابة العربى او اهدوها كيبورد عربى عشان تتحفكم بالكلام الما خمج ضياء ميرغنى
| |
|
|
|
|
|
|
Re: بختنا..آسيا ربيع بيناتنا.. (Re: سجيمان)
|
ضياء نعومي دتور عادل (سجيمان)
آسيا قالوا ما عندها كي بورد.. زيي زمان! وبعدين لما مشيت الخرطوم نعومي جابت لي واحد هديه..وبعدين ماكان الشكل المطلوب..يعني مانفع مع الكومبيوتر.. قامت رسلت لي واحد تاني..بعد قتره بقي يعمل لي حركات.. المهم لقيت ليكم الكيبوردات العربي ماليه لندن..شوفتوا جنس الحال ده؟؟ وكمان رخيصات 12-15 جنيه..ساكت بس اتعاورت في الخرطوم..وكلفت نعومي.. المهم يا آسيا ان ما اتلاقينا قريب..الكي بورد تلقيه في محلات الكومبيوتر في كوينز واي..المحل البعد مطعم خان طوالي.. ماتقومي تمشي خان وتخلي محل الكومبيوتر
شكرا اصدقائي الحلوين علي ترحيبكم بآسيا الحلوه..
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
الف مرحب بالاخت والصديقه اسيا ربيع ,,
اخر مره التقينا فيها كان يوم وفاة العزيز المرحوم الاخ عبد العزيز العميرى فى ابروف
بأم درمان حيث بكته بكاءا حارا حتى اشفقنا عليها يومها , وفرقت بيننا الايام ,
ارجو ان تنقلى لها تحياتى ولشقيقاتها بلندن , واتمنى ان نراها ناثره للفن والظرافه
كعهدنا بها ,,
كمال سالم
| |
|
|
|
|
|
|
Re: بختنا..آسيا ربيع بيناتنا.. (Re: kamal ali)
|
الف مرحب بالفنانه القديره جدا آسيا ربيع
وآسيا وناسه زى بت خالته سلمى الشيخ
البورد منور و منتظرين الطلة
( بعد حل مشكلة العربى بالكمبيوتر)
شكرا يا بت خوجلى على الاخبار المفرحه
| |
|
|
|
|
|
|
Re: بختنا..آسيا ربيع بيناتنا.. (Re: Deng)
|
Quote: مرحبا بالعضوة الجديدة أسيا ربيع.
بس لو ختيتي منى خوجلي دي ما بتجيك أي عوجة. |
دينق.
مرحب يا دينق ...
انت آسيا دي قايل بنعرفها من وراء شاشه؟ أم تراك تظن أننا لم نلتق من قبل؟ يا للهول! لقد التقينا... واكلنا وشربنا..ثم غنينا ورقصنا وعندما غابت الصحة منا تبادلنا العنايه والرعايه.. بيننا اواصر من المحبه والترابط اقوي من اي وصايا غاشمه عشنا موت الأحبه سوا..وكذلك فرحهم..
شفت كيف!
قلت ليك يا دينق... وهذا علي الرغم من أني لا أعرف علي الأطلاق سبب عداؤك لي..
الا أن عندي احساس قوي..يخبرني بانك تحبني ..بس متغاظ مني.. اهها النصارحك..انا كمان بحبك علي الرغم من انه برضه فيك حاجات غايظاني...
ابه رأيك "لو صحت فرضية الحب والأحساس بيه من ناحيتك..وأؤكد صحة الأحساس من ناحيتي) انه نبقي أصحاب؟؟ صدقني الصحوبيه والموده أحسن كتير جدا.. وبعدين ياخ نحنا ناس كبار..يعني هيب نتشاكل..نتشاكل كيف يعني..ياخ انا بتي الصغيره ما بتتشكل.زأقوم انا امها الولدتها ابقس شكاله وعلي آخر عمري؟؟ ما بتبقي..دي حكايه شينه ولا شنو أخوي؟؟ واسه الناس البحبهم وبيحبوني ديل ومعاهم البتحبهم وبيحبوك كلهم ..بيرتاحوا ذاتهم أكثر.. انت عارف يا دينق..أغلب الناس هنا بتضايقها المشاكل والمناوشات..والنقه اماني ماها شينه! علشان كده بيفرحوا لو لقوا كلامك حلو زي كلامي الكتبته ليك ده ...أكنك جرب وقول سمح..يسمح ايامك..
وأقول ليك كلام تاني؟؟؟
آسيا صاحبتي دي ذاتها بتكون فرحانه بجيتها أكتر..
أها..قلت شنو؟؟
اخوان وأصحاب حلوين ولا لأ؟
| |
|
|
|
|
|
|
Re: بختنا..آسيا ربيع بيناتنا.. (Re: Mohamed Abdelgaleel)
|
منى خوجلى الحبيبة الما بجى منها غير كل الخير
اسيا بت صفية مرة واحدة كده؟ حبابك بت امى
شكرا ليك حبيبة لقيت رسالتك ونحنا بى خبر من جدة متوجهين المدينة سلامى لناس البيت كلهن مش بقولو كده ناس الرادى فى الحجاز ؟ خلينا نشوفك دايما
| |
|
|
|
|
|
|
Re: بختنا..آسيا ربيع بيناتنا.. (Re: Salah Waspa)
|
مرحب بى أسياء
واتمنى ان يكون البورد أفضل بمشاركاتك
منو... كيفنك واحوالك؟
انعام 1 ..
Quote: منوية .. قلتي لي الزولة دي سواقة بص .. يعني دفعة وكدة ..
|
ما تتسلبطى ساكت.. انتى سايقة ليك امجاد بس،، تعمليها بص عديييييييييييييييييييييييييييل!!!
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
Quote: يقولون ان نقاط الماء تثقب الصخر ذلك ليس بالقوه انما بالتواصل والشعور الجميل
اتمني ان يكون التواصل بكم اضافه حقيقيه للمنبر
شكرا بكري
شكرا خطاب
شكرا مني
وحبي واعزازي لكم جميعا |
اسيا غايتو شدة البت البتسوق الدبل ديكر فى لندن!!!! انا لى اربعة سنة فى المنبر والى الان ما بعرف انزل الصورة.. انتى يا الشديدة جايه بى صورتك طوالى... عفيت منك،،،،،
| |
|
|
|
|
|
|
Re: بختنا..آسيا ربيع بيناتنا.. (Re: Faisal Al Zubeir)
|
.. ... .اسيا ربيع .اسم يحمل فى حروفه الغنا ..تفقدنا واحد واحده .تتطمن علينا ..كما محمد الحسن سالم ..حين يكتب الشعر .لا يترك قافية .او ناصية مهمله .. .هى اسيا التى عرفناها ..زمانا تشب عن الطوق فيه .. .فرفدتنا بالجمال .. .طوقتنا بالظلال .. .واسعفت مركبنا وتقلبات اليم..بالرياح المواتيه .. . .
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
لا حول ولا قوة الا بالله ...
آسيا ربيع زااااتها ...بى صفاتا وحلاتا ...
قاعدة فى وسط السباتة ...
تمشط فى شعراتا ؟؟؟
يا سلام والله المنبر ده بعد أنا بتفرغ ليه ...
وليك كم يوم معانا وأنا ما داخلة فى البوست ولا مرحبة ولا ده ولا ده؟؟
يا حبيبتى أهلا بيك ..وصوت اللوم وصلنى من عركى ...لكن لومن بيجى منك دى نحن بس بنشيلو فى راسنا ...معليش يا آسيا لكن أنا اتصلت بيك بمجرد ما وصلت لندن ...وانتى ما عارفة الجية دى كانت نص يوم قدر شنو؟؟
المهم ما تكبرى لينا "الكلمات" خشى فى الموضوع طوالى ...لأنك انت أجمل من كل الكلام ...يا غالية ...ومرحب بيك تانى ...وألف مرة
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
Quote: قلت ليك يا دينق... وهذا علي الرغم من أني لا أعرف علي الأطلاق سبب عداؤك لي..
الا أن عندي احساس قوي..يخبرني بانك تحبني ..بس متغاظ مني.. اهها النصارحك..انا كمان بحبك علي الرغم من انه برضه فيك حاجات غايظاني...
ابه رأيك "لو صحت فرضية الحب والأحساس بيه من ناحيتك..وأؤكد صحة الأحساس من ناحيتي) انه نبقي أصحاب؟؟ صدقني الصحوبيه والموده أحسن كتير جدا.. وبعدين ياخ نحنا ناس كبار..يعني هيب نتشاكل..نتشاكل كيف يعني..ياخ انا بتي الصغيره ما بتتشكل.زأقوم انا امها الولدتها ابقس شكاله وعلي آخر عمري؟؟ ما بتبقي..دي حكايه شينه ولا شنو أخوي؟؟ واسه الناس البحبهم وبيحبوني ديل ومعاهم البتحبهم وبيحبوك كلهم ..بيرتاحوا ذاتهم أكثر.. انت عارف يا دينق..أغلب الناس هنا بتضايقها المشاكل والمناوشات..والنقه اماني ماها شينه! علشان كده بيفرحوا لو لقوا كلامك حلو زي كلامي الكتبته ليك ده ...أكنك جرب وقول سمح..يسمح ايامك..
وأقول ليك كلام تاني؟؟؟
آسيا صاحبتي دي ذاتها بتكون فرحانه بجيتها أكتر..
أها..قلت شنو؟؟
اخوان وأصحاب حلوين ولا لأ؟ |
منى.
أنتي الاغنية وكلمات أسيا ربيع قامو بيك ولا شنوا؟
المهم أنا من ناحيتي ما عندي مشكلة معاك وكلامنا ده دواس ساكت. والبورد ده لا يمكن أن يكون جنة سعيدة لازم تكون الحاجات ماشة مع بعض. مثل العالم الذي نعيش به. ولو دواسنا ده وقف حال البورد زاتوا ح يقيف. يعني عاوزاني أدخل البورد وأكتب شعر وأتونس كأنوا مافي حاجة حاصلة؟ لا لا القصة كده بتبقى بايخة جدا. لازم يكون للبورد نكهة خاصة . أها أنا ذاتي بحبك ولكن بطريقتي الخاصة بي. ودي طبعا عاوزه ليها شرح. فتك عافية.
دينق.
| |
|
|
|
|
|
|
Re: بختنا..آسيا ربيع بيناتنا.. (Re: Deng)
|
الرائعة دوما مني خوجلي
لك التحية
ومعك الجمال دوما ينثر الفرح
وبت الربيع الحبيبة آسيا أحالت شتاء البورد الى ربيع بمقدمها الأنيق..
وصية بالله يامني كان آسيا ماشافت مداخلتي دي أن تقولي ليها عبدالعزيز خطاب بسلم عليك شديد وشديد..
وبقول ليك ياحليل أيام ماكنا والمعهد الجميل .. وقولي ليها بقول ليك لاقيت الطاهره وحمامه وخفاجة وعمر عثمان الجاك وحسبو فى الإذاعة قبل ثلاثة أسابيع بأمدرمان..
محبة وشوق أمنيات
عبدالعزيز خطاب
| |
|
|
|
|
|
|
Re: بختنا..آسيا ربيع بيناتنا.. (Re: رأفت ميلاد)
|
Quote: منى عوض خوجلى تاتينا بالربيع الطلق الضاحك شخصيا.. لك دفء التساليم وانتى تنثرين الفرح وتذرذرين البشاشة فى المنبر وتزفين خبر حضور اسيا السمحة..ومثلنا لايقوى على حمل البشارة...اذن فلنملاء اذن الريح بالصياح..والتبشير.. اسيا جات اسيا جات ..اخشى ان يكون حالنا حال محمود الكذاب حين نادى هجم النمر هجم النمر..اسيا ارجو ان لا يطول بنا الانتظار...فانتظار الجميلين قاتل..او هو بعض الوجد.. فهلا طليتى،،،، |
منى خوجلى سلامات.. لك و لآسيا و لكل من مر/ت من هنا محبتى
| |
|
|
|
|
|
|
Re: بختنا..آسيا ربيع بيناتنا.. (Re: Deng)
|
Quote: منى.
أنتي الاغنية وكلمات أسيا ربيع قامو بيك ولا شنوا؟
المهم أنا من ناحيتي ما عندي مشكلة معاك وكلامنا ده دواس ساكت. والبورد ده لا يمكن أن يكون جنة سعيدة لازم تكون الحاجات ماشة مع بعض. مثل العالم الذي نعيش به. ولو دواسنا ده وقف حال البورد زاتوا ح يقيف. يعني عاوزاني أدخل البورد وأكتب شعر وأتونس كأنوا مافي حاجة حاصلة؟ لا لا القصة كده بتبقى بايخة جدا. لازم يكون للبورد نكهة خاصة . أها أنا ذاتي بحبك ولكن بطريقتي الخاصة بي. ودي طبعا عاوزه ليها شرح. فتك عافية. |
دينق.
واحلات صباحاتنا.. شكرا يادينق علي الأعتراف الخطير الذي سبقه اعترافي الأخطر.. اها شوفت اخوي الحمل الثقيل زح من قلوبنا كيف؟؟ وبعدين الشعراء السمحين ديل الزول ذاته مابيقدر يشبهم "عن عمد" اسه انا اليوم داك قدر ما حاولت استنطق القمر وأفلق الصخر برقه وأتحايل علي الظروف ببسمات..غلبني يا دينق.. القضيه ما ساهله..شوفت الحب البيجي بالباب ومرات خلسه بالشباك ده؟ برضه غلبني.. لكن ده ماخلاني برضه ابقي دواسه زيك..وبعدين يا دينق مصطلح الدواسه ده ذاته بيذكرني بفرامل العربيه..ليه الناس تعرف الدواسه وما تعرف الفرامل؟؟ موش حاجه غريبه؟؟
.......... ..........
أهه اسه أخوي أنا مطالباك حاجات كتيره.. أولا بالتبادي تهنيني بعيد ميلاد بت أختك.. بتي آيه السبعتاشر والتمنتاشر والتسعتاشر بأثر رجعي.. سمح؟؟
وبعد داك طبعا بزواجها قبل 15 شهر.. سمح؟؟
ومن ثم تأتي باذن الله تهنينا بعيد ميلادها العشرين لللسه ماجه..اصله نحنا يا دينق ناس قتلتنا المواجع وما زي ما انت ظاني لما قلت "الجمره بتحرق الوا طيها" اماني ما حرقتنا جمرات زي ناس كتبره في الدنيا.. وبرضه أكتر من ناس كتيره في الدنيا.. وعارفنها زايله بشينها وسماحتها زايله..علشان كده مع الهم بنسعي نخلق فرح..لينا وللحوالينا.. ......... .........
شوفت يا دينق انا الليله كمان حبي ليك زاد..
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
مرحبا أسوية .. نورتي المنبر ..
عارفة كله سنة أركب في بص وأنزل من بص عشان أصادفك وأتعرف عليك وما حصل لي الشرف سبحان الله أهو إتلاقينا في المنبر .. شكرا لبكري
و الشكر موصول لمنى خوجلي الحلوة ولماجدة خوجلي الجميلة ومرحب بيك تاني ,, السنة دي لازم أشوفك عشان أصل معاك لآخر محطة !!!
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
منوية بالله رجعي لي كيبورداتي ... ولا اقول ليك ادي آسيا واحد .. والتاني جيبي لي معاك لما تجي آخر الشهر !!
آسيا ربيع دي كراعها لينة وسمحة وبخيتة .. مبروك الحب يادينق ومني .. انا ذاتي بحبكم الاثنين ..اهة
عمرو كمال .. خليك مع المطر في باباكوستا ..احسن ليك ..
| |
|
|
|
|
|
|
Re: بختنا..آسيا ربيع بيناتنا.. (Re: Amira Elsheikh)
|
Quote: عمرو كمال .. خليك مع المطر في باباكوستا ..احسن ليك .. |
شكرا إنعام
يا ناس البورد
كلكم عرفتو
انا كنت فى بابكوستا
إنعام....شوفى ليك موضوع تانى.... برضه متسلبطة ، من امجاد تعمليها بص!!!!!!
كمان عشان اوريك ، بصات لندن دى دورين
وفى اسانسير فى النص
| |
|
|
|
|
|
|
Re: بختنا..آسيا ربيع بيناتنا.. (Re: bakri abdalla)
|
Quote: ويا منى خوجلى مابتجيبى لينا إلا الحاجات والأخبار السمحة Many thanks |
بكري عبدالله ازيك..ومشتاقين.. انت بتغيب كتير مالك؟ كتير ولمده طويله...
شكرا يا جميل علي ترحيبك بالجميله آسيا.. والله عندها جنس حكاوي...اسكت ساكت!
| |
|
|
|
|
|
|
Re: بختنا..آسيا ربيع بيناتنا.. (Re: Deng)
|
Quote: يا منى.
أنا أقول لك أضيفي أسمي في البال توك تقومي تعملي نايمة؟
الظاهر قصة حبنا دي قصة فاشلة ساكت. |
دينق.
النبي فيك يا دينق ما تفشلها... حبنا اقوي واعظم ومالقيناه بسرعه.. انا البالتوك داك ذاته مشيته مرتين ..قايلني فالحه فيه؟؟ ومادام حبنا قوي وعنيف..وماقي قرق بيناتنا..ليه طيب انت القديم وبتعرف الطريقه ماتضيفني؟؟ انا اضفتك بمعرفتي التعبانه ديك والظاهر الطريقه كانت غلط..
......... .........
الحياه انت والربيع انت
سمح؟؟
| |
|
|
|
|
|
|
Re: بختنا..آسيا ربيع بيناتنا.. (Re: Muna Khugali)
|
ايه الحصل ,,, حب فى المنبر ,,, وكمان حب حبوبات ,,,
والله انا سعيد يادينق ويامنى ,, غايتو زى ماقلت قبل كده ,, كل يوم فى المنبر
ده بنتعلم قيم انسانيه لاحدود لها ,, اتمنى ان نسمو جميعا مثلكم ونترفع عن الصغائر
ونستفيد من الوقت القصير جدا المتبقى من اعمارنا , فيما من شأنه اعلاء القيمه الانسانيه
ِشكــــــــــــــــــــــــــــرا كتير ليـــــــــــــــــكم كمال سالم
| |
|
|
|
|
|
|
Re: بختنا..آسيا ربيع بيناتنا.. (Re: الرفاعي عبدالعاطي حجر)
|
اسوية الندية ندية طبع وادب واخلاق شرفتى ونورتى واطربتى الدواخل بى طلتك السمحة زيك يا ناعمة يا ضل الضحى ياناعسة يا نسمة عصر
بخت ضيوف واعضاء حوش بكرى بيك وبختنا كلنا يعلم الله .. شكرا منى الغالية البجى منك كلو سمح وكريم شكرا محنة امات ودعوة حبوبات اسماء الجنيد مسقط
| |
|
|
|
|
|
|
|