|
|
 الخرطوم تندد بحصار غزة ودارفور يطحنــها المــوت
|
اليوم مظاهرة في الخرطوم تندد بحصار غزة
تخرج الخرطوم اليوم في مظاهرة تندد بحصار غزة في وقت تواصلت المظاهرات والاعتصامات والتنديدات العربية والإسلامية والدولية على الحصار الإسرائيلي المفروض على القطاع فيما قررت الجامعة العربية طلب عقد جلسة لمجلس الأمن الدولي للبحث في الوضع الإنساني الحرج الذي يشهده القطاع
صحيفة الايام
العدد رقم: 9013
الثلاثاء2008-01-22
حسنا ما تفعلة الخرطوم من تضامن انسانى من اجل وقف التصعيد العسكرى الاسرائلى على الفلسطنيين
ولكن اليس حال اهلنا فى دارفور ما يستوجب الخروج فى مسيرات تطالب بحل الازمة ووقف التصعيد العسكرى فى الاقليم
هل سالت الخرطوم نفسها عن ما قدمتة من مناصرة لاهل دارفور عبر طرق
التضامن/المسيرات /الاعتصامات/ الدعم المادى والمعنوى
ان الضمير السودانى بشكل عام مطالب بمراجعة موقفة فيما يحدث فى دارفور
هناك اطفال يموتون ويجوعون ونساء ارامل فقدن ازواجهن فى المواجهات العسكربة التى تعصف بالاقليم
هناك موجة كبيرة من النزوح والجوع والفقر يحصد الارواح بشكل يومى
|
|
 
|
|
|
|
|
|
|
|
Re: الخرطوم تندد بحصار غزة ودارفور يطحنــها المــوت (Re: النسر)
|
النسر سلامات
يازول كيف نحن لازم نقول غزة ونقول رفح ونقول خان يونس عشان ننسى دارفور.
قال بيقولا ايه
بيقول الكهرباء انقطعت!!waw !!
طيب مش كويس انه عندهم كهربا من اساسه؟؟؟؟
ويحدثوننا عن موت االطفال في المستشفيات!!waw!!
مش كويس عندهم مستشفيات من اساسه؟؟؟
اطفال السودان في اغلبهم لا مشتفيات لهم
وخليك من اهل دارفو رالذين اصلا يهدف البعض لابادتهم
قبل كم يوم كتبوا هنا عن امرأة وضعت طفلها على باب المستشفى
ولحقتها الدكتورة واجرت توليدها في باب المستشفى لان زوجها لم يتمكن من دفع تأمين النقالة!!
وقال يقولوا لك اطفال غزة!!
اطفال غزة افضل حالا من اطفال الخرطوم نفسها
خليك من اطفال دارفور.
لكنها محاولات تغيب الوعي المستمرة.
وبعدين كهرباء شنو البيبكوا عليها وقالبين الهوبه
ماهي بورتسودان بتقتطع بالشهور
و الابيض بتقطع بالشهور و الجنينه مافيها كهرباء ذاتها
قال كهرباء قال!!
تتذكروا الوزير الكوز والقال لينا مالكم ومال الكهرباء
ما تشربوا موية الزير اجمل واصحى وعودوا لعهد الفوانيس فان نورها اكثر رومانسيه!!
| |
|
|
|
|
|
|
|
|
|
Re: الخرطوم تندد بحصار غزة ودارفور يطحنــها المــوت (Re: nabielo)
|
nabielo
التحية لشهداء كجبار
والتحية لكل مناضلى الشمال
دارفور وكجبار وجبال النوبة جميعهم لهم مستحاقات
لابد من النظر فيها
لكى لا ننسى فقط علينا بتذكير الجميع
بان دارفور تشتعل
وكجبار تضيع فى الغرق
وكل مناحى بلادنا المهشة تموت من الجوع والفقر
معا من اجل التغير
معا من اجل وقف الحرب والقتل فى بلادنا
| |
|
|
|
|
|
|
|
|
|
Re: الخرطوم تندد بحصار غزة ودارفور يطحنــها المــوت (Re: النسر)
|
نعلن تضامنا الكامل مع اهل دارفور
لا للقتل
لا للتشريد
لا للعنصرية
توحدوا يا حركات دارفور ان في الوحدة قوتكم
اليوم الكل معكم ولكن بكرة ما مضمونة
العالم مصالح
ما تفتكروا وقوف العالم و خاصة امريكا و اوربا من اجل انسان دارفور
انما من اجل مصالحها( الحكومات الرسمية)
و لهذا توحدوا و استغلوا الفرصة و اخدوا حقوقكم
تخريمة
الي المستعرب صاحب القصيدة هذا البوست من اجل انسان دارفور
فارجو ان تغرد بعيدا
مع الاعتذار من صاحب البوست
| |
|
|
|
|
|
|
|
|
|
Re: الخرطوم تندد بحصار غزة ودارفور يطحنــها المــوت (Re: nabielo)
|
Quote: تخريمة
الي المستعرب صاحب القصيدة هذا البوست من اجل انسان دارفور
فارجو ان تغرد بعيدا
مع الاعتذار من صاحب البوست |
جمعتك مباركه يا nabielo
دا ينفع موضوع لبوست لحاله مش تخريمه وبس......اقول ليهو تور يقول احلبو!!!!
ياخ نقول شنو نقول منو??.....نقول دبرة في دو دو قالو جيبو حمار اكوو!!! ولا نقول مولانا مودر بيت البكا !!! والا كان عندك حاجه عند الكلب قول ليهو يا سيدي??..غايتو اهلنا في دار فور بقولو: مصيبة الفكي: قال بفسي هرا وقال بقش خرقو كسرا فوقو قشاي....
ياخ عنوان البوست واضح صريح غير مستتر.....استشعر كجبار , جبال النوبه, حلايب, وكتر خيرك لو عرجت كمان شويه على دار فور بدل الهباب الجيبتو دا
| |
|
|
|
|
|
|
|
|
|
Re: الخرطوم تندد بحصار غزة ودارفور يطحنــها المــوت (Re: كمال الدين بخيت اسماعيل)
|
كمال الدين بخيت
ياصديقى لا عليك
الكل موجوع بما هو مستعجل علية من قضايا
لا ننكر ما يحدث فى غزة
ولكن دارفور محنة حقيقة وحالة متفردة من الصراع
وموت الضمير الانسانى بشكل عام
فقط لنزيد صرخاتنا من اجل اهلنا فى دارفور
لانكف ولا نمل ولا نسكت حتى تشفى دارفور من جراحها
ويعود اليها امنها وينصف انسانها
محبتى لك ولكل من مروا من هذا الدرب النازف
قلبى على وطنى
| |
|
|
|
|
|
|
| |
Tragie Mustafa
نورالدين صلاح الدين
ابوعسل السيد احمد
Sabah Hussein
عبد الرحمن الطقي
nabielo
أنور أدم
فيس بوك
تويتر
انستقرام
يوتيوب
بنتيريست