|
|
 اخيرا تم المراد
|
اخواني و اخواتي اعضاء المنبر العام اتشرف بالانضمام اليكم اخيرا و من زمان كان نفسي ادخل الحوش الكبير دا و اسلم علي كل الناس فردا فردا و اخيرا تم المراد و من هنا امد يدي لكم جميعا سلاما وحبا و تمني .
و عبركم اود ارسال شكري و تقديري للباشمهندس بكري و لكل من سعي جاهدا معي حتي حصلت علي العضوية و شكر خااااص للعضو المميز وليد المبارك
|
|
 
|
|
|
|
|
|
|
 Re: اخيرا تم المراد (Re: سلمى الشيخ سلامة)
|
تسلمي يا بت الشيخ ربنا يقدرني و فعلا اكون عضو مفيد و اسعد الناس بس اوعدك انه انا و انت اكيد حنكون اصحاب لانه بيننا قواسم مشتركة و اصحاب مشتركين رغم اننا لم نلتقي ابدا لكن اهو الحمدلله سودانيز اون لاين جمعت بيننا رغم انف الزمان و المكان و بجيك راجعة يا بت الشيخ و احكي ليك عن اصحابنا المشتركين ، شكرا كتير علي الترحيب
| |
|
|
|
|
|
|
|
|
|
Re: اخيرا تم المراد (Re: heba Elmahi)
|
يا جماعة وين كل الناس الحلوين المن زمان نفسي اسلم عليهم ? انا غايتو ما طالعة من هنا الا الاقي الناس كلهم و اسلم عليهم و احكي ليهم عن اي خاطر مر بي او اي تعليق كان نفسي اقوله و عدم العضوية حرمني من قوله ، المخزون كتير وافر بس الناس دي وينها يا سلمي معقول انا و انتي الليلة برانا في الحوش دا كله ?
| |
|
|
|
|
|
|
|
|
|
Re: اخيرا تم المراد (Re: salma subhi)
|
الله يبارك فيك و شكرا كتير علي المرور الكريم ، و فعلا صرح شامخ يجمع الناس من كل اشتات الارض حبا في السودان الارض و الشعب و النيل ، مبروك لينا كلنا وجودنا هنا
| |
|
|
|
|
|
|
|
|
|
Re: اخيرا تم المراد (Re: Ashraf el-Halabi)
|
تسلم يا اشرف و شكرا علي الترحيب ، زمان في السودان كانت كلمة حلبي دي نبذة مع احترامي ليك لكن الايام دي و مع الهيصة الحاصلة في البلد و موضة التهميش و ما ادراك ما التهميش احسن ليك فرزت كومك ، شكرا للمرور الكريم
| |
|
|
|
|
|
|
|
|
|
Re: اخيرا تم المراد (Re: يوسف الولى)
|
شكرا كتير يا الولي ( تلحقنا و تنجدنا ) ربنا يوفقنا جميعا و يقدرني اضع بصماتي في هذا المنبر و هو يحفل بعدد هائل من الناس الافذاذ في كل المجالات ، و شكرا مرة تانية للدهم المعنوي و الترحيب
| |
|
|
|
|
|
|
|
|
 Re: اخيرا تم المراد (Re: حيدر حسن ميرغني)
|
حبابك يا هبه ..
مرحب بيك في حوش بكري اللامينا كلنا..
بيت كبير جميل تنفخي بطنك وتقول كل النفسك فيه ..
يلا قوي قلبك وقولي العايزاه ..
خليك من حكاية التراحيب دي ..
اتعلمي وعلمي .. أفيدي واستفيدي ..
حيجوك أركان حرب المنبر يوروك البدايات الصحيحة من وين..
في بوستات كدا مفاتيح لازم تمري عليها قبلما تكتبي أي حاجة ..
فيها فنون الكتابة في المنبر .. الخطوط .. الألوان .. الفيديو .. الصوت .. الصور ..
أنصحك بمشية للمكتبات أقري لمن تفتري ..
وتعالي أكتبي بعديها لمن تفتري ..
حبابك مرة تانية .. أتمنى إنك تبقى إضافة نوعية للمنبر..
=========
يكفي أنه المرشحك الزول الرائع وليد الشفت عشان نجي جاريين نرحب..
| |
|
|
|
|
|
|
|
|
|
Re: اخيرا تم المراد (Re: محمد نور أحمد)
|
مرحب بيك اخونا محمد نور و شكرا كتير علي الترحيب و علي النصيحة الذهبية و بالجد انا محتاجة دعم كل الناس السانير في المنبر و ان شاءالله سوف تجدوني عضو مفيد ، تسلم
| |
|
|
|
|
|
|
|
|
|
Re: اخيرا تم المراد (Re: اسعد الريفى)
|
مرحب بيكم جمعيا اخواني مبارك ، هاشم و اسعد و شكرا كتير علي مروركم الكريم ، و انا سعيدة جدا بوجودي وسطكم و في بيتكم العامر و لكم خالص تقديري
| |
|
|
|
|
|
|
|
|
|
Re: اخيرا تم المراد (Re: ناذر محمد الخليفة)
|
مرحبا هبة ..
إن شا الله يعجبك الحال و تواصلي ..
الملاواة هنا بتحرق الروح , لكنها لازمة ..
قالوا الدهب بتجليهو النار .
تحياتي .. و حبابك تاني .
...
الصديق و الدفعة عادل عبدالقادر الماحي .. شقيقك ؟
تحياتي ليهو إن كان كذلك .
| |
|
|
|
|
|
|
|
|
|
Re: اخيرا تم المراد (Re: Emad Abdulla)
|
مرحب بيكم ناذر و عمدة شكرا كتير علي الترحيب ، و انا جاهزة يا عمدة للملاوة لاني عندي اراء كتيرة محرقة روحي من زمااان لانه في بوستات كتيرة كنت بقراها و بكون عندي كلام عاوزة اقولو و عدم العضوية يحرمني و يحرق روحي عشان كا جايكم روحي محرقني جاهزة و الحماس الف . شكرا مرة تانية
=============
ابدا ما بعرف صديقك عادل عبد القادر بس مطابقة الاسم ترفع درجة الفضول عشان اعرفه ، خليني امشي افتش كويس ما يكون الوالد عاملها من ورانا 
| |
|
|
|
|
|
|
|
|
|
Re: اخيرا تم المراد (Re: ماجدة عوض خوجلى)
|
شكرا كتير اختنا الرائعة ماجدة و المنبر منور بيكم و انا مجرد شمعة صغيرة ضؤها بيكبر لوجودها وسط النجوم اللامعة امثالكم ، عندي معاك ونسة كتيرة مخزونة من زمان ، بجيك راجعة في بوست بتاع ونسة كدة بي مزاااج ، تسلمي شديد
| |
|
|
|
|
|
|
|
|
 Re: اخيرا تم المراد (Re: ماجدة عوض خوجلى)
|
مرحبا هبة
نتمنى ليك أقامة طيبة
خبر إنضمامك فيهو إسمين حلوين وبحبهم الماحي وهو صديقي الحميم وأخي
الذي لم تلده أمي ثم وليد المبارك الذي له مكانة خاصة ومعزة
في قلوبنا .
وأبقي داخلة وإنتي صديقة وزميلة عزيزة
صلاح واسبه
| |
|
|
|
|
|
|
|
|
|
Re: اخيرا تم المراد (Re: Salah Waspa)
|
شكرا كتير اخونا صلاح علي الترحيب و ابشر يا زول عشان خاطر اسم الماحي و خاطر وليد انا و انت من الليلة اصدقاء تب من غير كلام ، و لك مني كل الود و التقدير
| |
|
|
|
|
|
|
| |
heba Elmahi
سلمى الشيخ سلامة
مصطفي سري
wadah beshier
salma subhi
يوسف الولى
حيدر حسن ميرغني
محمد نور أحمد
Mubarak Eltayeb
هاشم أحمد خلف الله
اسعد الريفى
ناذر محمد الخليفة
Emad Abdulla
ماجدة عوض خوجلى
Salah Waspa
Tragie Mustafa
emad altaib
الخير محمد عوض
البشير دفع الله
محمد عبد الماجد الصايم
انعام حيمورة
فيس بوك
تويتر
انستقرام
يوتيوب
بنتيريست