|
عاجل الي وزيرا الداخليه والخارجيه !!!!
|
عاجل الي وزير الداخليه .... والخارجيه ..
رسوم التأشيره للسودان عاليه جدا ... خاصة ونحن في الاصل سودانيين ... ورسوم التسجيل برضو عاليه .... الاسره البتتكون من اربعه اشخاص بيحتاجوا الي اكثر من ثمانمائة دولار امريكي رسوم تأشيره وتسجيل واقامه بالاضافه الي رسوم المغادره ....
والمصيبه في الكفيل ... لازم تشوف ليك بنجوز من اقرب كشك جرايد ... وتشتري ليهو علبة برنجي كمان ...
|
|
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
الأخ الـحـبيـب الـحـبوب، SAMIR IBRAHIM
تـحـية الود والأعـزاز،
.... جـواز السفر السوداني الأول بعـد الاسـتقلال كان مدة سـريانه 10 سـنوات وشـكل الـجواز كان عـند هـيبة ولونه ازرق وعلي الغـلاف الخارجـي صـورة وحـيـد القرن شـعار السـودان من الاسـتقلال وحـتي 25 مايو 1969. وجاء نـميـري وغـيـر العلـم والفلوس والشـعار وجـواز السـفر. وجـاء صـقر الجديـان ( هـل تـصـدق ياسـميـر انو 50 فـي الـمائة من السـودانييـن لايـعرفون اين يوجـد هـذا الـطائر فـي السـودان، وانهم لايـفرقون مابيـن صـقر الـجديان والـهـدهـد?) واحـتل هـذاالطائر مكان وحـيـدالقرن علي جـوازالسـفر وطلعت نكتة زمان تقول ان هـذا الطائر كل مايود ان يطـيـر يرفع مـعه سـعر الرسـوم!!.
بـخـصوص طـلبك لوزير الـداخلية فاقول: ان الوزير واولاده عـندهم جـوازات سـفر دبلوماسـية وماعنـدهم مـشكلة رسـوم ولاتـجـديـدات، اما انت فلازم تـدفع الـمبالغ والرسـوم الـمطلوبة وبالعملة الصـعبة لانك مـسـكيـن وماعـندك جـواز دبلوماسـي!!
لك مـودتي.
ملـحـوظة: اي جـواز سـفر فـي اي دولة مـدت سـريانه 10 اعـوام ماعـدا جواز السـفرالسـوداني!!.
| |
|
|
|
|
|
|
Re: عاجل الي وزيرا الداخليه والخارجيه !!!! (Re: بكري الصايغ)
|
استاذنا وسفيرنا بكري الصايغ ...
( هـل تـصـدق ياسـميـر انو 50 فـي الـمائة من السـودانييـن لايـعرفون اين يوجـد هـذا الـطائر فـي السـودان، وانهم لايـفرقون مابيـن صـقر الـجديان والـهـدهـد?) واحـتل هـذاالطائر مكان وحـيـدالقرن علي جـوازالسـفر وطلعت نكتة زمان تقول ان هـذا الطائر كل مايود ان يطـيـر يرفع مـعه سـعر الرسـوم!!.
دعواتنا انو الطائر ده يرسي بيهو المطاف في شجره من شجر شارع النيل وتستقر اسعار التجديد واستخراج شهادات الميلاد بالنسبه للابناء المولودين في دول الغرب ... والضرائب ...
بالنسبه لنا نحن حملة الجوازات من اوطان ثانيه عندما ننوي زيارة الوطن الام رسوم التأشيره لوحدها ميزانيه باهظه ومكلفه .. بالاضافه الي رسوم تسجيل الاجانب والاقامه ورسوم المغادره .. ويا ريت الاخ الوزير ينظر الي حال المهاجرين خاصة مهاجري اوروبا وامريكا وكوريا والصين وامريكا وكندا .... متوسط تكلفة السفر ما بين التذكره والرسوم العاليه التي تفرضها حكومتنا يفوق الالف وخمسمائة دولار يعني حوالي سته الف دولار لاسره تتكون من اربعه ...
الله يصلح الحال ويصلح حال حكامنا ...
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
الاخ سمير ، سلامات ما بدأته في هذا البوست موضوع مهم للذين يحملون جوازات اجنبية للتكلفة الباهظة في رسوم التاشيرة والاقامة والكفيل ... وبهذه المناسبة حكى لنا احد الاخوان وكان ذهب للسودان في اجازته ولديه جواز اجنبي ، وفي الخرطوم قيل له لابد من التسجيل عند قسم الاجانب ، وهو لم يكن يعلم ضرورة ما اسميته انت بالكفيل واخذ يحلف لضابط الشرطة انه سوداني ومن المنطقة الفلانية ودرس كل مراحله في السودان وبعد ان ضاق ذرعاً من الضابط قال ( يعني ادوبي ليك عشان تصدق انا سوداني ) ومن ثم بدأ في اشعار الدوبيت ... هذه معاناة للسودانيين عندما يعودون للوطن ولقد تم تطبيق بطاقة لخمس سنوات ولكن سمعت بالغاؤها ولا اعرف حقيقة من صحة هذا الخبر ... على المتضررين ان يبدأوا ومن هذا المنبر في كتابة مذكرات وتقديم مقترحات عملية ...
| |
|
|
|
|
|
|
Re: عاجل الي وزيرا الداخليه والخارجيه !!!! (Re: مصطفي سري)
|
Quote: ( يعني ادوبي ليك عشان تصدق انا سوداني ) |
استاذنا مصطفي ..
مساكم الله بالخير ...
وبدون مبالغه لو قلت ليك لمن سافرت السودان احتجت لي كفيل ... وطيبة اهلنا السودانيين انك تطلب من اي سوداني تقابله امام مكتب الاجانب انو يكفلك .. تلقاه ارباب ويقول ليك مرحب وما يبخل عليك بوقته ويمضي كل الاوراق المطلوبه وهو حتي ما بيعرفك ... ومن خلال الونسه والدردشه يطلع انو بيعرف جارك او اخوك الصغير ...
اخواننا المصريين ما بيحتاجوا الي اقامه في دولتهم ولا بيحتاجوا انهم يعطلوا مصالحهم عشان يحصلوا علي تأشيره لدخول مصر ... والمطلوب منهم ابراز شهادة الميلاد او الجنسيه او جواز السفر المصري بالاضافه الي جواز السفر الاجنبي ... المصيبه حتي في مصر لم ندفع نحن السودانيين حملة الجوازات الاجنبيه سوي خمس دولارات فقط لدخول مصر ... وغادرنا بدون رسوم مغادره .
المغتربين عندهم امانه بتدافع عنهم اما نحن المهاجرين الحا يدافع عننا منو ... اقتراحك ممتاز ويا ريت كل الناس ترسل الي الاخ الوزير لمراجعة الرسوم واجراءات التأشيره للسودان .
وتسلم يا غالي .
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
... زمـن الأنـجـليـز كنا بنسافر لـمصـر بوثيقة سـفر مكونة مـن صـفحـتيـن وعليها الصـورة: والأسـم....... الـمـهنة........ تاريخ الـميلاد ......( ذكر العام فقـط ) مـحل الاقامـة........ والطول..... مـتـر و56 سـم!! لون البشـرة..... اسـمر لون ....العيون عسـلية لون.... الشعر اسـود مـميـزات ....لاتوجـد ( حتي لـو كنت مـشلخ!!) ختم حـامل اخـتام الـملكة بالسـودان. التاريخ...
تسـري هـذه الوثيقة لسـفرية واحـدة للـجـهة الـمقصـودة وتنتـهي فـي... مـدتـها عامـين و3اعوام للطلاب الدارسـيـن بـمصـر.
سـعر الوثيقة باخـتامـها 20 جـنيـهآ مـصـريآ. ( 9 اسـتـرليـنـي ).
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
نضم صوتنا لصوتك اخي سمير ولك تحيه وتقدير سادتي الوزراء المعنيين تعلمون انها ظروف قاهره ادت لهذه الهجره ولولا انهم اضطروا لذلك لما مكثوا يوما واحدا خارج بلدهم اعينوهم للعوده اعينوهم حتي يعودوا فاعلين في مجتمعهم اعينوهم ولا تدفعوهم رسوما علي اقامتهم في بلدهم
وتحياتي وتقديري
| |
|
|
|
|
|
|
Re: عاجل الي وزيرا الداخليه والخارجيه !!!! (Re: العوض المسلمي)
|
استاذنا السوداني ود البلد المسلمي ..
Quote: اعينوهم حتي يعودوا فاعلين في مجتمعهم اعينوهم ولا تدفعوهم رسوما علي اقامتهم في بلدهم |
والله صوتك ده ليهو مكانه كبيره وفي ميزان حسناتك انشاء الله ... حقا الكثير من الاسر السودانية والافراد محتاجين يسافروا للبلد ويستمتعوا بزيارة اهلهم وذويهم ... ولكن الرسوم العاليه والكثير يرفض في الاصل ان تفرض علي اقامتهم داخل بلادهم رسوم للاقامه ...
ويا ريت الاخ الوزير يتفاعل مع نداءنا هذا ...
وتسلم يا غالي ...
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
والله الأخ سمير انت عارف انو الوزير السودانى عندو (.........)ماتسال شنو النقاط دى خلاص قصدى وزير الداخلية الكريم ابن الكريم عايش عيشت ملللوك ماجايب خبر للدنيا(قصدى ناس السودان) انت عارف انا بعرف ود وزير ده ياسيدى بصرف فى الجامعة بس 50جنيه بالجديد الكلام ده اكل وشراب بس مع البنات رايك شنو. الزول ده قريب لى جدا عامل فيها صاحبى لاكن انا عامل رايح لانو انا زعلان من ابوه لانو مافى ولد بياخد قروووش زى دى وفى العمر ده
| |
|
|
|
|
|
|
Re: عاجل الي وزيرا الداخليه والخارجيه !!!! (Re: almogira alemam)
|
Quote: لكن بالمناسبه وزير الداخليه في السودان اسمو منو ؟؟؟؟؟ |
ده شنو يا أبو سمرة؟ زول خطير زيك عارف كل الأشباح الإليكترونية على الشبكة العالمية..و عارف ناس بريطانيا كلهم و عارف مؤمرات ايران و بلاد ما بين النهرين و الواق واق و ما تعرف وزير الداخلية في السودان أسمو منو؟؟؟؟
| |
|
|
|
|
|
|
Re: عاجل الي وزيرا الداخليه والخارجيه !!!! (Re: سيف النصر محي الدين محمد أحمد)
|
Quote: ده شنو يا أبو سمرة؟ زول خطير زيك عارف كل الأشباح الإليكترونية على الشبكة العالمية..و عارف ناس بريطانيا كلهم و عارف مؤمرات ايران و بلاد ما بين النهرين و الواق واق و ما تعرف وزير الداخلية في السودان أسمو منو؟؟؟؟ |
اثنين في واحد .... مباااااااااااالغه ...
دي فيها شنو يا حبيبو .. معلومات اخوك ضعيفه ... البركه فيكم انتو الاقترعتوا الزره .. وحررتوا السودان مع الامام المهدي
Quote: تجار الدين الحرامية .. |
يسقط عبود ... بالمناسبه يا الاخو رئيس البلد اسمو منو .... موش عبود برضو ..
وبمناسبة الاشباح الالكترونيه دي انت مد رقبتك لي تحت البوست بتاعك ده ... : مسكين مانديلا يا ربي لسع معتقل !!!!
Quote: أهتف معي قول يا أخي..
يحيا الكفاح وينبغي..
فليخرج الكوز الشقي.. |
اوعا يكون ده عمنا الحسيب النسيب محمد الامين خليفه ... وزي ما قال عادل امام قالوا يدو مرزبه بث ....
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
الاستاذ / SAMIR IBRAHIM التحية والتقدير هبشت اللحم الحي كل ما له علاقة بالمغترب أو حتى المسافر العادي , سواء كان مريض مسافر للعلاج أو طالب مسافر للعلم , أو أي مسافر لأي غرض آخر , يفاجأ برسوم باهظة لك ما يتعلق بهذه الخدمات بدأ من جواز السفر وتجديده كل عامين , مرورا بتاشيرة الخروج وبالنسبة للمغتربين بالخليج من جهاز المغتربين تدفع لشراء الاستارة ( فاضية بها فقط دمغات 23000 ألف جنية , ثم تدفع رسوم بالشباك 26000 جنية ده مثال بس .) وأي اجراء بالشئ الفلاني ( تغيير مهنة , اضافة مولود , الخ ...). وبالطبع هذه الرسوم سابقا كانت تعتبر مورد من موارد الدولة مثل الضرائب والجمارك وخلافها , أما الآن وبعد دخول النفط وبقوة كمورد أساسي من ايرادات الدولة , فكنا نتوقع وضع رسوم مناسبة ورمزية بدلا من هذه المبالغ الضخمة .
| |
|
|
|
|
|
|
Re: عاجل الي وزيرا الداخليه والخارجيه !!!! (Re: البشير دفع الله)
|
Quote: ( فاضية بها فقط دمغات 23000 ألف جنية , ثم تدفع رسوم بالشباك 26000 جنية ده مثال بس .) |
الاخ الاستاذ الفاضل البشير دفع الله ...
احسنت واوجزت ومنكم نستفيد ... ويا مرحب بالمفيد واهل الكلام المفيد ... الحلل شنو ؟؟؟ الجبايه الحكوميه فاتت حدها وانا سافرت السودان واتحدثت بالصوت والصوره عن الجانب الممتاز للبلد .. لكن والله الحقيقه تقال ان هناك جوانب من فساد لا يوجد لها مثيل حتي ايام الاستعمار التركي الدخل الجبايات والضرائب والمجاعات في البلد . ...
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
Quote: اوعا يكون ده عمنا الحسيب النسيب محمد الامين خليفه ... وزي ما قال عادل امام قالوا يدو مرزبه بث .... |
بمناسبة الحسيب النسيب محمد الامين خليفه ... والله الواحد مفروض يحكي قصص تشيب الراس ... عن البلد ومصايب البلد بالرغم من انو فيها السالب والموجب ....
| |
|
|
|
|
|
|
Re: عاجل الي وزيرا الداخليه والخارجيه !!!! (Re: SAMIR IBRAHIM)
|
سمير يا خوي.. كل من عليها فان .. فأنت تنادي بل تنفخ في رماد.. ، فمع قناعتى التامة بمبدا أن هناك صالح وطالح.. الا أن بعض من في الحكم يؤيد مقولة كل الموجود طالح.. ، الضرائب والرسوم هذه تؤخذ منذ سنين.. ومن المفترض أن تكون هناك دراسات يتم بموجبها تحديد الفئات التى يجب عليها أن تدفع الضريبة للوطن.. حيث لا يمكن أن تدرج العامل البسيط في دولة الخليج مع المهندس أو رجل الأعمال لتسديد ضريبة للوطن.. فبعض العمال هنا.. يحتاج لدعم حكومي حتى يستطيع أن يتواصل مع أهله في السودان.. وبعض الأخوة السودانيين الذين يحملون جوازات سفر ألأخري.. يحتاجون لميزانية كي يأتوا الي السودان لرؤية الأرض التى يتحكم فيها بعض الطفيلية.. مودتي ساسمير....
| |
|
|
|
|
|
|
|