|
جهاز الامن الوطنى يحتفى بالثقافه والمثقفين.. اها قلتو شنو؟
|
بالامس وانا اقود السياره حركت مؤشر الراديو الى اف ام 100 وبعدين؟ لقيت نقل مباشر من حدائق مبانى جهاز الامن الوطنى واحتفال بالثقافه وتكريم لرواد الفن والثقافه. قدر ما دققت ياهو ذاتو جهاز الامن الوطنى. وعلى الهواء مباشرة وفن وادب وحب وضحك وكان شغل سودانيين بالجد. ده رايى انتو رايكم شنو؟ وما هو التحليل الموضوعى لمثل هذا الانفتاح؟ الكتابه بالابيض فقط. والتناول عن كل اجهزة الامن السابقه ايضا.
|
|
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: Basheer abusalif)
|
بشير حبيبى ليست دعوه او دفاع فقط لفت نظرى احتفاءهم بالمختصين من اهل الفن وهذا يطيب الى حد ما العلاقات بين الموسسات ____________________________ ومن قال ان جهاز الامن ليس نوع من التخصص بل ندعوا الشباب الى التخصص فيه وفهم دوره بدقه حتى تنهض كمؤسسه. ______________________________ تناقض مريب دى مشيناها ليك. شفت المرونه والسماحه. كل الحب.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: زهرة حيدر ادريس)
|
زهره... سلامتك! شنو يا زهره ياخ.. انا كديس!! شابكانى بنطط!! خلاص ما زعلان!! بالابيض اشاره للموضوعيه فى الحوار... بس. _________________________________________ شغلوا انو يوفر الامن عشان الناس تبدع وتتهنا .. كل فى مجاله. ________________________________________ حكاية يتحاسبوا دى خلونا منها... كذابين ما بتقدروا تحاسبوا زول.. والا كنتوا حاسبتو القبلهم!!!! _________________________________________ التخصص التخصص قبل الاقبال على اى انتماء...( بوست قديم) ___________________________________________ بلا احزاب بلا لمه.احزاب لامه خريجين عايزين يبقوا وزراء طوالى!! احزاب قال. _____________________________________________ التغيير من الداخل افضل اذا ملكنا امكانات ذلك... العلميه والتخصصيه. ______________________________________________ قد شديد الى ان تتخصصوا. عشان حتى الليبرالى ينجح!!! _________________________________________________ * وبرضو ما حليتى لى موضوع الورقتين العندك.. صح؟ (خارج الموضوع)
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
Quote: بى لغة المعارضه نسميها ليكم (تنازل) من الوطنى و(انتصار) ليكم. مش برضو جهاز الامن الان تراجع عن الكثير من العنف؟! |
منو الوطني ده اول حاجه ... واذا كنت قاصد الجهاز ده او حتى المؤتمر الوطني .. فده ما تنازل دي هزيمه من سلسه هزائم جايه نتيجه المساعي القلتها ليك .. وهو انتصار مستحق للشعب السوداني ما لينا
الحاجه التانيه هو ما تراجع عشان عرف انو غلطان او حنه علينا لانو اجبر على التراجع .. وده ما معناهو يلبس توب الحمل ويعمل بيكرم المبدعين ونقعد نصفق ليو .. لا يا سميح ماهكذا تؤخذ الامور .. والمساله هي ما معارضه وحكومه .. ده وضع بيكون لمن تكون في ديمقراطيه وحكومه منتخبه .. الواقع هسه انقلابيين وشعب .. وان شات تسميه معارضه فالمعارضه ذاتها خشم بيوت ما بتتحمل تشملها في اي راي واحد
Quote: التخصص والخبره ليست بالشهادات او عدد السنين ولكن بقدر مقدرتنا على معالجة المواقف.. وهذا ما ننشده |
اذا كان ده رايك فنحنا ما مختلفين في مسالة التخصص دي .. واحنا معاها ومطبيقنها كمان
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: زهرة حيدر ادريس)
|
من كنا بنلعب عده عده قلت ليك ما مختلفين بس شباب السياسه متحاملين شويه! بعدين قلت ليك كلنا شاركنا فى تفتيت الدكتاتوريه دى على الاقل بعدم المشاركه فى وقت كان من المتاح ان نشارك.... ولكن تبقى الفكره اننى لا اريد ان افكر سوى بطريقه هادئه واعتقد اهم اركان النجاح محاولة اخراج بعض الحلول من داخل الكارثه. ___________________________________________________________________ الفعل ورد الفعل. ام الفعل والاستجابه؟
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
Quote: يا جماعه ختوا الرحمن فى قلبكم وقولوا لى: احسن الامنجيه ديل يكونوا ظاهرين ويجوك بى طلب حضور وكل الناس بتعرف عناوين وفى امكانية يسالوا منهم وكده ولا اخير شغل زمااااان. بعدين كرموا اهل الفن... فيها شنو يا معارضه.. انتخابات؟! ____________________________________________ دى معارضه ولا كراهيه؟!!! |
أخ سميح لك التحيه سياسات جهاز الأمن الوطني تغيرت تغيراً جذرياً في الفتره الأخيره وأصبح الجهاز أكثر إحتكاكاً بالمواطنين بالنسبه لمقار جهاز الأمن أعتقد أنها معروفه للجميع كما أن جهاز الأمن إفتتح مكتباً للإستعلامات والشكاوي يقع في بداية شارع أفريقيا . كما شارك الجهاز في العديد من المحافل ودعم الرياضه والفن والكثير من الأنشطه .
التحيه لهم وهم يقومون بدورهم على أكمل وجه .
مؤونة عام من الود
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
يا سميح يا ابنى كدى ما تحدثنا شوية عن نفسك
و تجربتك كراجل بتاع اعلام يعنى، قلينا قريت الاعلام دا
و لا هواية الشغلة دى؟؟ و لو قريتوا ياريت تورينا قريتو فى ياتوا
جامعة؟؟ عشان نعرف صورة كاملة عن جيل الاعلاميين الجدد بتاعكم دا
يعنى بطلع من وين و كده. لانو فى بعض البديهيات كان زمان بنعرفها
نحنا فى الابتدائية، لكن يبدو ان اصبحت صعيبة شوية على الاجيال الجديدة
الغرض كلوا مصلحة عامة يعنى ما فيهو شىء شخصى.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
اللهم انى اسألك بعزك وجلالك وبأسمك الاعظم أن تحصى الكيزان وانصارهم عددا وتقتلهم بددا ولاتبقى منهم احدا اللهم اجعل عيشهم ضنكا اللهم ابتليهم كما ابتليتنا بهم اللهم نحن عبادك السودانيين قد مسنا الضر والبلاء الكيزانى فارفعه عنا فانت ارحم الراحمين امين يارب العالمين
نداء لكل الشرفاء لحماية الممنبر من عصابةالإنقاذ
الزملاء الأفاضل
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في هذا المنبر
حسبى الله ونعم الوكيل حسبى الله ونعم الوكيل حسبى الله ونعم الوكيل
العار العار العارالعار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العار العــــــــــــــــــار للكيزان القتلة..
كامل تضامننا مع طلابنا الشرفاء الخزي والعار للقتلة المجرمين كامل العزاء في شهيدنا
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
Quote: ويتواصل مسلسل الإغتيال السياسي
جامعة الجزيرة تقدم شهيداً آخر للحركة الطلابية
الحركة الجماهيرية تتنامى ... تظاهرات إ حتجاجية مختلفة
الجزيرة تخرج في مظاهرات ... الرصاص لن يثنينا
جماهير شعبنا:
بعد ظهر يوم الأحد 13 / يناير أُغتيل الطالب النشط سياسياً معتصم حامد أبو القاسم المُلقَّب بـ ( أبو العاص) الطالب بجامعة الجزيرة - السنة الرابعة- عضو تنظيم الجبهة الديمقراطية وذلك بأيدي طلاب ( المؤتمر الوطني ) وبمعاونة الكلاب الأمنية ، تم الإغتيال في مدينة الحصاحيصا- كلية التربية - حيث سُدِّدت له في ظهره طعنه من سكين أحد الجناه غِلَّة وغدراً ، لم ينتهي الأمر عند ذلك الحد بل مُنع إسعافه وهو ينزف حتى فارق الحياة في مكانه وهم يُكبِّرون ويُهلِّلون كأنما يذبحون شاه وسط مسمع ومشهد من الطلاب في صورة تعكس البشاعة والروح الدموية التي تسود في نفوس أولائك المنتسبين للنظام.
جماهيرنا الصامدة:
الأوساط الطلابية إستنكرت ذلك الحدث البشع وإنتفضت في تظاهرات مُندِّدة بالإغتيال ، ففي صورة تؤكد تنامي المد الثوري ، خرج طلاب جامعة الجزيرة في تظاهرات طيلة الأيام السابقة ، تلاحمت معها جماهير شعبنا الأبية ، إعتلى الهتاف وتضامن الجميع مع عدالة القضية ، وهم يهتفون معاً ( مقتل طالب ... مقتل أمة – الموت بالدم ... لكلاب الأمن ، وغيرها من الهتافات المُعبِّرة عن الحدث).
في ود مدني أيضاً خرجت القوى السياسية أيضاً في تظاهرة وقامت الشرطة كالعادة بقمعها مما يعكس عدم توفر مناخ حرية الرأي والتعبير.
ومن جامعة أمدرمان الأهلية انطلقت تظاهرة أيضاً شاجبةً للحدث اللا إنساني ، وسط حملات إستنكار واسعة من كافة فئات الشعب السوداني.
حملات الاعتقال طالت عشرات الطالبات والطلاب ، وتم تعذيبهم بلا رحمة ، من بين المعتقلين الطالب على محمد علي السنة الرابعة كلية التربية وهو الشاهد الرئيسي في القضية ، تم إعتقاله وتعذيبه ببشاعة وهو الآن في غرفة الانعاش متأثراً بالتعذيب الوحشي.
منظمات حقوق الإنسان والعدالة الدولية لم تقف مكتوفة الأيدي حيث توفرت لديها كافة المعلومات والدلائل الحالية والتاريخية التي تثبت تورط النظام ومنسوبيه من طلاب – المؤتمر الوطني –والاذرع الأمنية للسلطة وتقوم تلك المنظمات الانسانية حالياً بمسئولياتها تجاه الشعوب المقهوره.
شعبنا الأبي:
أبناؤكم الطلاب قدَّموا للشعب عشرات الأرواح فداء للحرية والعدالة ، شهداء اًغتيلوا ليس لسبب سوى مطالبتهم بحقوق الشعب (غلاء المعيشة – المساواة في فرص العمل - ... ورفــضهم للحكم الديــكتاتــوري )
طلاب الجامعات والمعاهد العليا السودانية كانوا وما زالوا يداً واحدة متحدة في المواقف ، وإن اغتيل بالأمس القريب الطالب ( أبو العاص) فإن ذلك يعني حتماً إغتيالاً لكل الطلاب والشعب أيضاً، وإن قدَّمت الحركة الطلابية شهيدها السابق نؤكد أنها ستقدم أرتالاً من الشهداء ، اليوم ، غداً ، والى أن نُسقط معاً هذا النظام الباطش.
وليفهم النظام وسدنته أننا لا نهاب السجن والرصاص ، سنظل نغلغل السلطات ونثير التظاهرات والاحتجاجات حتى نقدم كل المجرمين الى ساحات العدالة ، ويسود حكم ديمقراطي يتساوى فيه الجميع.
- فلنتظاهر تعبيراً عن إدانتنا لحادثة الإغتيال البشعة.
- إسقاط النظام مسئولية تاريخية يجب أن تُحقَّق.
- القصاص من القتلة مطلب جماهيري.
ودام نضال شعبنا
سكرتارية مركزية الجبهة الديمقراطية للطلاب السودانيين
يناير 2008 م |
فى اخبار ذى يا حضرة الاعلامى الخطير، ما قاعد تسمع بيها؟؟
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
يا استاذ انا اشرت لى جذئيه محدده ورافض اسلوب العنف وفى بوست منفصل ناديت بالتخصص عشان نبنى مستقبلنا على فهم. وفى الجامعات الطلاب الابرياء انضربوا من كافة انواع التنظيمات . بس اى نوع من العقلانيه نحنا بننصفو واعتقد توجه جهاز الامن للعلنيه افضل من عهدو السابق. ولا ما ضقت القديم؟! الامه بشيلوا سكاكين الشيوعى بكتلوا عديل الكيزان بشيلو سيخ والبقيه بشيلو البقدرو عليه!!! دى احزابك؟! ارجو ان ننظر بعقليه وفكر ولك كل الانصات.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
مزيد من الاضاءة يا حضرة صحفى الامم المتحدة مزيد عليك الله حضرة الصحفى الذى يعرف الفرق بين الفعل و رد الفعل فى عالم صراع الاجتماعى و السياسى قلت لشنو؟؟ حزب الامة بشيلوا سكاكين و الشيوعين بكتلوا؟ كتلوا منو؟ قول لنا يا بنى نورنا كدى ايها الولد البرى و الاعلامى المحايد يا ابنى امشى اعرف عن تاريخ العنف فى الجامعات السودانية يا حضرة الصحفى!! امشى اسأل عن حادثة العجكو فى Exam Hall فى جامعة الخرطوم فى الستينات حيث بدايات العنف الطلابى
عشنا و شفنا الاعلاميين، و من يعش رجب لا يرى سوى العجب
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
انا اعرف الفعل ولكن لا اعرف رد الفعل لان هناك شئ اسمه الاستجابه والاستجابه مع الفعل دائما عاقله. _____________________________________ استاذ ابوبكر لماذا تضعنى معك فى موضع المناكفه والعدائيه؟ نحن نتناول موضوع محدد اتفقنا ام اختلفنا بيننا حوار واتعامل معك كشريك فى الحل والفكره وثق باننى ساتفق معك اذا وجدت ما يقنعنى. اما كونى صحفى اذاعى فلا شك اننا نحاول ان نتطور.. لست ضدك.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: محمد ناصر)
|
القبيح سميح! فى اول مداخله معى. انت لست بحاجه لهذا! ما عنيته انها كمؤسسه ضروريه تحتاج منا لنتخصص ونعى معناه ودوره ليقوم مقام توفير الامن لا تقييده ولست راضيا عن دوره فى ممارسة العنف ولكننى مع تخليه عن العنف وتخليه عن ممارساته السابقه.. _____________________________________ صعبه دى؟! ____________________________________ اللغه العربيه مليئه بمفردات طيبه _____________________________________ اعتذر ان كنت انا من قدتك الى هذا
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
ابوبكر اخوى انت ما اعلامى ولا شنو؟ عيب كلامك ده! الاعلامى وظيفته انو يطلع اشياء الاخرين للاخرين. ودى ما قاصره على الاخبار بس. بل على كل انواع البرامج والقوالب الصحفيه. والاعلامى لا يقول رايه ايا كان. بل يكتفى بدوره فى ان يطرح الاسئله ويبين من خلال التحليل ما خفى من معانى فى ما قاله الاخرين ولكنه لا يضيف من عنده ولا يقرر ولا يضع اراء خاصه والا يفقد الحياديه وحينها سيقف حتما مع طرف ضد الاخر. ويفقد حينها صفته كصحفى. اما الكتاب فهذا شى اقوله لك فى وقت اخر. الحريات مهمه كما قلت ولكنها ليست ضروره لاستمرار العمل الصحفى والفرق واضح بين الضرورى والمهم _______________________________________ ...............................
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: samwal ebrahiem)
|
الاستاذ محمد غلامابى تحياتى
Quote: تذكرت صاحب الصورة في الرد الذي سبقني وآخــــــــــــــــــرين هل تعرفه ياسميح؟!أو تعرفهم؟؟!!
غلامابي. |
حلمك يا عزيزى حلمك على صحفى اخر الزمن ديل دا ما بعرف حاجة يا اخى شوفوا رد عليك كيف، مفتكر الصورة حقتى انا!! يا عمى دى دنيا عجيبة
يا سميح يا صحفى! الصورة للشهيد الدكتور على فضل عضو الحزب الشيوعى السودانى و خريج كلية الطب جامعة الخرطوم، عضو نقابة اطباء السودان، اغتالته اجهزة امن الجبهة الاسلامية فى اوئل التسعينات جراء التعذيب داخل المعتقل، و قد زور بعض صعاليك الجبهة الاسلامية شهادة الوفاة للشهيد ادعوا فيها انه توفى نتيجة للاصابة بحمى الملاريا. على فضل من ابناء الديم و كان لدية عيادة يعمل بها فى المساء و يقدم خدماته فى كثيرا من الاحيان مجانا للفقراء و المعدمين كان بارا باهله و بناس حلتهم، تم تعذيبه باشراف و مشاركة السفاح الطيب سيخة!!
و برضو تقول صحفى ما بعرف حتى التاريخ القريب طيب لو سألتك من الثورة المهدية تقول لى شنو؟؟
ما قلت لى قريت الشغلة دى وين يا اخينا؟؟ و الله الاجابة على السؤال دا مهمة عندى
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
يا راجل ! تقبل الله الدكتور خلاص حاحفظ ليك صور كل الناس المرو بتاريخ النضال خاصه الشيوعيين!!!! واللعيبه بتاعين الكوره كمان كان حيشفع لى حفظ الصور! عموما جذء مما افعله .. تحملك. بينى وبينك الفكره طيب انا بعرف صورة المهدى التاريخو ابعد من الدكتور كده كيف؟ وصورة بوش عشان بجيبوها فى التلفزيون ومتخيل صورتك! ________________________________________________________ لغتك دى عندى منها كتير بس برضو انا ما ضدك
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
بالامس وانا اقود السياره حركت مؤشر الراديو الى اف ام 100 وبعدين؟ لقيت نقل مباشر من حدائق مبانى جهاز الامن الوطنى واحتفال بالثقافه وتكريم لرواد الفن والثقافه. قدر ما دققت ياهو ذاتو جهاز الامن الوطنى. وعلى الهواء مباشرة وفن وادب وحب وضحك وكان شغل سودانيين بالجد. ده رايى انتو رايكم شنو؟ وما هو التحليل الموضوعى لمثل هذا الانفتاح؟ الكتابه بالابيض فقط. والتناول عن كل اجهزة الامن السابقه ايضا.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
اذاً انت سميح الحلبي الذي زاملته في مدرسة ود عجيب الثانوية ياجماعة اذا سميح الذي زاملته في ودعجيب الثانوية ( فهو ليس بكوز ) لانه لا يشبه الكيزان وكان بقى كوز بعد ان فرقتنا الدنيابقول للكيزان سيمح بكذب عليكم لانو سميح البعرفو انا ما كان كوز ولا عمرو حيبقى كوز لاشياء اعرفها تماما ( دفعتنا في ودعجيب الثانوية ) كانت كلها معارضين الى اثنين او ثلاثة اشخاص سميح لم يكن منهم
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
تحياتي
لا يمكن إصلاح الأجهزة الأمنية ولا يمكن إصلاح الإقتصاد و لا الخدمات
بشيئ يتم من الداخل
أي إصلاح لن يتم إلا بقيام حكومة ديموقراطية و توفر الحريات السياسية
و ليس فقط تغيير ذهنية الامن الذي لن يجدي بل أيضاً أي وسيلة للتغيير السياسي : من التمرد المسلح و حتى مجرد الكلمة لا تكون نهايتها حكومة ديموقراطية فهي بائسة
إحتفال جهاز الأمن الغرض منه واضح .. و هو كسر عين هؤلاء الذين كرمهم مستقبلاً و لإحباط معنويات المعارضين و لتلميع صورته
لكن كل هذا لن يجدي فالرهان في التغيير على المتضررين فعلياً من هذه السلطة ، و المنحازين لهم وليس على الذين لا يعدو الأمر بالنسبة لهم مسألة رأي في مجريات يتعاملون معها بطريقة تشجيع الرياضة
و هذه الحكومة قتلت و عذبت و شردت و بأفعال كهذه .. فلو فرضنا أنها خدعت كل الشعب السوداني ما عدا شخص واحد عذبته فيجب أن نكون مع هذا الواحد
أجهزة الدولة الأمنية لن تنصلح إلا ب : - محاكمة كل ضباط الأمن الذين تورطوا في جرائم تعذيب أو فساد أو قتل - إحالة البقية للمعاش بعض إستخلاص كل المعلومات منهم بكل الطرق الممكنة - تعيين أشخاص محترمين بدلاً عنهم - و تقييد صلاحيات الجهاز وكل ذلك في ظل حكومة ديموقراطية
و بعد ذلك سفه الأشخاص الذين سيتباكون مستقبلاً على جهاز الأمن كما تباكوا على أمن مايو
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
اترك التفاهه!!! عدم وجود حريات لا يعنى توقف العمل الصحفى لاننا نعمل حتى تحت نيران الحروب. وفى ظل قسوة النظام فى بداياته كانت الصحف تعمل بشكل واخر.حتى عندما توقفت كان لترتيب اوضاع ولكن عقلية الصحافى لم تقف. هذا ما عنيته. والتوضيح للقارى وليس لك. لانك لا تريد ان تفهم. _________________________________________________ (وكل هذا خارج الموضوع الذى لن اسمح لك بتحويره لغرض رخيص) ______________________________________________ بعدين مافى جامعه بتخجل!!! انت جاى من وين؟؟؟ _____________________________________________ بعدين حسى اذا اتكلم زول عن الحكامات انا واثق انك حتشهر سيفك كمدافع. ______________________________________________
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: amin siddig)
|
اتفق معك اخى امين والبوست غرضه التفاته الى المرونه النسبيه التى شهدها جهاز الامن من خلال تخليه عن بعض عنفه الذى كان يمارسه فى السابق. وبخصوص طرحك ارى فيه قناعه غير بعيدة التنفيذ. وان تنادى بالديمقراطيه شئ اتفق معك فيه.. واذهب الى ابعد من ذلك بان اعيدك الى الفكره السابقه حول اعداد الكوادر المختصه والمهنيه العاليه ضمان كبير لمستقبل سياسى. لاننا لو تعلمنا فقط ادب الحوار وطرق النقاش حينها سيكون التجاوب مع الافكار بوعى اكبر. _________________________________________________________________________________ أجهزة الدولة الأمنية لن تنصلح إلا ب : - محاكمة كل ضباط الأمن الذين تورطوا في جرائم تعذيب أو فساد أو قتل - إحالة البقية للمعاش بعض إستخلاص كل المعلومات منهم بكل الطرق الممكنة - تعيين أشخاص محترمين بدلاً عنهم - و تقييد صلاحيات الجهاز وكل ذلك في ظل حكومة ديموقراطية
و بعد ذلك سفه الأشخاص الذين سيتباكون مستقبلاً على جهاز الأمن كما تباكوا على أمن مايو ____________________________ ما قلته اسقاط للنظام اكثر من انه محاولة اصلاح.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
الاذعى العجيب، يبدو ان الفهم قسمة و نصيب
Quote: عدم وجود حريات لا يعنى توقف العمل الصحفى لاننا نعمل حتى تحت نيران الحروب |
انتا يا ولدى حالك يحزّن!! يا ابنى الحروب بتقيد من امكانية الحركة لكن،الحروب ليست مقابل الحريات فى السعودية مثلا مافى حروب لكن مافى حريات، الحرب مقابلها السلام. و غياب الحرية مقابلها الدكتاتوريات!! وقع ليك و لا اوقعوا ليك. الحرية شرط ضرورى لممارسة العمل الصحفى النزية، عرفتا يا حضرة الاعلامى. طيب لمن عارف مافى جامعة بتخجل ما تقول لينا قريت وين؟؟ لو سألتنى مثلا بقول ليك الموضوع ما فيهو حاجة بس انا داير اعرف الظروف البتنتج جنس نوعك دا عرفتا؟
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
Quote: اما فى المنبر نتعامل كمثقفين |
من امس بضحك على قصة مثقفين دى!! انا عن نفسى لا ادعى انى مثقف لكن المحيرنى حضرة الاعلامى الجهلول الذى يدعى انه مثقف. الاعلامى الذى يعجز عن فهم تراكيب و تعقيدات الصراع الاجتماعى و السياسى فى بلده و يقترح مقترحات فطيرة و طفولية لمعالجة الازمات مرة بترك العمل السياسى و مرة بغيير جهاز الامن من الداخل!! سميح انت بالجد مفتكر روحك مثقف؟؟ يا ود المهدى يا ود المهدى!
من هو المثقف يا سميح؟
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
اسمع انت ردى الفات على كلامك رايك فيهو شنو ههههههههههههههه كان ما مثقف تانى ما ترد.
________________________________ وعشان تتادب ح رد ليك على دى كمان. (اما فى المنبر نتعامل كمثقفين ) يعنى كاعلامى فى الصحافه لا اعبر عن رايئ ولكن فى المنبر اشارك كمثقف له راى ويتاثر باراء الاخرين. دى ليك ما للقارى القارى فاهمه كويس. هههههههه بالله ما تخلينى اضحك عليك تانى. ما ترد رافة بك. ولانك لا تبحث عن فكره.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
ايوه اطلع على حقيقتك يا ولدنا اظهر و بان كويس عامل فيها حريف و متخفى!! و تقدم فى الاطروحات الطفولية، اظهر عديل مالك متخفى شافيك زعلان على مطالبة باسقاط النظام من الاول عامل لينا فيها اهبل و عبيط فى المرة الاولى قلنا امكن فى ناس بتفكر بالطريقة دى عشان كدة حاولنا نناقشك! لكن لمن زودها قلنا القصة وراها شىء اصلوا ما ساى و جيناك بالاسلوب المناسب لمن وقعتا فى الحفرة شايفك محتفل مع الكوز اخوك عزالدين بيلو بيهناك! قلتا لى مثقف سلامة الثقافة يا ود امى سلامتها!!
الروائى المصرى رؤوف مسعد كان ضمن حضور ندوة فى لاهاى بعنوان دور المثقف السودانى فى المنفى فى عمليتى الاصلاح السياسى و التحول الديقراطى. و فى اطار الحوار سئل رؤوف مسعد عن ما اذا كان يعتبر نفسه مثقفا ام لا؟ فاجب بالنفى لانه حسب وجهة نظرة يعتقد ان المثقف هو شخص يمتلك روية شاملة للحياة و الاشياء و هو يشعر انه لا يمتلك مثل هذه الرؤية. سودانى اخر يدعى عبد المنعم مختار طالب بجامعة بريمن -المانيا قال انه يعتبر نفسة مثقف بنسبة 17% بحسب حصيلته المعرفية فى الحياة[1]
برضو تقول لى مثقف؟ ما تورينا قريت و ين يا بتاع التخصص انتا؟ _____________________________________________________________ المصدر: سودان فور اوول وقائع و خلاصات ندوة لاهاى
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
ابوبكر ياخى المنبر ده فيه ناس بتقرا وده منبر عام يا اخوى ما شرط ترد وبى سذاجه! حسى بوست الاسقاط علاقتو بيك شنو؟ بيلو يكتب او يشاتر هو عضو فى المنبر ما حاقول ليه ما تشارك! _________________________________________ بس قلت ليه خلينا فى اطار الفكره وده لمن حسيت بشئ من البعد الشخصى فى مداخلته. ___________________________________________ اخى ابوبكر ماذلت اعتقد باننا نبحث عن فكره فارجو ان لا نقود بعضنا البعض الى المهازل _______________________________________________ المراحل الجامعيه: اكاديمية السودان لعلوم الاتصال والتدريب الاعلامى البكالريوس المهنى فى الاعلام قسم الاذاعه والتلفزيون تخصص اعداد وتقديم البرامج الاذاعيه والتلفزيونيه 2000 -2004 جامعة السودان للعلوم والتكنلوجيا كلية التكنلوجيا والتنميه البشريه قسم العلاقات العامه والاعلام دبلوم العلاقات العامه والاعلام 1998 -2001
الخبرات الاذاعيه: *دوره تدريبيه باستديوهات عجمان الخاصه –دولة الامارات العربيه المتحده –فى اعداد وتقديم البرامج والتخطيط الاذاعى والتنفيذ على المكسر وتحميل الاغانى على الكمبيوتر وبرمجة موسيقى ومشروعات الترويج للبرامج والمونتاج الاذاعى
*دوره تدريبيه متخصصه فى الصحافه الاذاعيه –شهادة صحفى اذاعى محترف فى اعداد وتقديم البرامج والمونتاج الاذاعى وانتاج البرامج من الامم المتحده
*دوره تدريبيه متخصصه فى التنميه البشريه وتقييم البرامج من البعثه السويديه الحره بالخرطوم مذيع براديو الرابعه الخرطوم 2004 -2006 * مذيع براديو الامم المتحده (مرايا) _______________________________________________________________________________ هديه لك وسبحانك الهم لا علم لنا الا ما علمتنا.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
Quote: اكاديمية السودان لعلوم الاتصال والتدريب الاعلامى |
دى جامعة و لا حاجة اول مرة اسمع بيها؟؟ مشيت لى عمنا قوقل قلت يسعفى بموقع و لا اى معلومة مفيدة عن الاسم الهلامى دا لكنى عُدت بخفى حنين!! بالله اى زول عندو اوضتين معكوسات يعملهم جامعة و يوزع الشهادات على العالمين و يطلع لينا انصاف خريجين يعملون لينا فيها ابو العريف؟ غايتوا بنعترف ليك بالدبلومة بتاعة سنة بلوم و سنة خريج دى، حاول طور نفسك فى الجانب الاكاديمى احسن ليك. كدى نديك اختبارات شوية كدة نشوف بيها مدى اٍلمامك بالمعلومات العامة كصحفى:
1- هنالك برنامج اذاعى كانت تقدمه الـ BBC اسمه بين السأئل و المجيب، يستقبل اسئلة الجمهور حول القضايا السياسية المختلفة و توقف البرنامج قبل عام و نصف. كانت الـBBC تلجاء الى استاذ جامعى شهير ليجيب على الاسئلة الخاصة بالسياسة السودانية اذكر اسم الاستاذ الجامعى
2- اعلامية سودانية شهيرة كانت تعمل بالاذاعة فى قسم المنوعات فى فترة الثمانيات تمت احالتها للصالح العام فى فترة تسلط الجبهة الاسلامية، تقيم حاليا فى امريكا، و تكتب فى هذا المنبر اذكر اسم الاعلامية
3- ما اسم زعيم المعارضة فى كينيا و ما هى مسببات الصراع الحالى؟ كذلك اذكر اسم الرئيس الحالى و السابق؟
4- بعض اليهود لم يغادروا المانيا ابان الحكم النازى، و لم يرسلوا الى المعسكرات ضمن سياسة الحل الاخير المعروفة. هذه المجموعة سميت فيما بعض بـ يهود اٍشنايدر. من هو اٍشنايدر و ما علاقته هؤلاء اليهود و لماذا سموا بهذا الاسم
5- ما اسم اول رئيس و طنى لدولة زيمبابوى و ما هو الرئيس الحالى و ماهى العلاقة بينهما؟
6- رئيس دولة غربية تورط فى فضيحة تجسس داخلية شهيرة كلفته منصبه و تسببت فى سقوط حزبه. اذكر اسم الرئيس المعنى و الصحفى الذى كشف الفضيحة و الصحيفة التى نشرتها
7- طفلة يهودية من مواليد المانيا ساهمت مساهمة كبيرة كبيرة فى التعريف بمعاناة اليهود الالمان ابان الحكم النازى. تم ترحيلها هى و عائلتها من المانيا الى امستردام و تمت ملاحقتهم مرة اخرى و ترحيلهم الى معسكرات النازية حيث توفيت فى احد المعسكرات عن عمر 14 عام. اذكر اسم تلك الفتاة و ما هى مساهمتها فى التوثيق لجرائم الحكم النازى
8- اذكر اسماء اقرب اثنين -زمنيا- من وزراء الخارجية الامريكيين للوزيرة الحالية
9- اعلامى سودانى كان يقدم برنامج جراب الحاوى بتلفزيون السودان انتقل للعمل فى اذاعة عالمية مرموقة اذكر اسم الاعلامى
10- تمكن مجموعة كبيرة من اليهود من الهرب من احد معكسرات النازية فى شرق بولندا و قد تم تحويل قصة هذا الهروب الى عمل سينمائى يؤرخ لهذه الحادثة. اذكر اسم المعسكر؟ تلقى النزلاء مساعدة فى التخطيط لانجاز الهروب من بعض العسكريين اذكر جنسية العسكريين الذين ساعدو النزلاء على الهرب؟
الزمن ثلاث ساعة، خليك طالب امين و نزيه بلاش تشف من غيرك اوكى Good Luck
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
مضى نصف الزمن يا برلوم!! بالله الود فالقنا امشو اتخصصوا، المهنية مهمة و ما عارف اية. يا ابنى انتا امشى اقراء اول، مؤاهلاتك دى لا تفكى لاى شىء. و طارح روحك مثقف، و اعلامى ابو دبلومة يا ابنى ما تفكها فينا انا كنتا عارفك عشان كده كنت مصر عليك تفك اخرك عشان تقعد فى علبك.
بالله انتا مفتكر الهرجة فى الاذاعة الوهمية ذى الرابعة دى و من لفّ لفها بتقدم خدمة اعلامية حقيقة؟ يا ابنى دى احسن منها اليوتيوب. ياها الموسيقى و التلفونات دى انتا ممكن يحل محلك جهاز كمبيوتر؟ يا اخى دى ما خدمة اعلامية؟ دى لمن الواحد يسمعها ما بتطور عندو اى نوع من المعرفة و لا تزيد حصيلته من المعلومات و المعارف باى شكل!! انا اقول من زمان مالها الاذاعات دى هايفة و مستهلكة كدة تاريها الناس الشغالين فيها ذى نوعك دا. و برضو قاشر اعلامى يا اخى تخ.. تخ... ترخ
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: Adam Mousa)
|
Quote: هذه ليست بجامعه ولا يحزنون... دى اكاديميه مهنيه تابعه لوزارة الاعلام والاتصالات وبعدين بعينوا ليها موظفين تابعين للوزاره كمدراء للاكاديميه يعنى بالعربى ما وزير التعليم العالى او العام ومقرها فى الطائف شرق سكر كنانه فهى بالاساس مؤسسه تدريبيه مثل اكاديمية السودان للعلوم الاداريه ومركز تطوير الاداره... من الذين تولوا ادارتها فى السابق (ابوبكر وزيرى) وعلى ذلك فقس.. بس انا المحيرنى جدا قصة (البكلاريوس ) البقت (توزعو) دى لانو الدبلومات مفهومه زيها وزى اى معهد او مركز (كمبيوتر) بتدى دبلومات باختصار يا بكرى يا اخوى الاكاديميه دى ما عندها علاقه بالتعليم العالى |
اخونا ادم موسى سلامات يا عزيز ينصر دينك ياخ، على هذا الكم الهائل من المعلومات التى وفرتها لينا هنا!! يا اخى ما معقول اصلوا الكلام دا؟ اكاديمية مهنية بتوزع شهادات بدرجات علمية مثل البكلاريوس و غيرو؟ بيكونوا عندهم ماستر و دكتوراة ابو السريع كدا برضوا!! فيها ابوبكر وزيرى؟ و الله ايام فضيحة ابوبكر وزيرى دا قربتا اغير اسمى الراجل حرامى عينو قوية خلاص اخونا سميح دا مشكلته عويصة خلاص، لانو ما عارف و لا داير يقعد فى الواطة دى يعرف؟ و الله تقراء للراجل بقدم مقترحات بشأن السياسة السودانية تستغرب و تدى ربك العجب مية مرة!! يا اخى دا لو كان بيحضر اركان النقاش فى الجامعة محل الدبلومة حقتو دى كان اتجمعت عندو معارف بالتحليل السياسى افضل من كده. لكنو ما عارف و لا داير يعرف و برضو داير ينظّر فى الشأن العام!! قال على الشباب تغيير جهاز الامن من الداخل، و مرة الاهتمام بالخبرة و ترك العمل السياسى لتغيير الاوضاع من الداخل؟؟ معقولة دا تفكير اعلامى؟ و بعد قليل من الجهد يطلع قبة فاضية بلا فكى و بس حتة دبلومة
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
Quote: جامعة السودان للعلوم والتكنلوجيا كلية التكنلوجيا والتنميه البشريه قسم العلاقات العامه والاعلام دبلوم العلاقات العامه والاعلام 1998 -2001 |
هسع السطور الكتيره دى كلها عشان تقول لينا عندك دبلوم وسيط من (الدراسات الاضافيه) البقروها بالقروش دى..!!!! يا ابوبكر الحق زولك طلع ما عندو اى مؤهل علمى غير طولة لسانو دى...الدبلومه بتاعتو دى اى زول بدفع بقراها يعنى ما من مكتب القبول....!!!!
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
أخوي أبوبكر صالح... يا زول مالك عنيف كده؟ لا أجد مبرر لاسلوبك التفتيشي مع الأخ سميح جمال، يا ربي اذا كان ده اسلوبك مع زول لا يدعي الإنتساب لجهاز الأمن وانما يقول رأيه فقط، فماذا لو كنت أنت صاحب السلطة؟
المعنى يعني ناس الأمن لن يكونوا أعنف منك بأي حال! فما أراه من خلال كتابتك هو التشكيك في مهنية الأخ سميح، وهذا ما لا يحق لك بتاتاً
في صحفيين وإعلاميين رياضيين وثقافيين وفي كمان سياسيين وحزبيين...داير الناس كلها تنبح في شي واحد والا انتفت عنهم المهنية!!!
لا أجد طريقة للتعبير الآن سوى عنوان بوست أخونا حسن البشاري ( معارضة .. وهم ! )
العزيز سميح جمال...تحياتي
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: AnwarKing)
|
اخونا انور كنغ
العنف وين هسة؟ زول سالناه سؤال عادى عشان نعرف من هو محاورنا و ما هى خلفيته المعرفية الثقافية انا بالجد كنت محتاج اعرف الحاجة دى لانى لم اجد تفسير لما يطرحه الابن سميح. مافى عنف ولا تفتيش كل الامر و مافيهو ان السيد سميح صاحب اراء فطيرة، و طفولية لا تليق بشخص يدعى انه اعلامى و ما الى ذلك، بل الادهى و الامر ان السيد سميح تبنى دعوة تهدف الى ارشاد الشباب الى ترك العمل السياسى و التركيز على التخصص. بالله العظيم طلع مبلغ علمه فى التخصص بتاعوا حتة دبلومة؟ و كورس فى كلام مخرمج كده تحميل الموسيقى و ما عارف شنو؟ هسة دا اعلامى دا؟ طبعا انت يا صاحبى بتجامل فيهو ساى لتكبير الكوم فى المنبر عسى ان يرد لك الجميل فى يوم عــوزه!! دى من التكتيكات المعروفة فى المنبر!! الغريبة انتا قبل كدة من ضمن الناس البحمشوا فى النيران حول موضوع ماجستير هشام ادم متزكر القصة دى؟ مفهومة يا انور الود سميح ح يرد ليك الجميل فى يوم زنقة ما.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
نظرة في بروفايلك يا أبوبكر الصديق:-
Quote: abubakr salih : .
عدد البوستات: 191 تاريخ التسجيل: 27-12-2007 محل الاقامة: السويد : عنوان مكتبتى بسودانيزاونلاين دوت كم : اكلات مفضلة: الاسم الحقيقى: ابوبكر الصديق محمد صالح التلفون: الجامعة/المعهد: MSc Student of Mathematical Modeling & Simulation, BTH, Sweden الحالة الاجتماعية: Single العنوان الدائم: رافق الدمعة البتعرف شاسع الحزن البعيقك... و لو فضل فى العمر خطوة وسع الاحلام و اهرب منو ضيقك! مولانا يحى فضل الله رضى الله عنه الفنان المفضل: اللحن الشجى اللون السياسى: بريق الشعب اجمل من بريق الماس، الشارع فاتح في قلبي و انا قلبي فاتح علي بيوت الطين.. الضاجه بالحنين النوع: Male الهوايات المفضلة: الوظيفة: تاريخ الميلاد: May 1980 درست المرحلة الابتدائية فى ......و سنة....: المرابيع الابتدائية نمرة(1) درست المرحلة الثانوية فى ......و سنة....: كوستي الاهلية الثانوية درست المرحلة المتوسطة فى ......و سنة....: دى للاسف كملت قبلنا بسنة شاعرك المفضل: النّضم البلمس شقاف الروح و يخربش جدار القلب عدد الاطفال: معلومات اضافية: [email protected] مكان العمل: مكان الميلاد فى السودان: النيل الابيض- المرابيع |
وملاحظة ردك عليّ كتبت عن الأخ سميح جمال:-
Quote: العنف وين هسة؟ زول سالناه سؤال عادى عشان نعرف من هو محاورنا و ما هى خلفيته المعرفية الثقافية انا بالجد كنت محتاج اعرف الحاجة دى لانى لم اجد تفسير لما يطرحه الابن سميح |
حليلك!
حليلك يا أخوي الأصغر أبو بكر الصديق...
هسع عليك الله زول يكتب ليك سيرتو الذاتية كاملة هكذا:-
Quote: _______________________________________________ المراحل الجامعيه: اكاديمية السودان لعلوم الاتصال والتدريب الاعلامى البكالريوس المهنى فى الاعلام قسم الاذاعه والتلفزيون تخصص اعداد وتقديم البرامج الاذاعيه والتلفزيونيه 2000 -2004 جامعة السودان للعلوم والتكنلوجيا كلية التكنلوجيا والتنميه البشريه قسم العلاقات العامه والاعلام دبلوم العلاقات العامه والاعلام 1998 -2001
الخبرات الاذاعيه: *دوره تدريبيه باستديوهات عجمان الخاصه –دولة الامارات العربيه المتحده –فى اعداد وتقديم البرامج والتخطيط الاذاعى والتنفيذ على المكسر وتحميل الاغانى على الكمبيوتر وبرمجة موسيقى ومشروعات الترويج للبرامج والمونتاج الاذاعى
*دوره تدريبيه متخصصه فى الصحافه الاذاعيه –شهادة صحفى اذاعى محترف فى اعداد وتقديم البرامج والمونتاج الاذاعى وانتاج البرامج من الامم المتحده
*دوره تدريبيه متخصصه فى التنميه البشريه وتقييم البرامج من البعثه السويديه الحره بالخرطوم مذيع براديو الرابعه الخرطوم 2004 -2006 * مذيع براديو الامم المتحده (مرايا) ______________________________________________________ |
تجي تلخصوا في رد زي ده:
Quote: كل الامر و مافيهو ان السيد سميح صاحب اراء فطيرة، و طفولية لا تليق بشخص يدعى انه اعلامى و ما الى ذلك، بل الادهى و الامر ان السيد سميح تبنى دعوة تهدف الى ارشاد الشباب الى ترك العمل السياسى و التركيز على التخصص. بالله العظيم طلع مبلغ علمه فى التخصص بتاعوا حتة دبلومة؟ و كورس فى كلام مخرمج كده تحميل الموسيقى و ما عارف شنو؟ |
أنت يا أبوبكر قايل روحك شنو؟ علي باليمين انت فاكيها في روحك تمام وداير ليك زول يلجم لسانك المطلوق في خلقو ده!
ياخي بتعرف فتحي عباس (ولا توجد صورة)؟ أنت مطالب الجميع يعرف المرحوم علي فضل والا فهم لا يستحقوا ما هم عليه؟ ده ياتو منطق ده؟
بالمناسبة لن تجد مني نصيراً لك في أي من القضايا التي تطرحها ولو أنت بتعرف سياسة تمام، ضع يدك في يد الشيطان ان وجدت منه نصيراً لقضاياك...ولك في بعض جماعات دارفور في أمريكا أسوة، الذين يضعون أيديهم في أيدي اليهود الأمريكان ليصلوا لاهدافهم!
وتقول لي سياسي ...وتقول لي نضال!!!
نعم أحتاج لسميح وأحتاج لكل الشباب لنصرة قضيتنا كشباب صرف، وليس كسياسي يا عمك... فاضل ليك شوية وتلحق عمك مصطفى محمود بالنسخ واللصق...!
Quote: الغريبة انتا قبل كدة من ضمن الناس البحمشوا فى النيران حول موضوع ماجستير هشام ادم متزكر القصة دى؟ |
ههه
محاولة فاشلة، حاول مرة أخرى!
لست من محمشي النيران حول ماجستير هشام آدم، بس تساءلت ان كان في ماجستير أصلاً ولا لا، وبسيطة جداً يمكن لهشام آدم عمل Scanning لشهادتو ووضعها هنا أو في المكان البيريحو...وقع ليك؟
في مئات في البورد ده عندهم ماجستيرات...أشمعنا الوحيد هشام الفتحو بوستات حول ماجستيرو؟ وقع ليك ولا نزيدو ليك يا عمك؟
Quote: مفهومة يا انور الود سميح ح يرد ليك الجميل فى يوم زنقة ما. |
اذا أكرمت الكريم ملكته، واذا اكرمت اللئيم تمردا
بالمناسبة، حتحتاج زمن شوية عشان تدخل في الجو العام في البورد... وما يغشك مناضل يقول ليك خلاس تم قبولك تبع المناضلين، فما ان تختلف مع أحد المناضلين يوماً ما، فستعرف كيف تكون الشمس في عزّ الليل... وانحنا باصينا من هذه الدهشة، الدور والباقي عليك عزيزي.
شايفك بتستخدم لفظ برئ بنفس الصيغة بتاعة صاحبنا الصيدلي بشارة
والسلام
أنور
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: AnwarKing)
|
يا أنور يا أخوى مالك (شاديها) كده مع ولدنا ابوبكر ده ولابس ليهو (وش) من اول الليل ما هكذا عرفناك فى هذا المنبر ..دوما نراك حامل (طفايه) الليله الحاصل عليك شنو..؟؟ الست انت القائل: "Quote: النصح ثقيل فلا ترسله جبلاً, ولا تجعله جدلاً الحقائق مرّة فأستعيروا لها خفة البيان". |
شايف بيانك الليله حار..!!! خفف خفف..!!! والسلام...
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: AnwarKing)
|
انور كنغ
نفسك قام مالك و زعلاتا؟
Quote: أنت يا أبوبكر قايل روحك شنو؟ علي باليمين انت فاكيها في روحك تمام وداير ليك زول يلجم لسانك المطلوق في خلقو ده!
|
يا زول انا قلت ليك انا حاجة؟ شفتنى قلتا انا مثقف فى البورد دا؟ شفتنى صححت لى زول قالت انتا كتبت شنو كده غلط؟ انا بتناقش مع الناس هنا حسب ما يطرحوا من اراء و لمن الاراء تتواصل فطيرة ما بتعرف معنى للنقاش فيها الا بجنس الطرق دى عشان تعرف من المنتج للافكار الطفولية دى. و انا عندى هى اراء طفولية ليست شىء اخر. طيب يا اخى و كت شايفنى طالق لسانى فى خلقوا ما تجلمنى حضرتك؟ المانعك شنو؟ و انت ما موضوعى فى كلامك عن التصنيفات المسبقة اسال الود سميح دا زاتو انا ناقشتوا بكل جدية و تهذيب كيف فى البوست بتاعو بتاع الدعوة الى ترك العمل السياسى نقاشى جادى لانو الفكرة ما عندها معنى!! و لو عاجباك اتبناها انتا و تعال نتناقش فيها بعدين يا اخونا شنو هو تصنيف الناس لشباب و ما شباب و انحنا كشباب دى شنو يا زول مشاكل الشباب التى تراها هى يا سيد جزء من الازمة العامة التى يشهدها الوطن.
حاجة اغرب يا سيد فى النقاش انا ما عندى قضية حقتى انا ابوبكر دا قضايا الناس العامة انتا بتتعامل معاى كانوا جهة بعينة دى قضيتها الخاصة، و انت جهة تانية الحكومة جهة تالثة سبحان الله يا زول انا الله و رقبتى بتكلم هنا؟ و بدعم البشوفوا صحيح و بنتقد ما هو غير ذلك انت زاتك زول متناقض بينما تدعوا الناس للدخول الى جهاز الامن تبكى على تشريد الاقباط من السودان فى بوست اخر!! الاقباط الشردهم منو من السودان موش يا ها الحكومة دى؟ و الحكومة حارسها جهاز الامن ؟؟؟؟؟؟
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
المتداخلين السلام عليكم لم اتحدث فى حق احد بسوء.. ومن حقى كانسان ان اعبر عن رؤيتى وافكارى ... ولكل طريقته. ابوبكر: ان ادرس باكاديمية السودان لعلوم الاتصال والتدريب الاعلامى بعد ان اجيزت من التعليم العالى. واحمل منها البكالريوس .. كان هذا اختيارى التام رغم وجود جامعات اخر.. لاننا سالنا عن المنهج العلمى والعملى للاكاديميه ووجدنا فيها ما ننشده من اعداد مهنى يجعلك مختصا فى المجال.خاصه وانها مهيئه بكل الاستديوهات والمعامل وصالات التحرير بالاضافه لمكتبه عامره بالكتب فى كل المجالات ، اضافه لاسره رفيعة المستوى والادب من الاساتذه.وتمنح الان الدرجات العلميه حتى الدكتوراه وخريجيها من المهنيين اصحاب القدرات العاليه فى مجال الاعلام. ارجو ان يكون نقدك بناءا وموضوعيا وان لا تكون انتقائيا فى الرد.
راديو الرابعه هى فرع لاذاعة عجمان وكان مقترح انشاء راديو الرابعه فكره خرجت من داخل الاكاديميه وكل طاقمها من الاكاديميه عبر معاينات قام بها اجانب لهم خبرات عريقه فى الاذاعات. واعتقد انها اضافه . كنت اشد معك عندما ظننت انك اذا لم تكن فى عمرى فانت اكبر سنا.. لاستخدامك مفرده(ابنى)وانا ممن يحسنون الظن. ولكننى الان اعرف عمرك واشعر تجاهك بعلاقه اخلاقيه تجعلنى اتعامل معك بشكل مختلف. ولكن عموما انا لم اخطئ معك فى شئ وافكارى فى محلها والسن لا يعيق الحوار. الدبلوم والبكالريوس المذكورين هما فى اطار الاعلام. وغيرها لا يخص المجال لذا لم يجئ ذكرها. ادرس ما تراه مصلحا لك وللاخرين.. واظل انشد التخصص فى شخصى والاخرين وانادى به حتى نستطيع ان نقود نهضه واعيه فى البلاد. ان اردت السياسه كحل لا اعترضك ولكن فقط انادى بالتخصص من اجل ملء الفراغ الموجود الان. زميلك الذى ايدك لا يريد لك خيرا لان الذى يساعد على تبخيس الناس هو شخص غير جدير بالصحبه. ابوبكر من القلب ارجو ان يكون الحوار بيننا من اجل الخير والحب والجمال.. وهذا ليس بحديث من يراوغ او يدهن ولكنه الاخاء والفكر وكلنا الى الله راجعون. انور كنغ: انا وانت نعرف ان علاقتنافكريه... واشكر مداخلتك المتفهمه. تحياتى لكم وللجميع. اتمنى فى مقبل الايام علاقه تقوم على الحوار وان نستفيد من بعضنا البعض واظل اقول ان ليس هناك فكره مقدسه وبالحوار نصل الى مشتركات.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
Quote: زميلك الذى ايدك لا يريد لك خيرا لان الذى يساعد على تبخيس الناس هو شخص غير جدير بالصحبه |
انا الذى اوردت له المعلومات من باب انه طلب المساعده ولكن لست مبخسا لاشياء الناس طالما حاذوها بكدهم لكن الذى آلمنى حقا هو فتحك لذلك البوست(عبيد ختف) فهذا بوست مسئ جدا ...فكأنى وجدتك مروجا ومشهرا للسوء ..ثم أراك متناقضا تدافع عن جهاز الامن وترفض الاحزاب ..مع ان جهاز الامن الذى تدافع عنه يقر بهذه الاحزاب لا بل مفاوضا لها لصالح الحكومه..فاستغربت ..لاعلامى او هكذا ادعيت يكون ضد التعدديه والحزبيه... على كل لست ضدك فى شئ ..فهذه قناعاتك وانت حر فيها..لكنها قطعا لا تليق باعلامى لأن ثراء عملك فى التعدد.. أما بخصوص أكاديمية علوم الاتصال وحسب علمى لا علاقة لها بالتعليم العالى فهى مؤسسه تدريبيه تتبع لوزارة الاعلام فمسألة بكلاريوسها هذه جديده..نعم أن امكانياتها التدريبيه عاليه جدا كما ذكرت انت ولكن لا يؤكد ذلك انها مؤهله لتعطى درجه البكلاريوس أو غيره من الدرجات العلميه الرفيعه.. أخيرا أشكر لك تهذيبك العالى فى ردودك على المتداخلين رغم تعنيف البعض لكنك قدت حوارك بعيدا عن السباب والشتايم وآمل مخلصا ان تدير حوارا فى مواضيع قويه ومهمه ..حينها ستجدنا مناصرين ومؤازرين لك..لان غرضنا الخير والحب فقط فائق ودى وتقديرى....
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: Adam Mousa)
|
اخى ادم موسى شكرا للمداخله ارد على جزئية عبيد خطف: فى البوست وضحنا ان هنالك نوع من تجارة الجنس تمارس فى تلك الشوارع وخوفت الشباب خاصة القراء صغار السن(المراهقين ومن حزى حزوهم) من اضرار تلك الاماكن وكانت الرساله المكتوبه: الايدز طاعون العصر. الجهاز لم اؤيده بل حمدت له تخليه عن الغموض وصحبته للادباء . اتمنى ان اكون كما قلت قادرا على طرح موضوعات مهمه ولكن الاجواء غير الطبيعيه التى نعيش فيها لا تسمح لنا بالاسهاب فى الكتابه. كررت اكثر من المره بان غرضى من بوست السياسه كان الاهتمام بالتخصص والمهنيه قبل الولوج الى بحر السياسه... وذلك لاننى ارى ما يفعله كوادر الطلاب مثلا فى الاركان وعالم السياسه. على كل حال نحن هنا معا من اجل الافضل والفكره الجيده. دمتم وفى انتظار جديد موضوعاتكم.
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
جميل ما جاء من رد ودوما كنت اقول ان ليس هناك فكرة مقدسه بالنسبة لى وهذا معناه اننا نتعلم والجديد الجيد نقبله ونترك له القديم من افكارنا اذا ثبت الخطأ فيه. ربما ااشاراتى التى ارسلها لتعبر عن كامل الفكره ليست كافيه وبالتاكيد اذا كان ذلك فهذا لخطا فينى ولكن الاوضاع غير الطبيعيه تقود الى ذلك احيانا وغالبا. التخصص وممارسة السياسه فيهما الحل ولكننا نحاول ان نعمل وفق منهج كما قلت لذلك نطالب بالمقدرات العاليه. والان اذا جئت الاركان الطالبيه تجد وضوح ما اعنى. وفى انتظار جديد موضوعاتك للمشاركه والاستذاده. تحياتى (مافى مشكله بينك وبين انور كينغ ... اقترح تجاوز ذاك)
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: سميح جمال)
|
الاخت العزيزة زهره حيدر ادريس التحيات الطيبات الذاكيات الصالحات و الود
ما عارف اقول ليك شنو على كلماتك الطيبة و حنينة دى؟ و الله المنبر دا لو عندو حسنة انو بجمعنا بى ناس كان ممكن يكونوا اصحابنا شديد لو جمعتنا بيهم ظروف الحياة العادية. لكن اهو بنتلاقى عبر الاثير و نتعارف اكتر، بالجد لمن اقراء ليك مداخلات بحس بانو ذى الزولة دى انا بعرفها قابلتها اتناقشت معاها فى موضوع، دا فى تقديرى بجي من المهم المشترك. و انا على العلى قاعد لى فى بلد غربة و طيرو عجمى و بس شايل الصبر ساى، الغربة بتخلى الزول حنين لكل ما يربطه بالبلد و الناس.
المهم يا ستى انا و صاحبى سامح اتخاشنا كدا بعدين عرفنا مشكلتنا وين، النقاش من وراء الكيبورد بخلى الناس مرات تظلم بعض و تتحامل على بعض المهم الواحد بيحاول يتفادى الحاجة قدر الامكان لانو بتخسرك ناس كان ممكن يكون اصدقاء ليك حتى لو اختلفتوا معك فى الرأى.
انا ممنون شديد على الكلام الطيب، و سميح برضو روحوا عالية و استحمل خشونتى معاهو بطريقة سمحة
اكيد اكيد ح نتقابل تانى مرات و مرات .
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: abubakr salih)
|
الاعزاء سميح وابوبكر تسلموا يا اعزاء ..
عارف يا ابوبكر نسيت شنو في مداخلتي الفاتت .. نسيت اقول ليك انو واحده من الحاجات البتخلي الامل باقى والناس تستمر في طريقها واعتقد انها من اعجب ما فينا .. انو السودان ده وبالرغم من كل الهم الفيو والاشكالات البتتركب كل يوم اكتر وتتعقد عشان الكلام عن حلها يبقى مستحيل .. الا انو جيل ورا جيل اولادو شايلن همو
ابوبكر بالجد يسلم للبلد الزيك حتى وانت حاد شديد وبعيد عن ارضو
| |
|
|
|
|
|
|
Re: جهاز الامن الوطنى يحتفى بالثقافه والمثقفين.. اها قلتو شنو؟ (Re: زهرة حيدر ادريس)
|
الاخت زهرة حيدر مرة اخرى التحايا و الود
اتفق معك فى جزئية الحدة و الله كنت متفاديها شديد. لكن الاخ سميح واضع نفسوا فى موقع المحايد و الحياد لا يعنى التغافل عن حقائق الواقع. على سبيل المثال رؤيته للعنف الطلابى وضع فيها الجميع في سلة واحدة و بطريقة ما جميلة. انا و انتى بنعرف كيف بداء العنف الطلابى فى الجامعات و كيف تطور و بنعرف العقلية الفكرية و التركيبة النفسية المنتجة اللعنف. الاسلاميين كانوا و لازالوا بيعتقدوا ان الصراع ضد القوى المعارضة هو صراع بين المسلمين و الكفار بل يعتبرونه جهادا مقدسا عديل كـــده. التنظيم الطلابى للجبهة الاسلامية فى الجامعات تمت عسكرته من زمن طويل و بداء يستخدم العنف كوسيلة لانجاز الاهداف السياسية و فرض تصوراته الفكرية على الاخرين و على ما اذكر كان يؤرخ لبدايات العنف الطلابى بحادثة العجكو و هى رقصة شعبية من غرب السودان قامت جمعية طلابية بتنظيم منشط لأدائها فى قاعة الامتحانات بجامعة الخرطوم و نسبة لان الرقصة مختلطة فيها بنات و اولاد اعتبرها الاسلاميين نوع من الفسوق و الفجور و هاجموا المسرح هذا حدث فى ستينات القرن الماضى و منذ يومها اصبحت الجامعات مكان للعنف الاسلاموى و العنف المضاد الذى يهدف من خلاله الاخرين لحماية حقوقهم فى الممارسة السياسية و الفكرية. اما فى فترة حكم الجبهة الاسلامية فقد شهدنا العجب العجاب. استقبلتنا الجامعة بالشهيد محمد عبد السلام، و غيره من ضحايا التعذيب على يد الجناح الطلابى للكيزان بل فى احد المرات اخرج احدهم يدعى عمار باشرى مسدس آلى و اطلاق اعيرة نارية فى الهواء فى وسط النشاط الطلابى و بالتاكيد لديك مثل هذه القصص المحزنة الكثير. لذلك لا اعتقد ان الاخ سميح قد كان عادل فى وضعه للجميع فى السلة الواحد و مثل هذه المواقف تغبيش وعى المتابع الذى لم يخض مثل هذه التجارب و من جهة اخرى تظلم اخرين بوضعهم فى نفس السلة مع المتشددين من الاسلاميين.
عموما انا بعتذر للاخ سميح على التراشق اللفظى من جانبى، و بالتأكيد سوف نعود للحوار المفيد
| |
|
|
|
|
|
|
|