|
|
 يا جماعة ادوني راسي...حكومة الانقاذ شنو؟ وحكومة الوحدة الوطنية شنو؟... وحكومة ابراهيم بقال شنو؟
|
الحمد لله الذي لا يحمد على مكروه سواه
اما بعد:
قدر ما قلت امسك خشمي علي. وما ادخل قدومي. وما انضم في السياسة في البلد الما عندو وجيع دا...القي حاجات تحيّر.... ناس يقولو ليك حكومة الانقاذ وناس حكومة الانقاذ في عضمهم يقولو حكومة الوحدة الوطنية.... سلفاكير نائب رئيس الجمهورية بعد مرات يقعد يخرمج ويقول ليك الحكومة كعبة وفيها الفعلتا والتركتا...زيو وزي اي زول قاعد جنب ست شاي ويجغم ويستعرض في امكانياتو السياسية لا نائب رئيس ولا شي.. الزول دا يكون ما مصدق لي حسي؟...يجو ناس معانا هنايقعدو يشتمو في النظام مع انو جماعتهم منجعصين في المجلس الوطني ويشربو في شربات الحكومة ويصرفو في ملايين الامةالبديدها ليهم الحكومة برضو....او مستشارين في القصر...طالعين نازلين....يا جماعة والله العظيم حيرتونا.....
صاحبي ابراهيم بقال.... كان قادي راسنابالبوستات ونازل شتيمة في الحكومة مش الحكومة براها كل ماهو من شمال الخرتوم..زي الجماعة الشابكننا جلابة جلابة والله يقدر لك تقول جنوبي.. طوالي القيامة تقوم وانت عنصري.... عشان مشكلة دارفور... ابراهيم بقال عينوهو شنو كدي ما عارف..واعتبر انو مشكلة دارفور اتحلت طالما هو لقى وظيفة في الحكومة...وبقى مسعول كبير وكدا يكون التهميش انتفى عن شعبه......سمعت حسي قالو لافي في السوق العربي وداير يشتري نعلات لشعب دارفور....علا مشكلتو بقت مقاسات النعلات.... حقو يسو لجنة تسافر دارفور ويجيبو المقاسات ويجو....خايف ما يلقى المقاسات في السوق العربي ويعتبر دا تهميش لكرعين اهل دارفور...
|
|
 
|
|
|
|
|
|
|
|
Re: يا جماعة ادوني راسي...حكومة الانقاذ شنو؟ وحكومة الوحدة الوطنية شنو؟... وحكومة ابراهيم بقال (Re: سجيمان)
|
إبتداء خذ رأسك ورأس الرجاء الصالح ذاتو
شوف يا سجيمان الكلام لامن يكتر في أى حاجة بتخستك ، البلد فيها منابر كورة أكثر من بنابر الشاي في الخرطوم ومع ذلك نحن ملطشة في الكورة من البسوى والما بسوى ، وعندنا مليون جريدة وجريدة عن الكورة منها قون ، ويبدو إنو دا قون من الأقوان السابقة واللاحقة التي دخلت فينا بعد أن فشلنا ما ندخل قون حتى في التمرين. وفي الجانب الفني حدث ولا حرج غنا في سواده الأعظم وجع وفنانين أصواتهم نكره وموسيقى نشاز وشعر أخير منو القعاد في الضلله والخيران والغريبة كلهم الأستاذ فلان ، تصور واحد لا بعرف دو لا ري لا فا يقول ليك الأغنية من ألحان وتقديم الأستاذ ههههه ها يا جماعه ههههه ها (أوعكم واحد يمشي يضيع وقتو ويعد الههات دي والله عددهم واحد لأنني بساطه عملت ليها كوبي وبيست) ده قراها وين
وكذلك الأمر في الجانب السياسي الناس في حقيقة أمرهم يا معارض يا موالي (وموالي دي عملت ليها كوبي من تلفزيون المستقبل نشرة أخبار حبيبك ، المذيعة تلقاها قاعدة بي جمبه زي أهل العوض عند قيادتهم لي البرناسات والبكاسي ماركة لهيب الشوف والنار ولعت. المهم الحكومة كعععععبه عوووع كعبه عديل والمعارضه ذاتها كعبه ونحن زاتنا كعبين كعوبية شديدة وكلامنت أكتر من اللازم والبلد كلها حرامية الحكومة تسرق والمعارضة تسرق وحتى نحن ناس قريعتي راحت نسرق وسرقة عديل كده يا أخي ناس السواري في الإشلاق يسألني الله الغنم العندهم أكتر من أولادهم وده كلو على حساب الحصين وخيول السواري اللواري ينزل ربطة قش تلقاها مشت الشارع بالحيطة ويجي لاحقه عسكري بالكاكي رسمي ويشيلها وبعد ده دايرين ليكم حصان يجري ليهو ورا حرامي عشان يقبضو.
أها يا سجيمان إنت تسأل ومليون واحد حا يجيب لمن يجيبو ليك الهبوب والهوا الما ليهو دوا ، وأنا واحد من المتبرعين للإجابة على سؤالك بالرغم من جهلي لكين الشمار كتل عمار (على وزن الرماد كال حماد) أها معني حكومة الأنقاذ أنها مجموعة من العسس أتوا للسلطة بليل بهيم لا قمر فيه ولا كهرباء وأحتلوا الحفله وعسكروا ، وقالو للناس نحنا جينا وكيه للمابينا ونحنا جينا عشان ننقذكم ، أها ساطو وجاطو وما أنفكو وبعد ده كلو لا أنقذونا لا في زول سألهم قال ليهم إنتو كضابين ، أها شوية شوية حكاية الإنقاذ بقت تتبدل وتتحور وتتحول فمرة مؤتمر وطني ومرة مؤتمر شعبي وتارة مؤتمر عام ، أها حا نفضل في العوامة دي يا غرقنا يا جاتنا داهية فكتنا من ناس الأنقاذ قبل ن تشرع في تغتيس حجرنا.
سمعت قالوا اليهود هم شعب الله المختار أها يبدو إنو الخاء طارت منها النقطة فأصبحنا نحن شعب الله المحتار ، وعليه ممكن تقول محتار الصحاح ، وحسن الإحتيار ، ولو مشاكل زول تقول ليهو أحير ليك نظام لجن ، اللجنة الفي لسانو
| |
|
|
|
|
|
|
|
|
|
Re: يا جماعة ادوني راسي...حكومة الانقاذ شنو؟ وحكومة الوحدة الوطنية شنو؟... وحكومة ابراهيم بقال (Re: عبد العظيم احمد)
|
Quote:
قدر ما قلت امسك خشمي علي. وما ادخل قدومي. وما انضم في السياسة في البلد الما عندو وجيع دا...القي حاجات تحيّر.. |
يا سجومي .. يا مدخلني في هدومي..
حكومة الإنقاذ دي تلقاها في أول شارع الإنقاذ كان أول شارع كان تالت شارع قبل حديقة عبود..رحمة الله عليه قالوا كان حاكم ناس الخرتوم.
وحكومة الوحدة الوطنية دي ما بين سينما الوحدة وسينما الوطنية .. وكان مشيت شوية بتصل سينما الحلفاية..
أما حكومة بقال دي بيني بينك كده بيقولوا حكومة الناس البجو في الليل.. ايوة .. أمال أية ود اللمين غنى ليهم قال: بيصادم المغارة الخيولها بجن بي الليل أيوة .. أمال أية .. بس خيولهن المرة اللي فاتت قالو من حديد..
أها ياسجمجم
قصرت فيك؟؟
| |
|
|
|
|
|
|
|
|
|
Re: يا جماعة ادوني راسي...حكومة الانقاذ شنو؟ وحكومة الوحدة الوطنية شنو؟... وحكومة ابراهيم بقال (Re: سجيمان)
|
| Quote: حقو يسو لجنة تسافر دارفور ويجيبو المقاسات ويجو....خايف ما يلقى المقاسات في السوق العربي ويعتبر دا تهميش لكرعين اهل دارفور |
...
| Quote: خايف ما يلقى المقاسات في السوق العربي |
الاخ العزيز د عادل سجيمان
السلام عليكم و رحمة الله
كلنا معك في حيرتك - لا تستطيع ان تفهم شيئا .... ببساطة لو استطعنا ان نفهم ما يجري ... سنكون جزئا منه . لذا من الافضل ان لا نفهم
لكن:..............
لكن .... و في اعتقادي المتواضع ان الغرض من هذا البوست هو الجزء المنقول اعلاه
يا اخي: السخف الذي مارسته في هذه الجزئية لا يفوت على احد و لا يضحك احدا
انت تريد ان ترسل اساءة بالغة بشكل ملتوي الي اهل دارفور باستخدام بقال و غير بقال مستندا على لفظ التهميش الذي نستخدمه هنابشراهة و بلا ادنى رحمة
و الغباء .... في فرضية ان الاخر غبيا لا يفهم
__________________________________
ساعود باذن الله
| |
|
|
|
|
|
|
|
|
 Re: يا جماعة ادوني راسي...حكومة الانقاذ شنو؟ وحكومة الوحدة الوطنية شنو؟... وحكومة ابراهيم بقال (Re: سجيمان)
|
| Quote: صاحبي ابراهيم بقال.... كان قادي راسنابالبوستات ونازل شتيمة في الحكومة مش الحكومة براها كل ماهو من شمال الخرتوم..زي الجماعة الشابكننا جلابة جلابة والله يقدر لك تقول جنوبي.. طوالي القيامة تقوم وانت عنصري.... عشان مشكلة دارفور... ابراهيم بقال عينوهو شنو كدي ما عارف..واعتبر انو مشكلة دارفور اتحلت طالما هو لقى وظيفة في الحكومة...وبقى مسعول كبير وكدا يكون التهميش انتفى عن شعبه......سمعت حسي قالو لافي في السوق العربي وداير يشتري نعلات لشعب دارفور....علا مشكلتو بقت مقاسات النعلات.... حقو يسو لجنة تسافر دارفور ويجيبو المقاسات ويجو....خايف ما يلقى المقاسات في السوق العربي ويعتبر دا تهميش لكرعين اهل دارفور... |
العملو هذا البقا ل والدور البيقوم بيه يماثله تماما فهو اتنهازى مرتزقة لا يعرف كيف يكون الادب فى التعامل مع الاخريين له قاموس فى عدم الاحترام يشبهه تماما
ببساطة شديدة النظام لملم ، كل من فى امكانه ان يعينه على الفساد وان يقوم بتمثيله خير تمثيل ،المهم لمت كل الاتهازيين والارزقية واصحاب المواقف المخزية فى الاحزاب المختلفة ، و الاتهازيين من الحركات التى تتدعى النضال باسم دارفور . ودعمتهم بها ودعمت مواقفها المخزية و تركت بعض الاماكن شاغرة لمن يسقط من
المرتزقه ومدعي النضال فى الطريق ولم يجدو اسوا من هذا البقال ليشغر احداها وفى نهاية الامر احنا عندنا عصابه لا يستقيم ان تسمى باى من المسميات وان كان لابد من التسمية فحكومة بقال هى الاصدق وصف باعتبار
انو اكتر واحد عينو قوية ومابيخجل من نفسو قاعد معاهم وبيسترزق منهم وفى نفس الوقت عامل مناضل وبيدافع عن قضايا دافور
وغير كده مهو من النوع السهل اسغلاله ليتولى نيابه عن بعض مرضى النفوس طرح ما يخافون من طرحه من اجندتهم العنصرية التى تشبههم تماما
تحياتى د عادل ...
| |
|
|
|
|
|
|
|
|
|
Re: يا جماعة ادوني راسي...حكومة الانقاذ شنو؟ وحكومة الوحدة الوطنية شنو؟... وحكومة ابراهيم بقال (Re: ماجدة عوض خوجلى)
|
يا سجيمان...علا تمشي تنده الحفيان وتخت ليك زوارة كان جنيه كان شلن
امكن يلاقيك نبي الله الخدر يوريك الحاصل.
والله اقول ليك...
انت ما تسعل بقال زاتو؟
النضم الهنا دا بعيد خلاص من الحاصل...حقيقة هناك...
من كم اجازة كدة اقتنعت بانو نضمنا هنا والشارع ما بتلاقن تب
وبطلت اعرف الحاصل من هنا...
يقولوا ليك الخرطوم عاصمة الدعارة...وانا الفها بي كراع كديس
وزقاق زقاق...علم واحد ما شفتو مرفوع الا علم ناس الجمارك
يقولوا ليك دارفور انقرضت عن آخرها واركب براي امشي مدينة في دارفور
ألاقي ناس بتفرجوا في مباراة كأس ودورة...
يقولوا ليك الجنينة احتلوها واضرب تلفون لي ناس الجنينة يقولو لي
انت الاخبار دي بتجيبا من وين؟
غايتو جنس خيال هو!
| |
|
|
|
|
|
|
| |
سجيمان
حيدر حسن ميرغني
adil amin
محمد فرح
Elawad Eltayeb
العوض المسلمي
عز الدين بيلو
motaz ali
عبد العظيم احمد
المسافر
ماجدة عوض خوجلى
nazar hussien
فيس بوك
تويتر
انستقرام
يوتيوب
بنتيريست