|
شعر سنة 99وحرررم كنت بريده ريد وهسى احلى مذيعه! خطير يا ود!!
|
لمن شوفتك تبقى ضروره بقدر اشوفك فى جواى وببقى غيابك ما موضوعى بداية القصه كانت حوجه لى استاذا بعرف بشرح وكان استاذا زولا طيب يدى ويدى وما بتوقف وكانت حلوه ورايعه كمان وكان محتاج لى زوله تلمو وبدت القصه وكان استاذا حاسى الورطه وحاسى عمايل الحلوه البره بس المبدا ويا للمبدا لمن تبقى الفكره اساس وتتجاوز ذاتك شان الناس وترضى تكون سلم نجمه بكره ضياها يعم الكون تكون الحلوه اضافه جديده ويبقى استاذا فاعل خير وتمضى النجمه وتتجاوز زوله ويبدا الشوق وصدق الريد ويبدا استاذنا يردد قولو لمن شوفتك تبقى ضروره بقدر اشوفك فى جواى وببقى غيابك ما موضوعى...
|
|
|
|
|
|
|
|
Re: شعر سنة 99وحرررم كنت بريده ريد وهسى احلى مذيعه! خطير يا ود!! (Re: سميح جمال)
|
وهكذ بدات العلاقه مع حسناء الاعلام واغرب ما فيها انها بدات كعلاقه فكريه لاناس يحلمون بمستقبل واعد للاعلام. ينشئون الجمعيات والمجموعات .. ينادون بالتخصص يضعون مخططات لطموحات لا يحدها حد... وجمعنا ذاك الاحتفال السنوى الضخم.. الذى كانت تقيمه اللجنه الاكاديميه لطلاب الاعلام. والجميع لا سيره لهم غير(روز) جات ... طلعت... رجعت.. خشت الكافتريا وذى التقول الكيزان زاتم الايام ديك استغلوا الموضوع ودربوا كوادرم على المراقبه بدون حافز مادى! اى زول كان باكى فى (روز) الطلبه ، الاساتذه، الدكاتره، الحرس، وانا. بس الاخ كان حرييييف. واوريكم خشينا فى بعض كيف. نتابع.
| |
|
|
|
|
|
|
Re: شعر سنة 99وحرررم كنت بريده ريد وهسى احلى مذيعه! خطير يا ود!! (Re: سميح جمال)
|
العب لله كان متجدع وامين الاعلام فى اللجنه.. وجات روز.. وسبحان الله .. ياها زاته بتاعت التايتنك.. وفجاه الشباب جو جارين على.. اسمع عليك الله تسجله معانا.. وين؟ وهى منو؟ روز يا ديش. وطبعا طلبه فى بعض احترامات لمن يكون فى ضيف ولامن نكون برانا دافننو سوا لا رئيس لجنه ولا حاجه. وتك تك تك روز بى جلالة جمالها ... وجمل كبيره.. وكلام ناعم.. وقفت جمبى عطر عجيييب بيييييضه ونضيييييفه العب لله طبعا زول جامد اتفضلى. اهلا استاذ حبابك انا سميح جمال الااااه رئيس اللجنه الاعلاميه؟ اااى نفسى اكون معاكم واقدم الفقرات. بى جوه نفسى تقدمى الفقرات وتقدمى اى حاجه والباقيات كان شفتن (مايك) تفن لى فى وشى ده. ورديت عليها اكيد كل الناس حتلقى فرصته.. مافى مشكله املى الاستماره وخلى واحد من الشباب يديك فكره عن اللجنه. وبقيت محمر ليك للشباب .. طبعا سمعونى قلت ليها شنو! وخلاص فرصه.
نتابع
| |
|
|
|
|
|
|
Re: شعر سنة 99وحرررم كنت بريده ريد وهسى احلى مذيعه! خطير يا ود!! (Re: سميح جمال)
|
سميح/
والله كنت متردد بين كلك لبوستك..وأشوف غيرك..لكن دى ألأرادة جابتنى ليك..
قبليها كنت متابع بوست أختنا أمنة مختار بتاع البذاءة لحدى ما قربت أبقى بذىء لكن ربك ستر..
ولآنى جموعى جذبتنى كلمت حرررم وبى حليفتا ودخلت..
والنتيجة شعر سنة 99 نال 99 من 100 عارف الواحد شلناهو منك ليه...عشان الخط..
سميح..إنت بدون الياء سمح..
مودتى..
إسماعيل محمد احمد عباس.......
| |
|
|
|
|
|
|
Re: شعر سنة 99وحرررم كنت بريده ريد وهسى احلى مذيعه! خطير يا ود!! (Re: سميح جمال)
|
اها.. العب لله كان عندو دفتر كبيييير مليان خواطر وشعر وابيات شعر نادره ومقولات سياسيين ... يا زول مليان فل!! وكل ما الاقى روز اخت ليك الدفتر وش قبل حقات الجامعه.. اها فى يوم الشرك قبض.. _ انت الدفتر ده قصتو شنو طوالى شايلوا كده؟ (بدون كلام مديت ليك الدفتر) _ (قلبت فيه كوييييس) الااااه جميل طبعا انا بحب الكتابه بس ما بعرف اكتب ذيك. _ لا طبيعى حتكتسبيها بمجرد الاحتكاك بالشباب هنا والاعلاميين والموضوعات و كده( طبعا اخوكم كان مركب مكنة عالم) _ والله بالجد لذيذ! _انا؟ _ (ضحكه لو سمعتوها تانى ما بتجوا المنبر) انت دمك خفيف بالمناسبه. بالجد دمك خفيف. ولذيذ انت والدفتر وحدى هنا العب لله عرف انو فى خير فى الموضوع وبدا يطمع فى التقيل
نتابع.
| |
|
|
|
|
|
|
|