|
|
 زهجت وداير أعمل لي حزب ... ممكن ؟؟!!!
|
ياشابات وياشباب ... أنا أحمد موسى ... زهجت من كل التنظيمات السودانية الهلكتنا هلاك ... كرهت عواجيز السياسة ... الحكموا جدودنا ... آبائنا ... نحن ... وناوين يحكموا أولادنا ... معقول ؟؟؟؟؟؟؟؟؟؟؟ ... كيف عقلية زي عقلية الصادق المهدي (معليش (لنا المهدي) ... أنا زهجان) كيف عقلية زي عقليتوا البتحتفل بعيد ميلاده الخُرطمية وداير يخطط لأولادي جيل النت ؟؟؟؟ أو عمر البشير ... نقد الترابي....الميرغني إلخ إلخ إلخ .... وده كُلوا كوم وجماعتنا السووا للإرتريين جبهة في السودان ديل كوم .... أووووووووف .....
....
....
....
عشان كدة أنا زهجت وداير أعمل لي تنظيم .... جهوي ... عنصري ... أي شئ بس يكونوا شباب مثقف مستنير وطني .... يقولوا للكهنوات ديل (بس) و (بِس) كمان لو دايرين ....
....
....
....
(دوت مجاك) كتر خيروا إتآمر معاي وسوا لي ويب سايت سميتوا http://minbaralsharag.com/ (مِلِح) ساي كيتاً في العواجيز ... صحيح هو ما إنضوي معاي لأسباب بعرفها براه لكن ساعدني كتير
....
....
....
هو معني بشرق السودان ... ما لعزله عن باقي السودان , لكن لتذويبه فيه , (كيف؟؟؟) دي نخليها لمفكرين التنظيم الجايين ... ومشروعي الأول {مكتبة عامة مقروءة .. مسموعة مرئية وإلكترونية/ مجانية} في كسلا ... ما لسبب إلا لإيماني بأن محاربة الجهل محاربة للظلم والفساد والشموليات ...
....
....
....
أها رأيكم شنوا ؟؟؟!!!!
|
|
 
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
ليه لا يا حبيب ؟؟
من حقك تعمل حزب اهو اخونا عادل عمل حزب وبيخم في مناطق حزب الامة كمان - على حسب قولو - ومافيش حد احسن من حد
لكن حقو السبب يكون موش عشان المهدي ولا الترابي ولا نقد - معليش البشير ده ما عندو شي عشان يذكر - لا مفروض عشان احمد موسى عاوز كده وعاوز كمان يعمل تغيير - زي اوباما - وعشان احمد موسى يثبت انو عقليتو احسن من المهدي ولا نقد ولا الترابي عليه ان يثبت ذلك فكرا وعملا وزي ما هم اثبتوا وجدهم كمان احمد موسى لازم يثبت وجودوا ويكون قدر المسعلة
بعدين قلت | Quote: كيف عقلية زي عقلية الصادق المهدي (معليش (لنا المهدي) ... أنا زهجان) كيف عقلية زي عقليتوا البتحتفل بعيد ميلاده الخُرطمية وداير يخطط لأولادي جيل النت ؟؟؟؟ أو عمر البشير ... نقد الترابي....الميرغني |
سؤالي
انت مشكلتك في العقلية ولا في العمر ؟؟
اذا كان العقلية زي ما قلت ليك اعرض فكرك وهو يعرض فكرو والحشاش يملا شبكتو ولا شنو ؟
واذا كان مسعلة عمر اها نعمل سباق بين احمد موسى وبين الصادق المهدي والبسبق ده يجي يحكم السودان رايك شنو يا حبيب قصرنا معاك ؟؟؟
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
Quote: سؤالي
انت مشكلتك في العقلية ولا في العمر ؟؟
|
الحبيب (ود العُمدة) والله لا ده ولا ده ... مشكلتي في كهنتتة الجماعة وطول فترة حكمهم ... معقول الديمقراطية الحزبية بتاعتنا دي ما شالت ولا رئيس حزب واحد من رئاسة حزبه ؟؟؟
....
....
....
هم قادتنا وتيجان راسنا لكن اليداولوا سلطة الحزب السياسية على قواعدهم وقياداتهم الوسيطة ولا عِقرت حواءنا السياسية ؟؟؟ ... كيف يا ود العمدة حزب يفتقد للديمقراطية يبشر بيها ... ماقاصد حزب معين .. قاصد الجميع ... والديمقراطية الموجودة مشوهة .... مشوهة.... مشوهة ... تقوم وتقع بنفس القيادات يغيرهم الموت فقط !!!!
....
....
....
Quote:
واذا كان مسعلة عمر اها نعمل سباق بين احمد موسى وبين الصادق المهدي والبسبق ده يجي يحكم السودان رايك شنو يا حبيب قصرنا معاك ؟؟؟ |
لا حول ولا قوة إلا بالله ... داير تقطع نفسي مالك في بداياتي السياسية ؟؟؟
....
....
....
شكراً يا الحيبيب على سُرعة الطلّة !!! وتقدير تام للإمام (الصادق المهدي) بس يفكها هو و ناس بيتوا شوية ... ممكن ؟؟؟
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
| Quote: مشكلتي في كهنتتة الجماعة وطول فترة حكمهم ... |
اها يا حبيبنا مالك عاوز تبقى لي زي ناس كده
متيييييين هم حكموا الناس ؟؟
كدي احسب لي فترة حكم الصادق المهدي ولا نقد ؟؟
| Quote: معقول الديمقراطية الحزبية بتاعتنا دي ما شالت ولا رئيس حزب واحد من رئاسة حزبه ؟؟؟ |
طيب يا احمد هو نحنا لقينا ديمقراطية عشان نمارسها ونستبدل قياداتنا ؟؟
حزب الامة مثلا بعد كل مؤتمر والتاني بتكون في سنين طويلة جدا بسبب الديكتاتوريات رغما عن استماتته بعقد مؤتمرات استثنائية مثل مؤتمر الحزب الرابع باسمرا لكن لم تتح له الممارسة الكاملة للديمقراطية ابدا حتى يحاكمه احمد موسى وفقا لمعايير قاسية
كذلك الحزب الشيوعي السوداني لم يتمكن من عقد مؤتمره الخامس حتى الان لاسباب تشارك حزب الامة وان كان مستغربا عدم عقد المؤتمر خلال فترة الديمقراطية الثالثة رغما عن خوضه للانتخابات !!
كذلك الحزب الاتحادي الديمقراطي الذي لم يعقد في تاريخه مؤتمرا عاما !!!
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
Quote:
اها يا حبيبنا مالك عاوز تبقى لي زي ناس كده
متيييييين هم حكموا الناس ؟؟
كدي احسب لي فترة حكم الصادق المهدي ولا نقد ؟؟
|
الحبيب (ود العُمدة) ... فهمتني غلط وداير تبدأ لي حزبي بصراعات حزبية مع الكهنوتات ... أنا قاصد فترة حكمهم لأحزابهم ... الديمقراطية أخي الحبيب لا تتجزأ ... ومن ذكرت هم قادة أحزابهم لسنون ... نحتاج أن نحفز ونحرض القيادات الشابة بتلك الأحزاب على الثورة والإنتفاضة ومن ثم التقدم لقيادة أحزابهم ... (ولا شنوا ؟؟؟)
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Abdel Aati)
|
يا احمد موسى عندي كلام كتير عايز اقولو ؛ لكن رجعت للموقع وزادت حيرتي :
يا اخي ممكن تقول لي انت وين من كل التنظيمات التالية التي اجد اسمائها في النت وفي الموقع
1- منبر الشرق ( الاسم الذي يظهر في موقعكم)
2- المنبر الديمقراطي لشرق السودان ( الامين العام آمال ابراهيم حسب احد البيانات)
3- التجمع الديمقراطي لشرق السودان (الرئيس حمد النيل السماني والامين العام أحمد موسى المحامي حسب اخبار الصحف)
4- المنبر الديمقراطي الاجتماعي لشرق السودان ( رئاسة عبد المنعم محمد دين وامانة د. آمال أبراهيم)
5- المنبر الديمقراطي لشرق السودان - القيادة الجماعية ( السكرتير العام محمد دينى محمود حسب أحد البيانات)
وما هي طبيعة الخلافات بينها ان وجدت ؟؟
بعدين حاجي ارجع لبعض الدلالات الرمزية مثل اعلانكم عن انفسكم في دار حزب الامة او لقاءات د. آمال ومحمد دين بالترابي الخ .. وبعض اطروحات منبر الشرق كما هي منشورة في موقعك(م).
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
| Quote: تابعت منبر الشرق وفي البداية كنت اظنه موقع المنبر الديمقراطي لشرق السودان فاذا بك تقول انه موقع شخصي |
الأخ أبوأماليا شكراً للإهتمام وهو موقع المنبر الديمقراطي وليس به إنشقاقات فأنا عُضو به ومسئوله الدستوري وهو تنظيم بدأ بجمع من الخريجين والمقفين والمستنيرين اللذين شعروا بأوقات مختلفة (بخطل) ما هو كائن وهو ضد العنصرية بلاشك وضد العصبية القبلية والآن له عدة مكاتب بولايات الشرق المختلفة وقد تبنى التنظيم الآن تجميع المعارضين للمهزلة المسماة إصطلاحاً إتفاق سلام الشرق ودشن نشاطه السياسي بتكوين التجمع الديمقراطي لشرق السودان وهو كيان يعمل على توحيد الرؤى السياسية لكافة التنظيمات والمنظمات الرافضة للتسوية السياسية السودانية الإرترية على حساب إنسان الشرق وآسف إن كنت بلحظة ضيق تحدثت بفردية فالمنبر الديمقراطي يسير الآن بأعلى درجات إتساقه السياسي عدا بعض أصوات تستجيب حيناً ( لطنين ) الخائفين من الثورة المستنيرة القادمة ضد كل صور الجهل السياسي ... الفساد ... والشمولية ... لأاجل الديمقراطية ... الحرية العدالة والمساواة دُمت صديقي وحزنت أن لم أُقابلك بالخرطوم أو عطبرة
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
استاذ أحمد والله انا كمان حزين ما اتلاقينا؛ وان كانت الفرصة اتيحت لي للقاء مع بعض ابناء الشرق ومن بينهم الاستاذ سعد ابو قضاضة والاخ علي اداب (دقنة) واخوان واخوات كرام اخرون من اهل الشرق والعاملين بالشرق والمقيمين بشرق السودان والجايات اكتر من الرايحات:
عموما شكرا للمعلومات الجديدة ويبدة انك كتبتها في نفس الوقت الذي كتبت لك فيه اخر مداخلة اٍالك عن موقعك بالضبط .. اذن انتم ستعملون باسم التجمع الديمقراطي لشرق السودان ؟؟ وتسمية منبر الشرق على منبركم ما هي ؟؟ والبيانات السابقة باسم المنبر الديمقرطي لشرق السودان والواردة بلموقعكم او كانت تصل من طرفكم؛ هل نفهم ان الاسم تغير ؟؟ ارجو الافادة حتى لا يتوه الناس ..
اذن يبدو ان الحزب قد تأسس ؛ ولكنه يقع في بعض الاخطاء من البداية؛ ما بين طرح امينه العام ( او مسؤوله الدستوري ) برفض القيادات القديمة؛ وبين عقد اول مؤتمر صثحفي بدار حزب الامة ( جاء في الصحف دار الامة بامدرمان ) ؛ حيث تقول انت:
| Quote: ياشابات وياشباب ... أنا أحمد موسى ... زهجت من كل التنظيمات السودانية الهلكتنا هلاك ... كرهت عواجيز السياسة ... الحكموا جدودنا ... آبائنا ... نحن ... وناوين يحكموا أولادنا ... معقول ؟؟؟؟؟؟؟؟؟؟؟ ... كيف عقلية زي عقلية الصادق المهدي (معليش (لنا المهدي) ... أنا زهجان) كيف عقلية زي عقليتوا البتحتفل بعيد ميلاده الخُرطمية وداير يخطط لأولادي جيل النت ؟؟؟؟ أ |
بينما جاء في خبر اخبار اليوم الذي نقله موقعكم :
| Quote: قال الاستاذ حمد النيل السماني رئيس التجمع الديمقراطي لشرق السودان وعضو وفد جبهة الشرق في مفاوضات اسمرا ورئيس مكتب الجبهة الجماهيرية الليبية في مؤتمر صحفي بدار الامة بامدرمان...... |
وايضا
| Quote: ووصف الاستاذ احمد موسى المحامي، الامين العام للتجمع المشارك ..... |
الا تعتقد ان عقد مؤتمركم الصحفي الاول بدار حزب الامة يتناقض مع ارائك اعلاه عن الصادق المهدي ؟ وهل لم تجدون مكانا اخر لعقد مؤتمركم والاعلان عن نفسكم غير دار حزب الامة ؟؟ وما هو رايكم في الطائفية السياسية وخريطة تحالفاتكم المقبلة ؟؟
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
Quote:
يا اخي ممكن تقول لي انت وين من كل التنظيمات التالية التي اجد اسمائها في النت وفي الموقع
1- منبر الشرق ( الاسم الذي يظهر في موقعكم)
2- المنبر الديمقراطي لشرق السودان ( الامين العام آمال ابراهيم حسب احد البيانات)
3- التجمع الديمقراطي لشرق السودان (الرئيس حمد النيل السماني والامين العام أحمد موسى المحامي حسب اخبار الصحف)
4- المنبر الديمقراطي الاجتماعي لشرق السودان ( رئاسة عبد المنعم محمد دين وامانة د. آمال أبراهيم)
5- المنبر الديمقراطي لشرق السودان - القيادة الجماعية ( السكرتير العام محمد دينى محمود حسب أحد البيانات)
وما هي طبيعة الخلافات بينها ان وجدت ؟؟
|
الأخ عادل عبدالعاطي : ليس الأمر كما ربما وقد إلتبس عليك وعلى البعض فلا يوجد إختلاف أو تشرذم فكل الأمر أن التنظيم وهو المنبر الديمقراطي الإجتماعي لشرق السودان ويرأسه عبدالمنعم محمد دين وأمينه العام د. امال إبراهيم والإسماء التي أوردتها هي لنفس التنظيم ولكن تكتبه الصحف أحياناً المنبر الديمقراطي وأحياناً الإجتماعي وأحياناً منبر الشرق .... وقد تم تدشين نشاطه السياسي في 18/12/2005 بقاعة د. عبدالحي بالمتحف الطبيعي وقد إبتدأ نشاطه بالتوعية الجماهيرية بولايات الشرق الثلاث بورش وندوات ومشروعات تنموية بشرية وأنشأ موقعه الإلكتروني وشيد فصلاً لمحو الأمية بجهد منسوبية الذاتي ويعمل الآن المنبر على إقامة (مكتبة كسلا العامة) إيماناً بأن محاربة الجهل محاربة للدكتاتوريات والشموليات والطائفية ....
.....
.....
.....
التجمع الديمقراطي لشرق السودان واحد من مشروعات المنبر الديمقراطي لتنظيم العمل السياسي المعارض وهو تجمع لعدد من الكيانات المناوئة لإتفاقية الشرق وقد تم تدشين نشاطه بدار الأمة ويعمل الآن على توسيع ماعونه بضم كيانات أُخري تتوحد كلها ضد الإتفاقية والهيمنة الإنقاذية على مفاصل الدولة
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
Quote: الأخ أحمـد موسى،
ياخى تانى داير تعمل لينـا حزب برضـو؟
المؤمن لا يلدغ من جحـر مرتين. |
خلاص نخلي {حزب} دي نسمي أي إسم تاني بس نتلم نحن مجموعة الواعيين لخطل الحاصل ... وما أنا الفكرت يا أُستاذي (أبوالريش) بل {نحن} ونحن تشمل عدد من خريجي الجامعات والعاهد العليا والمثقفون من أبناء الشرق .... شعرنا بتعامل جُل الإجزاب السياسية مع قضية الشرق بعقلية (أنفع وأستنفع) ومازال الشرق متعطلاً بكل الأصعدة
....
....
....
تخلي الجماعة وتجينا ؟؟؟؟
| |
|
|
|
|
|
|
|
|
 Re: زهجت وداير أعمل لي حزب ... ممكن ؟؟!!! (Re: Ahmed musa)
|
Quote: أرى أن يتجـه العمل الى مجالات التنمية وجلب المستثمرين وتشجيعهـم للإستثمار فى
مشـاريع فى الشــرق تعود بالفائدة على الجميـع.
رأيك شنـو؟
|
Quote: خلاص نخلي {حزب} دي نسمي أي إسم تاني بس نتلم نحن مجموعة الواعيين لخطل الحاصل ... وما أنا الفكرت يا أُستاذي (أبوالريش) بل {نحن} ونحن تشمل عدد من خريجي الجامعات والعاهد العليا والمثقفون من أبناء الشرق .... شعرنا بتعامل جُل الإجزاب السياسية مع قضية الشرق بعقلية (أنفع وأستنفع) ومازال الشرق متعطلاً بكل الأصعدة
|
سلامات أخي أحمد موسى اتفق مع الأخ ابو الريش بالاتجاة الى العمل في مجالات التنمية، واتمنى بان تقوموا بتأسيس "منظمة أو مؤسسة الشرق للتنمية والسلام" ويكون لها ممثليين في كل مدن الشرق بدلا من الاتجاه الى العمل السياسي في هذه المرحلة. فمن خلال العمل مع القاعدة ورفع مستوى الوعى والدخول في مشاريع ذات فائدة للشرق سوف يكون لكم شعبية واسعة ، ومن خلالها سوف تكونوا على علم بكل احتياجات المنطقة المستقبلية. بعدها يمكنكم ترشيح مجموعة من العاملين في المنظمة للدخول في الانتخابات القادمة كافراد وفي حالة نجاح التجربة يمكنكم بعدها التفاكر والتشاور كابناء للمنطقة وحسب المستجدات بكيفية طرح برنامجكم السياسي.
| Quote: ومشروعي الأول {مكتبة عامة مقروءة .. مسموعة مرئية وإلكترونية/ مجانية} في كسلا ... ما لسبب إلا لإيماني بأن محاربة الجهل محاربة للظلم والفساد والشموليات ... |
وكهدية مني لمحاربة الظلم والفساد والشموليات في شرقنا الحبيب، فانني سوف اقوم بارسال اكثر من مائة كتاب إلكتروني في مختلف المجالات لمشروعك الأول "مكتبة كسلا العامة"، مع العمل على تعميمها على كل مدن الشرق في حالة النجاح. فالرجاء ارسال ايميلك على ايميلي الموجود في البروفايل. وفي حالة ارسالك للمشروع باللغة الانجليزية سوف احاول توفير عدد من اجهزة الكمبيوتر للمكتبة. وما زلت في انتظارك لمدي بمعلومات عن مركز لرعاية الطفولة في الشرق لضمه لمبادرة "نحو غدا مشرق لأطفال السودان".
مع خالص الشكرو التقدير ،،،
فيصل محمد
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
| Quote: سلامات أخي أحمد موسى اتفق مع الأخ ابو الريش بالاتجاة الى العمل في مجالات التنمية، واتمنى بان تقوموا بتأسيس "منظمة أو مؤسسة الشرق للتنمية والسلام" ويكون لها ممثليين في كل مدن الشرق بدلا من الاتجاه الى العمل السياسي في هذه المرحلة. فمن خلال العمل مع القاعدة ورفع مستوى الوعى والدخول في مشاريع ذات فائدة للشرق سوف يكون لكم شعبية واسعة |
د. فيصل شكراً لمساهتكم ونحن على أهبة الإستعداد للعمل سوياً في غطار أي مشروعات تنموية بشرية في المنطقة وسنقوم بدراسة الفكرة (( منظمة أو مؤسسة الشرق للتنمية والسلام)) مع المهتمين لتضم بين ثناياها كل تلك المشروعات التنموية
....
....
....
مازلت بإنتظار تكليفكم لنا بمشروع رعاية وتأهيل الطفل ... وبإنتظار أول مساهمة منكم للمكتبة وإيميلي [B][email protected]
ودمتما انت وأُستاذي أبوالريش
| |
|
|
|
|
|
|
|
|
|
Re: زهجت وداير أعمل لي حزب ... ممكن ؟؟!!! (Re: Ahmed musa)
|
Quote: Quote: <*meta http-equiv="Content-Type" content="text/html; charset=windows-1256"*>
يا عمك، كدي أول حاجة خت السطر الفوق ده في كود الصفحة الأولى...فوووووق ، زي سواق البنطون |
أبوالنور يا كنق يارايق ما فهمتك والنعمة الشريفة
| |
|
|
|
|
|
|
| |
Ahmed musa
Abdel Aati
osama dahab
Abureesh
AnwarKing
فيس بوك
تويتر
انستقرام
يوتيوب
بنتيريست