|
Re: ما يحسد المال إلا أصحابه! باركو لي! (Re: معاذ حسن)
|
معاذ
مبروك يا حبيب
اصبحت من اصحاب المكتبات وشكلك حتكون من الأثرياء
وتقطع مكتبتك بعرق العافية
عاوز اصلح علاقتي معاك عشان اقدر اتسلف منك وخاصة اننا ال 2 في جده ولعلمك انا برجع الدين لكن مرات بتأخر شوية بس !!!!
| |
|
|
|
|
|
|
Re: ما يحسد المال إلا أصحابه! باركو لي! (Re: ابو جهينة)
|
Quote: ألف مبروك عزيزي معاذ
|
ريسنا أبو جهينة تحية ود وشكرا عاد الليلة خلي الريس المخلوع ود الباوقة ما يجي يبارك لي, النعمنو كل ما يسافر اشيل واضرب ليهو في التلفونات غايتو ضربت لو جنس ضرب في الدنيا دي.
والله يكتبا عليك يا حليمة عبد الرحمن ما تجي تباركي لي لانو داكي الليلة يوم طهرتي وليداتك جيتك في البيت وعصرت للوليدات الفيها النصيب.
وأصبروا لي يا تمبس ومعتصم ان بقى ما جيتوني امانة ما وقعتو معاي, عاد تاني خلو بيتكم ينسرق زي المرة الفاتت وشوفو كان اهبب ليكم والا اقول ليكم كفارة.
| |
|
|
|
|
|
|
Re: ما يحسد المال إلا أصحابه! باركو لي! (Re: ابو عثمان)
|
Quote: عاوز اصلح علاقتي معاك عشان اقدر اتسلف منك وخاصة اننا ال 2 في جده ولعلمك انا برجع الدين لكن مرات بتأخر شوية بس !!! |
ابو عثمان الله يبارك فيك ما نجيكش في حاجة عفشه اطلب مني اي حاجة ما عدا طلب مادي او عاطفي.
| |
|
|
|
|
|
|
Re: ما يحسد المال إلا أصحابه! باركو لي! (Re: معاذ حسن)
|
ألف مبروك المكنبة يا أبو العز .. عقبال يكون عندك دار نشر كاملة ...
صنفرة :
علا السرقة لزوما شنو ؟!! في بوستين كاتيم أنا بي كيبوردي دا !! الوداهم مكتبتك شنو ؟!!
من أولا بديت بي لطش بوستات الناس التانين .. أمال أخرا حا تعمل شنو ؟؟!!!
| |
|
|
|
|
|
|
Re: ما يحسد المال إلا أصحابه! باركو لي! (Re: ناذر محمد الخليفة)
|
Quote: صنفرة :
علا السرقة لزوما شنو ؟!! في بوستين كاتيم أنا بي كيبوردي دا !! الوداهم مكتبتك شنو ؟!!
من أولا بديت بي لطش بوستات الناس التانين .. أمال أخرا حا تعمل شنو ؟؟!!! |
صاحبي ابو النيز... شكرا يا عزيز ما بيناتنا البوستين يا حبيب عندي بوستات كتيرة راحت مني, وصراحة عايز املا المكتبة باي شكل فاعتبرهم سلفة وكدا. صنفرة: ما بقيتو تلاتة!! الحكاية شنو يا اخوي؟
| |
|
|
|
|
|
|
Re: ما يحسد المال إلا أصحابه! باركو لي! (Re: ناذر محمد الخليفة)
|
Quote: وأصبروا لي يا تمبس ومعتصم ان بقى ما جيتوني امانة ما وقعتو معاي, عاد تاني خلو بيتكم ينسرق زي المرة الفاتت وشوفو كان اهبب ليكم والا اقول ليكم كفارة. |
يا معـــاذ .. وش فيك يارجــال إت ووجهك ؟؟
ياخي عامل فوضى انا قلت حسع الزول دا وقع ليهو في حفرة بتاعت (ماس) يا بير بترول في ( البديعة ). أقول ليك حاجة: يازول الف مبروك .. الف بس ..؟ مليون عديل كدا .. لكن الفيك اتعرفت .. وخلي مكتبة بكري دي تعمل ليك مطعم ناصية في السوق الشعبي امدرمان .. والله ( حنيني من بيت المثلوثة ما تجيبو ليك )
اسمع: كان مشيت بي هناك بلقى ايش لون تمشي الأحمسة ..؟
| |
|
|
|
|
|
|
Re: ما يحسد المال إلا أصحابه! باركو لي! (Re: tmbis)
|
Quote: يا معـــاذ .. وش فيك يارجــال إت ووجهك ؟؟
ياخي عامل فوضى انا قلت حسع الزول دا وقع ليهو في حفرة بتاعت (ماس) يا بير بترول في ( البديعة ). |
العريس تمبس الله يبارك فيك طوالي جاري على القروش !! يا اخي ما كان تتوقع اني مثلا إتاهلت للدور النهائي والا حتى نصف النهائي , بالجد لو لقيت لي مية الف بس تاني ما حا تلقاني لافي بي هنا حاكم العام الشايفها هنا دي كلهم عالم فلسانين ما فيهم واحد يحتكم على 50 الف.
| |
|
|
|
|
|
|
Re: ما يحسد المال إلا أصحابه! باركو لي! (Re: معاذ حسن)
|
العزيز معاذ ،،
لك التحية ،، وألف مبروك ،، والله العظيم تستاهل ،، ومثل كتاباتك يجب أن يحفظ
شرف لنا أن نكون من ضمن القراء النهمين لما تكتب وإن داعبناك مرة مرة فذلك قد دخل التاريخ أيضاً،،
إلى الأمام ، ولك من الملكات ما يجعلها مكتبتي المفضلة،، والشكر للعزيز بكري لهذه الإنتباهة،،
| |
|
|
|
|
|
|
Re: ما يحسد المال إلا أصحابه! باركو لي! (Re: Sabah Hussein)
|
Quote: الف مبروك .وعقبالى انشاءالله املاها اغانى واسرق اى بوست يعجبنى.
. |
الصبوحة الله يبارك فيك ونجيك في الجديد انشاء الله ونخلي كلمة الجديد مفتوحة زي ما عايزه. عقبالك المكتبة تستاهلي وحاشاك السرقة تمليها بضراعك دا قادره ومقتدره.
Quote: اها يااخوى ناذر لسع ماجاوبك؟ الشمار كاتلينى |
تحت تحت سمعنا قالوا بقو واحد ونص بس واكيد النص المفقود ما من العروسه.
| |
|
|
|
|
|
|
Re: ما يحسد المال إلا أصحابه! باركو لي! (Re: البشير دفع الله)
|
مبروك علينا يا معاذ
ده مكسب للجيع .. ووالله ما مجاملة يمكن أنا ما بعرف لغة "النت" You Scratch My Back, I'll Scratch Yours لكن أقرأ مواضيعك بأسمك وليس بعنوانك
قد لا أتداخل ..
بالمناسبة أسوأ شيئ أن يكون للإنسان أكثر من بوست يتابعه .. يفوت عليه الكثير
مودتى
| |
|
|
|
|
|
|
Re: ما يحسد المال إلا أصحابه! باركو لي! (Re: معاذ حسن)
|
معاذ يا ود حسن يا اخوي المال بباركوه وفيه حسد اما ان تكون صاحب مكتبه فانت تستحق مليون تحيه وانت يا اخوي مجامل شديييييييد واقل واجب انه الناس تفرح بفرحك وكمان دي ما فرحه عاديه دي فرحه ممزوجه بالعلم والتواصل
واسال انا اسمي مكتووووووب
مع ودي وتقديري ابوتسابيح
| |
|
|
|
|
|
|
Re: ما يحسد المال إلا أصحابه! باركو لي! (Re: معاذ حسن)
|
اخى الحبيب / معاذ
الف مبروك يازول المكتبة
والله فرحتنا انا خلاص قلت فرجت زولنا كسب ليهو
جائزة كبيرة وبفرجا علينا كلنا !!!!!!!!!!!
دخلت جوه لقيت الشغلة مافى قروش ( وجه مستغرب )
لكين اقول ليك ( برضو مكسب )
أحمد العمار
| |
|
|
|
|
|
|
Re: ما يحسد المال إلا أصحابه! باركو لي! (Re: احمد العمار)
|
Quote: والله فرحتنا انا خلاص قلت فرجت زولنا كسب ليهو
جائزة كبيرة وبفرجا علينا كلنا !!!!!!!!!!! |
صديقي احمد العمار لا تفرط في التفاؤل يا صديقي من يضمن لك انك سترى خلقتي العفشة من الاصل اذا ربحت جائزة!! قال اوزع الجائزة!! شكرا يا عزيزي ونبارك ليك تخرج ونجاح الاولاد.
| |
|
|
|
|
|
|
Re: ما يحسد المال إلا أصحابه! باركو لي! (Re: معاذ حسن)
|
Quote: تصدق لابد ليك بس عرفتها!! |
حبيبي !! تلقاها عند الغافل،، == سنطيل التواجد في مكتبة صاحبنا ،، بس جهز الكندشة (بريتش كاونسل إستايل)،، وسنفاخر بذلك كثيراً : صاحب هذا القلم اللذيذ صديق شخصي لنا،، والنعم والله،،
نسيبك للمشاغل الكتابية ، فالرفوف دايرة الكتير ،،
| |
|
|
|
|
|
|
Re: ما يحسد المال إلا أصحابه! باركو لي! (Re: عبد اللطيف بكري أحمد)
|
Quote: لو لقيت لي مية الف بس تاني ما حا تلقاني لافي بي هنا
|
مية ألف من ياتو عملة ؟ كان قاصد ريال سعودي...يا دوب ديل بجيبن قطعة ارض في الازهري...او ابو آدم...وكان قاصد جنيه سوداني...بوصلنك شندي...زنكي الحريم وقبال ما تصل زنكي اللحم بكملن...
وفي الحالتين لازم تجي لافي بي هنا...بي لفة اكبر من اللفة الاولي...
ومبروك المكتية يا صديق ان شاء الله تملاها بي حروف العافية...
وما تنسي تضيف ليها بوست حامد الوهم
| |
|
|
|
|
|
|
Re: ما يحسد المال إلا أصحابه! باركو لي! (Re: nazar hussien)
|
Quote: وكان قاصد جنيه سوداني...بوصلنك شندي...زنكي الحريم وقبال ما تصل زنكي اللحم بكملن...
|
نزار يا ابن الشاعر ذكرتني زنكيات شندي بالله بس ما تقول لي قهوة (الجمّالة) شلعوها تبقى كارثة وطنية وما تقول لي ما بتعرف قهوة الجمّالة!!. شكرا يا عزيز.
| |
|
|
|
|
|
|
Re: ما يحسد المال إلا أصحابه! باركو لي! (Re: عاطف عمر)
|
معاذ مبروك والله ولا اقول ليك مبروك لينا نحن مكتبتك مكسب كبير لينا كمعجبين بكتابتك السمحة ما اتذكر انك باركت لى تخريج ولدى (على يمينك) من الروضة لكن مابيناتنا يازول انت لو فى جدة قول عووووك ولو فى الرياض ح اديك اسم واحد طالبه قروش من تلاتة سنين اول حاجة تعمل حسابك منه ماتداين معاه وتانى تحاوله يجدول الديون العليه وحقك بره
| |
|
|
|
|
|
|
Re: ما يحسد المال إلا أصحابه! باركو لي! (Re: أحمد الشايقي)
|
Quote: Quote: You Scratch My Back, I'll Scratch Yours |
دي نظرية !! |
دى ما نظرية.. ده مثل إنجليزى قديم قدم التاريخ .. وبالمناسبة قدم السبت تلقى الأحد .. برضو من الإنجليز .. والمعنى واحد .. ما نحن تربية إستعمار.. Quote: صديقي رأفت أشكرك على الكلام اللطيف والمجاملة الرقيقة ودمت بخير. |
مافى مجاملة وبطل تواضع .. برضو من ده عيوبنا الجابت الإستعمار والحقارة ..
| |
|
|
|
|
|
|
Re: ما يحسد المال إلا أصحابه! باركو لي! (Re: رأفت ميلاد)
|
حبيبنا معـــاز 1000 مبروك المكتبة .. ونحنا أولاد جزازير .. الكلام المرصوص ده مابنعرف ليهو .. لكين النقطــــة بتاعتنا أهي دي إتفضل
أكل من غير عيش .. غمز في الشطة .. وبالهنا .. باقي إنته مجاملني كتير .. وطالبني .. تحياتي،
أخوك/ الأرباب
| |
|
|
|
|
|
|
Re: ما يحسد المال إلا أصحابه! باركو لي! (Re: معاذ حسن)
|
Quote: وأصبروا لي يا تمبس ومعتصم ان بقى ما جيتوني امانة ما وقعتو معاي, عاد تاني خلو بيتكم ينسرق زي المرة الفاتت وشوفو كان اهبب ليكم والا اقول ليكم كفارة. |
أنا قلت هسي عمك قبض ليهو قريشات أو سوا ليهو قريشات للعرس أجي ألقاهو شيتاً تاني ..
تملاها بي عرق الكتابة يا معاذ .. وينك مختفي المشوار قريب منك ما بعيد عليك ..
| |
|
|
|
|
|
|
Re: ما يحسد المال إلا أصحابه! باركو لي! (Re: معتصم دفع الله)
|
حسع عليكم الله البوست ده طلع من وين أنا ضوم ما شفتو يعني الواحد ينوم يقوم يلقى
الشارع كله مكتبات ??? بالله شوف ديل !!
على العموم يا معاذ مبروك و معليش جايي الطيش في صف المباركين يعني
تاني ما ننوم ولا شنو ? تستاهل وعقبال باقي الوهم البي هناك .
تحياتي
صلاح واسبه
| |
|
|
|
|
|
|
Re: ما يحسد المال إلا أصحابه! باركو لي! (Re: ود الباوقة)
|
يعنى الواحد ما ينزل اجازة تانى ولا شنو شنو التغيرات دى عجبنا ليك وسريت بالنا انت اصلك طالبنى مباركة عرس وولادة واحدة ليك وواحدة لمخلص تانى الا ادينك
اها مبروك وعقبان تملاء الرفوف والناس تقيف ليك صفوف وواحدات نازلات فى الرقيص وديلاك ناقرات الدفوف
| |
|
|
|
|
|
|
|