كينيا .. هل تمضي في الطريق إلى رواندا جديده؟

Quote: وعلى فكرة فى النتائج الاولية اعلن تقدم زعيم المعارضه على الرئيس الحال بفارق كبير جدا فى الاصوات ثم يوم اعلان النتائج النهائيه تم تاجئل الاعلان وفى اليوم التالى كانت النتيجه عكسية يعنى تزوير واضاح

Quote: عارف يا امير جابرالدرس الكبير المفروض يا خدوه ناس السودان هو نبذ القبليه . الانتخابات في كينيا تقوم علي اساس قبلي محض . اعتقد ان القتلي الان بالدوريت سيكونوا من قبيله الكوكيو لانهم من قبيله الرئيس كيباكي يعني بالضبط يتم الانتقام منهم الطريقه المحمد سليمانيه بينما منافسه اودنقا من قبيله اللو وتعتبر منطقه كيسومو منطقه لوو يعني اي كوكيو هناك الله معاه الغربيون لن يستطيعوا فهم العقل الافريقي القبلي ولذا من العبث ان يحسبوا ان نظمهم الديمقراطيه ستطبق بافريقيا او باي بلد اخر ليست الديمقراطيه من مورثه الثقافي .

Quote: ليس من السهل الغاء القبيله ولكن من الممكن الوصول لحكومه تمثل الكل . رغم قبح القبليه الافريقيه الا اننا لا يمكننا تجاوز تاريخ حركات التحرر الوطني الافريقيه ووحدة هذه القبائل في النضال الواحد وما احدث تجربة جنوب افريقيا ولن نذهب بعيدا فاكتوبر وابريل نكوذج لوحدة شعب من اجل الكل ! وهذا ما يجب علينا رفعه لمستوى وعي الجماهير . القبليه يسعر نيرانها فساد الحكومات وظلمها ! لك الود ايمن تابر

Quote: شباب سلام تانى المشكله الكبير انو الانقاذ من هسى شغالة موضوع القبيلية وكده علشان لو الموضوع ما جاء لصالحة يكون فى مشكلة ممكن تتابع موقع المشاهير وتشوف التعليقات بتاعت الامنجية على الاخبار والهدف واضاح طبعا ما تنسوا حكاية الرسالة بتاعت ماعرف جلابى لى اهل الغرب المكتوبة بيد الامنجيه برضوا ومشكلة المسيريه والحركة الشعبية .. يعنى الكيزان يا نفوز يا السودان يولع يعنى لازم الناس تعمل حسابة شديد على فكرة تزور هم ما بقدرو ليه لانوا الرقابة على الانتخابات بتكون شديد لكن الاعلام فى ايدم هم يعنى لازم الناس تشوف اى طريقة انشاء الله اذاعه ولا اى شى للموضوع دة.. ولا حظوا اليومين دى فى المنبر موضوع العنصرية مدور وحيدو اكتر لاحظوا بس لانوا الكيزان قاصدين المنبر يا فرد .. راج ليكم تانى

Quote: شكرا يا ايمن تابر للفهم الواعي دا . ويجب علينا ان نعمل له ونبدأ من البورد دا نبذ القبليه والالتفاف حول الاحزاب السياسيه التي ترضي تطلعات كل منا حسب رؤيته عشان لو قدر ان تقوم انتخابات نكون بننتخب برامج وليس افراد بدافع الرباط القبلي..