|
|
|
 Re: جلابة يا المريخ ... جلابة يا النجمة (Re: فيصل نوبي)
|
ياخ كلامو صاح
هاك الأرقام القياسية دي
-أول قون في العالم يحرزه لاعب قاعد كان في شباك المريخ - احد طرفي قمة الكرة السودانية
-اول بطوله عالمية تنتهي مباراة الذهاب فيها بهزيمة صاحب الأرض بأربعة اهداف - المريخ قمة الكرة السودانية
-اول فريق في العالم يهلل و يفرح و يستقبل لاعبيه كالأبطال و هم مهزومون تلاتة صفر - المريخ (زعيم) الكرة السودانية
-أول جمهور في العالم يصفق للاعبي الفريق الخصم - السفوة جمهور المريخ وصيف الكرة السودانية
-أول فريق في العالم ينال وصافة بطولة الدوري الوطني في بلاده لخمسة مرات على التوالي و رغم كدا يدعي سيادة و زعامة الكرة السودانية
أها مش طفرة للكرة السودانية
| |
 
|
|
|
|
|
|
|
|
Re: جلابة يا المريخ ... جلابة يا النجمة (Re: محمد البشرى الخضر)
|
المنظر الكبير أو تفكيرا فطير ورايا خمير ود البشري
كل سنة وانت الأولاد والاهل جميعهم بخير يا زول ..
قلت :
Quote:
أول قون في العالم يحرزه لاعب قاعد كان في شباك المريخ - احد طرفي قمة الكرة السودانية
|
كضبا كاضب لانو زيكو قبل كدا جاب قون في الهلال وهو راقد عديل كدا ..
وهنا أيضا كضبا كاضب
Quote:
اول فريق في العالم يهلل و يفرح و يستقبل لاعبيه كالأبطال و هم مهزومون تلاتة صفر - المريخ (زعيم) الكرة السودانية
|
لأن جمهور الهلال مازال يري في فريقه سيد البلد ويذهب إلى تدريباته بالورود والطبول حتى وهو يعود البستات وشراب المويات ..
أها تعال غالط التاريخ يا منظر كبير ..
Quote:
جلابة يا المريخ ... جلابة يا النجمة
|
بالنسبة للكلام الفوق دا بلاي عليك الله غيرو عشان ما تجيب ليها اسي ناس زي أبو المفهومية تراجي وغيرها من المنظراتية والحاجات دي يعني ..
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: طلحة عبدالله)
|
طلحة تنظير يا عمك
وينك ياخ ما ظاهر
اها قلت لي كيف؟ زيكو مالو؟
قمنا للغلاط
عمك دا كان قاعد عديل متفن في واطاة الله دي
جاتو الكورة قام واتنفض وطقطق ضهرو وفي رواية كان سافي بزغها
وجاب قونو حتى يا دوب ظهر في الشاشة موسى الزومة
حسي دي زي دي
يعودهن وين البستات ديل
في الدايات
بمناسبة العراقيين ديل جهزتو اللطميات
قاليك تاني الصفوة يا حسين يا حسين وجنازير في الضهر ساي
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: محمد البشرى الخضر)
|
قصدي الستات ما تعمل فيها أسد أطرش يا ود البشري ياخوي ..
بعدين إذا أقتنعنا بانو ابو سفة كان قاعد وبزغ السفة قبل ما يقوم يجيب قون في المريخ فدا برضو ما بنفي أنو كلامك غير دقيق لانك قلت أول فريق يجيبوا فيهو قون بالطر يقة القاعدية دي ..
قلت ليك زيكو دا كان راقد يتمطي ويتثاءب قبل أن يعوم في الهواء عوم ويقد الشبكة الهلالية قدة ...... خليها في سرك ..
أها تعال قول متين الكلام دا حصل ..ظ
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: طلحة عبدالله)
|
| Quote: قاعد تسوط في العصيدة وقلت أساعدك |
مشكور يا عمك
ما بلقى لي عندك خمار تعوس معاي الكسرة دي| Quote: -اول بطوله عالمية تنتهي مباراة الذهاب فيها بهزيمة صاحب الأرض بأربعة اهداف - المريخ قمة الكرة السودانية |
او نرمي بيه القراصة دي| Quote: -أول جمهور في العالم يصفق للاعبي الفريق الخصم - الصفوة جمهور المريخ وصيف الكرة السودانية |
ولا اقول ليك
تعال استر معاي الجنازة دي احسن| Quote: -أول فريق في العالم ينال وصافة بطولة الدوري الوطني في بلاده لخمسة مرات على التوالي و رغم كدا يدعي سيادة و زعامة الكرة السودانية |
ولا كيف
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: حمزاوي)
|
تحياتي
ريكاردو
قودوين
كلاتشي
هلم جررررررررر
عارف ديل ماشبن ليه
لانو وصلوا لقناعة انو الفريق دا لو قعد 87 عاما اخري لن يحقق اي شئ ....انت يا اخوي ديل قايلهم زيك بقروا قون والمشاهد والكابتن والدار ويصدقوا ان الهلال عالمي وينوموا علي كده ولا السبب شنو الخلاهم يفرتقوا....دا سؤال اجب عليه بدل ما تتكلم في المريخ جاب عراقيين والمريخ خطب والمريخ داير يعرس احسن تيقي زي صاحبكم الهلالي الذي يكتب وحده ويحلل وحده ويعلق وحده ويرفع وينزل البوست وحده ولا حد يهبب ليهو؟؟؟؟
وبرضو تحياتي
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: وليد محمد المبارك)
|
Quote: المهم في الموضوع ده كلو
الناس الكانت قافلة بي جوكرين على اجتياح الخرطوم من قبل القوات الامريكية بسبب الاقتيال بنقول ليهم
عفففففففففففففففففففففففنت |
اللهم حوالينا ولا علينا
يا شفت دا بوست كورة ومكاواة
الكوت دا ما راكب بي جاي
سيرة القاعد بتعمل اكتر من كدة
يعني كان قلت ليك كرنقو كنت حتفتكرو بوست عزاء و تشكتب "إنا لله وإنا إليه راجعون"
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: نيازي عبدالله مرحوم احمد)
|
مرحوم يا خاص
سلامات| Quote: عارف ديل ماشبن ليه |
ماشين لأنهم اشتهروا و الدنيا عرفتهم في الهلال وبقوا يتقيموا بالملايين
مش يفتشوا ليهم الإعارة بالتحانيس و يدفعوا كمان
بعدين يا خوانا قصة كاس وما كاس دي أوكي الهلال ليه 100 سنة ما جاب ولا حيجيب
إنتو يا الجيابين خير مالكم من زمن الإنقاذ إنقلاب جديد بطلتوا تجيبوا كاسات
ولا تكونوا ما عايزين تفرحوها
ويا بوي عالمية الهلال حقت قوون خليني منها انا لي بالشايفه بي عيني دي
والعراضة الشكت وبكت كل سنة من طلوع الناس فيها و رفع العلم و الكاس
والعراقي إن شاء الله ينفع
بركات الإمام الكاظم و الحسن العسكري
| |
|
|
|
|
|
|
|
|
|
Re: جلابة يا المريخ ... جلابة يا النجمة (Re: حمزاوي)
|
| Quote: الحمد لله ما كان بالهوبا |
عليك النبي يا حمزاوي ما قاعد تخجل لمن تجي سيرة قون القاعد دي
انا لو محلك قعاد الكرسي دا الله بيني وبينو تاني
ياخي دي فضيحة ما حصلت ولا حتحصل
أخجل ليكم انا يعني ولا كيف؟
| |
|
|
|
|
|
|
| |
محمد البشرى الخضر
فيصل نوبي
طلحة عبدالله
نيازي عبدالله مرحوم احمد
وليد محمد المبارك
فيس بوك
تويتر
انستقرام
يوتيوب
بنتيريست