|
|
 مــد نـــــ ليلة رأس السنة2008 في ــــــي
|
التاريخ 31-12-2007
المكان شارع النيل بمدني وشارع المحطة
الزمان الساعات 10م الي 2 ص
تحول شارع النيل بالمدينة الي مظاهرة غريبة الشكل والابعاد
حتي وصل البوليس وحاول ضرب الشباب لتفريقهم
الغريبة الشارع صغير وغير جيد الاضاءة
الامتداد من دار الزراعي وحتي المصاطب او قدر ظروفك علي قول شباب مدني
الاعمار بين 15-20 بنات واولاد
وحفلات في كل مكان
و
عجائب الدنيا فجأة بقي في اهتمام براس السنة عند أهل العوض كمان 
كل سنة وانتم طيبين
وربنا يحقق كل الاماني
والامنيات
و
Happy New Year
|
|
 
|
|
|
|
|
|
|
 Re: مــد نـــــ ليلة رأس السنة2008 في ــــــي (Re: sudania2000)
|
السلام شيليهو مني وزكرياتي مع الصور...
بلغي احبابي وصحابي ...قولي فرقنا القدر
الحنين يا مدني ليك ..... بكى في نفسي الوتر
تسلمي ..يا سودانية وتسلم مدني ...وشارع النيل ..... وقبه السني ... وشارع المدارس و.....
بالنسبه للحصل يوم راس السنة الملاحظ انو احتفالنا براس السنه حل محل المظاهرات القديمه فبتكون النتيجة (كل سنه) عدد من الإصابات وربماالقتلى .... شفتي الناس في شنو ...ونحنا في شنو
وياريتنا لو بنستفيد من الحشد ده في المطالبه بحقوقنا المنهوبه كان الحال بقى غير الحال
كل سنه والجميع بالف خير
| |
|
|
|
|
|
|
|
|
|
Re: مــد نـــــ ليلة رأس السنة2008 في ــــــي (Re: sudania2000)
|
عام سعيد يا سودانية لك وللأسرة .
حضرت رأس السنة بالخرطوم من بعد غيبة طويلة ،
أدهشتنى مظاهر الفرح "الهستيرى" التى إنتظمت
كل الشوارع ، إحتفاء أقرب للفوضى و"الهرجلة"
منه لمظاهر الفرح الحقيقى المسؤول بقدوم العام
الجديد ، اقول لك الحق ، لقد إنقبضت روحى وأنا
أرى الشباب والصبية يرمون بالزجاجات المعبأة
بالماء ، وبسوائل أخرى لا يعلمها إلآ الله ، يرمونها
فى وجوه المارة ، والسيارات فى لهو غير برئ ،
ولا يمكن وصفه باللهو حتى ، وتذكرت كيف كان الناس
يحتفلون فيما مضى يهذه المناسبة ، وبمناسبة عيد
الميلاد المجيد ، كان الفرح حقيقياً ، لا يلقى أحد
بماءٍ أو خلافه فى وجه الاخر ، بل يتبادل الناس
التهانى والتبريكات والتمنيات فى منتهى الود و
الأريحية ، كان الناس أكثر تهذيباً ، وأكثر أدبا ،
ليس كما رأيته هذا العام !!! لكن ماذا كنا نتوقع ،
وهل سيختلف "سلوك" الناس فى الإحتفالات عنه فى السلوك
العام السائد فى مختلف أوجه حياتنا اليومية ، فالحياة
الإجتماعية تعانى من الكثير من النقائص إن لم يكن الأمراض ،
فالشباب الذى رأيته ليلتها لا أظن أن الفرصة قد أتيحت
لأحدهم أن يتعلم الأخلاق (Manners) القويمة ، ولا ثقافة
الإحساس بالاخر ، لا أين تنتهى حدود الحرية الشخصية ، ولا أين
تبدأ حرية الاخرين ، لقد أخطأنا فى حقهم ، أخذتنا مشاغل
الدنيا ، سُعار ولهث وضع الخبز على المائدة ، عن وضع القليل
من الأخلاق والقيم ، والأدب فى عقول ، قلوب ، وفى سلوك هؤلاء الشباب والصبية .
عام سعيد لنا جميعاً ، وربنا يحفظنا فى أخلاقنا ، فإنّما الأمم ......
دمتى يا سودانية .
| |
|
|
|
|
|
|
|
|
|
Re: مــد نـــــ ليلة رأس السنة2008 في ــــــي (Re: sudania2000)
|
السنه الفاتت (وفي راس السنه) يا عبد الله كنت انا وصديقي انس عبد الله ممن سكبت عليهم مياه البالوعات ...تتخيل (البالوعات) ....ولولا لطف الله كان حا تحصل حاجات تانيه كتيره (ابسطها الضرب بوعاء المويه بعد المويه ما تخلص ) تكون نتيجتها الحتميه رقاد المستشفى وربما (الوفاه)
عموماً...زي ماقلت انت هي ظاهره سالبه اخرى تضاف لسلبياتنا والتي اثق تماماً في عدم مقدرتنا على حصرها
وعامك سعيد
| |
|
|
|
|
|
|
|
|
 Re: مــد نـــــ ليلة رأس السنة2008 في ــــــي (Re: أبي بكر سيد احمد)
|
السلام عليكم
كل سنة وأنتم طيبين
فعلا ظاهرة غريبة وسالبة جدا
الاحتفال يعني الفرح
ولكن ما حدث كان تحفز و تحرش واشياء اخري
الشباب قفل الشارع ويحمل البيض والمياه الثلج والطماطم
والمحظوظ يطلع من غير اصابة للملابس او جروح او مياه مثلجة في شتاء
بعضهم افترش الشارع المسفلت
واخر يصرخ زعتونا بالسيطان
شو القصة
وليش كل هذا الانفعال
اين الفرح
اين المرح
بلدان كل الدنيا محتفلة
ولكن بمنتهي المدنية والتحضر
كل العام وانتم كل النقاء
مع خالص المودة
| |
|
|
|
|
|
|
|
|
|
Re: مــد نـــــ ليلة رأس السنة2008 في ــــــي (Re: sudania2000)
|
الاخت سودانيه
كل سنه وانتى طيبه
ندين مثلك كل التصرفات الغير مسؤوله
ولكن يبقى السؤال قائما ماهى الاسباب هل هو الكبت ام هو الانفلات والتفكك الاسرى ام جرعه زايده من الفرح ورغبه فى الاحتفال بطريقه مختلفه لم نالفها ولا نقبلها (خاصه وانك قلتى اولاد وبنات عمر 15 سنه فى شارع النيل حتى الساعه الثانيه صباحا)
لم استسغ الجمله ادناه الا اذا كنتى بتعتبرى نفسك و سكان مدنى اهل عوض برضو لان الاحتفال براس السنه ليس حكرا على منطقه او جماعه بعينها
عجائب الدنيا فجأة بقي في اهتمام براس السنة عند أهل العوض كمان
جلال ناصر
ودالعشاء-اهل العوض
| |
|
|
|
|
|
|
|
|
|
Re: مــد نـــــ ليلة رأس السنة2008 في ــــــي (Re: جلال ناصر)
|
Quote: لم استسغ الجمله ادناه الا اذا كنتى بتعتبرى نفسك و سكان مدنى اهل عوض برضو لان الاحتفال براس السنه ليس حكرا على منطقه او جماعه بعينها
عجائب الدنيا فجأة بقي في اهتمام براس السنة عند أهل العوض كمان
|
سلام مربع
وكل سنة وانت طيب
الجملة دي لانو ناس الخرطوم بسمونا (ناس مدني) أهل العوض وناس مدني ذاتها بسموا ناس الحلال الحولها أهل العوض
وأهل العوض دي نكتة عن ناس اهل العوض السكن مع زول في المدينة واصبح اهل القية يزوروا صاحب البيت ع انهم اهل العوض
وانا ذاتي من أهل العوض
وكل سنة وانت طيب
| |
|
|
|
|
|
|
|
|
|
Re: مــد نـــــ ليلة رأس السنة2008 في ــــــي (Re: sudania2000)
|
الاخت سودانية2000 وضيوف البوست الكرام
كل عام وانتم سعيدين وان شاء الله يعود على بلادنا وهى فى وئام وسلام واذدهار
حقيقة قد ادهشنى لحد الصدمة ماسمعت عن تلك الطريقة الفوضوية المتخلفة للاحتفال بقدوم
العام الجديد الذى تضاء فيه الانوار وتصدح فيه الموسيقى والالعاب النارية عند الشعوب
الاخرى التى تمزج افراحها بالعام الجديد بالتفاؤل والامنيات الطيبة ولاادرى من اين اتى
هؤلاء المراهقين بهذه المظاهر الشاذة وهكذا نحن دايما سباقون فى المظاهر السالبة التى
تسارع بنا الى الخلف بديهى جدا ان يكون لفترة المراهقة مظاهر طيش وسوء الانضباط ولكن كانت
دايما ذات تأثير محدود وتنحصر فى الفاقد التربوى ولكن ان تعم هذه الظواهر كل المراهقين و
كمان ان تمتد الى الاقاليم فهذا الامر يحتاج وقفة ومعالجة فورية حتى لايستفحل
Quote: لقد أخطأنا فى حقهم ، أخذتنا مشاغل
الدنيا ، سُعار ولهث وضع الخبز على المائدة ، عن وضع القليل
من الأخلاق والقيم ، والأدب فى عقول ، قلوب ، وفى سلوك هؤلاء الشباب والصبية .
|
والله قد صدقت يااخى فغياب القدوة قد ادى لبروز هذه التصرفات الدخيلة
فى زيارتى الاخيرة للسودان علمت ان بعض المراهقين من منطقتنا قد اتوا بافعال
غريبة يحاسب عليها القانون كحيازة المخدرات والخلوة بالفتيات وحقيقة قد ذهلت ان تأتى
هذه الافعال التى تشبه عتاة المجرمين واصحاب السوابق ان تاتى من هؤلاء البراعم الا اننى قد
تداركت الاسباب التى ادت لهذا الفشل الكبير فهؤلاء الصبية والفتيات لم يجدوا الاخ الاكبر ولا
الخال او العم او حتى ابناء العمومة او ابناء الحى الكبار فجميعهم قد ركبوا موجة الهجرة
والاغتراب تاركين هؤلاء الصغار يتخبطون فى ال Trial & Error .
نسال العلى القدير ان يزيل عنا الاذى ويهدى هؤلاء الصغار
وتحياتى الى مدنى الحبيبة مرتع الصبا وارض الابداع
| |
|
|
|
|
|
|
| |
أبي بكر سيد احمد
عبدالله شمس الدين مصطفى
جلال ناصر
احمد التجانى احمد
فيس بوك
تويتر
انستقرام
يوتيوب
بنتيريست