|
|
 يتادبون امام (نافع ) ويستاسدون على المواطنين والبسطاء !
|
يا جماعة ، بالجد ، وعديل كدا والزعلان يطرشق ، حركات التحرير المنتشرة فى البلد دى من طرف جوه القصر ولا بره كلها ، كلها ، ما عندها موضوع ، وتنظيمات عشوائية ، كل راس مية فيها عامل فيها ابوعرام ، ثلة من الفتوات والبلطجية والقتلة ومما دخلت على الناس باتفاقيا تالسلام دى خشت على المواطنين - المواطنين بس الغريبة - بالساحق والماحق والبلا المتلاحق ، دا بلاء شنو دا ، تناقش ليك زول فى (استوب ) يقول ليك انا الفريق فلان من قوات شنو الثورية ، تعفص ليك واحد فى مدخل استاد يشتمك ، تكتب فى الجريدة تنتقد ليك سلطة ولا مفوضية التفونات تجيك بالنبذ والكلام الشين ، تكتب ليك بوست ما يعجبهم يطلعوك جرقاس وجلابى (سكند هاند ) ، ديل شنو ديل ، جون قرنق مات موت الله الواحد دا يتمو اسر وخربو بيوت اسر تانية ، عبدالواحد محمد نور قال ما عاوز سلام فرض على اهله يقعدو فى المعسكرات والبطلع ياخد طلقة منو شخصيا ومن عساكرو ، الجيش الشعبى دا خليه ساكت ، ربط ، كتل ، اى مواطن ومدنى فى منطقة فيه الجيش الشعبى دا مطلوب منو يلم قروشو وسعيتو ويجى يقدمها للجيش ولو ما عمل كدا ينهبوك ويجلدوك ويبشعو بيك ،
هسة فى ذمتكم دى حركات وسلوكيات جماعات عندها قضية ، الغريبة يوم واحد ما شالوها حامية مع البشير ولا نافع والله شفتهم مرة قدام واحد من الجماعة مؤدبين ادب ، بغم ما بقولوها ، الزول بدخل بادبو وبمرق بادبو ومعاها بسمة كمان ، بس فلاحتهم فى المساكين ،
اهلنا فى الميرم والتبون والكويك والباو وقريضة ذنبهم شنو يا حركات يا ثورية تعذبوهم ، مالهم ماكلين ليكم بترول ولا راكبين ليكم بنسب محاصصة الاتفاقية فوق راسكم !!
اقول ليكم جد ، وما تجو تفلسفو لينا شفتو الحركات دى كلها من حركة جون قرنق دى لغاية الحركات الفكة الجنها بيانات فى النت دى مكروه عمى وما تشبكونا كلام كيزان وكلام قيزان دى الحقيقة وشفتو كلامكم المجمغمس بتاع هامش وهوية وظلامات تاريخية دى ما عندو قيمة ووزن ولى يوم يوم القيامة بما بخش راس مواطن بتعريفة .. كدا بس
|
|
 
|
|
|
|
|
|
|
 Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
شابكننا عيال النظام وبذور النظام ، اها الليلة نوريكم ناسكم ديل شوف من جوه ، الواحد منهم تشوفو فى الجرائد وفى المنابر ، نحنا ونحنا الشرف الباذخ ، ونحن الشافو خلو ، ونحن المكحلين بالشطة ومما يجى قدام اعمامك تلقاه مسكيين ومضبلن ويا سعادتك ، ويا جدادتك ، وعليك الله ، ويرقدو فى الارض ، بالله فكونا منهم ، بس فلاحتهم فى الغبش والمساكين ، الضابط فى الجيش الشعبى عاوز يحشش على ناس بوليس الحركة ولا الفدادية بتاعة ( الاستيم ) ولا فى الرعاة فى الخلا ، اها كمان اكلمكم فى ناس منهم بعد فلقصتهم الفارغة دى عينهم تطلع عشان يقابلو موظف من الدرجة (14 ) ، واها الليلة يحلكم منى الجليل ..
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
يا أستاذ/ محمد
سلامات.
لو إفترضنا إن كلامك صحيح 100% فأين الدولة؟؟
لماذا لم تفرض الدولة هيبتها تلك على كل البلد، الخلا والمدن؟
ام أن الدولة في المدينة أسد وفي الخلا نعامة؟؟؟؟
كنت بالمدينة كما كنت بالخلا قريبا. فكلمة أبوالقاسم في قريضة
لها وزن بينما كلمة الرئيس عمر البشير وعلي عثمان وسلفاكير
وكمان نافع لا وزن لها.
كل ذلك أغرى سفهاء القوم بالتمرد، فأصبح التمرد وسيلة للكسب السريع
والرخيص خاصة في ظل عدم وجود مصطلح الحلال في هذه اللعبة. فسرقة أوعملية
نهب واحدة ناجحة كفيلة برفع مستوى الناهب إلى متمرد يستحق التفاوض
وحل مشكلاته الخاصة بتزويده بالمال والسلطة والثروة، والتفاوض في المشكلات
العامة مثل تنمية المنطقة....الخ.
يا محمد
المواجع كثيرة والله المستعان.
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
| Quote: يا جماعة ، بالجد ، وعديل كدا والزعلان يطرشق ، حركات التحرير المنتشرة فى البلد دى من طرف جوه القصر ولا بره كلها ، كلها ، ما عندها موضوع ، وتنظيمات عشوائية ، كل راس مية فيها عامل فيها ابوعرام ، ثلة من الفتوات والبلطجية والقتلة |
سعادة الأمنجي الما ناكرها ولا داسيها لينا زمن ياخ من زمن قتله الهوس الجهوي، وإتضح إن لا قتله الهوس الجهوي ولا حاجة بس كنتا بتضحك علينا ساي لإن الكضب حاشاك، موش لينا طولا ياخ
قصة الفتوات -عارف فتوات ما عندكم، عندكم فارات بس- والبلطجية والقتلة القاعدين في القصر تحديدا،ً المؤتمر الوطني دهـ ما تبعهم ولا شنو؟!! أوعاك تقول لي ما تبعهم نقوم نجيب قوائم الشهداء والذين تم تعذيبهم أو الحرقوا بداخل قراهم-يخضر ضراعك يا أبراهيم شمس الدين- واللآئي تم إغتصابهن-يخضر ضراعك يا مولانا أحمد محمد هارون-، المهم تورينا ديل ضمن شلة البلطجية والقتلة والفتوات ولا لا. أكان بقت الحصة بتاعتك دي تكليف من رئاسة الجهاز لإشانة سمعة الحركات الدارفورية كلمنا ضحى عديل عشان نخليك تسرح براحتك يا شاطر يا جنك تخاطر.
بعدين أمنا حواء التي أجبرتها المباحث الجنائية على التعري أمام ابنائها في التحقيق عملتا لينا فيها شنو ياخ، شايف محجوب حسن سعد وطاقمه في حتتم ياخ، الواضح إنك صامولة صغيرة ما عنتر زي نافع. أقلاو احترم نفسك وكلمتك "المليانة ديك" وكلم لينا نافع دهـ.
طلب أخير "مدخل الخروج" بتاع الصحفي المنبت الرسالي جداً البصاص
ياخ أربطو لينا تمبس دهـ في البيت الزول دهـ فضحكم فضيحة، مسح بي سمعة الجهاز دهـ الأرض، ياخ كلو إلا الأميين الما كملو تعليمم ديل رجاءً يا سعادتو الما خلا عادتو.
مرتضى جعفر
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
الفاضل محمد جمعة
ياخي الموضوع كان واضح منذ البداية لكل ذو بصيرة بس
انت ولاعتبارات سياسية غضيت البصر
لقد عملت الحكومة على تفتيت الحركات المسلحة الى قطع
صغيرة وكل قطعة عندها رئيس وجيش بضباطه وجنوده
وجمعيهم احضروهم الخرطوم وسلموهم القروش والعربات
وخلوهم يحتفظوا بالكاكي والسلاح تتوقع شنو يحصل
هل يعقل ان تكون هذه النتائج غائبة عن صاحب سياسة
التفتيت والتقسيم تلك
اخر سطر
في امثالنا الماثورة (التسوي كريت في القرض تلقاهو في جلدها)
لكن هنا لقيناه في جلد الشعب السوداني
وياريت تكون عفص و دفري بس
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
الترقيات قربت !!!!!!!
قبل سنة تقريبا(اخونا) قال حيكتب عن فساد الانقاذ
والتبقى تبقى ..... قطع عيش، قطع رقبة
هو مستعد
وكب الزوغة.
الحكومة مفروض تكون عاقلة وتقول ( انا ما بفاوض
الا من ارتضى بالديمقراطية والحوار )
ولكن البشير ذات نفسو قال ( نحنا ما بنفاوض
الا من يحمل السلاح)
الاتفاقيات بتعطي ناس السلاح وظائف عسكرية
ويدخلوا بي سلاحهم الخرطوم.
البلد المحن خليهو يلوليهن.
عليك الله يا محمد فصاحتك دي سويها مع الناس السنو السنة السيئة
قبال ما تقبل على الذين اطاعوا امير المؤمنين.
عينك في الفيل ....و لكنه اكل العيش .... طب به نفسا.
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: Zoal Wahid)
|
اكل العيش عندكم انتو ديل ، البخليكم مجبورين تتملقو الغلط وتسكتو عليه ، هسة فى راجل منكم قال غوغ لتحديد الغلطان بالفعل والمبادرة بالاعتداء ، ولا واحد ، وانا كلامى دا قلت زيو واكعب منو وقدام ناس كبار ، وقلتو وبكتبو هنا وفى الجريدة ، لكن انت ناسكم ديل والله العصر البنعصرو فى المكاتب والهوان البنشاف منهم عشان كرسى ولا وظيفة والله تدى ربك العجب وما تحترم زول منهم مش طالعين لينا السما ، اووووووف الحبة دى ما عندهم ، ياخ انا من القرف بقيت اقرا الجرائد من الصفحة الاخيرة
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
Quote: اكل العيش عندكم انتو ديل ، البخليكم مجبورين تتملقو الغلط وتسكتو عليه
، هسة فى راجل منكم قال غوغ لتحديد الغلطان بالفعل والمبادرة بالاعتداء ،
ولا واحد ، وانا كلامى دا قلت زيو واكعب منو وقدام ناس كبار ،
وقلتو وبكتبو هنا وفى الجريدة ، لكن انت ناسكم ديل والله العصر البنعصرو
فى المكاتب والهوان البنشاف منهم عشان كرسى ولا وظيفة
والله تدى ربك العجب وما تحترم زول منهم مش طالعين لينا السما ،
اووووووف الحبة دى ما عندهم ، ياخ انا من القرف بقيت اقرا الجرائد من الصفحة الاخيرة |
(عندكم) ؟؟
اولا انا غير منتمي الى اي تنظيم سياسي لعلمك ...
انا ضد اللف والدوران الذي تمارسونه.
ضد اللعب بالدين و اللعب بحياة المواطنين من اجل المؤتمر الوطني.
ضد ان يركض الوطن نحو الهاوية وانتم ....
انا شخصيا انتقدت مناوي هنا في عدة بوستات .
الخطأ الاكبر تتحمله الانقاذ لانها رضيت بان بتقدم لمفاوضتها من يحمل
السلاح حتى ولو كان عقله خاويا ....
الانقاذ لا تقبل بمن يقارعها الحجة بالحجة او يمنطق الاشياء
انها تبحث عن شركاء عقولهم (في بوتهم) .
قراءتك المقلوبة اتمنى ان تدفعك لمفارقة الانقاذ.
انت لك قلم مبدع ولكنك في مكان خطأ
والمعايش جبارة.
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: شول اشوانق دينق)
|
انا مؤمن ومقتنع بكبكبة كتير من القيادات وضعفها وانو خشمها عريض وحلقها اعرض ورجالتهم بس فى المنابر والجرائد ومحلات النضمى وهناك جوه وبعيد (مساااااااااااااااااكين ) وتعالى هنا هو انتو لو صحى عندكم غبينة البخليكم تنفشو فى المساكين الواحد عندو غنامية وخروف وتلاتة دجاجات فى الكويك والمقنيص شنو ، ما يا ها الناس القتلو ماكلين قروشكم ومطعلين عينكم مشاركنهم فى الحكم وقاعدين وزراء ووزراء دولة كمان .. بالله فكينا
| |
|
|
|
|
|
|
|
|
|
Re: يتادبون امام (نافع ) ويستاسدون على المواطنين والبسطاء ! (Re: محمد حامد جمعه)
|
الأخ محمـد حامـد جمعــة،
ســلام وعيـد مبارك..
عندك زميل صحفى أسمـه أسحق أحمـد فضل الله.
الزول دا أسـاء أسـاءة بالغـة لأمهاتنـا وأخواتنـا فى الشـرق، دون أن يستفـزه
أحـد، تبرع منه فقـط! ولا بد أنك، وكصحفى محتـرف، قبل أن تكون بوردابى، قرأت
ما سطـره فى جريـدة الإنتباهـة أو هنا فى هـذا المنبـر.
فى رأيى ورأى كل من علق على ما كتب، ومنهـم اسلاميون، أن هـذا الرجل غيـر محترم
وبذيئ وسيئ الخلق، فهل يشـرفك أن يكون زميلك فى المهنـة، دون أن تحاول أن
تتبرأ ممـا قال؟
وشكــراً
| |
|
|
|
|
|
|
| |
محمد حامد جمعه
حماد الطاهر عبدالله
Murtada Gafar
شول اشوانق دينق
عبدالله شمس الدين مصطفى
حيدر حسن ميرغني
Abureesh
فيس بوك
تويتر
انستقرام
يوتيوب
بنتيريست